Þjóðviljinn - 18.10.1988, Blaðsíða 16
-SPURNINGIN'
Eru ný viðhorf að koma
upp í hvalveiðimálum í
Ijósi nýjustu viðskipta-
atburða?
Svanhildur Skaftadóttir,
framkvæmdastjóri Landverndar:
Þetta eru aö minnsta kosti tíðindi
sem við höfum búist við lengi, og
reyndar varað við.
Ásta Þorleifsdóttir,
jarðfræðingur:
Já, ég held að almenningur sé að
gera sér grein fyrir því að það
þýðir ekkert að halda þessum
hvalveiðum til streitu. Allra hluta
vegna.
Bryndís Brandsdóttir,
jarðfræðingur:
Fyrst og fremst verðum við að
verja fiskútflutninginn beggja
vegna Atlantshafsins, en síðan
getum við tekið upp hvalveiðipól-
itískar umræður í Alþjóðahval-
veiðiráðinu 1990.
Guölaug Böðvarsdóttir,
afgreiðslustúlka:
Ég hef ekkert fylgst með þessum
málum, en mér finnst í góðu lagi
að veiða hvali.
Arnþór Arason,
jarðfræðingur:
Við hljótum að verða að horfast í
augu við staðreyndir og beygja
okkur í þessu máli.
þJÓÐVILIINN
Þriðiudagur 18. október 227. tölublað 53. órgangur
SÍMI 681333
Á KVÖLDIN
681348
Á LAUGARDÖGUM
681663
Auður Sveinsdóttir setur kynningarfund Landverndar um endur-
vinnslu úrgangsefna. Mynd: ÞÓM.
Endurvinnsla
Bobbingar
úr bðdekkjum
Landverríd: Þörfá hugarfarsbreytingu með
þjóðinni hvað varðar endurnýtingu og
endurvinnslu úrgangsefna. Samtökin selja
endurunninn pappír til Ijósritunar og
prentunar
Við hjá Gúmmívinnslunni á
Akureyri þykjumst hafa sýnt
fram á að endurvinnsla er raun-
hæfur möguleiki sem á fullan rétt
á sér hér á landi, sagði Þórarinn
Kristjánsson er hann greindi frá
endurvinnslu fyrirtækisins á
kynningarfundi Landverndar í
gær um endurvinnslu úrgangs-
efna. Meðal þess sem þannig
verður til nefndi Þórarinn
gúmmímottur sem gerðar eru
fyrir heimili, vinnustaði og gripa-
hús; millibobbinga; ýmiss konar
umferðarvörur, og gúmmíhellur.
Síðasttaldi varningurinn hent-
ar vel í sólpalla, garðskála, í
kringum sundlaugar og síðast
ekki síst á leikvelli barna þar sem
hellumar eru allt í senn mjúkar,
stamar og verða aldrei mjög kald-
ar viðkomu. En það er þjófur í
þessari paradís í líki tolla-
breytinga síðustu ríkisstjórnar;
að sögn Þórarins hefur orðið
verulegur samdráttur í ýmsum af
þessum framleiðsluvörum .vegna
aukins innflutnings, en í sumum
tilfellum iækkaði tollurinn úr
hundrað prósentum niður í
blanka núll. Þetta á til dæmis við
um gúmmíhnalla sem notaðir eru
sem undirstöður og ballest fyrir
umferðarmerki, og sagði Þórar-
inn að á formi slíkra hnalla flytt-
um við nú inn danskt sorp í stór-
um stíl.
Annað íslenskt endurvinnslu-
fyrirtæki var kynnt á Landvernd-
arfundinum í gær, Silfurtún hf. í
Garðabænum, en þar eru gerðir
eggjabakkar úr úrgangspappír.
Friðrik Jónsson gerði grein fyrir
þeirri vinnslu, og sagði að fyrir-
tækið væri nú með um fjórðapart-
inn af eggjabakkamarkaðinum
hér á landi, og að sú hlutdeild færi
vaxandi. Hann sagði að byrjunar-
örðugleikamir samfara þessari
vinnslu væru nú að mestu að
baki, og að innan tíðar yrði því
bryddað upp á nýjungum hvað
viðkæmi pappírsendurvinnsl-
unni.
Landvemd, landgræðslu- og
náttúruvemdarsamtök íslands,
hófu á síðastliðnu sumri innflutn-
ing og sölu á endumnnum pappír
sem framleiddur er í Vestur-
Þýskalandi, til ljósritunar og
prentunar, en fram að því hafði
slíkur pappír verið ófáanlegur
hér á landi. Svanhildur Skafta-
dóttir, framkvæmdastjóri sam-
takanna, sagði að tvö ár að
minnsta kosti væru síðan fyrst
hefði verið reynt að vekja áhuga
innflytjenda á endurunnum
pappír, en þá hefði verið talað
fyrir daufum eyrum. Hún sagði
að áhuginn væri nú orðinn tals-
verður; margir skólar kaupa nú
slíkan endurunninn pappír, og
eins nokkur sveitarfélög.
Svanhildur sagði að verðið á
þessum ljósritunarpappír væri í
lægri kantinum, og að lands-
mönnum gæfist nú kostur á að
sýna áhuga sinn á umhverfis-
vemd ekki aðeins í orði, heldur
einnig á borði. Þá verður endur-
unninn tölvupappír fáanlegur hér
á landi hvað líður, en Landvemd-
arfólk fær hann fljótlega til
reynslu.
Kynningarfundurinn var hald-
inn í samvinnu við þýska pappírs-
endurvinnslufyrirtækið Stein-
beis, en það stendur framarlega í
sinni grein á meginlandinu. I máli
talsmanna þess kom fram að ork-
usparnaðurinn við endurvinns-
luna, samanborið við nývinnslu,
nemur allt að því helmingi. Enn-
fremur að miklu minna þurfi af
fersku vatni til framleiðslunnar
og að loftmengun sé hverfandi
miðað við nýframleiðslu.
í fréttatilkynningu Landvernd-
ar í tilefni þessa kynningarfundar
segir að endurvinnslumálum hafi
því miður verið gefinn allt of lítill
gaumur hér á landi, og því sann-
arlega þörf á hugarfarsbreytingu
með þjóðinni í þessum efnum.
Með því að stuðla að endurný-
tingu úrgangsefna getum við -
segir Landverndarfólk - hafið
sjónarmið nýtingar og hagsýni til
vegs með þjóðinni; minnkað
kostnað og mengun vegna sorp-
eyðingar til mikilla muna; sparað
auðlindir jarðar, og minnkað
mengun og orkunotkun. Og að
sjálfsögðu var fréttatilkynningin
sú ama prentuð á 100% endur-
unninn pappír.
HS