Dagblaðið Vísir - DV - 08.05.1996, Blaðsíða 11

MIÐVIKUDAGUR 8. MAÍ 1996
11
Fréttir
Skýrsla starfshóps um endurskoðun á útvarpslögum:
Ríkisútvarpið hverfi alveg af aug-
lýsingamarkaði á þremur árum
„Það er ýmislegt sem ég get vel
tekið undir í tillögum starfshóps
menntamálaráðherra um endur-
skoðun á útvarpslögum, m.a. það að
Menningarsjóður útvarpsstöðva
verði lagður niður. Ég hef nokkrum
sinnum flutt frumvarp á þingi um
það og það er nú hjá menntamála-
nefnd, nákvæmlega eins og ráð-
herra vill útfæra það, þannig að
hann gæti veitt því brautargengi
strax,“ segir Ásta Ragnheiður Jó-
hannesdóttir, alþingismaður Þjóð-
vaka, en hún hefur átt sæti í Út-
varpsráði um árabil.
Starfshópur sem Bjöm Bjamason
menntamálaráðherra skipaði til að
endurskoða útvarpslög skilaði
skýrslu í lok síðustu viku. Formað-
ur hópsins var Gunnlaugur Sævar
Gunnlaugsson, formaður Útvarps-
ráðs, en ásamt honum vom í hópn-
um tómas Ingi Olrich alþingismað-
ur, Páll Magnússon, sjónvarpsstjóri
Sýnar, og Ásdís Halla Bragadóttir,
aðstoðarmaður menntamálaráð-
herra.
Eitt hið róttækasta í tillögum
hópsins er að mælt er með því að
Ríkisútvarpið hverfi alveg af aug-
lýsingamarkaði í áföngum á þremur
árum og skapi þannig aukið svig-
rúm fyrir einkarekna ljósvakamiðla
til að stunda innlenda dagskrár-
gerð. Einu undantekningarnar frá
þessu eru tilkynningar sem varða
öryggi landsmanna, almannaheill,
dánar- og afmælistilkynningar, til-
kynningar um fundi og árnaðarósk-
ir á hátíðisdögum.
Kostun sjónvarps- og út-
varpsefnis lögð niður
Lagt er til að kostun sjónvarps- og
útvarpsefnis verði lögð niður hið
fyrsta og stofnuninni bannað að afla
tekna með því móti enda samrýmist
það ekki sérstöðu Ríkisútvarpsins
og aðstæðum á ljósvakamarkaði.
Lagt er til að Ríkisútvarpið verði
áfram rekið sem fyrirtæki í eigu
ríkisins og starfsemin verði í fullu
samræmi við lögbundið hlutverk
þess. Þá skuli kveða nánar í lögum
á um að Ríkisútvarpið leggi sér-
staka rækt við innlenda dagskrár-
gerð, bæði með því að senda út eig-
ið efni og efni sem er aðkeypt. Til að
Ríkisútvarpið nái að sinna þessu
vel er talið nauðsynlegt að innri
kostnaður og verkkaupasamningar
við sjálfstæða framleiðendur verði
hvorttveggja fært í fastar skorður
og dagskrárgerð verði í fullu sam-
ræmi við við útboðsstefnu rikisins.
Lagt er til að Útvarpsráð verði
lagt niður en í þess stað skipuð
fimm manna rekstrarstjórn. Þá er
einnig lagt til að núverandi afnota-
gjöld og innheimta verði aflögð. Þess
í stað verði tekinn upp nefskattur
sem innheimtur verður af öllum
landsmönnum sem náð hafa 16 ára
aldri, svo og öllum lögaðilum.
-SÁ
Hjartastöð í Neskaupstað?
DV; Eskifiröi:
„Það var auglýst endurhæfmgamám-
skeið fyrir hjartasjúklinga og mun fleiri
sóttu um en pláss var fyrir. Eru þeir þar
af leiðandi á biðlista. En sökum áhugans
stendur tii að halda aftur námskeið inn-
an skamms, enda þörfin vissulega fyrir
hendi,“ sagði Aðalsteinn Valdimarsson,
skipstjóri á Eskifirði, við fréttamann
DV.
Aðalsteinn var einn þeirra sem sótti
námskeiðið sem var haldiö í Fjórðungs-
sjúkrahúsinu í Neskaupstaö nýlega og
stóð í 4 vikur. Níu Austfirðingar tóku
þátt í því.
í Félagi hjartasjúklinga á Austfjörð-
um eru um 130 manns og er Aðalsteinn
varaformaður félagsins. Hann segist
vonast til að slík námskeið verði fram-
vegis fastur Uður í starfsemi sjúkrahúss-
ins. Þar verði hjartastöð sem mundi
létta á heilbrigðiskerfmu annars staðar
á landinu. Um 500 manns bíða nú eftir
plássi á Reykjalundi.
„Félag okkar vill styðja starfsemi sem
þessa og hefur ákveðiö að gefa sjúkra-
húsinu þrekhjól og sjónvarpsskermi fyr-
ir hjartalínurit. Þar er fyrir hendi sund-
laug, tækjasalur og slökunarherbergi og
með því að festa námskeið sem þessi í
sessi fæst betri nýting á sjúkrahúsinu.
Það er afar mikilvægt að fólk fari i skoð-
un, fylgist vel með heilsu sinni þó að
ekkert virðist ama að. Námskeiðin
hjálpa fólki að byggja upp heilsuna,"
sagði Aðalsteinn.
Þeir sem skipulögðu námskeiðið og
veittu þvi forstöðu voru Magnús Ás-
mundsson, læknir á Neskaupstað, og
Bjöm Magnússon, læknir á Reykja-
lundi, og nutu þeir aðstoðar sjúkraliða
við sjúkrahúsið. -ETh.
Samtök gegn nauðungarsköttun:
Vilja að RUV verði
óháður og sjálfstæð-
ur fjölmiðill
Samtök gegn nauðungarsköttun
fagna þeirri umræðu sem fram er
komin um málefni RÚV í kjölfar
nefndarálits um málefni þess ný-
verið.
Hins vegar er tekið undir gagn-
rýni útvarpsstjóra, sr. Heimis
Steinssonar, þar sem hann segir
að ef auglýsingatekjur fjölmiðOs-
ins verði teknar af honum muni
sjálfstæði hans skerðast verulega.
Samtökin vilja að RÚV verði al-
gerlega óháð og sjálfstætt sem aðr-
ir fjölmiðlar á íslandi og það ger-
ist best með því að: afnema nauð-
ungaráskriftina sem fylgir við-
tækjaeign samkvæmt núverandi
lögum, setja skýr ákvæði í lög
sem tryggi jafnræði fjölmiöla með
almennum leikreglum þar sem
enginn hafi þvUík forréttindi sem
RÚV hefur með nauðungaráskrift-
inni og setja skýr fyrirmæli í lög
þar sem segi að enginn fjölmiðill
verði rekinn af Alþingi og ríkis-
stjórn svo sem nú er eða með nef-
skatti á almenning.
Samtökin telja að RÚV ætti að
vera betur en aðrir fjölmiölar í
stakk búið tU að spjara sig á hin-
um frjálsa markaði vegna reynslu
sinnar. -ÞK
Stafræn klukka
AM/FM útvarp með 4 hátölurum
Fjarstýrð opnun á bensínloki
Fjarstýrð opnun á farangursrými
Rafstýrðar rúðuvindur (framan)
Tveggja hraða þurrkur
með biðrofa og rúðusprautu
Afturrúðuhitari
Heilir hjólkoppar
Samlitir stuðarar
Öflugri ökuljós
Hallastillt framsæti í sleða
Hallastilling á setu hjá ökumanni
og bakstuðningur
Stillanleg hæð öryggisbelta við framsæti
Miðstokkur með geymslu fyrir kassettur
Alklætt farangursrými
Inniljós
Hvers vegna yfir
2500
íslendingar
hafa talið
Hyundai
besta kostinn!
Gerið eigin samanburð,
þið komist eflaust að sömu
niðurstöðu.
ÁRMÚLA 13, SlMI: 568 1200
BHINN SlMI: 553 1236
Það er vandi að velja sér
nýjan bíl og það krefst
talsverðrar fyrirhafnar að
bera saman kosti mis-
munandi bíla.
Á þeim fjórum árum sem Hyundai bílar
hafa verið á íslenska bílamarkaðinum, hafa yfir 2500
íslendingar eignast Hyundai. Með öðrum orðum komist að þeirri
niðurstöðu að Hyundai sé besti kosturinn að teknu tilliti til allra
þátta.
Verð frá
949.000
kr. á götuna
<&>
HYunoni
til framtíðar