Dagblaðið Vísir - DV - 13.03.1996, Blaðsíða 2

2
MIÐVIKUDAGUR 13. MARS 1996
Fréttir
Sævar Ciesielski undirbýr að kæra Hallvarð Einvarðsson til dómsmálaráðuneytisins:
Hallvarður ábyrgur fyrir
harðræöinu sem við lentum í
- segir Sævar og telur það mál óháð því hvort Geirfinnsmálið verði tekið upp að nýju
„Hallvarður Einvarðsson stjórn-
aði allri rannsókn málsins og hann
ber ábyrgð á harðræðinu sem við
lentum í. Ég er að undirbúa kæru á
hendur Hallvarði til dómsmálaráðu-
neytisins þar sem ég krefst þess að
þáttur hans verði rannsakaður,"
ségir Sævar Ciesielski, einn sak-
bominga í Geirfinns- og Guðmund-
armálum, í samtali við DV.
Sævar segist vinna að kærunni
upp á eigin spýtur enda komi hún
hugsanlegri upptöku Geirfinns- og
Guðmundarmála ekki beinlínis við.
Hallvarður var saksóknari þegar
þessi sögufrægu mál voru rannsök-
uð fyrir rúmum tveimur áratugum
en hann er nú ríkissaksóknari.
Sævar segir að síðustu daga og
vikur hafi komið fram í fjölmiðlum
vitnisburðir um hvaða aðferðum
var beitt til að knýja fram játningar
hjá sakborningunum í Geirfinns- og
Guðmundarmálum. Vísar hann þar
til að föngunum var haldið í ein-
angrun mánuðum saman og oft
haldið vakandi svo sólarhringum
skipti. Þá hafa komið fram fullyrð-
ingar um líkamlegt ofbeldi.
„Fangaprestur og fangaverðir
hafa vitnað um að þarna var ekki
allt með felldu og það er allt sem
bendir til að lög hafl verið brotin á
okkur. Hallvarður lagði á ráðin um
rannsóknina og þar á meðal um
harðræðið sem við vorum beitt. Ég
Formaður Ungmennafélags Fljótamanna:
Kom grátandi
heim eftir átakan
legan orðastað
Nýkjörin stjórn Ungmennafélags
Fljótamanna mun á morgun taka fyr-
ir mál Trausta Sveinssonar á Bjam-
argili og kaup hans á 9 milljóna
króna snjótroðara sem hann gerði
nýlega upp á sitt eindæmi og án fé-
lagslegrar heimildar. Eins og fram
kom í DV i gær krafðist aðalfundur
þess um helgina að Trausti skilaði 4
milljónum króna sem hann varði í
nýja troðarann af fjármunum sem
fólk í sveitinni hafði safnað.
Guðný Lára Petersen, formaður
félagsins, sagði við DV í gær að lög-
fræðingur yrði fenginn til að inn-
heimta féð en einnig kæmi til
greina að bjóða Trausta að kaupa 4
milljóna króna hlut skíðadeildar fé-
lagsins í troðaranum.
Þórði Ragnarssyni, eiginmanni
Guðnýjar, var mjög brugðið þegar
kona hans kom heim frá Bjarnargili
á mánudag. Hann sagði við DV að
hún hefði farið þangað þeirra er-
inda að færa konu Trausta afrit af
fundargerð aðalfundarins:
„Ágæt kona Trausta hringdi
hingað og óskaði eftir að fá ljósrit af
fundargerðinni," sagði Þórður.
„Guðný tók því vel og til að verða
við óskinni ók hún með fundargerð-
ina heim að Bjarnargili. Hún af-
henti konunni síðan fundargerðina
en þá birtist Trausti eins og naut í
flagi,“ segir Þórður. Hann segir að
maðurinn hafi ausið yfir konu sína
svívirðingum: „Þegar Trausti er að
persónugera Guðnýju fyrir allt hið
vonda þá er ég óhress,“ sagði hann.
Gunnar Ingimarsson, formaður
UMSS, sagði aðspurður við DV að
hann hefði farið á aðalfundinn í
Fljótum til þess m.a. að leggja línur
um hvernig framfylgja ætti lögum
og reglugerðum ÍSÍ og UMFÍ.
Gunnar sagði augljóst að
félagslega heimild hafi þurft til að
kaupa snjótroðara. -Ótt
Slökkviliðið í Reykjavík var kallað að nýbyggingu í Rimahverfi í Grafarvogi f
gær. Eldur logaði í plasti og tjörupappa og af þvf varð mikill reykur. Frá-
rennslisrör bráðnaði og tjón varð töluvert. Vel gekk að slökkva.
DV-mynd S
Uppsögn leikhúsráðs LR á samningi við nýráðinn leikhússtjóra:
Það er óþarfi að ráða leikhús-
stjóra því hér eru þeir 70
- segir Viðar Eggertsson við DV um brottreksturinn
„Það er augljóst að hagsmunir
listarinnar eru ekki í fyrirrúmi
heldur ráða hagsmunir einstaklinga
meiru. Það virðist vera óþarfi að
ráða leikhússtjóra því hér eru þeir
70. Mér sýnist að þeir ætli að greiða
atkvæði um það á félagsfundum
hvað gera eigi í leikhúsinu. Ekki
veit ég hvaða leikhús getur starfað
þannig. Ég hef farið í einu og öllu
eftir þeim starfssamningi sém við
mig var gerður og starfað eftir lög-
um og reglum félagsins," sagði Við-
ar Eggertsson í samtali við DV eftir
að meirihluti leikhúsráðs Leikfé-
lags Reykjavíkur samþykkti á fúndi
í gær að segja upp ráðningarsamn-
ingivið hann sem leikhússtjóra í
Borgarleik-
húsinu fyrir
næsta leikár.
Uppsögn Við-
ars tekur gildi
nú þegar.
Viðar sagði
framhaldið
óljóst af sinni
hálfu. Hann
myndi kanna
lagalegan rétt
sinn en hann
hefði meiri
áhyggjur af leiklistinni og stöðu
Leikfélags Reykjavíkur og Borgar-
leikhússins.
„Það skiptir leiklistina miklu
Viöar Eggertsson.
Þú getur svarað þessari
spurningu meö því að
hringja í síma 904-1600.
39,90 kr. mínútan.
Já jJ
Nei _2j
r ö d d
FÓLKSINS
904-1600
Á að kalla forsvarsmenn
ríkisbanka og sjóða til ábyrgðar
______vegna útlánataps?______
máli hvernig félagið hefur fellt
grímuna og sýnt. sitt rétta andlit
sem þröngur hagsmunahópur. Það
er ófært að reka leikhús þannig í
nútímaskilningi. Það eina sem ég
harma er að ég hef unnið baki
brotnu við að undirbúa glæsilegt
leikár næsta vetur og laða til mína
fjölda góðra listamanna til að leggja
þar hönd á plóg,“ sagði Viðar.
Samningur við
borgina í hættu
Fulltrúi Reykjavíkurborgar í ráð-
inu, Örnólfur Thorsson, var andvíg-
ur uppsögninni og lagði fram sér
bókun. í henni kemur m.a. fram að
svo gæti farið að samningur borgar-
innar við Leikfélag Reykjavíkur um
rekstur Borgarleikhússins verði
endurskoðaður. Þeir sem sam-
þykktu uppsögn voru fulltrúar
stjórnar leikfélagsins, þeir Sigurður
Karlsson, sem tók við formennsku í
ráðinu af Kjartani Ragnarssyni,
Þorsteinn Gunnarsson og Kristján
Franklín Magnús, sem tók sæti Sig-
rúnar Eddu Björnsdóttur.
„Ég óttast að hér séu hagsmunir
einstakra félagsmanna í Leikfélagi
Reykjavíkur látnir vega þyngra en
hagsmunir þess listræna starfs sem
ætlaður er vettvangur í Borgarleik-
húsi með tilstyrk Reykjavíkurborg-
ar. Þessi gjörningur hlýtur að hafa
áhrif á þá endurskoðun samkomu-
lags Reykjavikurborgar og Leikfé-
lags Reykjavíkur frá 1992 sem nú
stendur yfir,“ segir Ömólfur m.a. í
bókun sinni.
Eftir brottrekstur Viðars ríkir
fullkomin óvissa um þá starfsmenn
og leikara sem hann hafði fastráðið
til leikhússins. Gildir það um Sig-
rúnu Valbergsdóttur aðstoðarleik-
hússtjóra, Bjarna Jónsson, listræn-
an ráðunaut leikhússtjóra, Álfrúnu
G. Guðrúnardóttur markaðsstjóra
og leikarana Benedikt Erlingsson,
Þórhall Gunnarsson, Kjartan Guð-
jónsson, Kristján Franklín Magnús,
Bjöm Inga Hilmarsson, Guðlaugu
Elísabetu Ólafsdótfiu', Maríu Elling-
sen og Rósu Guðnýju Þórsdóttur.
Sömu sögu er að segja um þær upp-
sagnir leikara sem Viðar hafði feng-
ið samþykki fyrir i leikhúsráði, þ.e.
samningum við Guðmund Ólafsson,
Eggert Þorleifsson, Árna Pétur Guð-
jónsson, Felix Bergsson, Ara
Matthíasson og Jóhönnu Jónas. At-
hygli vekur staða Kristjáns Frank-
líns leikara innan leikhússins en
hann samþykkir uppsögn á þeim
manni sem hafði ráðið hann í fasta
stöðu hjá LR!
Ekki náðist í formann leikhús-
ráðs, Sigurð Karlsson, eftir fundinn
í gær en ráðið kemur næst saman
til fundar í fyrramálið.
ætla nú að biðja um að þáttur hans
verði rannsakaður,“ segir Sævar.
DV bar fyrirætlanir Sævars und-
ir Hallvarð Einvarðsson ríkissak-
sóknara en hann vildi ekkert um
þær segja.
-GK
Stuttar fréttir
Miöstöð í miðbænum
Borgarráð samþykkti í gær að
Fræðslumiðstöð Reykjavíkur
verði í Miðbæjarskólanum. Sjálf-
stæðismenn mótmæltu vinnu-
brögðum meirihlutans í málinu.
Jafnrétti í nafngift
Heimilt verður að kenna sig
við bæði móöur og foður en ekki
aðeins annað hvort, verði sam-
þykktar breytingar sem allsherj-
arnefnd leggur til á frumvarpi á
mannanöfn. RÚV greindi frá
þessu.
Skeljungur í sápuna
Olíufélagið Skeljungur hefur
keypt meirihlutaeign Nathans
Olsen hf. í sápugerðinni Frigg.
Starfsemi Friggjar veröur
óbreytt fyrst um sinn.
AB gjaldþrota
Stærstu lánardrottnar hafa
krafist gjaldþrots hjá Almenna
bókafélaginu. Samkvæmt Mbl. er
félagið endanlega hætt starfsemi.
250 milljaröa velta
Heildarvelta í verslun á síð-
asta ári var nálægt 250 milljörð-
um króna. Þetta kom fram í Við-
skiptablaðinu.
Glitnir í góöum máium
Eignarleigufyrirtækið Glitnir
hagnaðist um 105 milljónir króna
á síðasta ári. Þetta er mun betri
afkoma en árið áður, samkvæmt
frétt Viðskiptablaðsins.
Konur úr kirkjunni
Samkvæmt nýlegri skoðana-
könnun Tímans hefur nærri
sjötta hver kona á höfuðborgar-
svæðinu hugleitt úrsögn úr þjóð-
kirkjunni.
Meiri kvóta
Meirihluti þingmanna vill
auka þorskkvótann, samkvæmt
skoðanakönnun sjómannablaðs-
ins Víkings. Stöð 2 greindi frá
þessu.
Öryggi barna
Lögreglan á Suðui-vesturlandi
mun næstu daga fylgjast sérstak-
lega með öryggi bama í bílum.
Samkvæmt Tímanum sjást ung
böm enn í framsætum.
. Augiýsingaherferö
Átak hefst í dag í sölu lamba-
kjöts vestanhafs með auglýsinga-
herferð í stórblaðinu New York
Times. Þetta kom fram í Mbl.
Söluaukning
Verðmæti söluafurða Iceland
Seafood, dótturfyrirtækis ís-
lenskra sjávarafurða í Bretlandi,
jókst um 35% á síðasta ári, sam-
kvæmt frétt Mbl.
Mótmæli til þingmanna
Kennarar viö Kvennaskólann í
Reykjavík hafa sent ályktun til
þingmanna þar skerðingum á
réttindum ríkisstarfsmanna er
harðlega mótmælt. -bjb