Dagblaðið Vísir - DV - 08.07.1996, Qupperneq 18

18
MÁNUDAGUR 8. JÚLÍ 1996
Fréttir
i>v
Slippstöðin:
Eignast 20 prósent
í vélsmiðjunni Stáli
á Seyðisfirði
DV, Seyðisfirði
í vikunni keypti Slippstöðin hf.
20% af hlutafé Vélsmiðjunnar Stáls
hf. á Seyðisfírði. Forsvarsmenn fyr-
'irtækjanna beggja segja að auk
hlutabréfakaupa Akureyringa hafi
grundvöllur verið treystur með
skuldbreytingum á lánum Stáls hf.
Theódór Blöndal framkvæmda-
stjóri segir að sú endurskipulagning
sem nú sé orðin geri það mögulegt
að greiða niður skuldir og koma
fjárhagsstöðu í viðunandi horf.
Verkefnastaðan sé góð og nú standi
fyrirtækið á traustari fótum og
rekstrarhorfur á árinu séu góðar.
Theódór bendir einnig á að fyrir-
hugað sé að efla samstarf fyrirtækj-
anna á ýmsum sviðum, s.s. í mark-
aðs- og sölumálum. Hann bendir
einnig á að þessi tvö fyrirtæki hafi
sérhæft sig hvort á slnu sviði síð-
ustu misserin. Vélsmiðjan Stál hafi
sérhæft sig í nýsmíði og viðgerðum
fyrir fiskimjölsverksmiðjur. Á sama
tíma hafi Slippstöðin hf. sérhæft sig
í nýsmíðum og viðgerðum fiski-
skipa auk smíði og uppsetningu
fiskvinnslubúnaðar.
Vegna mikilla sveiflna, sem oftast
fylgi slíkri starfsemi, sé þeim sem í
málmiðnaði eru nauðsynlegt að
hafa starfsemina sem breiðasta og
fjölbreyttasta. Þessi fyrirtæki hafi
sínar sterkustu hliðar á nokkuð
ólíkum sviðum. Aukið samstarf eigi
að geta jafnað sveiflurnar hjá þeim
hvoru fyrir sig.
Fyrirtækin hafa haft nokkurt
samstarf undanfarið og er ætlunin
að auka það. Stjórnun þeirra er þó
aðskilin og sjálfstæði þeirra óskert.
í Vélsm. Stáli starfa að jafnaði 30
manns. Þetta er því stór vinnustað-
ur hér og vona því allir að þetta sé
og verði heillaskref. -J.J
Sumarferðir á vélsleöum eru virisælar meðal feröamanna. Það jafnast fátt á við að þeysa um hjarnið í sól og blíöu.
Hér má sjá fólk frá Langjökli hf. á ferð um Langjökul. í baksýn má sjá Hlöðufeil.
DV-mynd Ágúst
Aukabla5
um
Miðvikudaginn 24. júlí mun aukablað um
ferðir innanlands fylgja DV.
í þessu blaði verður fjallað um útihátíðir um verslunar-
mannahelgina. Efni blaðsins verður að öðru leyti tengt
flestu því sem er á boðstólum vegna ferðalaga innanlands.
Fjallað verður um afþreyingarvalkosti, viðlegu- og annan
ferðabúnað og ýmsa athyglisverða staði og ferðamöguíeika.
Umsjón efnis hefur Ingibjörg Óðinsdóttir blaðamaður.
Þeir auglýsendur sem hafa áhuga á að auglýsa íþessu
aukablaði eru vinsamlega beðnir að hafa samband við
Guðna Geir Einarsson í síma 550 5722
á auglýsingadeild DV.
Vinsamlega athugið að síðasti skiladagur auglýsinga er
fimmtudagurinn lö.júlí.
ATH! Bréfsími okkar er 550 5727
I Auglýsingar
U "" írffl.,,; JMi Sími 550 5000. bré:
Sími 550 5000, bréfasími 550-5727.
Krabbameinssjúk börn
í sumarbúöir erlendis
Hópur barna og unglinga fór ný-
lega í sumarbúðir á írlandi og í
Bandaríkjunum á vegum Pauls
Newmans. Þessar sumarbúðir eru
reknar fyrir ágóða sem hlýst af
sölu matvara Pauls Newmans, vör-
um eins og örbylgjupoppi, spag-
hettisósum o.fl.
Styrktarfélagi krabbameins-
sjúkra barna barst boð um að
senda unglinga í félaginu i sumar-
búðirnar, fimm einstaklinga ásamt
tveimur hjúkrunarfræðingum til
írlands og tvo ásamt einum hjúkr-
unarfræðingi til Bandaríkjanna.
Dvölin í sumarbúðunum er þátt-
takendum að kostnaðarlausu en
SKB og þeir sem fara standa
straum af ferðakostnaði.
Félagið lítur á þetta sem kosta-
boð sem ekki er hægt að hafna.
Kostnaðurinn af ferðunum er um
það bil 650.000 krónur og er nefnd-
um aðilum ofviða. Því var ákveðið
að leita til nokkurra fyrirtækja
varðandi fjárstuðning.
Eftirtalin fyrirtæki tóku þessari
bón mjög vel: Karl K. Karlsson hf.,
Glaxe Wellcome ehf., Pharmaco hf.,
Vifilfell hf., VISA-ísland, Sjóvá- Al-
mennar, Sölumiðstöð hraðfrysti-
húsanna, Stefán Thorarensen hf.,
íslenskar sjávarafúrðir og Jöklar
hf.
Flogið var með Flugleiðum.
-ÞK
IMíiiia i IfléfaisaiAclÍ
Þeistareykir
Sendinn melur
Sandorpið hraun, móar.
Sáning lúpínu Þeistareykir
Sáning grastegunda
Gróðureyja
Gróðursetning lúpínu

07
CO
O
/
OJ
O
Laxá
Yfirborð Hólasands
Sandvatn Mývatn
flðferð ræktunar
Sandvatn
Mývatn
DVj
Suður-Þingeyjarsýsla:
Stefnt a að
græða upp
Hólasand
- gagnrýni á að lúpínu
Hafin er athugun Skipulags ríkis-
ins á mati á umhverfisáhrifum upp-
græðslu Hólasands í Suður-Þingeyj-
arsýslu. Fi-amkvæmdaraðili verks-
ins er Landgræðsla ríkisins og hef-
ur Skógrækt ríkisins unnið frum-
mat á umhverfisáhrifum hennar.
Stefnt er að því að stöðva jarðvegs-
rof, græða upp Hólasand og skapa
þannig sjáifbæran gróður á svæðinu
sem á að þola sumarbeit sauðfjár og
ríkjandi veðurlag. Friðun svæðisins
fyrir beit er rúmlega 30 ára og er tal-
in forsenda fyrir árangri í endur-
heimt gróðurþekju á skömmum tíma
en Hólasandur hefur verið girtur af
með rafmagnsgirðingu.
Helsta aðferðin sem notuð verður
til gróðurframvindu er að sá lúpínu
í stóran hluta Hólasands. Upp-
græðsla lúpínu er talin mun ódýrari
og varanlegri en sáning grasfræs og
dreifing tilbúins áburðar á gróður-
rýr svæði. Á skjólsælum stöðum
verður gróðursett víðir, birki, elri,
lerki og fleiri tegundir sem eiga að
mynda gróðureyjar. Grasi verður
síðan sáð með fram jöðrum Hóla-
sands til að skapa fræset fyrir birki
og víði.
Fram hefur komið gagnrýni á þá
veröi sáð í stórum stíl
áætlun að nota lúpínu í stórum stíl
við uppgræðslu Hólasands. Einkum
hefur verið bent á að lúpína geti
breytt ásýnd landsins á skömmum
tíma og geti orðið nær einráð í gróð-
urfari.
í frummatsskýrslu er greint frá
því að framkvæmdin muni líklega
breyta verulega ásýnd svæðisins
því lúpínan verði áberandi í nokkra
áratugi á þeim svæðum þar sem
henni verður sáð. Bent er á að erfið
skilyrði á Hólasandi geti orðið til
þess að lúpínan eigi sums staðar
erfitt uppdráttar á svæðinu.
Óskað eftir umsögnum
Stefnt er að því að ljúka við sán-
ingu lúpínu og grass á Hólasandi á
10 árum en gróðursetning gróðu-
reyja mun líklega halda áfram eftir
það. Skipulag ríkisins hefur óskað
eftir umsögnum um framkvæmdim-
ar frá sveitarstjórnum nokkurra
hreppa og auk þess frá Hollustu-
vemd, Náttúruverndarráði og Þjóð-
minjasafni íslands. Enn fremur hef-
ur verið óskað eftir sérfræðiáliti
Rannsóknastofnunar landbúnaðar-
ins. -RR