Þjóðviljinn - 01.11.1988, Blaðsíða 16
Snorri Jóhannsson
húsvöröur:
Mér fannst hún hryllileg og lýsa nötur-
legri staðreynd. Þá fannst mér miður
að hún skyldi vera sýnd í læstri dag-
skrá en ekki opinni og sjónvarpsáhor-
fendum þannig mismunað um að-
gang að efni sem allir ættu að hafa
tækifæri á að sjá.
Nanna Guðmundsdóttir
hárgreiðslukona:
Mér fannst hún vægast sagt ógeðs-
leg og virkilega Ijót. Það kom mér á
óvart hversu mikið er af þessu I
heiminum og einnig hér á landi. En að
hún skyldi vera sýnd í læstri dagskrá
en ekki opinni fannst mér lítilsvirðing
við sjóvarpsáhorfendur og efni mynd-
arinnar sem á erindi til allr
—SPURNINGIN—
Hvað fannst þér um norsku
myndina „Svívirtu börnin"
sem sýnd var á Stöð 2?
Gestur Traustason
laganemi:
Ég sá myndina ekki þar sem hún var
sýnd í læstri dagskrá. Það fannst mér
vera alveg forkastanleg vinnubrögð
af hálfu Stöðvar 2 þar sem myndin á
erindi til sem flestra.
Iða Brá Þórhallsdóttir
húsmóðir:
Ég sá myndina þvi miður ekki þar
sem hún var sýnd í læstri dagskrá en
hefði horft á hana ef það hefði ekki
verið. Mér finnst þessi vinnubrögð
Stöðvar 2 aðfinnsluverð og vona að
Ríkissjónvarpið sýni myndina von
bráðar því hún á erindi til allra.
Lilja Haraldsdóttir
húsmóðir:
Mér fannst hún alveg hrikaleg. Maður
trúir því bara ekki ekki að svona lagað
geti átt sér stað. En mér fannst miður
að myndin skyldi ekki vera sýnd í oþ-
inni dagskrá því hún á erindi til allra.
þJÓÐVIUINN
Þriðjudagur 1. nóvember 237. tölublað 53. órgangur
SÍMI 681333
Á KVÖLDIN
681348
ÁLAUGARDÖGUM
681663
Félagar úr Barnahópi Kvennaathvarfs, Rauða krossins og Sjálfsvarnarhópi um sifjaspell á blaðamannafundinum í gær. Mynd: Jim Smart.
fíarnamisnotkun
„Fólk er enn að hringja“
Barnahópur Kvennaathvarfsins, Rauða krossins og Sjálfsvarnarhópur um sifjaspell:
Hrikalegar lýsingar á því hvaða áhrif kynferðisafbrotin hafa haft áfórnarlömbin
Sérstök neyðarlína fyrir fórn-
arlömb og þolendur var opin á
sunnudagskvöldið á meðan og
eftir að Stöð 2 sýndi „Svívirtu
börnin,“ norska heimildarmynd
um kynferðislega misnotkun á
börnum. Félagar úr Barnahópi
Kvennaathvarfsins, Sjálfsvarn-
arhópi um sifjaspell og Barnahópi
Rauða krossins sáu um að svara í
símann, og í gær efndu þessir
hópar til blaðamannafundar í
Hlaðvarpanum til að skýra frá
niðurstöðum úr símtölunum, en
einnig til að kynna þá hópa sem
hér eru til hjálpar.
Samtals urðu símtölin ríflega
50, mikill meirihluti frá konum
og flest utan af landi. Símsvar-
endur voru á einu máli um að
þessi tala gæfi langtífrá rétta
mynd þar sem mikinn hluta
símatímans hefðu allar línur ver-
ið uppteknar og því færri komist
að en vildu. Og eins er enn að
bætast við þennan hóp, eða með
orðum Sigríðar Sumarliðadóttur
sem svaraði í símann í Rauða
kross húsinu: Fólk er enn að
hringja.
í Hlaðvarpanum sátu félagar
úr Sjálfsvarnarhópi um sifjaspell
við símann. Þangað hringdu 12
konur sem allar höfðu orðið fyrir
Sjónvarpskapphlaup
Skutu okkur ref fyrir rass
að verður að segjast eins og er
að Stöð 2 hefur skotið okkur
ref fyrir rass í þessu máli. Upp-
haflega héldum við að myndin
vaeri á vegum norska sjónvarps-
ins, en rákum okkur svo á að það
er einkafyrirtæki í London sem á
dreifingarréttinn, og fyrir bragð-
ið tapaðist dýrmætur tími, sagði
Pétur Guðfirtnsson, fram-
kvæmdastjóri Sjónvarpsins, en á
sunnudagskvöldið sýndi Stöð 2
umtalaða norska mynd - Svívirtu
börnin - sem Sjónvarpið hafði
þegar sýnt útdrátt úr í fréttatíma
og boðað að tekin yrði til sýninga.
Pétur var spurður hvort RUV
myndi halda sínu striki með að
útvega myndina, en hann var ef-
ins um að af slíku yrði, þótt hann
vildi ekki fortaka það: Þegar Stöð
2 hefur orðið á undan með til-
tekið efni höfum við ekki verið
vanir að bera okkur eftir því,
sagði hann.
Eins og Þjóðviljinn hefur skýrt
frá byrjaði Sjónvarpið á að panta
skoðunareintak af myndinni, en
á Stöð 2 bar fólk sig strax eftir
eintaki til sýninga. Eitt með öðru
er þetta hluti skýringarinnar á því
hvers vegna Sjónvarpið féll á
tíma í kapphlaupinu um mynd-
ina. HS
kynferðislegu ofbeldi af hálfu
fjölskyldumeðlima. Fram kom
að ein þeirra var aðeins þriggja
ára er slíkt kynferðisofbeldi gegn
henni hófst.
f máli Guðrúnar Jónsdóttur,
Samtökum um kvennaathvarf,
kom fram að í fámenninu víða úti
á landi væri ástandið sérstaklega
slæmt; barnaverndarnefndir van-
megna og ekkert hægt að leita.
Þetta væri erfitt fyrir konurnar,
en enn erfiðara fyrir börnin.
Guðrún sagði að konur væru að
basla við að halda starfsemi at-
hvarfsins úti þrátt fyrir fjársvelti,
og að sjálfboðaliðastarfið á þessu
og skyldum sviðum væri mjög
vanmetið. Skoraði hún á fjár-
veitingavaldið að standa sig betur
í þessum efnum hér eftir en hing-
að til.
Þá kom fram á fundinum að
börn sem kæmu í Kvennaathvarf-
ið með mæðrum sínum þyrftu á
fullt eins miklum stuðningi að
halda, og að mikilvægi þess hluta
starfsins sem að börnunum sneri
hefði komið æ betur í ljós. Það
væri dæmigert fyrir forgangsröð
samfélagsins að svelta starf á
borð við það sem athvarfið innti
af hendi.
Símsvarendur sögðu það hafa
einkennt upphringingarnar að
um gömul mál hefði verið að
ræða. Sterkar tilfinningar komu
fram og eins hrikalegar lýsingar á
því hvaða áhrif kynferðisafbrotin
hafa haft á fórnarlömbin æ síðan,
en í sumum tilfellum skiptir sá
tími tugum ára. Voru fundarboð-
endur á því að víst væri mikilvægt
að ná til þeirra sem þegar hefðu
orðið fyrir glæpaverkum af þessu
tagi, en ekki væri síður ástæða til
að hafa áhyggjur af þeim börnum
sem hættast væri í dag, og þá að
styrkja þá starfsemi sem helst
mætti til varnar verða.
HS
„Svívirtu börnin“
Ótrafluð á
fimmtudaginn
Sýning myndarinnar hefur
vakið gífurleg viðbrögð og því
höfum við ákveðið að sýna hana
aftur á fimmtudagskvöldið, og þá
í ólæstri dagskrá, sagði GoÖi
Sveinsson, dagskrárstjóri Stöðv-
ar 2.
Norska myndin um kynferðis-
lega misnotkun á börnum var
sýnd í læstum hluta dagskrárinn-
ar á Stöð 2 á sunnudagskvöldið
var, og hefur hinum lykilvana
þótt súrt í broti. Goði sagði að
upprunalega hefði Stöð 2 keypt
réttinn til að sýna myndina einu
sinni og þá í áskriftarsjónvarpi,
og að nú hefðu tekist samningar
um aðra sýningu í ólæstri dag-
skrá. HS