Dagblaðið Vísir - DV - 12.05.1999, Blaðsíða 4

Dagblaðið Vísir - DV - 12.05.1999, Blaðsíða 4
MIDVIKUDAGUR 12. MAI 1999 Fréttir !DV Allar líkur á sama stjórnarmynstri áfram: I Stokkað ráðherraliðinu Siv og Guðni líkleg inn hjá Framsókn sem og Árni og Sólveig hjá Sjálfstæðisflokknum Þrátt fyrir að Sjálfstæðisflokkur og Framsóknarflokkur séu ekki sammála um hvaða mál séu efst á verkefnalista næstu ríkisstjórnar þá eru þingmenn flokkanna fyllilega sammála um að miklar líkur séu á áframhaldandi samstarfi þeirra. Það bendir því óneitanlega flest til sömu stjórnar en ljóst er að nýir menn munu setjast í ráðherrastóla. Spurningin er aðeins hversu margir það verða. Þreifingar um stjórnarmyndun hófust formlega í fyrradag og eru því skammt á veg komnar. DV ræddi i gær við vel á annan tug þingmanna fiokkanna og aðra sem þekkja til innviða þeirra. Ljóst er þó að við- ræður flokkanna eru á ofurvið- kvæmu stigi og varasamt að fullyrða of mikið um niðurstöðu þeirra, eink- um hvað lýtur að ráðherraefnum og breytingu á forræði málaflokka. Ráöherraefnin Eins og staðan er nú mega ein- ungis fimm ráðherrar teljast örugg- ir um sæti í næstu ríkisstjórn. Þetta eru þeir Davíð Oddsson, Geir H. Haarde og Björn Bjarnason fyrir Sjálfstæðisflokkinn og þeir Halldór Ásgrímsson og Finnur Ingólfsson fyrir Framsóknarflokkinn. Sjálfsagt eru margir þó einna spenntastir fyr- ir því hvaða nýliðar muni setjast í ráðherrastóla á næstu vikum. í því sambandi er rétt að gæta að hugsan- legri fjölgun ráðherra í stjórninni út tiu í tólf. Slík fjölgun myndi þýða að dómsmálaráðuneytið og sjávarút- vegsráðuneytið skiptist niður á tvo ráðherra og sama máli myndi gegna um landbúnaðar- og umhverfisráðu- neytin. Af nýjum ráðherraefnum Fram- sóknarflokksins nefna flestir nöfh Sivjar Friðleifsdóttur og Guðna Ágústssonar. Bæði þykja hafa feng- ið sterka útkomu úr kosningunum og þar með styrkt stöðu sína veru- lega í þingflokknum. Hvort bæði komast að veltur hins vegar nokkuð á því á hvað Páll Pétursson félags- Hugsanleg ráðherraskipan Davíð Oddsson Halldór Ásgrímsson Geir H. Haarde Finnur Ingólfsson Björn Bjarnason Ingibjörg Pálmadóttir H ¦ *&%3. iú' ~3fe w3!\f!*f -r-rl Halldór Blöndal Sif Friöleifsdóttir Árni Mathiesen Guðni Ágústsson Sólveig Pétursdóttir Páll Pétursson málaráðherra hyggst fyrir í framtíð- inni. Sögusagnir eru á kreiki um Páll muni fljótlega láta af störfum vegna heilsubrests en þær eru ekki staðfestar. Þá töldu flestir liklegt að Ingibjörg Pálmadóttir yrði áfram ráðherra flokksins, þrátt fyrir held- ur laka útkomu í kosningunum. Bentu menn á að Ingibjórg hefði verið með erfiðan málaflokk á hendi og í samanburði við fyrirrennara sína 1 ráðuneytinu hefði hún ekki komið illa út úr því. Valgerður Sverrisdóttir og Kristinn H. Gunn- arsson þóttu bæði mun ólíklegri en hin tvö og einn orðaði sem svo að „yfirlýsingar Kristins um ráðherra- dóm gætu tæpast talist raunhæfar". Ráöherrar Sjálfstæöisflokksins Flestir heimildarmanna DV inn- an þingflokks Sjálfstæðisflokksins telja nær óhugsandi annað en að Árni Mathiesen verði ráðherra í ljósi glæsilegs kosningasigurs flokksins á Reykjanesi. Þá voru margir á því að Sólveig Pétursdóttir kæmi til greina í ráðherrastól, með- al annars í ljósi háværra krafna innan flokksins um að rétta hlut kvenna í ráðherraliðinu. Flestir hölluðust því að möguleikar Sól- veigar væru mun meiri en til dæm- is möguleikar Sigríðar Önnu Þórð- ardóttur og Arnbjargar Sveinsdótt- ur sem annars myndu koma til álita. En hvort Árni og Sólveig verða bæði ráðherrar ræðst sem fyrr segir nokkuð af því hvort ráð- herrar verða tíu eða tólf talsins. Þrátt fyrir að framtíð Halldórs Blön- dal í ráðherrastól sé hvergi nærri örugg er þó fremur búist við að hann haldi stöðu sinni. Sumir inn- an þingflokksins telja þó hann „hafa fengið að sitja sinn tíma í embætti". Aörir möguleikar Viðmælendum blaðsins bar al- mennt saman um að það væru hálf- gerðar getraunir að ætla sér að tengja menn við ákveðin ráðuneyti nú þeg- ar. Engu síður nefndu sumir að hug- myndir væru uppi um að Sjálfstæðis- fiokkur léti menntamálaráðuneytið af hendi til Framsóknar og fengi þess í stað heilbrigðisráðuneytið. Þá varð mönnum tíðrætt um Sturlu Böðvars- son sem arftaka Ólafs G. Einarssonar í embætti þingforseta. Búist er við að stjórnarmyndunarviðræður muni taka þó nokkurn tíma, m.a. í ljósi mikilla anna Halldórs Ásgrímssonar í embætti utanríkisráðherra og er nið- urstaðna ekki að vænta úr þeim fyrr en í fyrsta lagi í næstu viku. Haldreipið eina hverfur Ðughrí Fáar stofhanir ef nokkrar hér á landi hafa verið íhaldssamari en Ríkisútvarpið. Það er eiginlega arf- ur hins liðna en lifir þó í samtíman- um. Blómaskeið þess stóð áratugum saman meðan það var eitt á mark- aðnum og hljóðvarpsrásin aðeins ein. Þá hlustuðu landsmenn á þá út- varpsstöð, hvort sem þeim líkaði það betur eða verr. Þar var ekkert hopp og hí heldur alvaran í fyrir- rúmi. Tónlistin var sígild og því mátti nokk treysta að rétt væri far- ið með hið talaða orð. Þulir voru þjóðhetjur, gestir á hverju heimili. Veðurfregnir stöðvarinnar voru lífs- stíll, ætlaðar bændum í heyskap og sjófarendum. Staða Ríkisútvarpsins varð enn sterkari þegar Sjónvarpið komst á koppinn þegar nokkuð var liðið á sjöunda áratuginn. Menn horfðu i andakt á svart- hvítt Savanna-tríóið, skáld lesa ljóð og sáu og heyrðu ráðherra þéraða í umræðuþáttum. Fyrsta sjónvarpsauglýsingin um kórónafötin greyptist í huga neytenda, svo gjörsamlega að enn eru mið- aldra menn og eldri að leita þessara klæða. Fréttatímar Sjónvarpsins náðu svokölluðu áhorfsmeti sem aldrei verður slegið. Lýðurinn var sem límdur við skjá þessarar einu stöðvar. Svo kom frelsið um miðjan niunda áratuginn og allt fór á verri veg. Samkeppnin hófst á út- varpsmarkaðnum og nú er svo komið að útvarps- stöðvarnar eru fleiri en talið veröur. Þar gjamm- ar hver gleiðgosinn á fætur öðrum og lætur sig litlu skipta hvort orðin eru í nefhifalli, þolfalli eða þágufalli, þykist raunar góður ef málflutning- urinn er í meginatriðum á íslensku. Graðhesta- tónlistin ræður þess utan ríkjum. Sjónvarpið fékk heldur ekki að sitja eitt að sínu. Stöð 2 fór af stað með brambolti. Hún hefur smám saman sótt að kjölfestu frumherjanna, fréttatímanum, og nú er svo komiö að stöðvarnar standa jafnfætis í fyrrnefhdu áhorfl. Það sem eftir stóð af gamalli íhalds- semi Ríkisútvarpsins, eina haldreipi þeirra sem ólust upp með þessari einu stöð, var klukkuslátturinn klukkan 7 á morgnana og 19 á kvöld- in. Hann var það eina sem aldrei brást í hverfulum heimi. En svo bregðast krosstré sem önn- ur. Stjórnendur Ríkisútvarpsins blikkuðu augunum og bökkuðu burt frá áratugahefð heillar þjóðar. Frétt- irnar og líklega klukkuslátturinn einnig verða ekki lengur klukkan sjö. Stjórnendurnir fóru á taugum í hinni blindu samkeppni sem engu eirir. Kjölfestan er fyrir bí. Klukku- slögin sjö heyra sögunni til um næstu mánaðamót. Sjónvarpið yfir- tekur þann tíma og skutlar hljóð- varpinu fram um klukkustund. Þjóðin er í öngum sínum og bændur þó mest. Nyt dettur úr kúm þar sem þær hafa vanist því, kynslóð fram af kynslóð, að mjólka því aðeins að þær heyri klukkusláttinn kvölds og morgna. For- maður Bændasamtakanna nær ekki upp i nefið á sér. Ólíklegt er og að hænur verpi undir þessum kringumstæðum. Málið verður tekið fyrir í stjórn samtakanna. Skylduáskriftin heldur vart eftir þetta heitrof. Dagfari sandkorn Grátur og gnístran Hin mikla höfnun sem Fram- sókn fékk í kjörklefum hefur vakið verðskuldaða athygli. Viðbrögð Halldórs Ásgrímssonar , hins mislynda leiðtoga, sem tapaði rúm- lega átta prósenta fylgi í eigin kjör- dæmi, eru þau að fjölmiðlum sé um að kenna. Fréttamenn hafi verið upptekn- ir af því að spyrja um væntanlegan kvótagróða hans vegna Skinneyjar hf. á Höfn. Margir hafa bent á að Steingrím- ur J. Sigfússon, leiðtogi VG og sigurvegari kosninganna, hafi fengið svipaðar spurningar og Dóri. Steingrímur, sem á hlut í Hraðfrystihúsi Þórshafnar, svaraði með bros á vör og staðfesti að rétt væri en Halldór ýfðist gjarnan all- ur upp og spurði með þjósti hvurs- lags spurningar þetta væru eigin- lega. Þar með skvetti hann olíu á eld... Sjalla og VG saman Þrátt fyrir að allar líkur séu á áframhaldandi stjórnarsamstarfi vilja margir sjálfstæðismenn frem- ur vinstra-græna og Steingrím J. Sigfússon en Framsókn í sam- starf. Enda þótt meirihlutinn þeirra yrði tæpur eru menn ekki endilega hræddir við það. Margt af málum VG eru Sjálfstæðis- flokknum þóknan- leg og það ætti að nást ágætt sátt þar á milli. Talið er að samstarf núverandi srjórnar- flokka verði aldrei sem áður og því sé ástæða til sambandsslita. Mörg- um finnst því kominn tími á Fram- sókn og að sigurvegarar kosning- anna taki saman... í kjörklefanum Sjálfstæðismenn á Reykjanesi unnu góðan sigur í kosningunum undir forsæti dýralæknisins brosmilda, Talið er að Árna Mathiesens. loforð um breikkun Reykjanesbrautar sem verið hefur hjartansmál Krist- jáns Pálssonar al- þingismanns og svokallaðs ljósálfs, hafi ráðið nokkru um meðbyrinn. Taugaveiklun var nokkur meðal sjallanna á kjördag og þegar leið að lokum kjörstaða var gripið til þess að hringja úr öll- um tiltækum símum i þá sem ekki voru mættir á kjörstað. Meðal þeirra sem hringt var í var eldri Njarðvikingur. Það kom nokkuð á smala flokksins þegar hann svar- aði og sagöist einmitt vera í kjör- klefanum. „Hvað á ég eiginlega að kjósa?" spurði hann og fékk um- svifalaust skýrar leiöbeiningar... Þurrkvóti Það reyndist svo sem DV greindi frá að lífsvon frjálslyndra væri að finna í Vestfjarðakjör- dæmi þar sem gamli jaxlinn Guð- jón A. Kristjánsson halaði inn atkvæði sem dugðu til að koma honum og Sverri Her- mannssyni, leið- toga flokksins, á þing. Lífsbjörg frjálslyndra er ekki síst talin sjó- mönnum að þakka en stað- fest dæmi eru um að heilu togara- áhafnirnar hafi óskiptar kosið Adda Kitta Guj. Þá mun hafa geng- ið. i Vestfirðinga þegar Addi og fé- lagar seldu harðfisk á Silfurtorgi á ísafirði daginn fyrir kjördag. Sú ágæta vara hét í sölumeðferð þeirra þurrkvóti og var seldur var- anlega en ekki leigður ... Umsjón Reynir Traustason Netfang: sandkorn m ff. is _k

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.