Þjóðviljinn - 11.04.1989, Blaðsíða 2

FRETTIR
BSRB-samningarnir
Láglauna- og kvennasamningar
Forystumenn BSRB undirrita samningana. Mynd Þóm.
Ibessari viku og næstu munu
pau félög innan BSRB sem áttu
aðild að kjarasamningnum sem
undirritaður var við ríkið sl.
föstudag greiða atkvæði um
samninginn. Ekki er búist við að
atkvæðagreiðslu Ijúki fyrr en
þegar líða tekur á næstu viku en
stefnt er að því að kunngera
niðurstöðurnar ú atkvæða-
greiðslunni samtímis hjá öllum
félögunum og er talað um að það
verði í kringum 20. apríl.
Þjóðviljinn kannaði hug fólks í
mismunandi félögum innan
BSRB í gær til samninganna og
virtust allir þokkalega sáttjr við
þá. Einkum var það áberandi að
viðmælendur Þjóðviijans virtust
.ánægðir með það að í þessum
samningum kemur mesta kjara-
bótin til hinna lægstlaunuðu og
einnig að hlutur kvenna er réttur í
samningunum.
Komið til
móts við hina
lægst launuðu
Helgi Andrésson,
form. starfsmanna-
félags Akranesskaup-
staðar
Starfsmannafélög sveitarfélag-
anna hafa samflot sín á milli og
semja sér. Þau hafa enn ekki
undirritað samning BSRB en bú-
ist er við að það verði gert nú í
vikunni. Við ræddum við Helga
Andrésson, formann starfs-
mannafélags Akraness og báðum
hann að segja okkur hvernig hon-
um litist á samninginn.
„í þessum samningi er komið
verulega til móts við hina lægst
launuðu og ýmis réttindamál
náðust í gegn en þessi samningur
eykur ekki kaupmáttinn um það
sem hann hefur verið skertur að
undanförnu. Fari svo að kaup-
máttur verði skertur í kjölfar
samninganna með því að hleypa
þeim út í verðlagið stöndum við
mjög illa en í trausti þess að
stjórnvöld sjái að með þessum
samningum var BSRB að skera á
hnút og standi því við að hafa
strangt verðlagsaðhald, þá eru
þessir samningar skref í áttina að
þvf að launafólk endurheimti aft-
ur þann kaupmátt sem það
hafði.“
Komið til
móts við
kvennastörf
AstricL Jensdóttir,
talsímavörður
„Ég er mjög ánægð með samn-
ingana. Með þeim er loksins
komið til móts við kvennastörfin.
Það tel ég mjög til hins betra. Þá
eru þessir samningar í jöfnunar-
átt því þeir gagnast láglaunafólki
best, bæði með krónutöluhækk-
uninni og með því að taka mið af
lífaldri fólks. Einnig er reynt að
halda dýrtíðinni niðri með niður-
greiðslum á landbúnaðarvörum
og ströngu verðlagsaðhaldi. Það
eru atriði sem koma láglauna-
fólki mjög til góða. í stuttu máli
sagt þá er ég mjög ánægð með
þennan samning miðað við að-
stæður.“
Jákvætt
fyrir þa
lægra launuðu
Úlfar Porsteinsson,
yfirverkstióri
hjáÁTVR
„Út af fyrir sig líst mér vel á
þessa samninga, einkum fyrir þá
lægra launuðu. Reyndar náðum
við ekki 50 þúsund króna lág-
markslaunum en fengum annað
þess í stað, t.d. lengningu orlofs
og orlofsauka, þá má nefna
aukna desemberuppbót. Þá
breytir tilfærslan í launaflokkum
og að líftíminn er tekinn inn í nið-
urröðun í þrep miklu fyrir þá sem
eru á lægstu íaununum.
Ég tel þetta sæmilegan samn-
ing fyrir okkur í láglaunahópnum
en get samt ekki hrópað húrra.“
Komumst
ekki lengra
Margrét Tómasdótt-
ir, fulltrúi í atvinnu-
leysistryggingasjóði
„Þetta var það lengsta sem við
gátum komist og í raun held ég að
þetta sé meira en við gátum
vænst. Ég er þokkalega ánægð
með samninginn og mun mæla
með því að fólk samþykki hann.
Ég tel mikið eðlilegara að
semja á þessum grundvelli, að
allir fái sömu krónutöluhækkun-
ina en að vera að semja um pró-
sentuhækkun. Það kemur mun
jafnara út og auk þess kemur líf-
aldursreglan þeim lægst launuðu
til góða.
Þá tel ég mjög gott við þennan
samning að tekið er á sérmálum
kvenna og þar held ég að konur í
samninganefnd starfsmanna
ríkisstofnanna hafi haft mikið að
segja."
BSRB styrkti
stöðu sína
Ragnheiður Asta
Pétursdóttir, útvarps-
þulur
„Auðvitað hefði maður alltaf
viljað gera betri samning en mið-
að við stöðuna tel ég þetta þokka-
lega útkomu.
í þessum samningum náðust
ýmis réttindamál í gegn þar sem
fyrst og fremst er miðað við lág-
launahópana. Þá verðum við að
trúa á að yfirlýsingar stjórnvalda
um verðlagsmálin séu meira en
orðin tóm og í ljósi þess mun ég
mæla með að samningarnir verði
samþykktir í mínu félagi.
Það sem gleður mig fyrst og
fremst er að svona mörg BSRB-
félög hafi gert sameiginlegan
samning sem taka einkum mið af
láglaunahópunum. Með því
styrkti BSRB stöðu sína.“
Spor í rétta átt
Hulda Ólafsdóttir,
sjúkraliði
„Ýmsir vilja kalla þetta kvenn-
asamninga en það er vegna þess
að konur eru í miklum meirihluta
í lægstu launaflokkunum, auk
þess sem tekið er á málum einsog
fæðingarorlofi og dagvistun
barna sjúkraliða.
Miðað við aðstæður og að
þetta eru skammtímasamningar,
þá leggjast þeir nokkuð vel í mig.
Við mátum stöðuna þannig að
það þyrftu að nást samningar sem
ekki færu beint út í verðlagið. Við
fórum þá leið að rétta hlut þeirra
lægst Iaunuðu, annarsvegar með
krónutöluhækkun í stað prósent-
uhækkunar og hinsvegar með því
að semja um lífaldurinn. Þá er
ekki síður mikilvægt fyrir lág-
launafólk ákvæðið um að ríkið
muni ekki hækka þjónustu sína,
að beitt verði ströngu verðlagsað-
haldi og að landbúnaðarafurðir
verða niðurgreiddar.
Enn er þó langt í land að lág-
markslaun séu viðunandi en
þetta er spor í rétta átt og ég held
að okkur hafi tekist vel miðað við
allar aðstæður."
-Sáf
Johann tapaði
í 10. umferð heimsbikarmótsins í
skák sem nú fer fram í Barcelona
á Spáni tapaði Jóhann Hjartar-
son fyrir Yasser Seirawan frá
Bandaríkjunum í 60 leikjum. Jó-
hann er nú í 6. sæti með 5 vinn-
inga en Ljubojevic er enn efstur
með 7 vinninga.
2 SIÐA - ÞJÓÐVILJINN
Carlsson
í heimsokn
Ingvar Carlsson forsætisráðherra
Svíþjóðar og kona hans hafa
þekkst boð Steingríms Her-
mannssonar forsætisráðherra um
að koma hingað í opinbera heim-
sókn. Carlson kemur þann 15.
maí og dvelur fram til 18.
Dregur úr reyk-
ingum unglinga
Stórlega hefur dregið úr reyking-
um unglinga hérlendis á síðustu
árum. Þetta kemurfram íkönnun
sem Landlæknisembættið hefur
látið gera og nær til nemenda á
aldrinum 15-20 ára. f febrúar sl.
sögðust 19% nemenda á þessum
aldri reykja, en þetta hlutfall var
24% árið 1986 og 30% árið 1984.
Þá kom einnig fram að töluvert
hefur dregið úr reykingum feðra
viðkomandi nemenda en mun
minna úr reykingum mæðra
þeirra.
Samdráttur í
sólarlandaferðum
Ferðaskrifstofurnar hafa
minnkað sætaframboð í sólarl-
andaferðum í sumar um
fimmtung frá síðasta ári. Minna
hefur verið bókað í sólarlandaf-
erðir nú á síðustu vikum en á
sama tíma í fyrra og hafa ferðas-
krifstofurnar því ákveðið að
draga verulega úr áður auglýstu
sætaframboði.
Eyþór Arnalds, sellóleikari
Sellóleikur
Eyþór Arnalds sellóleikari
heldur tónleika á vegum Tónlist-
arskólans í Reykjavík að Lauga-
vegi 178, gengið inn frá Bolholti,
í kvöld kl. 20.30. Hann flytur
verk eftir Vivaldi, Messiaen,
Beethoven og Brahms. Þetta eru
burtfarartónleikar Eyþórs frá
skólanum. Píanóleikari er David
Knowles.
Ólafur Ragnar
hjá FFJ
Ólafur Ragnar Grímsson fjár-
málaráðherra og formaður Al-
þýðubandalagsins verður gestur
Félags frjálslyndra jafnaðar-
manna á fundi í Símonarsal
Naustsins í kvöld. Allir eru vel-
komnir á fundinn sem hefst kl.
20.30.
Einarsson
ekki Lemacks
Ranglega var farið með föður-
nafn eins þeirra barna sem tók
borgaralega fermingu, í frétt í
blaðinu í sl. viku. Tryggvi Einars-
son var ranglega nefndur Lem-
acks að föðurnafni. Blaðið biðst
velvirðingar á mistökunum.
Bandarísk
bókavika
Hjá Bókaverslun Sigfúsar Ey-
mundssonar er bandarísk vika
þessa viku þar sem má sjá (og fá)
þverskurð bandarískrar bókaút-
gáfu, bækur um sögu, listir, tæki,
matargerð, auk fagurbók-
mennta.
BSRB-samningarnir
Sókn til jafnréttis
og bættra lífskjara
Ögmundur Jónasson: Samningar sem tryggja lægstlaunaðafólkinu
mestar kjarabœtur. Samningarnir koma ekki síst láglaunakonum vel
Þessir samningar eru bráða-
birgðasamkomulag þar sem
fyrsta skrefið er stigið í sókn til
jafnréttis og bættra lífskjara,
sagði Ögmundur Jónasson for-
maður BSRB við ÞjóðvUjann í
gær um samninga BSRB við rík-
ið.
„Mér heyrist að samningarnir
fái mjög góðan hljómgrunn hjá
okkar félagsmönnum. Það eru
helst einstaklingar utan samtak-
anna, ýmsir atvinnustjórnmála-
menn að ógleymdum atvinnurek-
endum, sem harma þessa samn-
inga. Atvinnurekendur hefðu
helst viljað tryggja áframhald-
andi kjaraskerðingu og svíður
það mjög að nú skuli hafa tekist
að spyrna við fótum og snúa vörn
í sókn.“
Ögmundur taldi það merki-
legast við þessa samninga að fjöl-
mörg félög með ólík sjónarmið
og áherslur standa að þeim í nánu
samstarfi af fúsum og frjálsum
vilja án þess að þau nokkru sinni
afsöluðu sér samningsrétti sínum
þá sameinuðust þau um kjara-
samning sem tryggir lægst
launaða fólkinu hlutfallslega
mestar kjarabætur, bæði með því
að semja um jafna krónutölu-
hækkun og með svokallaðri flýt-
ireglu sem grundvallast á lífaldri
fyrir lægst launaða fólkið.
„Þetta kemur ekki síst lág-
launakonum mjög vel, sem hafa
verið bundnar yfir búi og börnum
og koma seint til starfa á vinnu-
markaðinn. Þá er tekið á ýmsum
öðrum málum sem snerta konur
og börn sérstaklega og kemur
fjölskyldunni vel, einsog þáttur-
inn um fæðingarorlofið og að
sjúkraliðar sem ekki eiga kost á
dagheimilsplássum fyrir börn sín
fái greiddan mismun er nemur
greiðslu dagmóðurgjalds og
gjalds á barnaheimili sem ríkis-
spítalarnir reka.
Þá höfum við áhyggjur af at-
vinnuástandi unglinga í sumar og
fengum því framgengt að það
verður settur upp 15 miljón
króna sjóður til að styrkja
atvinnumöguleika unglinga í
sumar.
Við lítum á þessa samninga
sem bráðabirgðasamkomulag til
haustsins og erum staðráðin í að
nota samningstímann vel til þess
að fara í saumana á öllu launa-
kerfinu. Það er ljóst að almennt
þarf að hækka dagvinnutaxta
verulega til þess að við náum því
framtíðarmarkmiði að launafólk
geti lifað mannsæmandi lífi af
dagvinnu sinni." _Sáf