Þjóðviljinn - 22.10.1988, Blaðsíða 3

FRETTIR
Ferðamál
Vextir
Fjárlög ráða vaxtamun
Nafnvextir lœkkuðu ígœr. Raunvextir virðast lœkkandi. Enn mikil
eftirspurn eftir lánsfé. Minnst lœkkun á verðtryggðum skuldabréfum
Nafnvextir lækkuðu allt frá 0,3-
4,2% í gær. Mest varð lækk-
unin á vöxtum viðskiptavíxla en
minnst á verðtryggðum skulda-
bréfum. Seðlabankinn hefur ekki
kannað þróun vaxtamunar á und-
anförnum vikum og mánuðum en
Eirikur Guðnason aðstoðar-
bankastjóri bankans segir að þró-
unin virðist vera í átt til minni
vaxtamunar. Hvort fjárlög verði
afgreidd með tekjuafgangi eða
ekki ráði mestu um vaxtamuninn.
Svo tekin séu nokkur dæmi um
lækkun vaxta þá lækkuðu vextir á
almennum sparisjóðsbókum um
2%, þeir voru 9% þann 11. okt-
Rótarrokk
Bflskúrar
og plast
Stiftamtmannsvalsinn,
Myrkramanía og
Sogblettir meðal flytjenda
Útvarp Rót heldur þriðju rokk-
tónleika sína í kvöld. 17 hljóm-
sveitir höfðu tilkynnt þátttöku
seinni partinn í gær að sögn út-
varpsstjóra, og var hann ekki í
vafa um að fleiri myndu bætast í
hópinn. Staður og stund er risið
að Hverfísgötu 105 klukkan 9 í
kvöld, og stendur tónleikahaldið
fram á nótt.
- Þetta er allt frá nýbyrjuðum
bílskúrshljómsveitum og upp í
þær sem eru svo forframaðar að
hafa komið á plast, sagði út-
varpsstjórinn á Rótinni, Jón
Helgi Þórarinsson, í spjalli við
blaðamann í gær, og nefndi
nokkrar af handahófi: Ham,
Bleiku bastarnir, Sogblettir, Ex,
Vapp, Myrkramanía, Bootlegs,
Stiftamtmannsvalsinn, Kjósið
okkur og Leiksvið fáránleikans.
Rótin útvarpar beint frá tón-
leikum sínum, en þeir eru einn
liður af mýmörgum á Tónlistar-
deginum í dag. HS
Fasteignagjöldin
óber en eru nú 7%. Vextir á
óverðtryggðum skiptikjarareikn-
ingum, óverðtryggðum í eitt ár
lækkuðu um 3,8% og víxillán um
2,5% að meðaltali en hæstu víxil-
vextir lækkuðu um 0,5%. Hæstu
vextir verðtryggðra skuldabréfa
lækkuðu um 0,5% en að meðal-
tali lækkuðu þeir um 0,3%.
Hæstu vextir viðskiptavíxla lækk-
uðu um 4,2% en að meðaltali um
4%.
Vextir á víxlum eru nú 17,2-
20%, 20,5-21% á óverðtryggðum
skuldabréfum og um 8,7% á
verðtryggðum skuldabréfum. Á
óverðtryggðum eins árs skipti-
kjarareikningum eru vextir 11,5-
14%. Eiríkur Guðnason sagði í
gær að erfiðara væri að segja til
um vaxtamuninn. Það sem gæti
lækkað hann væri minnkandi
eftirspurn eftir lánsfé sem virtist
ekki eiga sér stað þó erfitt væri að
sjá slíkt á nokkurra vikna þróun.
Áugu manna beindust að ríkinu
sem hefði þurft að fjármagna
mikinn halla með lántökum.
„Það yrði gjörbreyting á ef fjár-
lög yrðu afgreidd með tekjuaf-
gangi,“ sagði Eiríkur.
Eiríkur sagði það einna athygl-
isverðast í stöðunni nú, að lækk-
un raunvaxta skyldi eiga sér stað
eins og til dæmis á bankalánum
og spariskírteinum, á sama tíma
og ekkert hefði dregið úr lánsf-
járþörf. Vonandi myndi þessi
þróun halda áfram en það væri
alls ekki gefið að það yrði. Áfr-
amhaldandi eftirspurn eftir
lánsfé gæti komið í veg fyrir slíka
þróun.
Þegar rætt er um vexti er það
vaxtamunur inn- og útlána sem
skiptir miklu máli. Eiríkur sagði
að starfsmenn Seðlabankans
hefðu ekki komist í að kanna
vaxtamuninn vegna mikilla anna
en vonandi yrði farið í það verk á
næstu vikum. - hmp.
Fjórar til
Kanada
Vigdís Finnbogadóttir
setur ferðamálaráðstefnu
í Kanada á sunnudaginn.
Þrjár ungar stúlkur fengu
að launumferðá
ráðstefnuna
Á sunnudaginn mun forseti Is-
lands Vigdís Finnbogadóttir setja
fcrðamannaráðstefnu í Vancou-
ver í Kanada. Ráðstefnan ber
yfirskriftina Ferð til friðar, en
markmið hennar er að skoða
hvað aðilar í ferðamannaiðnaði
geta lagt af mörkunum til friðar-
mála I heiminum.
Ráðstefnu þessa sækir fjöldi
fulltrúa sem vinna að ferðamál-
um hvaðanæva úr heiminum. þar
á meðal verða verðlaunahafar úr
ritgerðarsamkeppni Flugleiða og
Búnaðarbankans sem hér var
haldin í tilefni ráðstefnunnar, en
þrjár stúlkur hlutu 1. verðlaun
sem var ferð til Vancouver á ráð-
stefnuna og 50.000 kr. í Gullbók
Búnaðarbankans. Það voru þær
Þorgerður Björnsdóttir, 18 ára úr
Reykjavík, Herdís Lilja Magnús-
dóttir, 16 frá Sauðárkróki og
Gerður Gestsdóttir, 19 ára úr
Reykjavík, sem að áliti dómnefn-
dar skrifuðu bestu ritgerðirnar.
Einnig voru veitt fjögur önnur
verðlaun sem voru ferðir til
London og 20.000 kr. inn á Gull-
bók.
Forseti íslands mun í Kanda-
ferð sinni heimsækja íslendinga-
byggðir í vesturheimi. -sg.
Kynningar
Finnsk vika
í gær setti Jón Sigurðsson við-
skiptaráðherra finnska viku á
Holiday Inn hótelinu í Reykja-
vík. Auk sérstakra kynninga á
finnskri framleiðslu á hótelinu
verða þær verslanir sem bjóða
finnska vöru með kynningu á
þeim.
Á hótel Holiday Inn verður
boðið upp á finnskan mat auk
þess verður kynning þar á margs
konar finnskri framleiðslu.
Finnska ferðamálaráðið stendur
fyrir kynningu á Finnlandi sem
ferðamannalandi í samvinnu við
Flugleiðir en síðasta sumar hófu
Flugleiðir sínar fyrstu áætlunar-
ferðir beint til Finnlands.
( gær var Listasafn Sigurjóns Ólafssonar formlega opnað en það gerði Svavar menntamálaráðherra
Gestsson að viðstöddu fjölmenni. Við það tækifæri færði hann safninu eina og hálfa miljón króna að gjöf frá
ríkinu. í dag hefði listamaðurinn orðið áttræður. Það var ekkja hans Birgitta Spur sem stóð fyrir stofnun
safnsins til að varðveita verk Sigurjóns á þeim stað þar sem þau voru sköpuð og til að gefa almenningi kost
á að njóta þeirra. Mynd: þóm.
Fleiri
gjalddaga
Minnihlutinn í borgarstjórn
Reykjavíkur vill að fasteigna-
gjöldunum verði jafnað á 11
mánuði en þau eru nú innheimt í
þrennulagi.
Sigurjón Pétursson Alþýðu-
bandalagi, talaði fyrir sameigin-
legri tillögu minnihlutans hér að
lútandi á fundi borgarstjórnar á
fimmtudaginn, en ákveðið var að
vísa henni til borgarráðs til frek-
ari skoðunar.
Afstaða meirihluta Sjálfstæðis-
manna kom ekki fram á fundin-
um, en þeir sáu þó ýmis tormerki
á að breyta fyrirkomulaginu;
borgarsjóður yrði fyrir vaxtatapi
sem næmi um 92 miljónum króna
miðað við útreikninga síðasta
árs, allmikill viðbótarkostnaður
hlytist af aukinni notkun gíró-
seðla vegna þess arna, og að auki
sáu þeir fram á nokkra tæknilega
vankanta.
Svipað fyrirkomulag er nú við
lýði í Kópavogi og felst í tillögu
minnihlutans, nema hvað þar
dreifast fasteignagjöldin á 10
mánuði. Hc
Hallur Páll kynnir nýjasta bókaklúbbinn.
Nýjung
Bókaklúbbur Þjóðviljans
Skemmtileg nýjungfyrir áskrifendur. Bókaklúbbur
hefurgöngu sína áþriðjudaginn. Hallur PállJónsson
framkvœmdastjóri Þjóðviljans: Viljum gefa
áskrifendum kost á ódýrari bókum
„Við veltum því fyrir okkur
hvað við gætum gert fyrir dygga
áskrifendur blaðsins annað en að
skrifa gott málgagn í þágu okkar
pólitíska málstaðar. Þeirri hug-
mynd skaut upp kollinum að
stofna bókaklúbb til að gefa
áskrifendum kost á ódýrari
bókum. Þessu er nú hrundið í
framkvæmd,“ sagði Hallur Páll
Jónsson, framkvæmdastjóri
Þjóðviljans, í viðtali við blaðið.
„Við munum leggja áherslu á
vandaðar bækur og á þriðjudag-
inn kemur bjóðum við fyrstu
bókina. Það tilboð stendur í viku
og síðan fylgja önnur vikutilboð í
kjölfarið.“
„Það nægir að hringja til okkar
á blaðið og tilkynna um áhugann.
Við sendum bókina heim gegn
staðgreiðslu til þeirra sem búa á
Stór-Reykjavíkursvæðinu og
kannski er rétt að taka fram að
fólk getur greitt með kreditkort-
um ef það kýs svo. Þeir áskrifend-
ur sem búsettir eru utan þessa
svæðis, fá bækurnar í póstkröfu."
Þurfa áskrifendur að ganga
formlega í þennan bókaklúbb?
„Nei, allir áskrifendur blaðsins
eru sjálfkrafa meðlimir í þessum
bókaklúbbi. Það er svo ákvörðun
hvers og eins, hvort hann kýs að
notfæra sér þessi hagstæðu tilboð
eða láta það ógert.
Ég er hins vegar bjartsýnn á að
það verði góð þátttaka, því að
mér býður í grun að áskrifendur
Þjóðviljans séu upp til hópa
áhugamenn um bókmenntir og
niðurstaða úr lesendakönnun
Þjóðviljans í sumar rennir
reyndar stoðum undir það. Þá má
ekki gleyma hinu að Þjóðviljinn
hefur reynt að gera bókmenntum
og listum góð skil gegnum árin,
og þar á Árni Bergmann, rit-
stjóri, góðan hlut að máli.“
Laugardagur 22. október 1988 ÞJÓÐVILJINN — SÍÐA 3