Þjóðviljinn - 15.06.1989, Blaðsíða 10

HÚSMÆÐI
veggja
Hús þurfa ekki öll að
veraeins. ÍHafnar-
firði er verið að
byggja hús sem eru
öðruvísi en við eigum
að venjast
Hús er bygging með veggjum og þaki samkvæmt skil-
greiningu orðabókar Menningarsjóðs. Málið er þó ekki alveg
svona einfalt því að undanförnu hafa verið byggð hús sem ekki
geia með réttu fallið undir þessa skilgreiningu. Kúlulaga hús og
hin svokölluðu strýtuhús hafa til að mynda ekkert þak í venju-
legum skilningi eða enga veggi eftir því hvernig á málið er litið.
I Setbergshverfinu í Hafnarfirði eru í byggingu nokkur hús sem eru
verulega frábrugðin því hefðbundna sem við eigum að venjast. Vífill
Magnússon arkitekt hefur teiknað eitt þessara húsa sem líkist píramída
að lögun. Hugmyndin varð til í Mexíkó þar sem Vífill var við nám en
íbúðarhús af þessu tagi hafa bæði verið byggð í Danmörku og Banda-
ríkjunum.
Að mati Vífils hafa strýtubygingar ýmsa kosti fram yfir hús af
hefðbundinni gerð. Þau eru ódýrari og einfaldari í smíðum, þau standa
vel af sér veður og snjóálag er ekkert. Auk þess er minni hætta á að
svona hús hrynji í jarðskjálftum.
Fyrstu teikninguna af strýtuhúsi gerði Vífill árið 1983 en áhugi fólks
kviknaði eftir að hann byggði svona hús í Kópavogi þar sem hann og
eiginkona hans Halla Hannesdóttir reka teiknistofu. íbúðarhús með
þessu lagi hefur verið byggt í Vogum og eins og áður sagði er enn eitt í
byggingu í Hafnarfirði.
Kúluhúsið í Setbergi hefur líka vakið talsverða athygli. Það er byggt
úr mörgum þríhymdum timburflekum og þríhymingsformið heldur
sér í öllum gluggum hússins. Það var Einar Þorsteinn Ásgeirsson sem
teiknaði húsið en eigandi þess Grétar Magnússon byggði það. Við hlið
íbúðarhússins hefur verið reist annað kúluhús sem samanstendur af
mörgum litlum sexhymingum. Grétar Magnússon hannaði þetta hús
og hyggst hefja framleiðslu á þeim. Þau em 30 og 50 fm að stærð og
geta hentað vel m.a. sem sumarhús. iþ
10 SÍÐA - ÞJÓÐVILJINN JÚNÍ1989