Dagblaðið Vísir - DV - 08.10.1999, Blaðsíða 5

FÖSTUDAGUR 8. OKTÓBER 1999
5
Fréttir
Nóatún kauplr Keisarann:
Allir velkomnir
á Mónakó
segir veitingamaöurinn
„Allir sem haga sér samkvæmt
venjulegum reglum eru velkomnir á
Mónakó nú þegar Keisarinn er brátt
allur," sagði Margeir Margeirsson
veitingamaður sem selt hefur Einari
Jónssyni í Nóatúni og aðilum tengd-
um honum veitingastaðinn Keisarann
við Hlemm. Nóatúnsmenn hyggjast
leigja húsnæðið úr fyrir verslun en
hluta staðarins tekur Tryggingastofn-
un ríkisins á leigu. „Þetta eru 600 fer-
metrar þannig að rúmt verður um
alla,“ sagði Margeir Margeirsson sem
einnig rekur veitingastaðinn Mónakó
við Laugaveg 78, gegnt Austurbæjar-
útibúi Landsbankans. Víst má telja að
Nóatúnsmenn hafi keypt Keisarann
til að skapa frið um 11-11 verslun sína
Fjársektir
fyrir smygl
DV, Akureyri:
Tveir menn á fimmtugsaldri hafa
í Héraðsdómi Norðurlands eystra
verið dæmdir í fjársektir vegna
smygls á áfengi og öðrum varningi
til landsins og fyrir sölu á smygl-
góssinu.
Annar mannanna var dæmdur í
400 þúsund króna sekt og 3 mánaða
varðhald greiði hann ekki sektina
innan 4 vikna. Sá var ákærður fyrir
smygl í Akureyrarhöfn í febrúar
1998 og aftur I Reykjavíkurhöfn í
febrúar á yfirstandandi ári. Um var
að ræða vodka, tóbak og „snuff*.
Hinn maðurinn, sem dæmdur var
til 100 þúsund króna sektar og 20
daga varðhalds greiði hann ekki
innan 4 vikna, var ákærður fyrir að
hafa selt hluta smyglvamingsins.
_________________________
Öxarfjörður:
Þetta er orð-
ið virkilega
spennandi
- segir veitustjórinn
DV, Akureyri:
„Það má eiginlega segja að borun-
in sé að komast á lokastig. í morgun
var búið að bora 1620 metra en við
áætlum að komast 1700-2000 metra,“
segir Hreinn Hjartarson, veitustjóri
á Húsavík og eftirlitsmaður Orku
ehf. með boruninni eftir heitu vatni
á Austursandi í Öxarfirði. Borun
þar getur lokið á hverri stundu því
menn hafa verið að bora um 100
metra á sólarhring en að sögn
Hreins ræðst það af því hvenær
menn „missa skolvatniö" í holunni
hvenær bomn lýkur.
Hreinn segir að hitinn í holunni
sé enn um 250 gráður og holan sé
ekki óálitleg. „Þetta er orðið virki-
lega spennandi og lítur vel út en það
er auðvitað ekki hægt að segja fyrir
um það á þessu stigi hver verður
endanleg niðurstaða. Þegar borun
lýkur verður farið í það að ganga
frá holunni og hún fer svo í prófan-
ir í vetur og niðurstaðan mun ekki
liggja fyrir á næstunni,“ segir
Hreinn.
Hann segir að verði niðurstaðan
góð, eins og flest virðist benda til,
verði án efa farið i frekari boranir
og farið í virkjunarframkvæmdir.
Hversu umfangsmiklar þær fram-
kvæmdir gætu orðið eða hversu
hratt þær yrðu unnar kæmi í ljós
síðar.
sem er í næsta húsi en Keisarafólk
vandi komur sínar þangað og var öðr-
um viðsklptavinum til ama.
„Ég er ekki með neinar ráðagerðir
um að selja Landsbankanum Mónakó
enda nóg af mönnum sem vilja kaupa
húsnæðið við Laugaveg 78 þar sem
Mónakó er. Við nágranna mína þar
vil ég segja það eitt að þeir þurfa ekki
að óttast sambýlið við mig - og mína,“
Mónakó - arftaki Keisarans?
sagði Margeir Margeirsson.
Keisarinn verður opinn fram til 1.
nóvember frá klukkan 11 að morgni
og fram eftir nóttu. -EIR