Dagblaðið Vísir - DV - 25.01.1997, Blaðsíða 18

LAUGARDAGUR 25. JANÚAR 1997 M IV
» : dagur í lífi____________________________
Dagur í lífi Erlu Friðgeirsdóttur:
Breytt og betra líf fram undan
Vaknaði við elskulegu vekjara-
klukkuna mína kl. 5.45, ýtti á
letitakkann og sneri mér á hina og
hélt áfram að dreyma fallega
drauma en mundi þá skyndilega að
ég var búin að ákveða að drífa mig
niður í World Class á hreint óguð-
legum tíma, kl. 6. Áramótaheitið í ár
var að ná af sér aukakílóunum sem
söfnuðust við það að hætta að reykja
og reyndar gera aðeins betur. Ég
dreif mig í gallann og stökk út i
ferskt morgunloftið sem var blessun-
arlega laust við útblástur bíla svona
snemma morguns og á leiðinni kom
svona Palli var einn í heiminum til-
finning þvi að ég sá ekki hræðu á
ferli.
Kl. 6.15 var mín komin á göngu-
brettið og púlaði í rúman klukku-
tíma ásamt öðrum morgunhönum
sem eru á leiðinni til betra lífs. Á
næstu vikum mun ég síðan hitta
Sölva Fannar einkaþjálfara þrisvar í
viku og þá verður maður pískaður
áfram, hina dagana verður sjálfsag-
inn að duga. Rétt fyrir átta var ég að
úða í mig hollum og góðum morgun-
verði og kl. átta var ég sest við skrif-
borðið hjá Islenska útvarpsfélaginu
og reiðubúin að takast á við þennan
langa dag sem var fram undan.
Morguninn leið áfram frekar rólega
og upp úr tíu var ég sest inn á fúnd
með stelpunum á deildinni og við
ræddum málin í klukkutíma. Aftur í
simann og gerði klárt fyrir fúnd
starfsmannafélagsins sem átti að
vera í hádeginu. Sem forseti félags-
ins er að mörgu að huga og aðalmál-
ið hjá okkur þennan daginn var
styrkur til Hjálparstofnunar kirkj-
unnar sem við höfum verið í sam-
starfi við núna í 2 ár og ætlum að
halda því áfram. Svo var aðeins hug-
aö að þorranum sem nálgast óðfluga.
Ekki í megrun
Hádegisverðurinn var súpa og létt
pastasalat í mötuneytinu og sumir
að spá hvort ég væri í megrun, mér
er illa við það orð og segist vera á
leiðinni til betra lífs með breyttu
mataræði, og síðan var aftur sest við
símann. Á tölvupóstinum var ég
minnt á að mæta á kóræfingu næsta
kvöld og ég átti líka að reyna að
virkja nýja félaga. Ég held ég sé búin
að ná einum en það kemur í ljós
annað kvöld. Vegna aukins álags á
fætur og bak eftir að ég byrjaði að
æfa ákvað ég að panta mér tíma í
hlaupagreiningu hjá Kolbeini í Stoð-
tækni og fékk tíma næsta dag. Ég
hlakka til að fara því að það er eitt-
hvað ekki i lagi og vonandi fæ ég úr
því bætt. Ég heyrði í kunningjum
mínum sem voru að ráögera ferð í
höfúðborgina einhveija næstu daga
og við ákváðum að hittast um helg-
ina. Ég fékk símtal frá æskuvinkonu
sem er að flytja í bæinn og lofaði að
hjálpa til eins og ég gæti.
Japlað á epli
í kaffitímanum gerði ég mér ferð
mötuneytið og lokaði augunum
fýrir öllum sætu kökunum og
kaloríusprengjunum sem voru á
boðstólum og greip eitt epli og japl-
aði á þvi eins lengi og ég gat, tölti
svo upp á íþróttadeild til að vita
hvort eitthvað spennandi væri að
gerast. Þar sem ég er fótboltabulla
mikil og KR-ingur verð ég að fylgj-
ast vel og vandlega með öllu sem
gerist. Kl. 16 var ég búin með vakt-
ina og dreif mig í Kringluna til að
kíkja aðeins á útsölur og var næst-
um því búin að eyða stórpeningum
í jólaskraut sem var á niðursettu
verði, en ég gat hamið mig og
keypti bara stór og flott kerti sem
voru á hálfvirði. Fór í Hagkaup og
eyddi óratíma í að lesa utan á alls
konar matvæli, hvað væri mikið
fitumagn í þessu og hinu, þetta læ-
rist smá saman.
Hollur kvöldverður
Rakst á einn og einn sem ég
þurfti að spjalla við og var ekki
komin heim fyrr en undir sjö og
uppgötvaði að ég nennti ekki að
elda og skaust upp á Grænan kost
til að fá mér í svanginn. Þær fá að
elda handa mér oftar en einu
sinni í viku - maturinn góður,
hollur og ódýr. Ég bíð eftir að
komast á námskeið hjá þeim til að
læra að elda hollan mat i fram-
haldi af þessu breytta lífemi
mínu.
Það vildi svo skemmtilega til að
þetta kvöld var uppáhaldssjón-
varpskvöldið mitt, svo ég settist
niður og kveikti á útsölukertim-
um og horfði á 19.20 á Stöð 2. Svo
beið ég spennt eftir Fjörefni því að
við Siggi Hlö höfðum verið fengin
í upptöku í tilefni heilsuátaksins
sem er í gangi á Bylgjunni ásamt
World Class, DV og Austurbakka.
Það kom bara ágætlega út og ég
komst að því að mér fannst einna
skemmtilegast og reyndar erfiðast
að boxa. Sölvi Fannar einkaþjálf-
ari er búinn að lofa að ég fái að
boxa meira seinna. Eftir Fjörefnið
hringdu nokkrir kvmningjar og
svo komu uppáhaldsþættimir á
Stöð 2 og meðan ég horfði á þá
punktaði ég niður það sem ég ætl-
aði að gera fyrir útvarpsþættina
mína um helgina á Bylgjunni og
upp úr miðnætti var ég orðin svo
syfjuð að ég rétt náði inn í rúm og
var komin í draumheima um leið
og ég lagðist á koddann.
Finnur þu fimm breytingar? 395
Ég hef tekið ákvörðun um að þú sért mín týpa eftir allt saman.
Nafn: _
Heimili:
Vinningshafar fyrir þrjú hundruð
nítugustu og aðra getraun reyndust vera:
Jóhann T. Guðmundsson Pálmar Kristinsson
Fífusundi 12 Sólheimum 14
530 Hvammstanga 104 Reykjavik
Myndimar tvær virðast viö fyrstu
sýn eins en þegar betur er að gáð kem-
ur í ljós að á myndinni til hægri hefur
fimm atriðum veriö breytt. Finnir þú
þessi fimm atriði skaltu merkja við
þau með krossi á myndinni til hægri
og senda okkur hana ásamt nafni þínu
og heimilisfangi. Að tveimur vikum
liðnum birtum við nöfn sigurvegar-
anna.
1. verðlaun:
SHARP vasadiskó með útvarpi, aö
verðmæti kr. 3.950, frá Bræðmnum
Ormsson, Lágmúla 8, Reykjavík.
2. verðlaun:
Tvær Úrvalsbækur að verðmæti kr.
1790 - Ógnarást eftir Lindu Randall
Wisdon og Sinnaskipti eftir Lyndu
Kay Carpenter.
Vinningamir verða sendir heim.
Merkið umslagið með lausninni:
Finnur þú fimm breytingar? 395
c/o DV, pósthólf 5380
125 Reykjavík.