Þjóðviljinn - 24.03.1990, Blaðsíða 3

FRETTIR
Álverið
VSI neitar framlengingu
Verkalýðsfélögin 10 í álverinu boða verkfall á miðnœtti 30. mars. Gylfi Ingvarsson: Hart að þurfa að
Okkur starfsmönnum álversins
þykir helvíti hart að þurfa að
grípa til helgasta vopns verka-
iýðshreyfingarinnar tii þess að
semja um framlenginu gildandi
kjarasamninga,“ sagði Gylfi |
Ingvarsson yfirtrúnaðarmaður
álversins í Straumsvík í gær. ÖII
verkalýðsfélögin í álverinu hafa
samþykkt að boða tii verkfalls á
miðnætti 30. mars hafi ekki náðst
samningar við vinnuveitendur.
Ríkissáttasemjara og Vinnu-
veitendasambandi íslands var í
gær send tilkynning verkalýðsfé-
laganna um boðin verkfalls þann
30. mars og hefur ríkissáttasemj-
ari að sögn Gylfa boðað til sátta-
fundar á mánudag klukkan 14.
Gylfi sagði verkalýðsfélögin í
álverinu hafa samþykkt að ganga
til samninga á svipuðum nótum
og kjarasamningar Alþýðusam-
bandsins og VSÍ, en það jþýddi að
þeirra mati að 3. grein núgildandi
kjarasamnings framlengdist eins
og aðrar greinar. í þeirri grein er
kveðið á um 20 þúsund króna
greiðslu til starfsmanna þann 28.
september sl. og 1,8% greiðslu
ofan á heildar árslaun starfs-
manna sem komu til greiðslu í
annarri launagreiðslu í desem-
ber. Að sögn Gylfa voru þessar
greiðslur miðaðar við framleiðslu
og rekstrarafkomu álversins, sem
var mjög góð í fyrra. „Við vit-
um að vísu ekki hverju erlendur
auðhringur er að fórna, en sætt-
um okkur engu að síður við að
semja á sömu nótum og aðrir,“
sagði Gylfi. En af hálfu verka-
grípa til verkfallsvopnsins til að framlengja samning
lýðsfélaganna kæmi ekki til
greina að lækka launin um 4%
áður en farið væri að semja um
annað. Það strandaði því ekki á
neinu öðru en því að vinnu-
veitendur samþykktu að fram-
lengja ákvæði 3. greinar núgild-
andi samnings eins og aðrar
greinar. Annað sagði Gylfi að
væri breyting á samningi og þá
væri ekki verið að framlengja
samninga eins og talað væri um í
samningum ASÍog VSÍ að þessir
aðilar beittu sér fyrir að þeir sem
ættu eftir ósamið gerðu. Sagði
Gylfi þessa aðila beinlínis hafa
skuldbundið sig til þess að gild-
andi samningar yrðu framlengd-
ir.
Engrar niðurstöðu er að vænta
á sáttafundinum á mánudag þar
sem hann er hefðbundinn kynn-
ingarfundur þar sem deiluaðilar
kynna ríkissáttasemjara stöðu
mála. Frá því að verkfall hefst
formlega líða tvær vikur sam-
kvæmt samningum þar til álverið
stöðvast, hafi ekki samist.
-hmp
Forval ABR
vennalisti
Guðmn vill endumýjun
Sigurjón og Guðrún íforvalABR. Kvennalisti ogFramsóknarflokkur
hafna boði Nýs vettvangs um aðild aðprófkjöri. Málið enn óafgreitt
hjá ABR
listans.
og Framsóknar-
flokkur hafa formlega hafnað
boði Nýs vettvangs um aðild að
prófkjöri samtakanna, en að sögn
Stefaníu Traustadóttur, for-
manns ABR, verður bréf samtak-
anna tekið fyrir á næsta stjórnar-
fundi þar. Engin beiðni hefur
borist um að haida nýjan fé-
lagsfund um framboðsmál ABR.
Hins vegar hefur verið lagður
fram listi fólks sem hyggst taka
þátt f forvali ABR, þar á meðal er
hópur fólks sem ekki hefur verið
á G-lista áður.
Þar er einnig að finna bæði
Guðrúnu Ágústsdóttur og Sigur-
jón Pétursson, en Guðrún hefði
viljað endurnýjun í efstu sæti G-
„Mér líst mjög vel á þennan
hóp sem hefur ákveðið að taka
þátt í forvali.
Ég stefni í fyrsta sætið nú eins
og áður. Það kom til greina af
minni hálfu að draga mig í hlé, en
kjörnefnd fór fram á það við mig
að ég gæfi kost á mér. Ef ég hefði
talið mig ómissandi hefði ég boð-
ið mig fram sjálfur," segir Sigur-
jón Pétursson borgarfulltrúi, sem
nú stefnir á sitt sjötta kjörtímabil
í borgarstjórn.
Guðrún Ágústsdóttir segir
alltaf hafa legið ljóst fyrir að hún
væri tilbúin til þess að taka þátt í
forvali.
„Ég hef lengi verið þeirrar
skoðunar og sagði kjörnefnd að
ég teldi mikilvægt fyrir G-listann
að fá öfluga, nýja einstaklinga í
efstu sætin. Nú hefur komið í ljós
að það var ekki nægur vilji fyrir
þessu í kjörnefnd.
Ég sagði kjörnefnd líka að ég
væri tilbúin að taka fjórða til
fimmta sætið á listanum ef nýtt
fólk kæmi í efstu sætin. Mitt hlut-
verk væri þá að starfa áfram í
borgarmálaráði og láta þekkingu
mína og reynslu nýtast nýju fólki.
Það væri mjög heppilegt fyrir G-
listann að sýna fram á endurnýj-
un nú.
Afstaða mín byggist auðvitað á
því að ég vil að G-listinn fái sem
allra flest atkvæði," segir Guðrún
við blaðamann
Ágústsdóttir
Þjóðviljans.
Guðrún segist ekki stefna í
ákveðið sæti í forvalinu.
„Ég gef kost á mér í þetta for-
val án skilyrða. Félagar í ABR
verða að velja listann," segir
Guðrún.
Stefanía Traustadóttir segir
engin brögð hafa verið að því að
Alþýðubandalagsfólk, sem geng-
ið hefur til liðs við Nýjan vett-
vang, hafi sagt sig úr ABR.
„Það hafa engar úrsagnir borist
að undanförnu. Síðasta úrsagna-
hrina kom þegar ríkisstjórnin var
mynduð haustið 1988,“ segir
Stefanía.
-gg
Jan Guillou, orðinn svo umdeildur að hann getur ekki lengur starfað sem
blaðamaður.
það árið. Fjórða bókin um Coq
Rouge kom út í fyrra og mun hafa
selst í 160 þúsund eintökum.
Þekking Guillous á sænsku,
bandarísku og sovésku leyni-
þjónustunni kom honum af stað
með Coq rouge, hann sat uppi
með nákvæmar upplýsingar og
staðgóða þekkingu byggða á
margra ára rannsóknum, sem
hann gat hvergi komið á framfæri
nema í skáldsögu. Hann segist
aðallega hafa farið að skrifa
þriilerana til að upplýsa almenn-
ing um starfsemi sænsku leyni-
þjónustunnar, sem geri allt ann-
að en sinna þeim verkefnum, sem
henni er opinberlega gert að taka
fyrir, - og þar að auki hafi hann
sjálfur stundað njósnir og upplýs-
ingasöfnun í svo mörg ár að það
sé það eina sem hann kunni.
Kvikmynd, sem í fyrra var gerð
eftir fyrstu sögunni um Hamilton
greifa, verður frumsýnd í Háskól-
abíói í dag kl. 13:30. Bókakynn-
ingin hefst í Norræna húsinu kl.
16 í dag, en þeir sem einkum hafa
hug á að hitta fjölmiðlamanninn
Jan Guillou fá tækifæri til þess á
sunnudagskvöldið kl. 20:30.
LG
Tónlistarfélagið
Sellóleikur
í Ópemnni
Arto Noras og Krystyna
Cortes halda tónleika í ís-
lensku óperunni í dag
Finnski sellóleikarinn Arto
Noras, sem síðastliðið fimmtu-
dagskvöld lék einleik með Sinfón-
íuhljómsveit Islands, heldur í dag
tónleika í íslensku óperunni. Með
Noras leikur Krystyna Cortes pí-
anóleikari og flytja þau Adagio-
Allegro eftir Schumann, Arpeggi-
one sónötu eftir Schubert, Sónötu
í F-dúr eftir Brahms og Variazi-
one di bravura eftir Paganini.
Tónleikarnir eru haldnir á vegum
Tónlistarfélagsins og hefjast kl.
14:30.
Arto Noras er einn fremsti
sellóleikari heimsins í dag. Hann
er fæddur árið 1942 og hóf selló-
nám fimm ára að aldri. Hann
stundaði nám við Sibeliusar aka-
demíuna og við Konservatoríið í
París, hefur unnið til margra
verðlauna í tónlistarkeppnum og
komið fram bæði með hljóm-
sveitum og á einleikstónleikum
um allan heim. Frá árinu 1970
hefur Noras verið prófessor við
Sibeliusar akademíuna og leikur í
strengjakvartett hennar auk þess
sem hann spilar með Helsinki
Trio.
Krystyna Cortes er fædd í Eng-
landi en hefur verið búsett hér á
landi frá árinu 1970. Hún hefur
tekið virkan þátt í íslensku tón-
listarlífi sem píanóleikari með
söngvurum, kórum og hljóðfæra-
leikari.
Miðar á tónleikana eru seldir í
íslensku óperunni.
LG
\ \ Laugardagur 24. mars 1990 ÞJÓÐVILJINN - SÍÐA 3
HELGARRÚNTURINN
BIRTINGARHLJÓMUR hinnar tónelsku þjóðar tekur á sig aðskiljan-
legustu myndir þessa helgi sem allar aðrar. Það er mússíserað um allt
land. Á Akureyri hefjast Hafliðadagar í dag og lýkur þeim sunnudag-
inn 1. apríl. Hafliðadagar eru haldnir í tilefni heimsóknar Hafliða
Hallgrímssonar tónskálds og sellóleikara til bæjarins, en hann er bor-
inn og barnfæddur Akureyringur. Kammerhljónisveit Akureyrar,
Tónlistarfélag Akureyrar og Tónlistarskólinn á Akureyri standa fyrir
þessum dögum. Með Hafliða verður Pétur Jónasson gítarleikari og
hefst dagskráin á sal MA í dag kl. 17 með því að þeir félagar flytja verk
eftir Hafliða og önnur tónskáld. Á morgun stjórnar Hafliði Kammer-
hljómsveit Akureyrar í Akureyrarkirkju og verður flutt verkið Fjöldi
dagdrauma eftir Hafliða auk verka eftir önnur tónskáld. í Reykjavík-
inni er líka tónaflóð. í íslensku óperunni heldur finnski sellóleikarinn
Arto Noras tónleika með Krystynu Cortes píanóleikara í dag kl. 14.30.
Og í Hafnarfirði þenur Háskólakórinn raddbönd sín í Hafnarborg kl.
17 á morgun. í Garðinum er haldið landsmót bjöllukóra um helgina.
Að lokum skulum við hverfa aftur til höfuðborgarinnar en Kammer-
músíkklúbburinn er með tónieika í Bústaðakirkju á morgun kl. 20.30.
Tríó Reykjavíkur ásamt gestaleikurunum Petri Sakari og Helgu Þórar-
insdóttur flytja þrjú verk.
ERÓTÍSK myndlist íslenskra myndlistarmanna er til sýnis í Gallerí
Borg. Helgi Þorgils Friðjónsson opnaði í gær myndlistarsýningu í gall-
eríi Sævars Karls Bankastræti 9. Kristbergur Ó. Pétursson opnaði
sýningu í Galleríi einn einn í gær. í Bókasafni Kópavogs stendur yfir
sýning á olíumyndum ungs Thailendings, Kim Tawatchai Wiriyolan. í
kjallara Norræna hússins er samsýning fjögurra íslendinga, þeirra
Kristins G. Harðarsonar, Ingólfs Arnarssonar, Sólveigar Aðal-
steinsdóttur og Eggerts Péturssonar. Margrét Zóphóníasdóttir sýnir í
Ásmundarsal, Daníel Morgenstern í FIM-salnum, Ásta Guðrún
Eyvindardóttir í Gallerí Graf, Birgitta Jónsdóttir í Listamannahúsinu
og Karólína Lárusdóttir í Nýhöfn. Á Kjarvalsstöðum eru til sýnis verk
eftir Svavar Guðnason, formleysismálverk úr safni Riis og metamorfis
Guðjóns Bjarnasonar.
HAMINGJUSAMASTA þjóð í heimi er sem sagt tónelsk og gefin fyrir
myndlist og einsog allir vita þá er þjóðin iðulega kennd við sinn forna
arf, bókmenntirnar. Góður gestur kemur frá Svíþjóð, Jan Guillou,
blaðamaður og rithöfundur. Hann mun lesa úr verkum sínum og ræða
þau í Norræna húsinu í dag og á morgun mun hann ræða um störf sín
sem blaðamaður á sama stað. Norræna félagið í Kópavogi verður með
kynningu á FjaUkirkjunni eftir Gunnar Gunnarsson í Þinghóli, Ham-
raborg 11, í dag kl. 16.30 og bókmenntaklúbbur Hana-nú hópsins í
Kópavogi stendur fyrir opnu húsi í FélagsheimUi Kópavogs í dag kl. 15
þar sem lesið verður ljóðið Áfangar eftir Jón Helgason og skáldið
kynnt. Þeir sem áhuga hafa á heimspeki ættu að líta inn í stofu 101 í
Lögbergi á morgun kl. 14.30 en þá mun Sigurður Kristinsson flytja
fyrirlestur sem kallast „Vinátta sem verðmæti og dygð: Um hugtakið
filia í siðfræði Aristótelesar.“