Dagblaðið Vísir - DV - 20.01.1996, Page 18

18
LAUGARDAGUR 20. JANÚAR 1996 JjV
Ég vaknaði klukkan sjö þegar
vekjaraklukkan hringdi og var
ekki sein á mér að slökkva á
henni. Ég var dauðfegin að þurfa
ekki að fara alveg strax á fætur,
börnin voru enn steinsofandi. Eig-
inmaðurinn og samstarfsfélagi,
Hrafn Friðbjörnsson, þurfti hins
vegar að skríða fram úr í myrkr-
inu og drífa sig í vinnuna.
Það liðu þó ekki nema um tutt-
ugu til þrjátíu mínútur áöur en sá
yngsti, Rafn Franklín, sem er árs-
gamall, lét vita kröftuglega að
hann væri vaknaður. Við hljóðin í
Rafni vaknaði dóttirin, Anna Ýr,
sem er fjögurra ára. Þá var svefn-
friðurinn úti og við tóku morgun-
verkin.
Það er alltaf í nógu að snúast hjá
mér á morgnana að koma heimilis-
störfunum frá, baða börnin, klæða
Agústa Johnson líkamsræktarkennari ásamt börnum sínum tveimur, Önnu Ýr og Rafni Franklín. DV-mynd
Dagur í lífi Ágústu Johnson líkamsræktarkennara:
ÞrammaS á tröppum og
Ég kenndi tvo lokaða
fitubrennslutíma, sá fyrri var
kvennatími og púluðu þær með
mér á tröppum og svitnuðu mikið.
Seinni tíminn var lokaður
karlatími og þar mættu vaskir
sveinar og þrömmuðu á tröppum
og lyftu lóðum. Allir voru þeir
komnir til að koma sér í form eftir
letilíf jóla og áramóta.
Veikindi heima
Ég var búin um kl. 21.50 en á
meðan ég var að ganga frá salnum
var ég kölluð í símann og reyndist
það hún Björg sem passar fyrir
okkur tvö kvöld í viku. Hún hafði
áhyggjur af því að Rafn Franklín
væri orðinn mjög lasinn.
Við Hrafn flýttum okkur að taka
saman og fara heim. Við vorum
púlað
þau og fæða og vera búin að öllu
fyrir klukkan tólf á hádegi.
Fyrir utan heimilisverkin eru
alltaf nokkur símtöl á morgnana
vegna vinnunnar, það fylgir óhjá-
kvæmilega þegar maður er með
eigin rekstur.
Lokaður leikskóli
Ég var tilbúin klukkan tólf og
selflutti þá börnin og allt sem þeim
fylgir út í bíl. Fyrst brunaði ég
með Rafn Franklín til dagmöm-
munnar. Síðan ók ég eins hratt og
löglegt er, enda lá okkur mikið á
þar sem sú stutta var að því kom-
in að pissa í buxurnar, í átt að leik-
skólanum. Þegar við komum þang-
að mundi ég allt í einu eftir því að
það var einn af þessum starfsdög-
um leikskólakennara og leikskól-
inn lokaður. Ég var mikið undr-
andi á sjálfri mér að hafa gleymt
þessu. Þvilíkur aulaskapur!
Við brunuðum því niður í Stúd-
íó, á meðan ég hugsaði hvað hægt
væri að gera í barnagæslumálum,
og Anna Ýr reyndi eftir bestu getu
að koma í veg fyrir að væta aftur-
sætið. Sem betur fór gat systir min
bjargað pössun og bauðst til að fá
Önnu Ýr í heimsókn.
Mikill annatími
Ki. 13.30 var ég búin að skutla
henni og loksins sest við
skrifborðið. Það voru óteljandi
verkefni sem biðu afgreiðslu. Þar
sem þetta er annasamasti tími
ársins í líkamsræktinni er
feikilega mikiil erill og lítill
vinnufriður í Stúdíóinu. Ég sat við
tölvuna og reyndi á milli símtala
að setja upp auglýsingu fyrir
leiðbeinendanámskeið sem verður
á næstunni.
Fitubrennslunámskeiðin eru ný-
hafin hjá okkur og gríðarlega
mikil undirbúningsvinna í
kringum þau sem ég þurfti að
klára, koma efni í prentun og þess
háttar.
Ég var nokkuð ánægð með
dagsafköstin miðað við erilinn.
Klukkan 19.00 átti ég svo bókaða
manneskju til mín i einkaviðtal og
rétt hafði tíma til að skipta um fot
tii að sleppa inn í sal kl. 19.30.
reyndar orðin glorsoltin en vegna
veikinda Rafns Franklíns var erfítt
að útbúa mat og þess vegna pönt-
uðum við okkur pitsu (bara með
grænmeti, auðvitað).
Við vorum orðin þreytt eftir
daginn, ekki enn búin að ná upp
fullu þreki eftir jólaafslöppunina.
Þegar strákurinn var loksins sofn-
aður höfðum við það náðugt og sát-
um í rólegheitum og ræddum ýmis
mál úr vinnunni. Þetta kvöld, eins
og svo oft áður, fórum við alltof
seint að sofa.
-ELA
Finnur þú fimm breytingar? 342
Vinningshafar fyrir þrjú hundruð og ferrugustu
getraun reyndust vera:
Nafn: _
Heimlll:
1. Gréta Birkisdóttir
Stakkanesi 10
400 ísafirði
2. Sigurbjörg Sæmundsdóttir
Bræðraborgarstíg 7
101 Reykjavík
Myndimar tvær virðast
við fyrstu sýn eins en þeg-
ar betur er að gáð kemur í
ljós að á myndinni til
hægri hefur fimm atriðum
verið breytt. Finnir þú
þessi fimm atriði skaltu
merkja við þau með krossi
á myndinni til hægri og
senda okkur hana ásamt
nafni þínu og heimilis-
fangi. Að tveimur vikum
liðnum birtum við nöfn
sigurvegaranna.
1. verðlaun:
ELTA útvarpsvekjari að verðmæti kr.
4.275, frá Bræðrunum Ormsson, Lág-
múla 8, Reykjavík.
2. verðlaun:
Tvær Úrvalsbækur að verðmæti kr.
1.790. Vinningarnir verða sendir heim.
Merkið umslagið með lausninni:
Finnur þú flmm breytingar? 342
c/o DV, pósthólf 5380
125 Reykjavík