Dagblaðið Vísir - DV - 22.06.1999, Blaðsíða 10
10
ÞRIÐJUDAGUR 22. JÚNÍ 1999
Spurningin
Lesendur
Heldur þú að hjónaband
Játvarðar og Soffíu endist?
Bragi Guðbrandsson verkamað-
ur: Já, ætli það ekki.
Hjálmar Jóhannsson, eldri borg-
ari: Hún má vera helvíti góð ef það
á að endast.
Sunneva Völundardóttir, 14 ára:
Já, það held ég.
Una Gunnarsdóttir, 14 ára: Ég
held að þau skilji eftir nokkur ár.
Sjöfn Sigurbjörnsdóttir, 14 ára:
Ég vona að þau skilji ekki.
Magnús Gíslason verkfræðingur:
Já, það verður að gera það.
Komu þjóðhöfð-
ingja okkar óskað
Guðfinnur Finnbogason skrifar:
Með þá vissu að
leiðarljósi að 1
augum gesta
okkar greinum
við jafnan best
útlit vort, telja
margir hér á
Ströndum mikil-
vægt að þeirri
málaleitan sé
komið til þeirra er héraðsmálum
helst ráöa að farið verði að vinna að
því að þjóðhöfðingi okkar, forseti ís-
lands, sæki Strandamenn heim og
það fyrr en síðar.
I því sambandi minna menn á að
senn er áratugur liðinn frá því for-
seti íslands heimsótti Strandir síð-
ast. Þetta kom fram á aðalfundi
Ferðamálafélags Strandasýslu ný-
verið. Þar var rætt um bætta um-
gengni bæði til sjávar og sveita og
nokkrar endurbætur á vegakeríi
sýslunnar á stöku stað, enda væri
fátt okkur meiri hvatning til að
gæta að umgengni okkar en vænt-
anleg koma góðra gesta og væri auk
þess öllu öðru mikilvægara, ásamt
vingjamlegu og hlýju viðmóti, til að
nýtast ferðaþjónustunni mest og
best og skapa henni virðingu bæði
meðal heimamanna og þó ekki síst
gesta okkar. Flestir búa enda yfir
Strandamenn óska eindregið eftir nærveru Óiafs Ragnars Grímssonar í
héraðinu og það sem alira fyrst. Hér
Eyjafjarðar á síðasta vori.
meðvitaðri löngun til að hafa snyrti-
legt í kringum sig og að því þyrfti
að hlúa.
Ekki eingöngu af tillitssemi við
íbúa Árneshrepps var mikilvægt
er forsetinn í heimsókn í byggðum
talið að forsetinn heimsækti fyrst
íbúana í nyrstu byggðinni og færi
síðan landveg suður sýsluna. Vel-
kominn á Strandir, Ólafur Ragnar
Grímsson!
List eða ólyst
Eggert E. Laxdal, Hveragerði,
skrifar:
Mér virðist listin og umfiöllun um
hana á glapstigum. í myndlist eru
alls konar afskræmi hafin upp til
skýjanna. Ljótleiki og fáránleiki fá
jákvæða umfiöllun, en alvöru list er
haldið í skák í blöðum og timaritum,
alls ómaklega.
Fegurðin er einskis metin og negld
á kross. Sundursagaðir stólar,
beyglaðar tunnur og fáein heystrá á
gólfi. Þetta er af listfræðingum talin
góð og gild list.
Myndlist á að vera falleg og þjóna
fegurðarþrá mannsins. Fólk hrífst af
náttúrunni og fer langar leiðir til að
komast í snertingu við hana. Menn
fara síður á öskuhauga til aó hrífast.
Og tónlistin. Hún einkennist af
dúndrandi hávaða, argi og gargi, sem
verkar á mann eins og verið sé að
sarga sundur höfuðkúpuna á manni.
Er þetta list?
Nýmóðins tónlist er oft afskræmi
án laglínu og samhengis, bara píp út
i loftið.
En við eigum ýmislegt gott. Sinfón-
íuhljómsveitin sker sig úr að gæðmn,
við eigum marga og góða söngvara,
kóra og einleikara og íslenska óper-
an er kraftaverk. Við eigum líka af-
bragðs leikara. Um ritlistina er það
að segja að hún er á mjög háu stigi.
Við eigum marga góða rithöfunda á
öllum sviðum ritlistar.
Sigur og ósigur í
þingkosningum
Sigurður Jóhannsson skrifar:
Enn er rætt um síðustu alþingis-
kosningar, þótt úrslitin yrðu þau að
fyrri stjórn næði að halda velli og
völdum. Einkennilegt finnst mér að
margir túlka úrslit kosninganna á
þann veg að Sjálfstæðisflokkurinn
hafi unnið þar sigur. - Sá flokkur
bætti þó aðeins við sig 1 (einum)
manni. Og Framsóknarflokkurinn
tapaði fiórum mönnum.
Sumir tala um sigur vinstri-
grænna. Tala þingmanna þar á bæ
er þó nánast hin sama og var í þing-
lok í vor, það lítil er viðbótin. Svip-
aða þingmannatölu hjá flokki Jó-
hönnu Sigurðardóttur 1995 vildu
sumir kalla ósigur, svo að ekki er nú
alltaf samræmi í hlutunum. Og enn
tala sumir um ósigur Samfylkingar-
innar, sem mér finnst í hæpnara
ÍUÉ^fMlfM þjónusta
allan sólarliringinn
Aðeins 39,90 mínútaii
- eða hringið í síma
5000
milli kl. 14 og 16
Bréfritari telur að Sverrir og hans maður, Addi Kitta Guj, frá ísafirði muni láta
að sér kveða á Alþíngi í haust.
lagi, svo að ekki sé meira sagt.
Sautján þingmenn mynda þó að sjálf-
sögðu sterkt afl á komandi árum.
Athyglisverðustu úrslitin í síð-
ustu kosningum tel ég vera að Frjáls-
lyndi flokkurinn skyldi ná mönnum
á þing. Og þótt þingmenn flokksins
séu aðeins tveir er spá mín sú að
þeir muni láta manna mest að sér
kveða og eigi eftir að velgja stjórnar-
liðum verulega undir uggum.
ES: I síðasta bréfi mínu til DV
vitnaði ég í vísu er Flosi Ólafsson
orti norður í Þingeyjarsýslu fyrir
allmörgum árum (en þar var Sam-
band ísl. samvinnufélaga stofnað,
sem kunnugt er). Vísan misprentað-
ist í DV. Hún er á þessa leið: „Ó,
hvað hér er yndislegt á allar lundir:
Sveinar elska hringa hrundir; hér
var það sem SÍS kom undir.“
Of margir
útlendingar
Guðrún Hansdóttir hringdi:
Ég vil vekja athygli á þeirri
þróun sem er að verða í búsetu-
þróun á íslandi. Verði framhald á
þvi að allt of margir útlendingar
flytji búferlum hingað til lands,
en á sama tíma flytja allt of marg-
ir íslendingar burtu frá landinu
til annarra landa, þá á það eftir
að skapa mörg og margvísleg
vandamál sem komandi kynslóðir
þurfa að kljást við. Aðrar þjóðir
hafa verið og eru að súpa seyðið
af því að flytja inn útlendinga í of
miídum mæli og þau lönd hafa
smám saman verið að missa ýmis
séreinkenni sín. Við þekkjum af
fréttum hvaða ástand hefur skap-
ast af þeim sökum. Ég segi þetta
án fordóma í garð þess útlenda
fólks sem hingað hefur flust, en
bendi á að aðgát skal höfð varð-
andi þetta.
Gísli Marteinn Baldursson sjón-
varpsmaður, hunangskossarnir
voru illa auglýstir.
Frábær frétta-
maður
Þorbjörg skrifar:
Gísli Marteinn Baldursson
fréttamaður Sjónvarpsins hefur
um langt skeið verið uppáhalds
sjónvarpsmaður fiölskyldunnar
enda er drengurinn hreint frábær
fréttamaður. Yngsta dóttir mín
sem vart er talandi ræður sér til
að mynda ekki fyrir kæti þegar
hann birtist á skjánum og hrópar:
„Gilli, Gilli!“ Fréttaflutningur
hans er með eindæmum góöur og
það er ánægjulegt að sjá að enn
eru til menn með frumkvæði á
hinni steingeldu sjónvarpsstöð.
Það var þó ekki fyrr en í Evró-
visjón-söngvakeppninni að það
rann upp fyrir fiölskyldunni að
maðurinn er einfaldlega snilling-
ur. Fagmennskan, húmorinn og
yfirvegunin gerði kvöldið ógleym-
anlegt og það þótt að þjóðin væri
rænd sigrinum sem hún svo sann-
arlega átti skilið. Þess vegna
þyrmdi yfir mig þar sem ég las í
DV að Gísli Marteinn hefði selt
kossa sína á þjóðhátíðardaginn.
Þetta hefði hann betur auglýst
enda væru það eflaust fleiri kon-
ur en ég sem hefðu beðið í röð til
þess að fá kyssa hann.
Baráttan viö
tryggingarnar
- ungi maðurinn segir satt
Bjarni Pálmarsson leigubif-
reiðarstjóri hringdi:
Þetta mál með unga manninn
sem á í útistöðum við Trygginga-
miðstöðina þekki ég af eigin raun.
Það var keyrt á kyrrstæöan bíl
sem ég átti, Chevrolet Capri
Classic, hörkusterkan og vandað-
an bíl. Þá gerðist það að billinn
fór að hökta þegar hann var kom-
inn á vissan hraða. Það kom í ljós
við ítarlega rannsókn aö tromla í
girkassa, sem alls ekki sást, var
undin. Bílinn var hægt að keyra,
en hann var ekki samur eftir
ákeyrsluna. Ég lenti í útistöðum
við tryggingafélagið út af þessu,
en Almennar tryggingar borguðu
að lokum tjónið að fullu, það kost-
aði um það bil helminginn af and-
virði bílsins eða meira. Útkoman
er sú að þegar ekið er á bíl sem er
í parki, eins og gerðist með þenn-
an bíl unga mannsins sem DV
sagði frá, og bíllinn fer langar
leiðir, þá er eðlilegt að eitthvað
láti sig í gírkassanum.