Þjóðviljinn - 23.08.1988, Blaðsíða 4
FRETTIR
Vistunarheimili
- Öskjuhlíðarskóli
Vistunarheimili óskast fyrir væntanlega nemend-
ur skólaárið 1988-89. Nánari upplýsingar um
greiðslur og fyrirkomulag hjá félagsráðgjafa í
síma 689740 fyrir hádegi.
Frá menntamálaráðuneytinu:
Lausar stöður við framhaldsskóla.
Að Fjölbrautaskólanum í Breiðholti vantar stundakennara í ís-
lensku, líffræði og handmenntum (handavinnukennari eða fata-
hönnuður). Þá vantar einnig ritara. Nánari upplýsingar veitir skóla-
meistari í síma 91-75600.
Umsóknarfrestur um áður auglýstar kennarastöður í dönsku og
þýsku við Framhaldsskóla Austur-Skaftafellssýslu framlengist
til 26. ágúst næstkomandi.
Umsóknir ásamt upplýsingum um menntun og fyrri störf sendist
Menntamálaráðuneytinu, Hverfisgötu 6, 150 Reykjavíkur, fyrir 26.
ágúst nk.
Umsóknir um stundakennslu sendist skólameistara viðkomandi
skóla.
Menntamálaráðuneytið
VEISTU ...
að aftursætið
fer jafhhratt
og framsætið.
SPENMJM BELTIN
iivar sem við sitjum
í bílnum.
ÚUMFERÐAR
RÁÐ
4LÞÝÐUBANDALAGIÐ
Opnir fundir á Austurlandi
í tengslum við vinnufund þingflokks Alþýðubandalagsins á Hall-
ormsstað í ágústlok boðar þingflokkurinn í samvinnu við kjördæmis-
ráð á Austurlandi til fimm opinna stjórnmálafunda þar sem þingmenn
ræða landsmálin og áherslur Alþýðubandalagsins.
Fjórir fundir verða samtímis, mánudagskvöldið 29. ágúst kl. 20.30.
Egilsstöðum, framsögumenn Steingrimur J. Sigfússon, Guðrún
Helgadóttir og Geir Gunnarsson.
Seyðisfirði, framsögumenn Ólafur Ragnar Grímsson og Hjörleifur
Guttormsson.
Reyðarfirði, framsögumenn Svavar Gestsson og Skúli Alexanders-
son.
Breiðdal, Staðarborg, framsögumenn Ragnar Arnalds og Margrét
Frímannsdóttir.
Síðdegis miðvikudaginn 31. ágúst heimsækja þingmenn Neskaup-
stað og um kvöldið kl. 20.30 verður fundur í Egilsbúð þar sem fluttar
verða framsöguræður og þingmenn sitja fyrir svörum.
Fundimir eru öllum opnir.
Fjölmennið og kynnist stefnu og úrræðum Alþýðubandalagsins!
Þingflokkur Alþýðubandalagsins
Kjördæmisráð AB á Austurlandi
ÆSKULÝÐSFYLKINGIN
Úthafsrækja á úrvalsverði
Erum að selja úthafsrækju, stóra og girnilega. Frábært verð. Sendum heim.
Upplýsingar í síma 17500 á skrifstofutíma.
Æskulý&sfylking Alþýðubandalagsins
Efnahagsnefnd AB
Starfsemin á „gráamarkaðnum“
verði ítarlega rannsökuð
Erindiefnahagsnefndar Alþýðubandalagsins til viðskiptaráðherra.
Itarlegskoðun ágráa markaðnum. Auknar heimildir til
bankaeftirlitsins
Eftirfarandi bréf sendi efnahags-
nefnd Alþýðubandalagsins til við-
skiptaráðherra Jóns Sigurðs-
sonar í gær:
Hr. viðskiptaráðherra
Jón Sigurðsson
Viðskiptaráðuneytinu
Reykjavík
Á undanförnum árum hefur
þróast í landinu víðtæk starfsemi
nýrra fjármálafyrirtækja sem oft
eru nefnd „grái markaðurinn“ í
peningamálum. Þessi fyrirtæki
eru af ýmsu tagi: ávöxtunarfyrir-
tæki, fjármögnunarfyrirtæki,
kaupleigufyrirtæki og verðbréfa-
sjóðir. Þegar ríkisstjórn Stein-
gríms Hermannssonar gaf vext-
ina frjálsa og markvissri stýringu
á lánskjörum var hætt þá hófst
mikið vaxtarskeið á „gráa mark-
aðnum“ sem haldið hefur áfram í
tíð núverandi ríkisstjórnar.
Þessi mikli vöxtur fyrirtækj-
anna á fjármagnsmarkaðnum
hefur hins vegar að mestu verið
án formlegs eftirlits af hálfu opin-
berra aðila. Bankastjóri Seðla-
bankans hefur nýlega staðfest að
sáralitlar reglur gildi um starf-
semi fjármagnsfyrirtækjanna og
því hafí bankaeftirlitið lítið við að
styðjast í sínu aðhaldi. Réttur
banícaeftirlitsins sé nú í reynd
ákaflega takmarkaður. Fjár-
magnsfyrirtækin eru því að mestu
sjálfala og eftirlitslaus og fá að
valsa um „gráa markaðinn" án
þess að formleg lög og reglur
tryggi öryggi þeirra sem fela þess-
um fyrirtækjum fjármuni til
ávöxtunar.
Að undanförnu hefur efna-
hagsnefnd Alþýðubandalagsins
rætt við fjölmarga aðila sem
gjörkunnugir eru því sem í raun
er að gerast í fjármálalífi og at-
vinnurekstri í landinu. Þessar
viðræður efnahagsnefndarinnar
eru liður í því að afla upplýsinga
um hinar raunverulegu afleiðing-
ar ríkjandi stjórnarstefnu og það
ástand sem skapast hefur á vett-
vangi atvinnulífs og heimilis-
rekstrar.
Meðal þeirra mikilvægu upp-
lýsinga sem komið hafa fram í
viðræðum efnahagsnefndarinnar
við kunnáttumenn úr fjármálalíf-
inu er að alvarleg hættumerki
hafi komið fram innan hins svo-
kallaða „grá markaðar". Þar hafi
ýmiss fyrirtæki ávaxtað fjármun-
ina á óvarlegan hátt m.a. með því
að lána öðrum fyrirtækjum sem
rekstrarlega séu illa á vegi stödd
og jafnvel beint og óbeint keypt
sig inn í rekstur margvíslegra fyr-
irtækja sem ekkert eiga skylt við
fjármagnsþjónustu og sum
standa jafnvel höllum fæti.
í þessu sambandi vill efnahags-
nefnd Alþýðubandalagsins
minna viðskiptaráðherra á að í
nýlegu blaðaviðtali lýsti hann
nauðsyn þess að „tekið yrði á
tengslunum milli viðskiptavina
og fjárfestingarfélaganna sem
tryggði að fyrirtækin væru ekki
eigendur að þeim fyrirtækjum
sem þau væru að lána til.“
Á grundvelli þeirra upplýsinga
sem efnahagsnefnd Alþýðu-
bandalagsins hefur aflað teljum
við ástæður til að ætla að eitt og
jafnvel fleiri af þeim fjármagns-
fyrirtækjum sem nú starfa á „gráa
markaðnum“ kunni að komast í
þrot og fjármunir þess fólks sem
fyrirtækið hefur fengið til ávöxt-
unar séu þar með ekki örugglega
tryggðir. Efnahagsnefndin telur
því mikið hættuspil fyrir
stjórnvöld að bíða eftir því að
einhvern tíma á næsta vetri fáist
heimildir til að tryggja nauðsyn-
legt eftirlit með starfsemi fjár-
magnsfyrirtæk j anna.
Efnahagsnefnd Alþýðubanda-
lagsins beinir þess vegna eftirfar-
andi kröfum til viðskiptaráðherra
og ríkisstjórnarinnar allrar:
1) Þegar í stað verði gerðar
nauðsynlegar ráðstafanir til að
láta bankaeftirlitið framkvæma
ítarlega skoðun á starfsemi allra
fjármálafyrirtækja á „gráa mark-
aðnum“, sérstaklega varðandi
tengsl þeirra við önnur fyrirtæki
og öryggi þess fjár sem þau hafa
fengið til ávöxtunar. í þessu skyni
verði beitt heimildum í gildandi
lögum um bankaeftirlit, bókhald
og skattskyldu.
2) Til að veita bankaeftirlitinu
viðbótarheimildir sem nauðsyn-
legar eru til að tryggja ítarlega
skoðun á þessum fjármálafyrir-
tækjum verði undirbúin setning
bráðabirgðalaga strax í þessum
mánuði um eftirlit með starfsemi
fjármálafyrirtækja. Með slíkum
bráðabirgðalögum ætti einnig að
banna að fjármálafyrirtækin safni
með beinum eða óbeinum hætti
eignaraðild í öðrum og óskyldum
atvinnurekstri. Alþýðubandalag-
ið er fyrir sitt leyti reiðubúið að
taka þátt í undirbúningi slíkra
bráðabirgðalaga til að tryggja að
bankaeftirlitið geti þegar á næstu
vikum framkvæmt hið nauðsyn-
lega eftirlit. Það er hættulegt að
bíða marga mánuði eftir því að
bankaeftirlitið fái slíkar rann-
sóknarheimildir. Auk þess að
veita rannsóknarheimildir þurfa
bráðabirgðalögin að skylda alla
ávöxtunaraðila á gráa markaðn-
um til að fara í þá fjármálalegu
heilbrigðisskoðun sem hér er
gerð tillaga um.
3) Undirbúningi að víðtækri
löggjöf um starfsemi allra fjár-
málafyrirtækja verði hraðað og
strax skipuð samstarfsnefnd allra
þingflokka um málið svo að
tryggt sé að Alþingi geti í upphafi
þings sett slík Iög.
4) Að sett verði á fót sérstök
ráðgjafarþjónusta við einstakl-
inga og fyrirtæki sem sérstaklega
hafa orðið fyrir barðinu á okur-
lánastarfseminni.
Efnahagsnefnd Alþýðubanda-
lagsins fer hér með formlega fram
á það við viðskiptaráðherra og
ríkisstjórnina í heild að þegar í
stað verði gripið til framan-
greindra aðgerða til að fyrir-
byggja að illa fari á þessum pen-
ingamarkaði sem hingað til hefur
verið eftirlitslaus.
Efnahagsnefnd Alþýðubanda-
lagsins minnir viðskiptaráðherra
á að í apríl 1986 fluttu þáverandi
formaður Alþýðubandalagsins
Svavar Gestsson og formaður Al-
þýðuflokksins Jón Baldvin
Hannibalsson ítarlegar breyting-
artillögur við lögin um Seðla-
banka íslands til að tryggja að
bankaeftirlitið hefði nauðsyn-
legar eftirlitsheimildir. Því miður
voru þessar tillögur ekki sam-
þykktar og þess vegna er brýnt að
veita bankaeftirlitinu þessar
Iagaheimildir, jafnvel með
bráðabirðgalögum sem sett yrðu
á næstunni.
Efnahagsnefndin sendir einnig
afrit af þessu bréfi til Þorsteins
Pálssonar forsætisráðherra,
Steingríms Hermannssonar og
Matthíasar Á. Mathiesen en þeir
voru forsætisráðherra og við-
skiptaráðherra þegar vöxtunum
var sleppt lausum og bera því
einnig pólitíska ábyrgð á núver-
andi ástandi.
Við væntum þess að fá svar við
þessu erindi strax í þessari viku
því að töf á heimildum til að
framkvæma hið nauðsynlega eft-
irlit getur orðið mörgum dýr-
keypt.
F.h. efnahagsnefndar
Alþýðubandalagsins
Ólafur Ragnar Grímsson
Steingrímur J. Sigfússon
Svavar Gestsson
Svanfríður Jónasdóttir
4 SÍÐA - ÞJÓÐVILJINN Þriðjudagur 23. ágúst 1988