Þjóðviljinn - 01.11.1988, Blaðsíða 11

ERLENDAR FRÉTTIR
Verkamenn og guðsmenn ganga fylktu liði út um hlið Lenín skipa-
smiðjunnar að loknu 11 daga verkfalli í ágústlok. Á innfelldu myndun
um eru þeir Walesa og Rakowski.
Vinningstölurnar 29. október 1988
HEILDARVINNINGSUPPHÆÐ: kr. 4.057.864,-
Þar sem enginn var með 5 réttar tölur á laugardaginn var, færist 1.
vinningur sem var kr. 1.867.421,- yfir á 1. vinning á laugardaginn
kemur.
BÓNUSTALA + fjórartölurréttarkr. 324.544,-skiptastá 2 vinninqs-
hafa, kr. 162.272,- á mann.
Fjórar tölur réttar kr. 559.774,- skiptast á 86 vinningshafa, kr. 6.509,-
á mann.
Þrjár tölur réttar kr. 1.306.125,- skiptast á 3225 vinningshafa, kr.
405,- á mann.
Sölustaðirnir eru opnir frá
mánudegi til laugardags
og loka ekki fyrr en 15 mínútum
fyrir útdrátt.
Leikandi og létt! Upplýsingasími: 685111
Ríkisstjórn Póllands lét það boð
út ganga í gær að hún hygðist
loka Lcnín-skipasmiðjunni í
Gdansk, leggja niður starfsemi og
færa verkamenn burt og í önnur
störf. Lec Walesa sagði er honum
bárust þessar fréttir til eyrna að
Samstaða myndi leggja allt í söl-
urnar til þess að hnekkja þessari
ákvörðun. Það er kunnara cn frá
þurfi að segja að fyrsti vísir
frjálsrar verkalýðshreyfingar frá
valdatöku kommúnista óx í
Lenín-skipasmiðjunni og þar
starfar leiðtogi hennar enn þann
dag í dag sem rafvirki.
Mieczyslaw Rakowski forsæt-
isráðherra tjáði fréttamanni Re-
uters að ríkið jysi árlega miklum
upphæðum í rekstur skipasmiðj-
unnar sem ekki hefði skilað arði í
þáa herrans tíð. Því ættu
stjórnvöld ekki annars úrkosti en
að leggja Lenín niður. Þetta væri
ekki einangrað atvik heldur liður
í víðtækum umbótum í efna-
hagsmálum og fyrirtækjarekstri.
En Walesa tók allt annan (og
„óraunsærri") pól í hæðina þegar
mál þetta var borið undir hann í
gær. Hann sagði að skipasmiðjan
væri verðmætt tákn fyrir pólskan
verkalýð og pólska þjóð. Glögg-
lega mætti sjá að valdsherrarnir
væru að sauma að Samstöðu með
þessu ráðslagi sínu.
„Samstaða mun verja þennan
vinnustað öllum atlögum enda er
hann tákn fyrir verkamenn og
þjóðina um baráttuna fyrir nýju
og betra Póllandi." Hann sagði
að Rakowski tæki fífldjarfar á-
kvarðanir sem tefldu vinnufriði í
tvísýnu og gætu leitt til „mikillar
spennu og átaka."
Verkamenn í skipasmiðju
Gdansk eru afar stéttvísir og hafa
verið í fylkingarbrjósti umbóta-
manna í Póllandi. Þeir hafa
t.a.m. tvívegis fellt niður vinnu í
ár. Þá var aðalkrafa þeirra pólit-
ísk, að Samstöðu yrði heintilað
að starfa á ný. Alls vinna um 11
þúsund menn í smiðjunni.
Rakowski þvertekur fyrir að
orsakir lokunarinnar séu pólitísk-
ar. „Þetta er efnahagsráðstöf-
un... þetta kemur Samstöðu ekk-
ert við. Ef við hyggjumst lappa
uppá efnahaginn þá verður að
grípa til harkalegra aðgerða."
Walesa sagði: „Þetta er pólit-
ísk ögrun Rakowskis forsætisráð-
herra til höfuðs skipasmiðjunni
af því að hún er vagga Samstöðu.
Þetta er ekki efnahagsmál og enn
síður efnahagsbót. Þetta er pólit-
ískt sjónarspil."
Rakowski segist búast við
látum út af þessu máli. „Ég
reikna með því að þetta kunni að
draga dilk á eftir sér og leiða til
einhverra vandræða. En ég á ekki
annarra kosta völ. Þótt þessari
lokun fylgi einhver eftirmál er
það ekki aðalvandi stjórnarinn-
ar. Hann er sá að koma efna-
hagnum á réttan kjöl.“
Reuter/-ks.
au9$rcf
Ut
a9!
Pólland
Nú á að loka Lenín
Rakowskiforsœtisráðherra hyggstleggja Lenín skipasmiðjuna niður.
Walesa segir Samstöðu œtla að berjast gegn þessari ákvörðun með oddi og egg
Tékkóslóvakía
Jakes lætur kné fylgja kviði
Tékkneskir ráðamenn hyggjast draga 87 afmœlisfundarmennfyrir
dómstóla
Milos Jakes, formaður tékkneska kommúnistaflokksins, reynir allt
hvað af tekur að kveða niður „glasnost" landa sinna.
Tékkneska ríkið hyggst búa mál
á hendur ýmsum þeirra er
þátt tóku í afmælisfundi andófs-
samtaka í miðborg Prag á
fimmtu- og föstudag. Fundurinn
var haldinn í tilefni þess að sjötíu
ár eru liðin frá stofnun Tékkó-
slóvakíu og óheimill.
Þetta kom fram í Rude Pravo í
gær, málgagni tékkneska komm-
únistaflokksins. Blaðið greinir
frá þvf að allmargir fundarmenn
hafi verið teknir höndum og verði
sumir þeirra ákærðir fyrir óspekir
á almannafæri.
Að sögn Petrs Uhls, þekkts
mannréttindafrömuðar, voru
a.m.k. lOOmannsfærðirídýflissu
eftir að lögregla hleypti upp af-
mælisfundinum. Allmargir hefðu
verið látnir lausir um helgina og í
gær.
Sjálfur var Uhl einn af sextíu
nafntoguðum baráttumönnum
fyrir mannréttindum sem lögregl-
an var svo forsjál að klófesta í
rauðabítið, löngu áður en afmæl-
isfundurinn hófst á föstudaginn.
Þannig komst hún hjá að hand-
taka þá á fundinum, fyrir framan
kvikmyndatökuvélar vestrænna
fréttamanna. Uhl fékk að fara
ferða sinna í gærmorgun.
Rude Pravo kvað 87 einstakl-
inga hafa gerst seka um ýms af-
brot á Wencwslastorgi á umrædd-
um mannfagnaði á föstudaginn.
Sumir hefðu til að mynda mis-
þyrmt opinberum löggæslu-
mönnum við skyldustörf auk
annarra brota.
„Skipuleggjendur þessarar
ögrunarsamkundu höfðu tví-
mælalaust í hyggju að...vekja
ólgu á meðal verkamanna og af-
vegaleiða ungt fólk.“
I öðrum pistli húðskammaði
Rude Pravo ríkisstjórnir og fjöl-
miðla í vestri fyrir að fjargviðrast
út af lögregluaðgerðunum á
föstudaginn.
„Á heimaslóðum þeirra er þess
einnig krafist að sótt sé um leyfi
eða tilkynnt sé með ákveðnum
fyrirvara ef efna á til mótmæla-
funda. Annars er gripið til lög-
legra aðgerða gegn mótmælend-
unum og þeir beittir valdi ef þurfa
þykir.“
Þótt yfirvöld hafi ekki í fjöl-
mörg ár hegðað sér jafn rudda-
lega gagnvart mótmælendum og
á föstudag kveðst Uhl ánægður
með fundinn, einkum fjölda þátt-
takenda.
„Mótmælaaðgerðirnar á föstu-
daginn eru glæstur sigur fyrir
tékkneskan almenning. Fjöl-
margir menn létu hótanir um of-
beldi sem vind um eyrun þjóta og
mættu. Þetta færir okkur heim
sanninn um það að fólk er reiðu-
búið að taka áhættu og tjá hug
sinn. Ég sé merki um breytta tíma
hér í Tékkóslóvakíu...ég er bæði
hissa og snortinn."
Reuter/-ks.
Þriðiudagur 1. nóvember 1988 ÞJÓÐVILJINN — SÍÐA 11