Dagblaðið Vísir - DV - 19.02.1996, Blaðsíða 10

10
MÁNUDAGUR 19. FEBRÚAR 1996
Fréttir
Frumvarpið um réttindi og skyldur starfsmanna rikisins:
Virðist sott i
mestu mistaka-
smiðju heimsins
- segir Ögmundur Jónasson, formaöur BSRB
„Þaö er alveg augljóst á þessu frum-
varpi og hugsuninni að baki því að það
er sótt í mestu mistakasmiðju heims í
þessum efnum sem er á Nýja-Sjálandi.
Fjármálaráðherra virðist hafa fariö að
ráðum nýsjálenska sérfræðingsins í
starfsmannastefnu og einkavæðingu
sem boðið var hingað til lands í vetur.
Sá sérfræðingur ráðlagði það á stórum
fundi, sem haldinn var með honum á
Hótel Loftleiöum, að ef menn ætluðu að
gera breytingar í niðurskurðarátt og í
niðurskurði á kjörum og réttindum
vinnandi fólks ættu menn að keyra það
í gegn í einu vetfangi með miklum
hraða og alveg án samráðs við hags-
munaaðila og án þess að hirða hið
minnsta um mótmæli. Slíkt ættu menn
bara að hrista af sér. Og þannig var
unnið með þessi frumvarpsdrög. Það
var ekkert samráð haft um samningu
þeirra. En aíleiðingar þessa á Nýja-Sjá-
landi voru skelfilegar og menn eru enn
að súpa seyðiö af þeim þar. Nú eru
verkalýðsforingjar og stjórnmálamenn
víðs vegar úr heiminum sendir til
Nýja-Sjálands til að læra hvernig á
ekki að gera hlutina," segir Ögmundur
Jónasson, formaður BSRB, um frum-
varpsdrög fjármálaráðherra um rétt-
indi og skyldur starfsmanna rikisins.
Hann segist því telja að fjármálaráð-
herra og ríkisstjórnin séu á miklum
viiligötum ef þau halda að þetta gangi
hér á landi án þess að setja allt í upp-
nám, eins og raunar hefur komið á dag-
inn. Hann segir að sú tilraun sem gerð
var í þessum efnum og öðrum niður-
skurði í Nýja-Sjálandi séu mestu mis-
tök sinnar tegundar í heiminum.
„Þegar það sem gert var í Nýja-Sjál-
andi er skoöað kemur í ljós að það er
mesta mistakasmiðja heimsins. Ef
menn ætla að sækja ráðleggingar í
þessa mistakasmiðju frjálshyggjunnar
á Nýja-Sjálandi þá eru ráðamenn á
viliigötum," segir Ögmundur Jónasson.
-S.dór
Afsláttur af öllum AEG vörum í verslun okkar í 10 daga!
íbráiantia'Hitaplötur
Einnig afsláttur af:
Emile Henry leirvörum (20%) • Brabantia eldhúsvörum, strauborS ofl. (20%) • Ismet heimilistæki allt að 30%
BRÆÐURNIR
f brabantia
Þeir skipta mörgum tugum, japönsku sérfræðingarnir sem nú fylgjast með
loðnulöndun allt frá Raufarhöfn til Reykjaness - fylgjast með fitumagni loðn-
unnar, hrognafyllingu og útliti allt frá stærstu loðnustöðunum til hinna
minnstu. Á Djúpavogi er Japaninn Onasaki, hann fylgist með og metur loðn-
una sem Emma Ásgeirsdóttir er að meðhöndla og sá japanski var mjög
ánægður með gæðin. DV-mynd HEB
Lélegur mark-
aður ffyrir
loðnuhrogn
Markaðurinn fyrir loðnuhrogn er
dapur í ár, að mati framleiðenda. fs-
lendingar hafi framleitt allt of mik-
ið af hrognum í fyrra og eftirspurn-
in hafi verið minni en framboðið. í
ár hafi svo áhuginn verið minni og
menn jafnframt verið að framleiða á
lægra verði.
„Markaðshorfur fyrir frysta
loðnu eru hins vegar mjög góðar og
tekjurnar eru meiri en nokkurn
tíma fyrr,“ segir Sighvatur Bjarna-
son, framkvæmdastjóri Vinnslu-
stöðvarinnar í Vestmannaeyjum.
„Það hefur orðið hækkun á loðnu-
verði á milli ára en hækkunin er
misjöfn eftir afurðaflokkum.
Bræðsluverðið er um 20 prósentum
hærra en í fyrra. Þar er greiðslan
5000 til 5500 krónur á tonnið. Fyrir
frystinguna er tvenns konar verð í
gildi, 32 krónur á kílóið fyrir stóra
loðnu, sem er 5 króna hækkun frá
síðasta ári, og 17 krónur fyrir milli-
stóra og smáa loðnu sem er lækkun
um 1 krónu,“ segir Sighvatur.
Hann segir kaupendur mjöls ög
lýsis hafa borgað betur í ár en í
fyrra en þó virðist sem verið sé að
þrengja að lýsinu. „Þetta sveiflast
eftir framboði og eftirspurn og
sveiflurnar eru frá degi til dags.
Lýsið hefur lækkað verulega. Verð-
ið er komið í 440 dollara tonnið en
var 555 þegar hæst var fyrir jól.“
Af frystu loðnunni fer stærsti og
besti hlutinn til Japans. Hluti loðn-
unnar fer til Taívans. Þegar hrogna-
fyllingin var sem minnst var loðnan
seld óflokkuð til Rússlands. Helsti
markaðurinn fyrir mjöl og lýsi er í
Evrópu. -IBS
Byggja sumarbústað úr torfi, grjóti og rekaviði:
Tími til kominn að
breyta sumarbústaða-
menningunni hérna
- segir Guðjón Kristinsson skrúðgarðyrkjumaður
„Við erum í startholunum
núna, við höfum fengið land í
landi Ásgarðs í Grímsnesi.
Veggirnir eiga aö vera hlaðnir úr
grjóti og vegna þess aö þetta er á
jarðskjálftasvæði verður hluti
þeirra hlaðinn úr klömbru. Þetta
verður byggt eins og Hvalseyjar-
kirkja á Grænlandi," sagði Guð-
jón Kristinsson skrúðgarðyrkju-
maður sem býr á Sólheimum í
Grímsnesi ásamt konu sinni sem
vinnur þar.
Guðjón og Benjamín, bróðir
hans, sem báðir eru frá Dröngum
á Ströndum, ætla að byggja sum-
arbústað fyrir sig í Grímsnesinu
úr torfi, rekaviði og grjóti. Þeir
eru að hefjast handa um þetta
leyti.
„Við reiknum með að verða
svona þrjár vikur að hlaða vegg-
ina úr grjótinu. Veggimir verða
þiljaðir innan með rekaviði frá
Háareka hf. á Ströndum og park-
et á gólfinu verður einnig þaðan.
Það verður klæðning I loftinu,
síðan torf ofan á, grasrótin á því
snýr niður að klæðningunni, síð-
an kemur mold á milli og svo torf
þar ofan á með grasrótina upp.
Frost þarf að fara úr jörðu til að
hægt sé að ná torfinu," sagði
hann.
Guðjón sagði að annaðhvort
gerðu þeir fokhelt í vor eða lykju
viö bygginguna fyrir vorið ef torf-
ið næðist.
„Ég reikna meö að hópur
Strandamanna hjálpi til við bygg-
inguna. Mér finnst tími til kom-
inn að breyta sumarbústaða-
menningunni héma. Það er
menningarsögulegt afrek að
vinna úr þessum fátæklegu jarð-
efnum sem við höfúm héma á
landinu. Ég legg metnaö í að
vinna úr þeim. Mér finnst þessi
menning hafa verið sniögengin,"
sagði Guðjón. -ÞK