Dagblaðið Vísir - DV - 19.01.1996, Síða 12

12
FÖSTUDAGUR 19. JANÚAR 1996
Spurningin
Hvaða þorramatur finnst
þér bestur?
Ragnheiður Árnadóttir deildar-
stjóri: Hangikjöt, bringukollar og
lundabaggar.
Hulda Björg Kristjánsdóttir,
nemi í sjúkraþjálfun: Hangikjöt.
Kristín Jónasdóttir forstöðumað-
ur: Hrútspungarnir, pabbi kenndi
mér að borða þá, sviðasultan og
sviðin.
Marteinn Þorkelsson kjötiðnað-
arnemi: Hangikjöt og haröfiskur.
Egill Reynisson kjötiðnaðarnemi:
Hangikjöt og harðfiskur.
Lesendur___________
Deilurnar í
Langholtskirkju
Köllun og verk presta er mikilvægara en annarra starfsmanna kirkjunnar,
segir Konráð m.a. í bréfinu. - Styður séra Flóka f deilunni.
Konráð Friðfinnsson skrifar:
Langholtskirkja hefur nú verið í
eldlínunni vegna deilna organistans
við sóknarprestinn. Ég verð að við-
urkenna að ekki hefur mér tekist til
fulls að átta mig á um hvað deilan
snýst. Þó virðist ljóst að þessir tveir
einstaklingar geti ekki unnið sam-
an, sem er auðvitað slæmt. Sé svo
komið málum hjá þeim er rétt að sá
víki sem minni hefur völdin, snúist
málið á annað borð um að annar
hvor fari. í þessú tilviki tel ég að
hinn annars ágæti orgelleikari safn-
aðarins þurfi að hverfa úr stööu
sinni.
Ég efast hins vegar ekki um að þessi
hljómborðsleikari hafi unnið þarft
verk með tónlistarsköpun sinni inni
í kirkjunni. Eitt.verða menn samt
að muna og gleyma ekki; að sama er
hve einn kór er frægur, frábær eða
virtur, hann hlýtur ávallt að vera
númer tvö í kirkjunni sjálfri, þótt
hann skipi máski fyrsta sæti á öðr-
um vettvangi, er hann kemur fram
á. Og hvers vegna? Jú, vegna þess
að kirkjan er fyrir fagnaðarerindið
um Jesú Krist.
Einnig eru prestarnir sérstakir
þjónar hans og sem hafa það hlut-
verk fyrst og fremst að flytja söfnuð-
um sínum boðskap Jesú. Þetta er
hið raunverulega hlutverk kirkj-
unnar. Ekkert meira og heldur ekk-
ert minna. Um þennan flutning boð-
skaparins eiga öll málefni hennar
að snúast og gerir það líka í flestum
tilvikum. Um þetta atriði er brýnt
að náist sátt. Sér í lagi meðal starfs-
manna kirkjunnar. Þess vegna
þurfa þeir að leggja sig fram um að
ná sáttum við prest sinn, því sann-
leikurinn er sá að það er hann sem
fer með valdið innan veggja kirkj-
unnar.
Málið er einfaldlega það að maður
getur ekki stillt upp presti annars
vegar og hins vegar óbreyttum
starfsmanni, lagt þá að jöfnu og
sagt: „Annaðhvort hann eða ég.“
Einmitt fyrir þær sakir að köllun og
verk presta er mikilvægara en ann-
arra starfsmanna kirkjunnar, þótt
þeir séu vitaskuld nauðsynlegir til
að heildarmynd náist, t.d. við mess-
ur.
Ég styð sem sé séra Flóka Kristins-
son 'í þessu máli. Sá stuðningur
minn við séra Flóka þýðir ekki hið
sama og að ég hafi eitthvaö á móti
orgelleikaranum, Jóni Stefánssyni.
En ég hlýt að styðja hvern þann
mann sem vill verja frelsisboðskap-
inn, taka hann fram yfir og halda í
gamlar og grónar hefðir sem skap-
ast hafa í kirkjunni á umliðnum
öldum.
Forsetaembættið nýtur ekki virðingar lengur
Svavar Guðmundsson skrifar:
Eftir umræðuna um hugsanlega
frambjóðendur til forsetakjörs
næsta sumar má telja fullvíst að for-
setaembættið njóti ekki lengur virð-
ingar svo nokkru nemi. Sá fjöldi
samferðamanna og kvenna sem orð-
aður hefur verið við framboð - og
með fullu samþykki viðkomandi
þar sem þeir hafa allir látið í þaö
skína að þeir væru reiðubúnir að
uppfylltum einhverjum skilyrðum -
er svo gjörsneyddur fágun og tillits-
semi að þeim er hollast að frábiðja
sér öll afskipti af forsetaembættinu.
Raunar er mannvalið sem nefnt hef-
ur verið til sögunnar svo illa á vegi
statt að því er varðar hæfileika og
manngildi, að ekki myndi einn ein-
asti þeirra ná meirihluta atkvæða í
kosningum. Sjálf kosningin til for-
setaembættisins er í sjálfu sér svo
ólýðræðisleg að þjóðin getur ekki
tekið af skarið þegar þar að kemur
og kosið milli tveggja efstu manna
vegna annmarka í stjómarskránni.
Stjórnarskrána má svo heldur ekki
lagfæra vegna ofríkis alþingis-
manna sem segjst ekki vilja láta
„kjósa tvisvar". En stjórnarskráin
kveður á um að breytingar á henni
krefjist tvennra alþingiskosninga. -
Stór vankantur á íslenskri stjórnar-
skrá.
Á þessum tímapunkti stendur þjóð-
in því agndofa og gerir grín að
framboðsmálunum og frambjóðend-
unum öllum sem fram hafa komið
til þessa. Enginn þeirra er hæfúr,
en allir verulega vanhæfir, hver á
sinn hátt. Eitt er þeim þó sameigin-
legt, þeir vilja komast í þægilegt
embætti þar sem gildir skattleysið,
ómæld ferðalög og dagpeningar í er-
lendum gjaldeyri. - Svona einfalt er
það; íslenskur vesaldómur í formi
græðgi á hástigi.
Ástandið á sjúkrahúsunum:
Heilbrigðisráðherra verður að bæta úr
Óþolandi ástand að hundruð manna þurfi að bíða eftir aðgerðum á sjúkra-
húsunum á meðan fé er veitt ómælt í önnur minna aðkallandi verkefni, seg-
ir m.a. í bréfinu.
Kristinn Sigurðsson skrifar:
Það hlýtur að vera erfitt að vera
ráðherra og geta ekki valdið því
mikla verkefni sem ráðherraemb-
ætti er. Því miður virðist heilbrigð-
isráðherra alls ekki valda sínu emb-
ætti. Það getur ekki verið eðlilegt að
112 einstaklingar bíði eftir skurðað-
gerð á baki í marga mánuði. Eða þá
að nokkur hundruð annarra bíði
eftir öðrum aðgerðum, sem sjúkra-
húsin ráða ekki við vegna lokana
sjúkradeilda og fækkunar á starfs-
fólki. Svona ástand er óþolandi.
Sagt er að enn eigi að fækka störf-
um um allt að 200 manns. - Það
dæmi gengur ekki upp.
Flokkur heilbrigðisráðherra, sem
fyrir kosningar bauð 1400 ný störf,
vill nú láta reka 100-200 manns á
spítölunum til að bæta fjárhaginn.
Á sama tíma eru veittar á milli 100
og 300 milljónir króna í Sinfóníuna,
Þjóðleikhúsiö og Borgarleikhúsið.
Og rándýrt Hæstaréttarhús er byggt
alveg að þarflausu. En sjúka, aldna
sem unga, má senda heim. Geðföt-
luðu fólki er vísað á götuna. Lagast
þá allt, eða hvað?
Þetta þættu slæm vinnubrögð hjá
einhverju fyrirtækinu. Forstjóran-
um yrði vísað á dyr. En ekki hjá
hinu opinbera. - Ég skora á heil-
brigðisráðherra að bæta nú úr.
Söðla um. Vanti fé, þá má leggja
Sinfóníuna af, tímabundið a.m.k.
Annað leikhúsið gæti annað leik-
listarstarfseminni. Skorað er á ráð-
herra og ríkisstjórn íslands að bæta
úr þessu hrikalega ástandi, sem er
þjóðarskömm.
7 - ' " 1 ^ !
Frábærir út-
varpsþættir
Sigurður Jónsson skrifar:
Það er oft kvartaö um leiðin-
legt útvarpsefhi en fólk gleymir
því áhugaverða efhi sem þar er
oft flutt. Tveir ágætir þættir,
sem fluttir voru á sunnudögum
nýverið, hafa vakið athygli
margra. Þar á ég við þættina um
Dúkskotsmálið svonefnda. Þætt-
ir þessir voru sérlega vel gerðir
og vandaðir. Þar er sagt frá
hryllilegum atburðum sem gerð-
ust hér í borginni í aldarbyrjun
og löngum málarekstri í kjölfar
þeirra. Höfundur handrits og
stjómandi upptöku var Klemenz
Jónsson leikari. Honum virðist
einkar sýnt að gera slíkt efni
áhugavert. Flutningur leikara
var líka mjög góður og vel fram
settur. Tónlist til að tengja atrið-
in var einnig smekklega valin.
Margir hlustendur hafa einmitt
áhuga á þvilíku efni enda þáttur
af þjóðarsögunni og varpar ljósi
á minnisverða atburði frá lið-
inni tíð.
Veg þvert yfir
hálendið
H.L.J. skrifar:
Margir eru þeir sem eru undr-
andi á því að ekki skuli enn hafa
verið tekin ákvörðun um að
leggja veg þvert yfir hálendið,
t.d. frá Búrfellsvirkjun og norð-
ur í land til Akureyrar, og jafn-
vel alla leið til Egilsstaða. Þetta
er það brýpasta í samgöngumál-
um á landi þessa stundina.
Davíð, ekki í
forsetaframboð
Gunnar Guðjónsson hringdi:
Það væri mikil ógæfa ef for-
sætisráðherra okkar færi að
blanda sér í ótímabært forseta-
framboð á vordögum. Færi hann
úr stjómmálunum strax yrði það
meiri háttar ógæfa fyrir land og
lýð. - Ég skora á Davíð Oddsson
að fara ekki í forsetaframboð að
þessu sinni.
Fann smokk,
hver á?
Ásdís Guömundsd. skrifar:
Það hefur teygst úr nauðgunar-
máli bresks sjómanns og fylgdar-
konu hans um borð í togara í
október sl. Frásagnir konunnar
finnast mér æði tortryggilegar
enda segir hún sjálf að atburða-
rásin sé þokukennd af hennar
hálfu. Segist hafa rankað við sér
í dæluklefa togarans og þá tínt
saman hluti sem dottið höfðu úr
tösku hennar, m.a. buxur og
annað! Sannarlega nýstárlegur
geymslustaður fyrir nærföt. Og
svo er hún svo heppin aö finna
smokk á gólfinu og færir hann
lögreglu. Skilvísina skortir ekki.
En hver á smokkinn? Það verður
auðvitað að auglýsa eftir réttum
eiganda. Varla hefur hann kom-
iö úr töskunni góðu. Eða hvað?
Treysti leigu-
bílstjórum vel
K.S. skrifar:
Það er fráleitt að ætla aö stimpla
heila stétt sem slæma menn þótt
einn og einn skúrkur komist inn
í stéttina. Það væri lika fráleitt
aö stimpla alla sjómenn eða
verkamenn, væri t.d. einhver í
þeirra hópi nauðgari. Slíkt væri
siðlaust og í raun útilokað. Öll
atvik eru einstaklingsbundin en
eiga ekki við fjöidann. Ég hef nú
skipt við leigubíla í nær 40 ár,
fyrst gamla góða Steindór, síðan
BSR og líka aðrar stöðvar.
Aldrei hef ég þurft að kvarta,
þjónustan hefur ávallt verið frá-
bær. Þetta læt ég frá mér fara að
gefnu tilefni.