Þjóðviljinn - 23.08.1988, Blaðsíða 10

ÍÞRÓTTIR
Agúst Már Jónsson og Kristján Jónsson kljást um boltann í viðureign KR og Fram á sunnudag.
1. deild
SHGAMET
Birkirfékk á sig mark eftir 739 mínútur
Frömurum nægir nú einn sigur
í þeim fjórum leikjum sem eftir
eru í SL-deildinni, til að hreppa
Islandsmeistaratitilinn í knatt-
spyrnu eftir 2-1 sigur á K.R. á
sunnudagskvöldið. Framarar
hafa aukinheldur sett stigamet í
deildinni, því eftir að þriggja
stiga reglan var tekin upp árið
árið 1984 hefur mótið aldrei unn-
ist með meira en 38 stigum.
Framarar hófu leikinn gegn
K.R.-ingum með miklum látum
og eftir aðeins þriggja mínútna
leik lá knötturinn í netinu bakvið
Stefán “markvörð" Arnarsson.
Ormarr Örlygsson fékk þá fal-
lega sendingu frá Kristjáni
Jónssyni sem hann afgreiddi lag-
lega með vinstri fæti utan úr teig.
Fimm mínútum síðar átti Arn-
ljótur Davíðsson hörkuskot í
stöng K.R.-marksins, og hann
var aftur á ferðinni á 24. mínútu
þegar hann stakk glæsilega inn á
Pétur Arnþórsson sem lék á einn
Vesturbæing áður en hann
skoraði með föstu skoti.
Eftir markið komust K.R.-
ingar betur inn í leikinn, án þess
að skajta sér veruleg marktæki-
færi. A 43. mínútu áttu Vestur-
bæingar þó hættulega sókn sem
endaði með góðu skoti Jósteins
sem. Birkir varði vel.
K.R.-ingar komu ákveðnir til
leiks í síðari hálfleik og sóttu
meira. Framarar áttu þó hættuleg
skyndiupphlaup og tvisvar komst
Arnljótur einn inn fyrir en í bæði
skiptin var varið. A 74. mínútu
bar sókn K.R.-inga árangur er
Þorsteinn Halldórsson sendi háa
sendingu fyrir Frammarkið þar
sem Sæbjörn Guðmundsson stóð
skyndilega einn og óvaldaður og
hann skoraði laglega með við-
stöðulausu skoti. Fyrsta markið
sem Birkir Kristinsson fær á sig í
tvo mánuði eða síðan á 55. mín-
útu í leik gegn K. A. sem fram fór
20. júní.
Það sem eftir lifði leiks press-
uðu K.R.-ingar nokkuð, en það
voru þó Framarar sem voru nær
því að bæta við marki á lokamín-
útunum þegar Ómar Torfason
komst einn inn fyrir K.R.-
vörnina en Stefán markvörður
bjargaði með snyrtilegu úthlaupi.
Sigur Framara var aldrei í
verulegri hættu, þrátt fyrir snjall-
an leik Vesturbæinga í seinni
hálfleik, marktækifærin voru
flest eign þeirra bláklæddu þó svo
þeir hafi oft leikið betur í sumar.
Hjá K.R. voru Rúnar, Sæbjörn
og Júlíus Þorfinnsson frískastir
en í jöfnu liði Framara var það
baráttujaxlinn Pétur Arnþórsson
sem stóð upp úr.
SMS
1. deild
Völsungur og
Leiftur niður
NGrðanliðum fœkkar vœntanlega um
tvö
Staðan
1. deild
Fram .. 14 13 1 0 29-3 40
Valur .. 14 9 2 3 25-12 29
ÍA .. 14 8 3 3 25-19 27
KA .. 14 7 2 5 25-22 23
KR .. 14 7 1 6 21-18 22
Þór .. 14 4 5 5 18-21 17
ÍBK .. 14 3 5 6 16-24 14
Víkingur .. 14 3 3 8 11-21 12
Leiftur . 14 1 4 9 9-19 7
Völsungur 14 1 2 11 8-21 5
Staða Leifturs, frá Ólafsfírði,
og Völsungs, frá Húsavík, fer
versnandi og virðist fátt geta
komið í veg fyrir að norðanliðum
fækki um tvö þar sem FH og Fylk-
ir eru á leið upp í 1. deild.
Völsungar voru teknir í bakarí-
ið á heimavelii sínum þegar ná-
grannar þeirra í KA unnu þá með
fjórum mörkum gegn engu. Þor-
valdur Örlygsson og Jón Krist-
jánsson skoruðu í fyrri hálfleik og
í þeim síðari bætti Þorvaldur öðru
marki við og Erlingur Kristjáns-
son skoraði síðan fjórða markið í
þessum stórsigri. Völsungar áttu
aldrei möguleika í leiknum en
KA-ingar, sem hafa komið
skemmtilega á óvart í sumar,
hafa greinilega sett stefnuna á
þriðja sætið og þá mögulega Evr-
ópusæti.
Leiftur tapaði naumlega fyrir
ÍBK, 2-1, og setur ósigurinn liðið
í slæma stöðu. Keflvíkingar
hreinsuðu sig hins vegar frá
mestu fallhættunni en Leifturs-
sigur hefði breytt miklu í fallbar-
áttunni. Grétar Einarsson og Óli
Þór Magnússon komu ÍBK í 2-0
en Hafsteinn Jakobsson minnk-
aði muninn fyrir Leiftur skömmu
fyrir Ieikslok.
ENIGAMENIGA KOSTAR ENGA PENINGA
SPORTBÍLL OG SPÍTTBÁTUR
Bikarkeppni kvenna
Enn vinna
Valsstúlkur
Skagamenn náðu ekki að stöðva
sigurgöngu Vals
Valsstúlkur urðu bikarmeist-
arar eina ferðina enn er þær sigr-
uðu kynsystur sínar af Skaganum
á sunnudaginn. Þetta er jafn-
framt fímmti bikarmeistaratitill
Vals í röð.
Skagastúlkur léku undan
strekkingsvindi í tíðindalitlum
fyrri hálfleik og áttu eina mark-
tækifærið á 15. mínútu, er Jónína
Víglundsdóttir átti gott skot á
Valsmarkið en Sigrún markvörð-
ur Norðfjörð varði á undraverð-
an hátt.
í síðari hálfleik náðu Vals-
stúlkur yfírhöndinni, þær voru
meira með boltann án þess þó að
skapa sér teljandi marktækifæri
fyrr en á 60. mínútu. Eftir langt
útspark barst boltinn til Bryndís-
ar Valsdóttur sem komst inn fyrir
vörn ÍA og skoraði framhjá
Steindóru Steinsdóttur mark-
verði. Það sem eftir lifði leiks var
hart barist en ekkert skorað og
lauk leiknum því með 1-0 sigri
Vals. Hafa stúlkurnar unnið öll
mót kvennaknattspyrnunnar í ár,
innanhúss sem utan, og verður
það að teljast einstaklega glæsi-
legur árangur.
-kb/þöm
Bikarinn hafinn á loft í fimmta skipti í röð. Hvernig væri að gerast
áskrifandi?
Flugleiðamótið
Úrslit
Ísland-Tékkóslóvakía.........23-17
Sovétríkin-Ísland-B .........37-16
Spánn-Sviss .................20-17
Ísland-Sviss.................19-20
Spánn-Sovétríkin ............20-28
Tékkóslóvakía-Ísland-B......27-19
ísland-ísland-B..............33-19
Spánn-Tékkóslóvakía.........16-15
Sviss-Sovétríkin.............11-22
Staðan
Sovétríkin.....3 3 0 0 87-49 6
ísland.........3 2 0 1 75-56 4
Spánn .........3 2 0 1 56-60 4
Tékkóslóvak....3 1 0 2 59-58 2
Sviss..........3 1 0 2 48-61 2
Ísland-B ......3 0 0 3 56-97 0
í gær
fóru Ragnhildur Sigurðardóttir og
Karen Sævarsdóttir ásamt fleira ung-
lingalandsliðsfólki til Belgíu á Evrópu-
mót unglinga í golfi. Landinn má bú-
ast við miklu af þeim eftir frábæran
árangur á Norðurlandamótinu um
helgina.
1. deild
Skaginn vann
Akurnesingar sigruðu Víkinga
í Stjörnugrófínni í Fossvogi í gær-
kvöld. Skaginn skoraði tvisvar en
Víkingur aðeins einu sinni og eru
Víkingar því enn í fallhættu.
Skaginn er hins vegar í þriðja
sætinu og ef Valur vinnur Bikar-
inn er góður möguleiki á að Akra-
nes komist í Evrópukeppni félags-
liða.
10 SIÐA - ÞJÓÐVILJINN