Þjóðviljinn - 24.08.1990, Blaðsíða 15

T
T
Ingólfur Guðvarðarson er að verða þrettán ára og fer í gaggó í
haust. Hann segist hafa mikinn áhuga á bílum, enda reki pabbi
hans verkstæði.

Kristmann Óskarsson er 11 ára og kallaður Manni. Hann er sá eini úr hópnum sem ekki
býr í Mosfellsbæ. Manni býr nefnilega í Kópavogi og gengur í Digranesskóla.
Högni Snær Hauksson er 10 ára. Hann reytir af sér brandarana
á meðan á viðtalinu stendur, auk þess sem hann rekur upp
ógleymanleg Högnagól annað slagið.
Rannveig Jónsdóttir verður 12 ára í september, hún segist vera kölluð Gagga nema
þegar mamma hennar skammar hana.
Myndir: Kristinn.
Krakkarnir ásamt Pappírs-Pésa,
aðalhetju nýrrar íslenskrar
barna- og fjölskyldumyndar sem
frumsýnd verður bráðlega.
Högni Snær, Rannveig, Kristmann
og Ingólfur heita krakkarnir sem
leika aðalhlutverkin í nýrri íslenskri
barna- og fjölskyldumynd sem
frumsýnd verður í Háskólabíói 1.
september næstkomandi og kallast
Ævintýri Pappírs-Pésa. Pappírs-
Pésa kannast eflaust margir krakkar
við afsögu Herdísar Egilsdóttur
sem út kom'hjá Máli og menningu.
Og afstuttmyndunum tveimur
sem Hrifhf. hefur þegar framleitt
og sýndar hafa verið í Sjónvarpinu.
Nýtt Helgarblað mælti sér mót við
aðalleikara kvikmyndarinnar á
dögunum og átti við þá fjörugt
spjall
Prakkarar úr
Pappírs-Pésa
Krakkarnir fjórir sem leika aðalhlutverkin í Ævintýrum Pappírs-
Pésa, nýrri íslenskri barna- og fjölskyldumynd, eru þau Högni Snær 10
ára, bara kallaður Högni; Rannveig að verða 12, alltaf kölluð Gagga,
nema þegar mamma hennar skammar hana; Ingólfur á þrettánda ári,
kallaður Ingó og Kristmann kallaður Manni, 11 ára. Þau þrjú fyrmefndu
eiga öll heima í Mosfellsbæ, en hann Manni f Kópavogi.
Manni mætir fyrstur í viðtalið
og segir blaðamanni að hann hafi
verið valinn úr hópi þúsund
krakka til að leika Óla, sem
teiknar Pappírs-Pésa og er aðal-
persóna kvikmyndarinnar.
Manni segir að þau krakkamir
séu öll orðin góðir vinir, og hann
láti sig ekki muna um að hjóla
alla leið upp í Mosfellsbæ til að
heilsa upp á Högna, og þau hin.
Skömmu seinna renna Mos-
fellsbæingarnir í hlað og við get-
um hafið rabbið.
Hver er Pappírs-Pési?
Gagga: Pappírs-Pési? Hann er
martröð...hí, hí.
Högni.-Hann er múmía.
Gagga: Hann er heimskt súkku-
laðibréf.
Manni:Nei, hann er strengja-
brúða.
Högni: Nei, ekki lengur.
Gagga: Bara grindardrasl.
Högni: Nei, í myndinni er hann
sko strengjabrúða.
Og hvernig kynnist þið honum?
Manni: Ég kynnist honum fyrst
því að ég teikna hann.
Högni: Við hin kynnumst honum
í draugahúsinu í Tívolíinu.
Verður hann svo vinur ykkar?
Manni: Krakkarnir berja mig, þá
vaknar Pappírs-Pési og tekur í
þá.
Högni: Skiptir sér af málum.
Gagga: Já, hann fer að skipta sér
af, en við verðum svo hissa að við
getum ekki lamið hann.
Högni: Við erum hrekkjusvín...
Gagga: ..í myndinni sko. En
Manni leikur englabarn.
Manni: Nei!
En hverjir eru þá í hrekkjusvína-
genginu sem kemur við sögu í
myndinni?
Gagga: Öhh. .það em óvinir okk-
ar.
Manni: Högni er skotinn í stelp-
unni sem leikur gellina í genginu.
Gagga: Einmitt, hann er alltaf að
segja hvað hún sé sæt.
Högni: Ég var hrifinn af henni,
en ég er það ekki lengur.
Hvað leika margir krakkar í
myndinni?
Ingó: Rajeev er farinn til Mex-
íkó, hann lék líka í henni.
Manni: Heyrðu, við getum ekki
talið hvað það eru margir krakk-
ar í sumum atriðunum, eins og
skólaatriðinu.
Gagga: En Magnús Ólafsson er í
henni.
En þið eruð aðalleikararnir og
eruð í mynd í nœr öllum atriðun-
um?
Ingó: Ég og Rajeev skiptumst á
að leika, ég að vísu meira.
Högni: Hundurinn er meira en
Rajeev.
Gagga: En við þrjú erum næstum
alltaf, í hverju atriði.
Þetta er sem sagt mynd sem er
samsett úr mörgum þáttum?
Högni: f bíó er þetta sýnt sem ein
heil mynd, en svo er líka hægt að
sýna hvern þátt fyrir sig.
Manni: Svo syngjum við síðast.
Það er búið að sýna lagið nokkr-
um sinnum í sjónvarpinu.
Er það tónlistarmyndband?
Manni: Já, við syngjum eitt lag,
og í myndbandinu eru sýnd atriði
úr kvikmyndinni.
Hvernig töffari er Pappírs-Pési?
Högni: Hann er enginn töffari.
Ingó: Hann er aðalpersónan.
Manni: Og f laginu er hann á
trommum.
Högni: Við Gagga emm söngvar-
ar. Manni á rafmagnsgítar og
Ingó spilar á píanó.
Manni: Og stelpan, pæjan, er
bakraddasöngkona og hinir em á
saxafónum og lúðrum. Og Magn-
ús Ólafsson syngur líka með.
Leikur hann pabba einhvers ykk-
ar?
Högni: Jesús minn, ertu brjáluð?
Gagga: Hann leikur óvin okkar
sem við emm alltaf að stríða. Við
byggjum t.d. kofa í garðinum hjá
honum. Við viljum taka fram að
við byggðum ekki þessa asnalegu
kofa í alvörunni, við hefðum gert
þá öðruvísi.
Manni: Og hann kemur alveg vit-
laus út og rífur þá alla í tætlur.
Gagga: Þá gerum við marsbúa-
innrás, og málum Pappírs-Pésa
grænan og setjum á hann loftnet.
Er þetta þá grínmynd?
Högni: Þetta er bæði sko, hún
getur líka verið mjög spennandi,
eftir því hvernig tónlistin er.
En hvernig var að leika í mynd-
inni?
Gagga: Það var ágætt. Hvernig
fannst þér það, Högni?
Högni: Mér fannst það gaman,
fínt. Sérstaklega í Jökulsárlóni og
þar.
Gagga: Já, það var æðislegt. Þá
voru allir fullir í rútunni nema
við.
Högni: Já, skrifaðu það sérstak-
lega.
Högni grípur upptökutækið og
galar yfirlýsinguna inn í hliðina á
tækinu. Éyrun fjúka af blaða-
manni þegar Högnagól glymur
allt í einu í stofunni.
En var ekkert erfitt að leika í
Pappírs-Pésa?
Högni: Það var bæði, þetta var
líka mjög erfitt.
Voruð þið líka öll með í gerð þátt-
anria um Pappírs-Pésa frá upp-
hafi?
Gagga: Fyrst þegar byrjað var að
gera þátt um Pappírs-Pésa valdi
frænka mín okkur krakkana til að
leika, og svo var valinn einhver
strákur til að leika aðalhlutverk-
ið, ekki Manni. Svo var gerð
myndin, og hún var allt öðmvísi.
Það var lögga, en ekki við sem
börðum Pappírs-Pésa, en það var
eitthvað að þeim þætti.
Manni: Aðalleikarinn var ekki
nógu góður...
Ingó: ...þaðvarút aflögreglunni.
Gagga: Þá var hringt í okkur og
okkur sagt að gera ætti nýjan
þátt, og þá var auglýst í blaðinu,
og Manni var valinn.
Högni: Og svo gerðum við það
öðmvísi, og svo var hringt í okkur
og við látin gera þáttinn aftur!
Gagga: Síðan byrjuðum við um
sumarið, og vorum allt sumarið
að gera nokkra þætti.
Högni: Við erum búin að vera
þrjú ár núna bráðum.
Manni: Ég bara tvö.
Gagga: Svo gerðum við mynd-
bandið nú í sumar.
Manni: Þegar við gerðum mynd-
bandið vorum við alla nóttina.
Við þurftum að mæta kl. 7 í bíóið
eða þar sem þetta var...
Gagga: ...leikhúsinu í Hafnar-
firði.
Manni: Og svo komum við ekki
heim fýrr en sex næsta morgun!
Gagga: Ég var komin heim
klukkan sjö.
Högni: Ég líka en ég vakti til níu.
Manni: Eg fór heldur ekki að
sofa.
Ætlið þið að vinna að kvikmynd-
um seinna meir, sem leikarar
kannski?
Ingó: Ekki ég.
Högni: Ég hef leikið í Nóa aug-
lýsingum, og ég ætla að verða
ieikari og söngvari. Ég hef verið
að syngja með hljómsveit sem
heitir Gervileikarnir í Mosfells-
bæ, hún leikur á diskótekum og
svoleiðis.
Gagga: Mig langar að vinna við
kvikmyndir, en kannski ekki
endilega leika í þeim.
Manni: Mig langar að verða
leikari.
En farið þið mikið á bíó?
ÖLL: Já.
Nú upphefjast heitar umræður
um þao hver hefur séð hvaða
myndir í kvikmyndahúsum borg-
arinnar, þau láta greinilega fáar
myndir fram hjá sér fara.
Eigið þið ykkur eftirlcetismyndir?
Manni: Mér þykir Krókódfla-
Dundee II góð.
Högni: Besta grínmyndin mín er
The Naked Gun, og besta hryll-
ingsmyndin The Pet Cemetary,
eða Enginn venjulegur kirkju-
garður.
Gagga : K-9, sem er ævintýra-
mynd.
Högni: Já, hún er rosaleg.
Ingó: Það er hjá mér hryllings-
myndir og grínmyndir.
Högni: Ég horfi mest á hryllings-
myndir, sumar ævintýramyndir
geta verið ágætar líka.
Færuð þið þá ekki á Pappírs-Pésa
íbíó?
ÖLL: Jú, við förum.
En ef þið hefðuð ekki leikið í
henni?
Öll: Jú.
Þið viljið samt frekar sjá hryl-
lingsmyndir en Walt Disney
myndir?
Öll: Öhhhh! Hvers konar spurn-
ing er nú þetta? Oj.
Fleiri kok- og búkhljóð fylgja
sem lýsa andstyggð leikaranna á
Walt Disney, en sem blaðamaður
telur óprenthæf.
Er Pappírs-Pési ekki fjölskyldu-
mynd?
Manni: Jú, mjög góð fjölskyldu-
mynd.
Högni: Sérstaklega fyrir múmíur
sem eru vanar.
Horfið þið mikið á myndbönd?
öll: Já, við eigum öll mynd-
bandstæki.
Og hvenœr horfið þið á mynd-
bönd?
Manni: Ég var að því áðan, á
mynd sem heiíir Kú-kú II, eða
eitthvað svoleiðis. Og það er um
mann sem rífur af sér skinnið, og
þá kemur ljós geisli.
Gagga: En grænu skrímslin, hvað
hét hún?
Hér fylgir umræða um hrylli-
legar hryllingsmyndir, verur sem
rífa af sér höfuðin og tæta af sér
skinnið, sem ekki er talin við hæfi
barna.
Eru þessar myndir ekki bannaðar
börnum innan 16 ára?
Öll: Jú (skellihlátur). Við megum
taka þær á myndbandaleigum ef
við erum með leyfi frá mömmu
og pabba.
Eruð þið ekkert hrœdd þegar þið
horfið á svona myndir?
Högni: Maður bara horfir á þær,
ég verð stundum hræddur.
Þið horfið sem sagt ekki á Mary
Poppins?
Öll: Nei.
Gagga: Ég sá hana síðast þegar
ég var fimm ára.
Lesið þið bœkur?
Öll: Já, já.
Högni: Ég les Litlu vampírurnar.
Uppáhaldsbókin mín er Ottó
nashyrningur.
Gagga: Uppáhaldsbækurnar
mínar eru: Einn úr klíkunni og
Ein af strákunum.
Ingó: Ég er meira fyrir bíla en
bækur. Pabbi minn er með verk-
stæði.
Hvað gerið þið annað i frístund-
um en að horfa á kvikmyndir og
lesa?
-Högni: Alls konar, ég æfi fót-
bolta.
Ingó: Ég má ekki vera í íþróttum
út af sprautunum sem ég fæ á
hverjum degi til að stækka. Ég
fótbrotnaði illa þegar ég var þrig-
gja og þá hætti ég að stækka.
Hvernig var að vinna með full-
orðna fólkinu?
Högni: Ari var oft svo leiðinlegur
að við bitum hann í lærið.
Gagga: Hann er enn með farið.
En það var meiriháttar gaman að
vinna með fólkinu.
Högni: Stundum var það svo
leiðinlegt að við hefðum getað
bitið þau öll í lærin.
Finnst ykkur að fullorðnir geti
búið tií myndir og bækur handa
krökkum?
Gagga: Nei, börn eiga að gera
það. Fullorðnir eiga ekki að vera
að skipta sér af.
Högni: Sumar myndir eru vel
gerðar, mjög vel gerðar, eins og
Naked Gun. Hún var mjög fynd-
in og skemmtileg. Sumar fjöl-
skyldumyndir geta líka verið
mjög góðar, eins og Indiana Jon-
es.
Ingó: Erik the Viking var líka
mjög góð.
Manni: Og Pottormur í pabba-
leit.
Högni: Það á að vera Look
Who‘s Talking, Sjáið hver talar.
Þetta er bara þýtt svo illa. Skrif-
aðu það: Bíógaurarnir þýða þetta
svo illa.
Hvað er eftirminnilegast úr tök-
unum?
Högni: Allt, þetta var allt
skemmtilegt og spaugilegt, eins
og þegar ég fékk gat á hausinn.
Gagga: Það datt ruslatunna úr
járni ofan á hann..
Högni:..og hún beyglaðist.
Gagga: Hann öskraði svo hátt að
allir þurftu að halda fyrir eyrun.
Högni gefur blaðamanni enn
eitt dæmið um öskurhæfileika
sína til að sýna hversu hátt hann
galaði þegar fatan lenti á höfðinu
á honum.
Hvernig haldið þið að verði að
fara í skólann þegar búið er að
sýna myndina?
Högni: Alveg hræðilegt.
Manni: Ég fer ekki í skólann aft-
ur.
Gagga: Ég fæ mér einkakennara.
Ingó: Sammála.
Högni: Þegar við förum í skólann
á enginn eftir að láta okkur í friði.
Og maður getur ekki heldur labb-
að í bænum. Skrifaðu: Allir sem
kalla okkur Pappírs-Pésa eru
mjög heimskir.
Gagga: Já, skrifaðu það: Allir í
Varmárskóla og Digranesskóla
sem uppnefna okkur eru hálfvit-
ar.
Högni: Við látum Magnús Ólafs-
son koma og setjast ofan á þá sem
gera það.
Eigið þið einhver áhugamál?
Högni: Áhugamál mín eru; stelp-
ur, ferðalög, íþróttir sérstaklega
fótbolti, tónlist og að leika.
Manni: Mín eru aðallega stelpur
og ferðalög til útlanda.
Gagga: Allt sem er skemmtilegt
eru áhugamál mín.
Ingó: Ég hef gaman af bflum og
ferðalögum og stelpum. Útilegur
er líka skemmtilegar, ég hef verið
tvær helgar heima í allt sumar.
Að lokum?
Öll: Þú verður að skrifa að Sirrý
hafi verið langskemmtilegust,
Arni og Dóri voru líka ágætir. Og
svo verða auðvitað allir að fara að
sjá þessa frábæru fjölskyldumynd
um ævintýri Pappírs-Pésa sem
frumsýnd verður í Háskólabíói 1.
september!
BE
14 SIÐA — NYTT HELGARBLAÐ Föstudagur 24. ágúst 1990
Föstudagur 24. ágúst 1990 NÝTT HELGARBLAÐ - SÍÐA 15
Hrif hf
Fyrsta fjölskyldu-
myndin í nær áratug
Vilhjálmur Ragnarsson er
framleiðandi Pappírs-Pésa. Nýtt
helgarblað ræddi við hann í gær.
Hvernig standa fjármálin?
- Kvikmyndin um Pappírs-
Pésa kostaði um 50 miljónir,
rúmlega helminginn verðum við
að fjármagna sjálfir, en við feng-
um einnig styrk úr kvikmynda-
sjóði íslands. Við áttum þessa
peninga ekki þegar framleiðsla
myndarinnar hófst en við von-
umst til að hala þá inn á einn eða
annan hátt. Við erum þessa dag-
ana að gera samninga við banda-
rískan dreifingaraðila, svo það er
ljóst að myndin verður sýnd er-
lendis. Áður en við gerðum kvik-
myndina höfðum við gert stutt-
myndir um Pappírs-Pésa sem
hafa verið sýndar í Sjónvarpinu,
og verið seldar til Norðurland-
anna og Þýskalands.
Hvernig var að vinna með
krökkunum?
- Það var ágætt, en auðvitað
allt öðruvísi en að vinna með full-
orðnum. Þau eru meira spontan,
og láta skoðanir sínar í ljós á ann-
an hátt. En þau voru mjög dugleg
og jákvæð, og þau voru ákveðin í
að láta þetta takast. Ég varð
aldrei var við það að þau vildu
gefast upp. Krakkarnir urðu vit-
anlega þreyttir eins og aðrir, og
það kom stundum út í æsingi, en
almennt var þetta fínt.
Hvað fóru margir Pappírs-
Pésar í tökurnar?
- Ég veit að í einu atriðinu voru
notaðir 150 Pésar, og nánast 200
af öllum stærðum og gerðum í
heild í gerð myndarinnar.
Eruð þið Hrifs-menn ánægðir
með útkomuna?
- Ég sé myndina ekki fyrr en
um helgina, en ef allt fer eins og
ég held þá getum við verið mjög
ánægðir. Þetta hefur verið erfitt,
en borgað sig.
- Pappírs-Pési er fyrsta barna-
myndin sem er gerð hér á landi í
tæp tíu ár, og ég vona að foreldrar
séu ekki búnir að gleyma því
hvað það er gaman að fara með
börnin í bíó. Ég er einnig viss um
að fullorðnir eigi eftir að
skemmta sér vel á myndinni líka.
Er meiri áhætta að gera barna-
myndir?
- Það getur verið það. Áhorf-
endahópurinn er ekki jafnstór.
Börn þurfa oft að sjá sömu hlut-
ina tvisvar og jafnvel oftar, og
þannig gæti fjöldi þeirra sem fer á
myndina aukist. Erfiðast er að fá
peninga til að gera bamaefni á
Islandi. Það er mun auðveldara
fyrir okkur að fá fjármagn f
Bandaríkjunum en hérlendis.
Svo gæti farið að framhaldið af
Pappírs-Pésa yrði eingöngu á
ensku, og þá yrði þetta enn ein
bandarísk bíómynd sem íslensk-
um börnum er boðið upp á. Til
þess að halda uppi íslenskri
menningu, m.a. með framleiðslu
á innlendu barnaefni, verða kvik-
myndagerðarmenn að fá fé frá
stjórnvöldum því að við getum
ekki hætt öllu til þess að gera
myndir með íslensku tali, eins og
við hjá Hrif hf gemm nú. Það er
mun þægilegra fyrir okkur að
framleiða myndina á ensku, og
þurfa ekki sífellt að hafa áhyggjur
af peningum. Menning kostar
peninga.
Ævintýri Pappírs-Pésa er
fyrsta kvikmyndin í fullri lengd
sem Hrif hf gerir. Þetta er barna-
og fjölskyldumynd, sú fyrsta sem
gerð hefur verið hér á landi í nær
áratug, eins og fram hefur komið.
Höfundur handrits og leikstjóri
er Ari Kristinsson, en kvik-
myndataka var í höndum Tony
Forsberg, sem sá um þá hlið m.a.
í Hrafninn flýgur og Nonni og
Manni, ásamt Jóni Karli Helgas-
yni, sem unnið hefur við flestar
íslenskar kvikmyndir. Geir Ótt-
arr er aðalleikmyndahönnuður
myndarinnar, og tónlistin er eftir
Valgeir Guðjónsson. Brúðunni
Pappírs-Pésa var stjómað af
Bemd Ogrodnik og Katrínu Þor-
valdsdóttur.
BE
Vilhjálmur Ragnarsson framleiðandi kvikmyndarinnar um Pappírs-
Pésa. Mynd: Kristinn.