Dagblaðið Vísir - DV - 06.03.2000, Blaðsíða 6

6
Fréttir
MÁNUDAGUR 6. MARS 2000
x»v
Nýja sjálfvirka tilkynningaskyldan:
Sendir sjálfvirkt boð
á 15 mínútna fresti
- gul aðvörun ef skip hættir að senda
iýja tHRynningaskyldukerfísins
Skyggöa svæöiö næst landi merkir drægni nýja
kerfisins sem á aö vera um 30-50 mílur.
Nýja sjálfvirka tilkynninga-
skyldukeifið, sem formlega verður
tekið í gagnið i þessum mánuði, á
að geta stytt viðbragðstíma á neyð-
arstundu verulega.
Ámi Sigurbjömsson hjá Tilkynn-
ingaskyldunni segir að nýja kerfið
sé þannig úr garði gert að búnaður
um borð í bátunum sendi sjálfvirkt
út upplýsingar um staðsetningu
skips. Merkin fara um strandstöðv-
ar og þaðan í stjómstöð Tilkynn-
ingaskyldunnar í Reykjavík. Þetta
kerfi er hugsað fyrir skip undir 24
metrum að lengd en stærri skip
hafa búnað sem sendir boð í gegn-
um gervihnetti tvisvar á sólarhring.
„Kerfið getur sent upplýsingar
með mínútu millibili en eins og það
er stillt núna fáum við upplýsingar
á 15 mínútna fresti. Ef boð hætta að
berast fáum við aðvörunarmerki
um það á skjáinn hjá okkur.“
Upplýsingarnar sem koma á skjái
eftirlitsmanna Tilkynningaskyld-
unnar sýna nákvæma staðsetningu
og stefnu skipanna. Aflestur á
kortersfresti er síöan bundinn í lög-
um.
Gul aðvörun
Eiríkur Þorbjömsson er verkefn-
isstjóri hjá Tilkynningaskyldunni
við uppsetningu kerfisins. Hann
segir að þar á bæ verði menn strax
varir við ef skip hættir að senda til
þeirra upplýsingar.
„Þá birtast hjá okkur gul skilaboð
um að skoða viðkomandi bát. Ýmis-
legt getur þó valdið þvi að sending-
ar bregöast. Við slík skilaboð er
beðið í smátíma en ef skipið fer ekki
að senda aftur er hringt í viökom-
andi bát til að kanna hvort ekki sé
allt í lagi. Ef ekki næst í bátinn í
farsíma er hann kallaður upp i tal-
stöð og beðinn um að láta vita af
sér. Svari báturinn því ekki er haf-
in leit.
Bylting
Ef þetta er borið saman við það
sem áður þekktist er ljóst að þarna
er í raun bylting á ferðinni. Áður
liðu kannski sex til tólf tímar áður
en skiplögð leit var sett í gang en nú
er spurningin um nokkrar mínútur.
Þá sendir kerfið öðrum skipum í
grenndinni boð þar sem skip er
talið vera í neyð,“ segir Eiríkur.
Ekki veiðieftirlit
Lögin um sjálfvirku tilkynninga-
skylduna segja að stærri skip en 24
metrar að lengd eigi að tilkynna sig
á tólf tíma fresti. Eiríkur segir að af
þessum sökum geti orðið lítil hjálp í
skipum sem hugsanlega eru stödd á
svæði þar sem hjálpar er þörf. Þessi
skip eru þó tengd um gervihnött og
Tilkynningaskyldan hefur mögu-
leika á að senda boð um það kerfi til
að afla upplýsinga um staðsetningu
skipa.
„Þetta er fyrst og fremst öryggis-
kerfi en ekki veiðieftirlit. Það er
starfrækt af Slysavarnafélaginu.
Við leggjum mikla áherslu á það og
kerfið er alveg lokað fyrir Landhelg-
isgæslunni, Fiskistofu og öðrum að-
ilum. Kerfið lofar mjög góðu og ætti
að verða okkur öllum til sóma,“
sagði Eiríkur Þorbjömsson.
-HKr.
Sjálfvirk tilkynningaskylda skipa:
í gagnið á næstu vikum
- fyrsta kerfi sinnar tegundar í heiminum
DV-MYND
Skipin vöktuö
Eiríkur Þorbjörnsson, verkefnisstjóri nýja sjáifvirka tilkynningaskyldukerfisins
og Árni Þorbjörnsson hjá Tilkynningaskyldunni í Reykjavík.
Ráðgert er að á næstu vikum
verði formlega tekið i notkun sjáif-
virkt tilkynningaskyldukerfi við
íslandsstrendur fyrir báta undir 24
metrum að lengd. Kerfið hefur ver-
ið í þróun í tíu ár og er búnaöur
þegar kominn í fjölmörg skip.
Upphaflega var hugmyndin þró-
uð út frá kerfi sem Háskóli íslands
hannaði fyrir Flugmálastjórn. Við
frekari þróun var stofnað um
verkefnið fyrirtækið Stefja hf. sem
séð hefur um hugbúnaðargerðina.
Þá hefur Landssíminn annast upp-
setningu og umsjón iandstöðva
fyrir kerfið en DNG á Akureyri út-
vegar tækin sem sett eru í skipin.
Tilkynningaskyldan sér síðan um
vöktun á nýja kerfinu eins og
gamla kerfinu áður.
260 milljónir auk dreifikerfis
Að sögn Eiríks Þorbjörnssonar
verkefnisstjóra er kostnaöurinn
við hugbúnaðargerðina orðinn í
kringum 60 milljónir króna. Sendi-
tækin í skipin kosta um 135 þús-
und krónur. Með niðurgreiðslu
ríkisins þurfa bátaeigendur þó
ekki að leggja út nema um 95 þús-
und krónur fyrir tækin. Þá er ótal-
inn kostnaður Landssímans vegna
dreifikerfis um allt land. Um 900 af
1500 skipum eru þegar komin með
búnaðinn um borð en gert er ráð
fyrir að um 1000 skip verði að jafn-
aði virk í kerfinu. Þegar búið verð-
ur að tækjavæða allan flotann
verður kostnaöurinn samkvæmt
þessu ríflega 260 milljónir króna,
fyrir utan dreifikerfiö.
Góð reynsla
Nokkur reynsla er þegar komin
á kerfið og mun það t.d. hafa virk-
að eðlilega þegar vélbáturinn
Gunni RE 51 fórst út af Skaga í
febrúar. Þeir bátar sem sækja á
grunnslóð samkvæmt haffærisskír-
teini geta nýtt sér þetta kerfi en
drægni þess er heldur meiri en
NMT-farsímakerfisins. Þannig
virkar það inni á öllum fjörðum og
fióum og út í 30-50 sjómílur frá
landstöðvum. Það er hugsað fyrir
skip undir 24 metrum að lengd og
er það í fyrsta sinn sem slíkt kerfi
er sett upp í heiminum fyrir allan
strandveiðiflota eins ríkis. Enn hef-
ur þó ekki verið tekin afstaða til
þess hvort litlir skemmtibátar
verða settir inn í þetta kerfi. -HKr.
Uin&ón:
Syifi Kristjáns&on
netfang: sandkom@ff.is
Þokkalegur...
Sigurjón Benedikts-
son, bæjarfulltrúi
Sjálfstæðisflokksins á
Húsavik, sagði í Vík-
urblaðinu þar í bæ
að Kristján
Ásgeirsson, bæjar-
fulltrúi og oddviti
Húsavíkurlistans og
þar með meirihlut-
ans í bæjarstjórn, hafi verið alveg
þokkalegur bæjarfulltrúi - þegar
hann sat í minnihluta bæjarstjóm-
arinnar. Þarna var Sigurjón eflaust
að svara Kristjáni sem hafði svar-
að Sigurjóni vegna svars Kristjáns
við svari Sigurjóns o.s.frv... Það er
ekkert nýtt að þeir Sigurjón og
Kristján eigi í opinberum deilum
um eitt og annað en heldur er það
að verða leiðigjamt að fylgjast með
þessum framámönnum á Húsavík
sendandi hvor öðrum tóninn ár eft-
ir ár. Varla hugnast Húsvíkingum
þessar sífelldu persónulegu deilur,
enda gera þær eflaust lítið annað
en að skaða ímynd Húsavíkur.
Grátkórinn
Hann er heldur bet-
ur búinn að vera há-1
vær „grátkórinn" eft-1
ir hryllilegt tap ís-
lenska landsliðsins í I
körfubolta fyrir I
miðlungsliði Portú- [
gals á dögunum. I
Hefur hver „grátið“
í kapp við annan en enginn hærra
eða lengur en þjálfari liðsins, Frið-
rik Ingi Rúnarsson, enda málið
einna grátlegast fyrir hann. Moggi
tók 4 dálka undir „grát“ þjálfarans.
Þar fór hann hamförum og úr varð
hin merkilegasta lesning. En það er
ekki nóg að vera borubrattur fyrir
leiki og reyna að vera það eftir leiki-
með endalausu málæði, það eru
„grjótharðar" úrslitatölumar sem
skipta öllu máli - og ekkert annað.
Menn skulu svo sjá það fyrir næstu
leiki íslands í keppninni í haust að
það verður reynt að blaðra sig í gang
með setningum eins og að „það sé
möguleiki að stríða þeim“ og fleira í
þeim dúrnum. Það mun ekki breytast
en vonandi breytist leikur íslenska
liðsins - og það bara talsvert...
Færðarfræðasetur
Jóhannes Sigur-
jónsson, ritstjóri Vik-
urblaðsins á Húsavík,
telur sig hafa vit-
neskju um að í kjöl-
far „þrenginganna" í
Þrengslunum á dög-
unum íhugi Byggða-
stofnun að koma á
fót svokölluðu „færðarfræðasetri"
þar sem boöið verði upp á nám-
skeið í þrengsla- og ófærðarfræð-
um. í framtíðinni gæti svq verið
boðið upp á framhaldsnámskeið
fyrir lengra komna þar sem
áhersla yrði m.a. lögð á hlustun,
skilning og túlkun á veðurfréttum
og í stærðfræði ófærðar yrði unnið
markvisst með formúluna: snjó-
koma + 20 vindstig = skafrenning-
ur. Það er loft í Þingeyingunum
eins og fyrri daginn og þeir gera
stólpagrín að suðvesturhomsbúum
að venju og er það vel.
Langbest
Þeir voru ekki
beint súrir á svip
eftir frumsýningu,
aðstandendur
Shakespeare-sýn-
ingarinnar sem
stendur yfir í
Iönó þessa dag-
ana. Að venju var
glasagángur baksviðs í leikslok
og svo komu helstu aðstandendur
sýningarinnar í sjónvarpið. „Þú er
langbesta leikkonan á íslandi,"
sagði leikstjórinn, Benedikt Er-
lingsson og faðmaði leikkonuna
Halldóru Geirharðsdóttur. „Þú
ert langbesti leikstjórinn á Is-
landi,“ svaraði leikkonan og svo
féllust þeir í faöma þessir miklu
snillingar sem samkvæmt þessu
eiga ekki jafningja sina hér á
landi...