Dagblaðið Vísir - DV - 11.12.1998, Side 4

4
FÖSTUDAGUR 11. DESEMBER 1998
Fréttir
Menn ættu ekki að bölva rigningunni:
Regndropar skapa peninga
- Landsvirkjun afléttir um sinn skerðingu á orkusölu til kaupenda ótryggðrar orku
Þorsteinn Hilmarsson, upplýsingafulltrúi Landsvirkjunar - rigningin hefur li'ka sínar björtu
hliðar. DV-mynd
Rigningin undanfarna daga
skapar verðmæti. Víða um land
hafa innlendir orkugjafar verið
nýttir þar sem í vetur hefur verið
kynt með olíu vegna slaks vatns-
búskapar í virkjunum landsins.
Rigningarflóðin færa þjóðarbúinu
fjármuni sem birtast í aukinni raf-
orkuframleiðslu með auknu
rennsli í ánum. Vatnsmiðlunarlón-
in braggast á sama tíma. Þóris-
vatn, mikilvægasta vatnsforðabúr-
ið, var fullt að tveimur þriðju í
gær.
Hugsanlegt er að það hafi sitt að
segja á næstunni þegar metið
verður hvort hægt verður að hefja
sölu fyrr en til stóð til stóriðju og
kaupenda ótryggðrar raforku.
Hver dagur, sem hægt er að nýta
innlenda orku í stað innfluttrar,
gefur gull í mund, hjá orkusölun-
um sem og kaupendum.
Þorsteinn Hilmarsson, upplýs-
ingafulltrúi hjá Landsvirkjun,
staðfestir að vetrarregnið færi fyr-
irtækinu mikið fé. Hann veit til að
þessa dagana er kynt með inn-
lendri orku í Krossanesverksmiðj-
unni í Eyjafirði, Mjólkurbúi KEA
á Akureyri, hjá hitaveitum, fjar-
varmaveitum á Vest-
fjörðum og fiski-
mjölsverksmiðjum á
Suðurnesjum svo
dæmi séu tekin.
„Rigningin skapar
peninga, þannig er
það í öllu orkukerf-
inu,“ sagði Þorsteinn
Hilmarsson þegar
hann var inntur eftir
orkubúskap í ausandi
rigningarveðrum í
jólamánuði. „Við
erum að nýta okkur
litla glufu, sem er
kannski ekki nema
nokkrir dagar. En
engu að síður kemur
það öllum vel að geta
nýtt sér þetta. Við
brugðumst snöggt við
hérna hjá Lands-
virkjun og fyrirtæk-
in reyna að nýta sér
tækifærið eins og
þau mögulega geta,“ sagði Þor-
steinn.
„Við getum að sjálfsögðu ekki
reiknað út það dæmi hvað einn
rigningardropi eða regnskúr færir
okkur í tekjur,“ sagði Þorsteinn
þegar við lögðum þá erfiðu spurn-
ingu fyrir hann til gamans. „Það
er flókið dæmi að reikna og ekkert
einhlítt svar við því. En ætli megi
ekki svara því svo að það fari eft-
ir því hvar regndropinn fellur,
hvort hann lendir á nefbroddinum
á manni eða inni á virkjunar-
svæði."
Svartolía eða rafmagn
Ástandið í lónum Landsvirkjunar
hefur verið nokkuð stöðugt undan-
farið, en rigningai-flóðin að undan-
fórnu eru kærkomin til að auka á
vatnsmagnið, sem var afar lítið í
haust, þegar lónin fylltust ekki.
Kaupendur ótryggðrar orku sem
svo er kölluð þurfa að nýta olíu-
katla til framleiðslu á varaafli, þeg-
ar vatnsframleiðslan fullnægir ekki
eftirspuminni. Á ýmsum stöðum
þar sem raforkukerfið er nægilega
öflugt hefur verið reynt að skapa
hvata til að menn fjárfesti í raf-
skautskötlum en eigi gömlu olíu-
katlana og geti gripið til þeirra sem
varaafl, enda sýnir reynslan að það
er ekki á vísan að róa varðandi
orkukaup í stórum stíl.
DV heyrði í gær í Jóhanni Pétri
Andersen, framkvæmdastjóra í
Krossanesverksmiðjunni. Hann
sagði að það væri gott mál að geta
nýtt innlendu orkuna en fyrir verk-
smiðjuna hefði þetta ekki mikið að
segja þessa stundina, loðnuveiðin
hefði verið svo treg að lítið hráefni
hefur borist. Ef allt hefði verið eins
og venjan er, þá væri þarna um að
ræða hið besta mál. -JBP
Dyflinnarferð borgarfulltrúanna:
Árni Þór sagði ósatt
- segir Jóna Gróa Sigurðardóttir borgarfulltrúi
Jóna Gróa Sigurðardóttir borgar-
fulltrúi segir í samtali við DV að það
sé ósatt að það hafi verið ætlunin frá
upphafi ferðar að borgarfulltrúar
kæmu heim á undan hópnmn til að
ná aukafundi sem borgarfulltrúar
Sjálfstæðisflokksins höfðu ekki hug-
mynd um við brottforina frá íslandi.
Hins vegar tilkynnti formaður Veitu-
stofhana Jónu Gróu eftir að komiö
var tO Dyflinnar að til stæði að halda
aukafund í borgarstjóm á mánudegi.
Ekki nefndi hann tilefnið - sem
reyndist vera útsvarshækkun R-list-
ans. Borgarfulltrúar R-lista flugu um"
London til Reykjavíkur og náðu til
fundar. Jóna Gróa ákvað aftur á móti
að fylgja hópnum síðar um daginn. Sú
tilhögun að fljúga um London kostar
borgarbúa um 200 þúsund krónur
aukreitis, að sögn Jónu Gróu.
„Ég hafði ekki hugmynd um þenn-
an fund eða breytingu á heimferðinni
þegar ég fór út með hópnum til
Dublin," sagði Jóna Gróa í samtali við
DV í gær. „Formaður veitustofnana
sagði mér fyrst frá þessu þegar við
vorum komin til Dublin. Hann nefhdi
ekki hvert tilefnið væri, ég hafði ekki
Jóna Gróa Sigurðardóttir, borgar-
fuiltrúi D-listans.
hugmynd um útsvarsmálið. Auðvitað
hafði ég samband við mitt fólk heima
á laugardag, þá hafði frést af þessum
fundi og mér sagt að óþarft væri fyrir
mig að koma á fundinn og stofna
þannig til aukakostnaðar, varamaður
tæki sæti mitt að þessu sinni,“ sagði
Jóna Gróa.
„Ámi Þór er hlutdrægur og segir
ekki satt frá í fréttinni í DV, borgar-
fulltrúar R-listans vissu um fundinn
og heimflugið áður en þeir fóru utan,“
segir Jóna Gróa. Hún fullyrðir að Al-
freð hafi haft í fórum sínum farmiða,
Dublin-London-Keflavík fyrir fjóra
borgarfulltrúa og hafi verið búinn að
undirbúa þessa leið heim.
„Ef ég er ólögleg að hafa ekki mætt
á þennan fund, eins og Ámi Þór seg-
ir, þá er nú blessaður borgarstjórinn
meira en lítið ólöglegur í hafnar-
stjóminni. Það er ekki siður embætt-
ismanna að vera með dylgjur í garð
borgarfulltrúa. Árni Þór hefur gleymt
að hann er embættismaður og aðstoð-
armaður borgarstjóra. Hann átti því
ekki að leyfa sér að vera með pólitísk-
ar dylgjur og tala um að sjálfstæðis-
mönnum væri afar gjamt á að hengja
sig i formsatriði eins og mætingar
borgarfulltrúa. Mér fmnst aðstoðar-
maður borgarstjóra ekki geta leyft sér
að tala um ólögleg forfóll mín þennan
dag,“ sagði Jóna Gróa sem hefur setið
í borgarstjóm frá 1982. -JBP
Krakkarnir í 2. bekk Giljaskóla á Akureyri fengu frí frá venjulegu námi í gærmorgun. Þeir tóku sig til ásamt kenn-
urum sínum, brugðu sér i bæinn, fóru á kaffihús og fengu sér kakó og sitthvað gott með. Á leiðinni var komið
við á Ráðhústorgi og skoðað stóra jólatréð sem Akureyringar fengu að gjöf frá vinabæ sínum, Randers í Dan-
mörku. DV-mynd -gk
Veðurklúbburinn Dalbæ:
Styttist í norðan
stórhríð
DV, Dalvík:
Veðurklúbburinn á Dalbæ hefur
sent frá sér jólaspána. Klúbbfélagar
segja að nóvemberspáin hafi gengið
eftir, rysjótt og frekar leiðinlegt veð-
ur, og telja líklegast að þetta tungl,
sem klárast 18. desember, verði svip-
að og verið hefur, rysjótt og um-
hleypingasamt.
Allflestir klúbbfélagar hafa tii-
finningu fyrir því að það styttist í
góða, hraustlega norðanstórhríð og
mikla snjókomu en eiga erfitt með að
tímasetja hana, þó í síðasta lagi í
kringmn miðjan janúar. Þetta byggja
menn á draumum og ýmsu öðru.
Tveir klúbbfélaga töldu að þetta yrði
18. desember, með nýju tungli.
Jólin verða hvit samkvæmt spám
klúbbfélaga, þó svo að ein i klúbbn-
um væri hörð á því að þau yrðu
rauð. Enn eru mikíar umræður um
jarðskjálfta hjá þeim félögum og eru
allir sammála um að jarðskjálfta-
hrinumar séu ekki búnar og jafnvel
rétt að byija.
Næsta spá frá Veðurklúbbnum
kemur svo í byijun janúar og htur
ekki vel út með þá spá núna en nóg
um það í bili. Að lokum vilja klúbbfé-
lagar senda öllum landsmömium
bestu jóla- og nýárskveðjur, með þökk
fyrir samskiptin á liðnu ári. -hiá
Hverageröi:
Knútur Bruun aft-
ur í bæjarstjórn
DV Hveragerði
Eftir að Einar Hákonarson sagði
af sér í bæjarstjóm Hveragerðis ný-
lega vora miklar vangaveltur hér
hver tæki sæti hans. Einar hefur
verið eini fulltrúi D-lista sjálfstæðis-
manna í bæjarstjóm þetta kjörtíma-
bil en Sjálfstæðisflokkurinn í
Hveragerði klofnaði fyrir síðustu
sveitarstjórnarkosningar.
Guðbjörg Þórðardóttir, sem var í
2. sæti D-listans, er flutt úr bænum
og Knútur Bruun var í 3. sæti. Hann
hefur verið afar tregur við að fara
aftur í slaginn. Sagðist hafa fengið
nóg af því. Fjórði maður á lista,
Hjalti Helgason, var því næstur bæj-
arstjórnarsætinu.
Á fundi í félagi D-listamanna í
Hveragerði nýverið sagði Knútur þó
að hann væri tilbúinn til þess að
taka sæti í bæjarstjóm, þrátt fyrir
allt. Samþykkt var að hann tæki
sæti Einars og að Hjalti Helgason
yrði varamaður hans.
Knútur sagði i stuttu samtali við
DV að hann vonaðist til að geta
breytt ástandinu í bæjarstjórn
þannig að tekið væri aukið tillit til
mannlegra þarfa bæjarbúa. Ekki að-
eins að líta á peningahliðina varð-
Knútur Bruun. DV-mynd ÞÖK
andi framkvæmdir og uppbyggingu.
í bæjarstjórn eiga nú sæti fjórir frá
L-lista, klofningur úr Sjálfstæðis-
flokknum og einn hver frá Fram-
sókn, H-lista og D-lista. Gísli Páll
Pálsson, forstjóri dvalarheimilisins
Áss/Ásbyrgis, er forseti bæjar-
stjórnar. eh