Dagblaðið Vísir - DV - 25.08.1997, Blaðsíða 23
MÁNUDAGUR 25. ÁGÚST 1997
Olíutankar
dregnir til
Ólafsfjarðar
DV, Ólafsfirði:
Það var harla óvenjuleg sjón sem
blasti við Ólafsfirðingum fyrr í
mánuðinum. Þá kom dráttarbátur
siglandi með olíutank í eftirdragi
inn í höfnina. Tankurinn kom frá
ísafirði og tók siglingin um 20 klst.
Síðar um nóttina kom hvalaskoðun-
arskip á Dalvík með annan olíu-
tank, mun minni, inn í Ólafsfjarðar-
höfn.
Stærri olíutankurinn, sem tekur
um 540 tonn, var hingað kominn á
vegum Olís og var fluttur með
tveimur stórum krönum á athafna-
svæði fyrirtækisins. Tankurinn
sjálfur vegur um 24 tonn. Þegar
hann flaut á sjónum sökk hann ekki
nema um 30 sentímetra eða sem
nemur eðlisþyngd sinni. Minni
tankurinn, sem tekur „ekki nema“
200 tonn, var fluttur að loðnu-
bræðslunni og verður notaður þar.
Það tók talsverðan tíma að koma
stóra tanknum fyrir. Tveir gríðar-
stórir kranar voru notaðir við verk-
ið. Tveir starfsmenn frá Olíudreif-
ingu hf. aðstoðuðu heimamenn við
framkvæmdina.
Olís er að auka við birgðarými
sitt. Umsvif fyrirtækisins hafa auk-
ist mikið í Ólafsfirði að undanfomu
en á dögunum bættist einn frysti-
togari í flota Ólafsfirðinga, Engey
RE. -HJ
Ungir sem aldnir skemmtu sér vel á afmælishátíðinni. DV-mynd Hanna
Breiðdalsvík:
Dúndrandi
afmælishátíð
DV, Breiðdalsvík:
Það voru dúndrandi hátíðarhöld
þegar ungmennafélagið Hrafnkell
Freysgoði minntist 60 ára afmælis
síns fyrir skömmu. Hátíðin var sett
á fimmtudagskvöld með ávörpum
og skemmtiatriðum. Heiðursgest-
irnir Birgir Finnbogason og Hrafn-
hildur Blomsterberg voru hyllt, gjaf-
ir voru afhentar og loks efnt til
kaffisamsætis.
Sjálf dagskráin hófst á föstudag
með leiklestri þar sem Guðjón
Sveinsson rithöfundur las úr bók
sinni, Daníel, á vettvangi þar sem
sagan gerist við gamla kaupfélagið.
Þátttakendur vom heimamenn. Síð-
an var hagyrðingakvöld undir
stjóm Ómars Ragnarssonar.
Laugardagurinn hófst með
ólympískum lyftingum. Þá voru á
dagskránni hestamannamót Geisla
og Goða, handverkssýning, safnara-
dagur og frjálsíþróttamót með þátt-
takendum frá öllum suðurfjörðum.
Grillhlaðborð var í Hótel Bláfelli. Þá
var haldin guðsþjónusta í Heydala-
kirkju.
Hápunktur hátíðarinnar var afl-
raunamótið Austfjarðatröll ’97 und-
ir stjórn Njáls Torfasonar. Keppt
var í 6 greinum. í 1. sæti varð Torfi
Ólafsson með 29,5 stig, í 2. sæti Jón
Gunnarsson með 24 stig og í 3. sæti
varð Ingvar Ingvarsson með 23,5
stig. í dyravarðarútkastarakeppn-
inni sigraði Ingvar Ingvarsson með
7,01 metra með tilþrifum. Að lokum
var dansleikur þar sem allir aldurs-
hópar dönsuðu saman.
Hátíðin fór mjög vel fram. Þátttak-
endur og gestir skemmtu sér vel þótt
veðrið hefði mátt vera betra. -HI
Bláa lónið:
Færeyingar semja um meöferð
DV, Suðurnesjum:
„Við erum komnir með samning
við færeysk heilbrigðisyfirvöld um
þjónustu við færeyska psorasissjúk-
linga. Okkur langar einnig að ná
samningi við grænlensk yfirvöld þó
það séu ekki margir sjúklingar þar. í
haust fáum við danskan tilraunahóp
sem verður vonandi upphafið að því
að við náum samningum við dönsk
heilbrigðisyfirvöld," sagði Grímur
Sæmundsen, framkvæmdastjóri Bláa
lónsins, við DV, aðspurður um að-
sókn erlendra psoriasis- og exem-
sjúklinga i Bláa lónið.
Göngudeild Bláa lónsins hefur
gengið vel frá því hún hóf rekstur
1994. í niðm’stöðum skýrslu um starf-
semi Bláa lónsins kemur fram að
rannsóknir hafi sýnt fram á að með-
ferð á psoriasis- og exemsjúklingum í
lóninu skili verulegum árangri.
Grimur segir að á hverju ári komi
margir erlendir gestir í meðferð frá
mörgum löndum. Þeir séu á eigin
vegum og hafi borgað sína meðferð
sjálfir.
„Við komum til með að beina
markaðssókn okkar á næstu misser-
um að Norðurlöndunum, Danmörk,
Svíþjóð, Noregi og síðan að Þýska-
landi,“ sagði Grímur Sæmundsen.
-ÆMK
Fréttir
Það vakti athygli þegar olíutankur kom siglandi inn í höfnina í Ólafsfirði.
DV-mynd Helgi
31
Sólar- & öryggisfilma, glær og lituð, stórminnkar
sólarhitann, ver nær alla upplltun.
Gerir glerið 300% sterkara, brunavarnarstuðull.
Setjum á bæði hús og bíla.
Skemmtilegt hf.
Sími 567 4727 J
Viltu styrkja stöðu þínt
Markmið námsins er að útskrifa nemendur
með hagnýta þekkingu á tölvunotkun
og veita þeim innsýn í notkunarmöguleika
í tölvu- og upplýsingaumhverfinu.
Námið er 60 kennslustundir.
Kennt verður á laugardögum
frá kl. 8:30 -12:00.
Skráning og upplýsingar
í síma 568 5010
Rafiðnaðarskólinn
Skeifunni 11B • Sími 568 5010
*