Dagblaðið Vísir - DV - 10.09.1996, Page 4

4
ÞRIÐJUDAGUR 10. SEPTEMBER 1996
Fréttir
Marín litla sem fæddist með hjartagalla:
Eldhress í allt sumar
- fer mánaðarlega í hjartaþræðingu
DV, Eskifiröi:
„Hún hefur veriö alveg eldhress í
allt sumar. Hún fór í hjartaþræð-
ingu til Boston i maí. Það tókst
mjög vel en ákveðið var að bíða með
að skera hana í eitt til eitt og hálft
ár þar sem hún er ekki orðin nógu
stór til að fara í aðgerð," segir Anna
Óðinsdóttir, móðir Marínar litlu
sem fæddist með hjartagalla sem
ekki er hægt að lagfæra nema með
aðgerð þar sem skipt verður um
æðar mUli hjarta og lungna.
„Vandinn er sá að æðarnar
stækka ekki. Ég reikna með að við
þurfum að fara aftur til Boston i vor
eða haust þar sem aðgerðin verður
framkvæmd. Síðan þarf hún að fara
í sambærilegar aðgerðir með reglu-
legu milibili allt fram á unglingsár,"
segir Anna.
Anna segir að hún og maður
hennar, Hafsteinn Hinriksson, hafi
fengið góðan stuðning frá almenn-
ingi. Þau hjónin þurfa að fara með
Marín mánaðarlega til Reykjavíkur
þar sem hún fer í hjartaþræðingu.
Hún segir undarlegt að Trygginga-
stofnun ríkisins greiði aðeins með
öðru foreldrinu þegar fara þarf með
veik börn til Reykjavíkur eða út-
landa.
„Þetta er mjög undarleg af-
greiðsla. Það er eins og stofnunin
líti þannig á að þessi böm eigi að-
eins eitt foreldri. Mér finnst liggja í
augum uppi að þegar böm fara í að-
gerðir sem eru hættulegar fylgi báð-
ir foreldrar barni sínu,“ segir hún.
Anna segir gjörbreytingu hafa
orðið á þreki dóttur sinnar eftir að
hún fór í þræðingu hjá hjartalækn-
inum Stanton Perry i vor.
„Hún stoppar ekki þessi unga
dama. Hún er á fullu frá því átta á
morgnana til klukkan níu á kvöld-
in. Hún er búin að vera mjög hress
síðan við komum aö utan,“ segir
Anna.
-rt
Sæmundur Guðmundsson á Hellu:
Tókst að rækta
epli utanhúss
- tilraun bara til gamans gerð
„Það er ekkert mál aö rækta
epli í sólskálum en mér datt í hug
að reyna að gróðursetja eplatré í
garðinum hjá mér. Þetta er annað
sumar þess og það komu fimm
epli á það í sumar en eru nú þrjú
eftir. Fuglar hafa sennilega verið
að kroppa í þau tvö sem duttu af.
Þau þrjú sem eftir eru eru mjög
smá, svona þrir og hálfur sentí-
metri í þvermál og bæði græn og
mjög hörð. Þetta segir manni
bara að það er varla möguleiki að
rækta epli utanhúss hér á landi,“
sagði Sæmundur Guðmundsson
sem býr á Hellu á Rangárvöllum.
Eplatréð í garðinum h)á Sæ-
mundi er af tegundinni Ballerina.
Hann segir að tréð þurfi aö
standa á réttum stað í garðinum,
í skjóli sólarmegin. Sæmundur
segir að fólk sé farið að gera mik--
ið að því að vera með eplatré í
sólskálum sínum og þar fást mjög
góð epli.
-S.dór
Marín Hafsteinsdóttir, sem er meö erfiðan hjartasjúkdóm, ásamt móður sinni, Önnu Óðinsdóttur. Litla stúlkan þarf
að vera undir læknishendi alit fram á unglingsár. DV-mynd ÞÖK
Dagfari
Allir kratar inn við beinið
Dagfari fjallaöi um það lítillega í
gær hversu stóru sögulegu hlut-
verki íslenskir jafnaðarmenn
gegna í sögu íslenskra jafnaðar-
manna og hvemig þeir geta mótað
sína eigin sögu og markað sér
söguleg tímamót aftur og aftur í
hvert skipti sem þeim dettur í hug
að skipta um flokk eða breyta i
flokk eða stofna flokk til að sam-
eina íslenska jafnaðarmenn. í raun
og veru er þetta svo sérstakur þjóð-
flokkur og svo sjaldgæfur að það er
rétt hjá krötum að það eru söguleg
tímamót í hvert skipti sem einhver
finnst sem er tilbúinn til að gang-
ast við því að hann sé krati.
Sjálfsagt er það skýringin á þvi
að eftir að þingflokkar Alþýðu-
flokks og Þjóðvaka sameinuðust
hefur það helst vakið umtal að Ein-
ar Karl Haraldsson hefur tekið að
sér að starfa fyrir þennan sameig-
inlega þingflokk. Það teljast sem
sagt ekki tíðindi að gamlir kratar
og nýir hyggist starfa saman, held-
ur hitt að þeir hafa ráðið góðan og
gegnan allaballa til að sjá um að
þeir tali saman. Einar Karl er fyrr-
verandi framkvæmdastjóri Al-
þýðubandalagsins og gegndi því
starfí fram á þann klukkutíma sem
hann réði sig til starfa hjá krötun-
um. Allaballarnir eru æfir út af
þessari ráðningu og reiðin beinist
ekki að Einari Karli heldur krötun-
um sem réðu hann. Einar Karl er
ekki talinn vera hæfur til að taka
um þetta ákvörðun sjálfur og af þvi
hann er bara eins og hver önnur
liðleskja og gleðikona í pólitík,
finnst allaböllum ástæðulaust að
ergja sig út í gleðikonuna, en beina
spjótum sínum að kúnnanum sem
keypti sér þjónustuna. Þeir segja
að kratarnir hafi brotið siðalögmál
í pólitikinni og hafi hleypt hross-
um á beit heima í túni Alþýðu-
bandalagsins. Það er helst að skilja
að kratar hafi beinlínis rænt Ein-
ari Karli og stolið honum úr gripa-
húsum allaballa. Þeir eigi hann.
Þetta eru mannaveiðar segja alla-
ballar og óttast að Einari Karli tak-
ist að draga fleiri allaballa út í
þetta fen.
Úr þvi að þetta fer svona í
taugamar á allaböllum hefur það
sennilega verið sniðugt hjá krötun-
um að ráða Einar Karl. Það er snið-
ugt að fá annarra flokka fólk til að
lappa upp á dauðvona flokka. Ekki
geta þeir það sjálfir. Það er full-
reynt. Hvers vegna gerir nú hinn
sameinaði þingflokkur Alþýðu-
flokks og Þjóðvaka ekki gangskör
að þvi að kjósa sér nýjan og sam-
eiginlegan formann og þá helst úr
röðum Sjálfstæðisflokksins? Þar er
jú fullt af jafnaðarmönnum, sem
mundu áreiðanlega sóma sér vel í
hinum sameinaða Jafnaðarmanna-
flokki. Nýr formaðm- úr röðum
Sjálfstæðisflokksins getur verið
lykillinn að því að efla Alþýðu-
flokkinn og svo mætti fá framsókn-
armann sem varaformann og kon-
ur frá Kvennalistanum í framboð
hér og hvar og þetta yrði allt ann-
að líf fyrir krata, sem geta með
þessu móti fyllt flokkinn og for-
ystustörfin af góðu fólki úr röðum
annarra flokka til að efla Alþýðu-
flokkinn.
Ef Einar Karli tekst að sameina
á vinstri kantinum, hvers vegna þá
ekki góðan frjálshyggjumann til að
sameina á hægri kantinum? Við er-
um jú öll kratar inn við beinið og
úr þvi að Alþýðuflokkurinn er far-
inn að stunda mannaveiðar, þá er
um að gera að vinna skipulega að
þeim til hægri og vinstri. Það er
engu að tapa hvort sem er. Alþýðu-
flokkurinn á að sameinast um fólk
úr öðrum flokkum. Það er lykillinn
að stærri Alþýðuflokki. Það á að
fela því fólki endurreisnarstarf í
Alþýðflokknum, sem hvað harðast
hefur barist gegn Alþýðuflokknum
á undanfómum árum. Það veit
best hvar skórinn kreppir.
Dagfari