Þjóðviljinn - 21.07.1988, Síða 2
FRETTIR
Grindavík
Gífurlegur samdráttur
Aflinn hefur dregistsaman um 60% frá 1982. Eiríkur Tómasson hjá
Þorbirni h.f.: Förum út ísmáfiskadrápið eins og aðrir, enda stefna
ráðuneytisins. Við ráðum engu um þá ákvörðun
Forsvarsmenn Bifreiða og Landbúnaðarvéla í hinum nýja sýningarsal fyrir Lada bifreiðar að Ármúla 13.
Bílasýning verður í hinum nýju salarkynnum um helgina.
Bifreiðir og Landbúnaðarvélar
Færa út kvíamar
Síðasta árseldust2.800 Ladabílar. íárhafa 1.200 bílargengið út. Gísli
Guðmundssonforstjóri: Við erum meðfáa bíla á lager og hér verða
engar útsölur. Verðið á okkar bílum er sanngjarnt og ryðvörn er
innifalin í því
að er alveg hroðalegt ástand
lyá okkur eins og reyndar
öðrum á þessu svæði allt frá
Hornafírði vestur um að Snæ-
fellsnesi. Hér er mikill samdrátt-
ur í fiskvinnslufyrirtækjum og
við verðum einfaldlega að fara út
í smáfískadrápið eins og aðrir ef
við eigum að rétta okkur af sagði
Eiríkur Tómasson hjá útgerðar-
fyrirtækinu Þorbirni h.f.
Árið 1982 komu um 20 þúsund
tonn af boifiski á land í Grindavík
en á síðustu vertíð var landað
8.500 tonnum. Þessar tölur tala
sínu máli um ástandið en gefum
Eiríki orðið: „Það er pólitísk
ákvörðun að leyfa þessa sókn í
smáfiskinn og við getum engin
áhrif haft þar á. Nú er meðal-
þyngd þess fisks sem að landi
kemur um 2 kfló en var fyrir
nokkrum árum þetta 5-6 kfló. Nú
eru allir að leggja út í fiskeldi í
sjó- og strandkvíum og kaupa
rándýrt fóður fyrir fiskinn þegar
hægt væri að ala hann upp í sjón-
um án nokkurs tilkostnaðar.
Þetta er ískyggileg þróun. Þó
getum við varla haldið að okkur
höndum og horft á aðra standa í
þessu smáfiskadrápi. Við neyð-
umst til þess að taka þátt í þessu.
Það er ekkert annað að gera úr
því ssem komið er.“
í Grindavík hefur atvinnulífið
verið að styrkjast nokkuð á und-
anfömum ámm. Fleiri stunda þar
þjónustustörf en áður var og fisk-
eldið er einnig að hasla sér þar
völl. En samdrátturinn í aðalat-
vinnufyrirtækjum staðarins kem-
ur þungt niður á mjög mörgum.
vegna þess að nú er vinna mikið
minni en áður var.
-gís.
Samdrátturinn í bílasölunni
virðist koma svolítið misjafn-
lega niður á umboðunum. Ut-
sölur á nýjum bflum þar sem af-
slátturinn er allt að 200 þúsund
krónur og að hægt sé að taka bfl-
inn óskráðan og óþrifínn hafa
vakið athygli. Rótgróin fyrirtæki
eins og Veltir h.f. draga saman
seglin og eru jafnvel til sölu á
meðan t.d. Bifreiðar og Land-
búnaðarvélar eru að opna 3.200
fermetra húsnæði fyrir söludeild
sína.
Á þessu ári hefur Lada umboð-
ið selt 1200 bfla. Síðustu tvö ár
seldu þeir um 5300 bfla. Árið
1986 seldust 2500 bflar og 1987
fóru um 2800 nýir bflar á götuna.
Það lætur nærri að 1% þjóðarinn-
ar hafi keypt sér nýja Lada bfla
hvort árið.
í hinu nýja húsnæði er sölu-
deildin nú í 950 fermetra húsnæði
en var áður í 100 fermetra sýning-
arsal að Suðurlandsbraut 14.
Nýja húsnæðið býður upp á fjöl-
þætta möguleika tengda bflasöl-
unni. í kjallara hússins er bfla-
geymsla (1.300 ferm. að flatar-
máii) og í götuhæð er sýningarsal-
ur, bflageymsla og söluskrifstofur
(um 900 ferm.)
Krafla
Ennþá söm
við sig
Ástandið lítið breytt. Jón
Pétur Líndal: Svipað og
fyrri hrinur. Varla búist
við gosi
Krafía hagaði sér með svipuð-
um hætti í gær og hún hefur
gert undanfarnar vikur, nema
skjálftum fækkaði eitthvað. Eng-
ir stórir skjálftar komu eins og á
mánudag og þriðjudag. Nokkrir
tugir ferðamanna hanga þó enn á
svæðinu og mæna eftir gosi.
Jón Pétur Líndal sveitarstjóri í
Helluhreppi sagði Þjóðviljanum
að nokkur brögð væru að því að
fólk færi upp á Leirhnjúk. Það
hefði td. sést til hóps þar úr flug-
vél í gær. En fólk er eindregið
varað við því að fara á Leirhnjúk.
Pétur hafði það eftir Axel
Björnssyni jarðfræðingi að hegð-
un Kröflu nú væri svipuð síðustu
rokum hennar. Engin ástæða
væri til að ætla að hún gysi núna
frekar en þá.
Ólætin í Kröflu hafa staðið í 5
vikur en fyrri hrinur hafa staðið í
um tvo mánuði að sögn Jóns Pét-
urs. Þeir ferðamenn sem bíða
eftir gosi gætu því þurft að bíða í
nokkrar vikur í viðbót áður en
Krafla hættir hrekkjunum.
—hmp
íslenskir
steinar
Opið hús, dagskrá fyrir nor-
ræna ferðamenn og aðra gesti
verður í Norræna húsinu í kvöld
kl. 20.30.
Að þessu sinni er Sveinn Jak-
obsson jarðfræðingur fyrirlesari
kvöldsins. Hann talar á dönsku
um íslenska steina, en um þessar
mundir stendur einmitt yfir sýn-
ing á íslenskum steinum í anddyri
Norræna hússins. Eftir kaffihlé
verður sýnd kvikmynd Ósvalds
og Vilhjálms Knudsens „Eldur í
Heimaey“ með dönsku tali.
Allir eru velkomnir og að-
gangseyrir er enginn.
Verkamannabústaðir
Aðeins fjórði hver fær úthlutað
Óvíst hvort borgarstjórnarmeirihlutinn sœki r umféfyrir kaupleiguíbúðirfyrir nœsta ár.
Afundi borgarráðs í fyrradag
var samþykkt tillaga meiri-
hluta Sjálfstæðisfíokks um að út-
hlutað skyldi lóðum fyrir 100
íbúðir verkamannabústaða.
Framkvæmdir við þessar íbúðir
eiga að hefjast á næsta ári og eiga
þær að afhendast árið 1990. Full-
trúar minnihlutans í borgarráði
lögðu fram __ bókanir við þessa
samþykkt. Ástæða bókana var
undrun yfír tillögugerð sjáfstæð-
ismanna þar sem viðurkennt er
að þörfín á verkamannabústöð-
um er meiri en núverandi fram-
boð, en samt sem áður eru engar
breytingar áætlaðar á fjölda
þeirra íbúða sem lagt er til að
byggðar verði.
„Það er nánast óþekkt að skrif-
leg tillaga af þessari gerð komi frá
meirihlutanum. Þeir fylgja til-
lögum úr hlaði með lýsingum á
ástandinu og að þeir séu fleiri
sem eiga full réttindi á verka-
mannabústöðum en fá, en leggja
síðan til óbreytta tölu um fjölda
þeirra íbúða sem á að byggja. Um
mörg undangengin ár hafa verið
byggðar um 100 íbúðir á ári. Þeir
töluðu um stefnubreytingu í þess-
um málum, en mér er hulið í
hverju hún á að vera fólgin,“
sagði Sigrún Magnúsdóttir, borg-
arfulltrúi Framsóknarflokksins í
samtali við Þjóðviljann.
Nœgir engan veginn
Bjarni P. Magnússon, Alþýðu-
flokki sem er áheyrnarfulltrúi í
borgarráði sagðist telja að Sjálf-
stæðisflokkurinn hefði slæma
samvisku í þessum málum, sér-
staklega þar sem þeir hefðu ekki
nýtt sér rétt til peninga til bygg-
ingar kaupleiguíbúða á þessu ári.
„Það kom okkur í minnihlutan-
um á óvart hversu mjög þeir
halda verkamannabústöðum á
lofti í þessari tillögu og fannst
sem að framhald tillögunnar
gerði ráð fyrir að nú ætti að bæta
um betur. En svo var ekki og 100
íbúðir nægja auðvitað engan veg-
inn. Þessi áhersla kemur eflaust
til vegna þess að þeir hafa slæma
samvisku út af að hafa misst af
kaupleiguíbúðafénu sem borgin
átti rétt á,“ sagði Bjarni. Bjarni
tiltók einnig sem ástæðu að ekki
hefði verið um lóðir fyrir fleiri
íbúðum, að það væri einfaldlega
skortur á lóðum í borginni og sér-
staklega fjölbýlishúsalóðum og
það þrátt fyrir orð Davíðs Odds-
sonar um hið gagnstæða.
Minnihlutinn mun hins vegar
bera upp á næsta borgarráðs-
fundi, sem verður á þriðjudaginn
kemur, tillögu um að Reykjavík-
urborg nýti sér þann rétt til að
fjármagn til byggingar kaupleigu-
íbúða sem hún á, fyrir næsta ár.
Umsóknarfrestur fyrir borgina til
að sækja um það fé rennur út
þann 1. ágúst og meirihlutinn
verður því að svara því á þeim
fundi hverni| hann hyggst taka á
því máli. „Eg er ekki það spá-
mannslega vaxinn að ég treysti
mér til að segja til um það, en ég
óttast hið versta," sagði Bjarni.
Óttast þensluáhrif
Katrín Fjeldsted, borgarfulltrúi
Sjálfstæðisflokksins sagði að
bygging verkamannabústaða
væri langtímaverkefni og jafnvel
þó þörfin á þessum íbúðum væri
mikil, væri þetta spurning um
forgangsröð. „Eitt hundrað íbúð-
ir á ári er ekki lítið og ekki til að
gera lítið úr. Þetta er spuming um
fjármagn og það er takmarkað.
Svo verður líka að hugsa um þen-
sluáhrifin, sem svona byggingarf-
ramkvæmdir hafa og sem menn
eru alltaf að kvarta um.“ Að-
spurð um hvort meirihluti sjálfs-
tæðismanna muni sækja um fé til
byggingar kaupleiguíbúða fyrir
næsta ár, sagði Katrín að um það
hefði ekki enn verið tekin
ákvörðun. „Persónulega tel ég að
verkamannabústaðir hafi komið
vel út og sé ekki að kaupleigu-
íbúðir hafi svo mikla kosti fram
yfir það kerfi. Við viljum frekar
efla verkamannabústaðina,“
sagði Katrín.
Yfir 800 umsóknir
Umsóknir um verkamanna-
bústaði á síðasta ári voru 845, en
þá voru liðlega tvöhundmð íbúð-
ir sem komu til úthlutunar. Páll
Magnússon, formaður stjórnar
verkamannabústaða sagðist bú-
ast við að ástandið yrði svipað í
ár, næst þegar verkamannabú-
staðir verða auglýstir Iausir til
umsókna í nóvember. „Lóðaút-
hlutun borgarráðs núna er eigin-
lega byrjun á umsókn okkar um
lán fyrir þessar íbúðir í Bygginga-
sjóði verkamanna. Það fer eftir
þeim fjölda lóða sem við fáum
úthlutað, hvaða lán við getum
sótt um. Hingað til hefur ekki
staðið á því að við höfum fengið
lán fyrir þeim íbúðum sem um
hefur verið sótt, enda þörfin mun
meiri en framboðið. Ef við fengj-
um fleiri lóðir og meira fjármagn
til að gera betur stæði ekki á okk-
ur,“ sagði Páll Magnússon.
-phh.
2 SÍÐA - ÞJÓÐVILJINN Flmmtudagur 21. júlí 1988