Dagblaðið Vísir - DV - 05.06.1996, Blaðsíða 9

JjV MIÐVIKUDAGUR 5. JÚNÍ 1996
hús og garðar
25
I garðyrkjunám á fimmtugsaldri
Hjá garðyrkjudeOd Reykjavíkur-
borgar í Laugardalnum vinna tvær
konur sem skelltu sér í Garðyrkju-
skóla ríkisins komnar á fimmtugs-
aldurinn. Ingunn Óskarsdóttir vinn-
ur í Grasagarðinum en hún útskrif-
aðist sem garðyrkjufræðingur vorið
1992. Kolbrún Finnsdóttir útskrifað-
ist tveimur árum seinna en hún
vinnur í Ræktunarstöð Reykjavík-
ur.
Áhugi á ræktun
Ingunn og Kolbrún eiga margt
sameiginlegt, báðar eru fæddar 1947
Ingunn Óskarsdóttir vinnur í Grasa-
garöinum í Laugardal. Hér er veriö
aö færa til plöntur, úr uppeldisreit í
beö.
og verða þvi fimmtugar á næsta ári.
Og það sem meira er - þær voru
saman í bekk í Laugarnesskóla og
höföu ekki sést í um 30 ár þegar þær
sáust aftur fyrir nokkrum árum í
Laugardalnum.
Báðar voru þær búnar að vinna
skrifstofuvinnu í yfír 20 ár þegar
þær drifu sig í skólann. Það tók þó
fáein ár að taka þá ákvörðun að fara
aftur í skóla. Löngun til þess að sjá
eitthvað eftir sig og taka til hend-
inni réð vali á námi.
Ingunn rifjar upp að hún hafi haft
áhuga á ræktun allt frá barnæsku
og því var ekki um nema eitt að
Kolbrún Finnsdóttir vinnur í rækt-
unarstöö Reykjavíkurborgar í Laug-
ardal. Hér er hún aö fylgjast meö
plöntum sem fara í skólagarðana
eftir stuttan tíma.
ræða þegar ákvörðun um skóla-
göngu var tekin.
Kolbrún hefur mikinn áhuga á
sköpun á ýmsum sviðum og sótti
um í Myndlista- og handíðaskólan-
um, komst í inntökupróf en ekki
inn og þá var það bara garðyrkjan
sem kom til greina.
r
I heimavist
Garðyrkjuskólinn, sem er að
Reykjum í Ölfusi, er tveir vetur auk
verknámstíma. Ingunn tók hluta af
sínu verknámi í Skógræktinni í
Fossvogi þar sem henni líkaði mjög
vel, en vann sumarið ’91 í Grasa-
garðinum og svo eftir að hún út-
skrifaðist.
Kolbrún tók allan sinn verknáms-
tíma í Ræktunarstöðinni og hefur
verið þar síðan hún útskrifaðist.
Báðar voru þær í heimavist og
eru sammála um að gamall draum-
ur hafi ræst þar. Þeim líkaði vel að
vera i heimavist, enda báðar búnar
að koma upp sínum börnum, en þó
var alltaf farið heim um helgar.
Báðar féllu þær vel inn í nemenda-
hópinn og líkaði mjög vel að vera í
garðy rkj uskólanum.
Á ráttri hillu
Ingunn og Kolbrún eru algerlega
sammála um að þær séu komnar á
rétta hillu í lífinu. í þeirri vinnu
sem þær eru núna njóti þær sín til
fulls. Vinnan sé mjög fjölbreytt auk
þess sem maður hættir aldrei að
læra, alltaf er eitthvað nýtt og í
raun byrji lærdómurinn í garðyrkju
fyrst eftir að úr skólanum sé komið,
skólinn sé meiri undirbúningur
undir það sem koma skal.
Oft þurfa garðyrkjumenn að
vinna úti í roki og rigningu og setja
þær stöllur það ekki fyrir sig, telja
það bara hressandi.
Að lokum hvetja þær alla sem eru
að spá í að drífa sig í skóla að gera
það. Hvort heldur um garðyrkju eða
eitthvað annað er að ræða. Það er
aldrei of seint að færa sig á réttu
hilluna lífinu.
Viltufegra
heimilið þitt eða
sumarhúsið ?
♦
Ef svo er þá eigum
við mikið og breitt
úrval vandaðra
húsgagna á mjög
hagstæðu verði.
í hverri viku koma
nýjar húsgagna-
sendingar með
það nýjasta nýja.
Verið velkomin í
stærstu húsgagna-
verslun landsins.
Venö
glerskápur
33.730,-
HÚSGAGNAHÖLLIN
Bíldshöföi 20-112 Rvik - S:587 1199
á tNboðs'werðS
meðan birgðir endast.
JXÖGÍns lcr.r
19.900L-
Ofíugir
Plógar, herfi og fjöidii
annarra jarðvinnslutæUja
til leigu eða sölu
á verði sem hentar öllum
wmmi