Þjóðviljinn - 22.10.1988, Blaðsíða 4

Útboð
Innkaupastofnun Reykjavíkurborgar, fyrir hönd
gatnamálastjórans í Reykjavík og Hitaveitu
Reykjavíkur, óskar eftir tilboðum í gatnagerð,
lagningu holræsa, vatns- og hitaveitulagna. Um
er að ræða u.þ.b. 15 km af götum og 4,2 km af
holræsum. Einnig skal leggja um 1415 m af ein-
angruðum stálpípum. Verkinu skal skilað fyrir 1.
júlí 1989. Útboðsgögn verða afhent á skrifstofu
vorri að Fríkirkjuvegi 3, Reykjavík, gegn kr.
30.000 skilatryggingu. Tilboðin verða opnuð á
sama stað fimmtudaginn 27. október kl. 11.00.
INNKAUPASTOFNUN REYKJAVIKURBORGAR
Frikirkjuvegi 3 — Sími 25800
islenska járnblendifélagið hl.
Efnafræðingur
Staða efnafræðings á rannsóknastofu íslenska
járnblendifélagsins er laus til umsóknar. Um er
að ræða framleiðslu- og gæðaeftirlit auk sérverk-
efna undir stjórn forstöðumanns rannsókna.
Nánari upplýsingar veitir dr. Jón Hálfdanarson í
síma 93-13344.
Umsóknarfrestur er til 15. nóvember n.k. Um-
sókn fylgi greinargerð um nám og störf.
íslenska járnblendifélagið hf.
301 Akranes
Félag
járniðnaðarmanna
Félagsfundur
verður haldinn miðvikudaginn 26. okt. 1988 kl.
20.00 að Suðurlandsbraut 30, 4. hæð.
Dagskrá:
1. Félagsmál
2. Önnur mál
3. Kynning á endurmenntun og námskeiðshaldi,
Nicolai Jónasson tæknifræðingur.
Mætið vel og stundvíslega.
Stjórn Félags járniðnaðarmanna
Bifreiðaskoðun íslands hf.
Auglýsir eftir eftirtöldum starfsmönnum sem
þurfa að geta hafið störf sem fyrst:
1. Fjármálastjóra
2. Kerfisfræðingi
3. Verkstjóra með bifvélavirkjamenntun.
Umsóknir er greini menntun og fyrri störf sendist
til stjórnarformanns fyrirtækisins Björns Frið-
finnssonar, iðnaðarráðuneytinu fyrir 31. okt. n.k.
Nánari upplýsingar um störfin gefur Karl Ragnars
frkvstj. á kvöldin í heimasíma 656433.
21. 10. 1988
FRÉTTIR
Borgarstjórn
Leikskólamir ftillgóðir
Forskólauppeldið reifað íborgarstjórn. Atlaga meirihlutans að
dagheimilum sem rekin eru af öðrum en opinberum aðilumfóðruð
sem umhyggjafyrir börnunum!
„Þörfin fyrir heils dags vistun
hefur vaxiö gífurlega síðustu ár.
Leikskóli hálfan daginn er því
fjarri að fullnægja vistunarþörf
fjöldabarna. Daglegur þeytingur
milli leikskóla, dagmömmu og
eigin heimilis getur ekki flokkast
undir æskilegar uppeldisaðstæð-
ur barna,“ segir í sameiginlegri
bókun minnihlutans í borgar-
stjórn Reykjavíkur eftir að höf-
uðlaus meirihlutinn - Davíð er í
fríi á Flórida - samþykkti á síð-
asta fundi að skera rækilega niður
rekstrarstyrki til þeirra dagheim-
ila sem rekin eru af öðrum en
opinberum aðilum.
Inntakið í breyttu styrkjafyr-
irkomulagi er það að héðan í frá
fá allir sama styrk, í krónum tal-
ið, ef þeir á annað borð uppfylla
sett skiiyrði menntamálaráðu-
neytisins hér að lútandi, og gildir
þá einu hvort haldið er úti
heilsdagsvistunum eða leikskóla-
plássum hálfan daginn, og það
þótt kostnaðurinn í fyrrnefnda
dæminu sé í kringum 28 þúsund
krónur á mánuði, en nálægt 11
þúsundum í hinu síðarnefnda.
Þetta er afdrifarík breyting, þar
sem liðkað er fyrir leikskóla-
rekstri miðað við það sem áður
var, en að sama skapi verður
heilsdagsvistunardæmið von-
lausara en nokkru sinni.
Tvö barnaheimili verða eink-
um illa úti vegna þessa, Sælukot
og Ós, og þá sérstaklega hið
síðarnefnda vegna þess að þar
eru öll pláss heilsdagspláss. Eins
og getið var um í blaðinu í gær
lækkar rekstrarstyrkur borgar-
innar til Óss úr tólf þúsundum í
fjögur þúsund krónur á mánuði
fyrir hvert barn, og mánaðargjald
foreldranna hækkar þá að sami
skapi úr sextán þúsundum í tutt-
uguogfjögur.
Þetta breytta rekstrarstyjkja-
fyrirkomulag varð kveikjan að
miklum umræðum í borgarstjórn
um forskólauppeldi. Anna K.
Jónsdóttir, Sjálfstæðisflokki, for-
maður stjórnar Dagvistar barna,
sagði að minnihlutaflokkarnir
virtust ekki sjá neinn kost nema
heilsdagsvistun, og að það væri
einkennilegt að halda að foreldr-
arnir vildu vera frá börnum sín-
um allan vinnudaginn. „Fólk vill
geta verið með börnunum hluta
úr degi,“ sagði Anna, og það með
að af þessum hvötum væri fyrst
og fremst hugsað um að bæta hag
leikskólanna. Hún sagði að dag-
leg vistun upp á átta eða níu tíma
væri stofnanauppeldi sem bæri að
varast, en þess í stað ætti að
leitast við að styrkja tengsl for-
eldra og barna.
Elín G. Ólafsdóttir, Kvenna-
lista, sagði að auðvitað vildu for-
eldrar vera með börnum sínum,
en raunveruleikinn væri annar og
því væri það skylda samfélagsins
að taka mið af því. Hún kvað
leikskólana í mörgum tilfellum
úrelt fyrirbrigði, og sagði að sér
væri fyrirmunað að skilja nauð-
syn þess að ganga á uppbyggingu
heilsdagsvistunar þótt meiri-
hlutinn vildi efla leikskólaform-
ið, og því væri ekki nokkur leið
að koma auga á rökstuðning fyrir
breytingunum.
Kristín Á. Ólafsdóttir, Al-
þýðubandalagi, sagði að með
þessu breytta fyrirkomulagi væri
meirihlutinn að vinna skemmdar-
verk gagnvart þeirri starfsemi
sem þegar væri haldið úti, og að
auki væri komið í veg fyrir að
fleiri gætu fylgt í kjölfarið, og
nefndi Kristín unga lækna til
þessarar sögu.
í bókun minnihlutans segir að
leikskólastefna Sjálfstæðis-
flokksins sé tímaskekkja sem
ekki taki mið af raunveruleikan-
um. Nógu slæm hafi hún verið
gagnvart heimilum Reykjavíkur-
borgar, en nú kasti þó tólfunum
þegar hún sé látin bitna á þeim
aðilum sem sjálfir vilji reyna að
byggja upp þjónustu í takt við
raunveruiegar þarfir. í máli
Guðrúnar Ágústsdóttur, Al-
þýðubandalagi, kom fram að
Íeikskólastefna meirihlutans
endurspeglaði gamaldags hugs-
unarhátt sem bitnaði sérstaklega
á konum og börnum. „Ríkjandi
launastefna býður ekki upp á að
foreldrar geti verið heima hálfan
daginn með börnum sínum,“
sagði Guðrún: Þegar búið er að
snúa við blaðinu í launamálum,
taka á vinnuþrælkuninni og hús-
næðiskerfinu, þá fyrst getum við
farið að tala um hvort æskilegt sé
að stytta viðverutímann á dag-
heimilunum, og Iáta þá foreldra
hafa sitt að segja um það, sagði
hún.
Sigurjón Pétursson, Alþýðu-
bandalagi, sagði að styttri við-
vera tryggði ekki á neinn hátt
aukið samneyti foreldra og barna
þeirra, heldur yrði þvert á móti til
þess að foreldrar væru á þönum
með börn sín úr einni vist í aðra.
Sigurjón sagði að það ætti að vera
réttur barna að fá að vera í for-
skóla og þroskast þar með öðrum
börnum, og vitnaði í því sam-
bandi til tillöguflutnings minni-
hlutans um hækkun styrkja til
dagheimila, og sagði hana hvata í
þessa átt. „Öllum börnum á að
skapa sömu þroskamöguleika, og
í því skyni viljum við virkja það
frumkvæði sem er til staðar úti í
bæ,‘f sagði hann.
Umræður þessar um dagvist-
armál stóðu yfir lungann úr fund-
artíma borgarstjórnar í fyrra-
kvöld. Allir sex fulltrúar minni-
hlutans tjáðu sig um málið, töldu
málatilbúnað meirihlutans tíma-
skekkju og hvöttu til að málinu
yrði frestað þar til betra tóm
hefði gefist til að gaumgæfa það.
Kristín Á. Ólafsdóttir flutti til-
lögu í þessa veru, en hún var felld
með öllum atkvæðum meirihlut-
ans.
Formaður Stjórnar Dagvistar,
Anna K. Jónsdóttir, var lengi
fundar ein um það af hálfu meiri-
hlutans að standa fyrir þessu
máli, en fékk um síðir stuðning
tveggja flokkssystkina sinna.
Árni Sigfússon tók einkum undir
það krónutöluréttlætissjónarmið
stjórnarformannsins að allir sætu
við sama borð þar sem rekstrar-
styrkir væru annars vegar, og
Katrín Fjeldsted áleit slíkt hið
sama. Katrín sagði að óeðlilegt
væri að lítil börn þyrftu að vera
fjarri foreldrum sínum átta til níu
klukkustundir daglega. Pá sagði
hún að vinnuþrælkun ungra for-
eldra væri mikið alvörumál, en til
hennar mætti rekja alvarlega
barnavanrækslu. Katrín sagði að
stytta þyrfti vinnudag foreldra og
þar með aðskilnaðinn við börnin.
Katrín sagði að deila mætti um
hvort sú aðgerð sem hér væri far-
ið í væri sú sem fyrst þyrfti að
framkvæma, en að hér væri þó
alltént um að ræða viljayfirlýs-
ingu borgarstjórnar í þá átt að
stuðla að skemmri aðskilnaði
barna og foreldra. Katrín lagði á
það áherslu að þetta væri langt í
frá síðasta orð meirihlutans hvað
varðaði foreldrarekin barna-
heimili.
í kjölfarið áréttaði minni-
hlutinn að fáráfilegt væri að stytta
dagvistartímann áður en vinnu-
dagur foreldra hefði styst og
barnabætur verið hækkaðar.
Breytingartillagan var síðan
samþykkt með öllum níu at-
kvæðum sjálfstæðismanna gegn
sex atkvæðum minnihlutans.
Með sömu tölu, 9-6, var felld til-
laga minnihlutans um hækkun
styrkja til dagheimila.
HS
4 SÍÐA - ÞJÓÐVILJINN Laugardagur 22. október 1988