Dagblaðið Vísir - DV - 01.08.2000, Blaðsíða 13
13
ÞRIÐJUDAGUR 1. ÁGÚST 2000
X>V___________________________________________________________________________________________________________________________Meiming
Umsjón: Þórunn Hrefna Sigurjónsdóttir
Fékk tárin til að renna
Á lokatónleikum Reykholtshátíðar sem fram
fór um helgina komu fram þær Hanna Dóra
Sturludóttir sópransöngkona, Steinunn Bima
Ragnarsdóttir píanóleikari og listrænn stjóm-
andi hátíðarinnar og strengjakvartett skipaður
þeim Grétu Guðnadóttur, Sigurlaugu Eðvalds-
dóttur, Guðmundi Kristinssyni og Bryndísi
Björgvinsdóttur.
Efnisskráin fyrir hlé var helguð íslenskum
sönglögum og þar á meðal mörgum fallegustu
perlum íslenskra söngbókmennta. Tvö lag-
anna, það fyrsta „Þú ert“ eftir Þórarin Guð-
mundsson við ljóð Gests og svo Draumaland
Sigfúsar Einarssonar við ljóð Guðmundar
Magnússonar, heyrðust í splunkunýrri útsetn-
ingu Árna Harðarsonar þar sem strengjakvar-
tett kom til liðs við þær Hönnu Dóru og Stein-
unni.
Strengimir gáfu lögunum fyllingu og juku á
ljúfleika þeirra og Hanna Dóra söng þau eins
og engill. Það er ekki auðvelt að gera fólki til
geðs í þessum lögum sem allir þekkja og öllum
flnnst þeir eiga en það vafðist þó ekki fyrir
Hönnu Dóru sem fór í gegnum prógrammið af
fullkomnu öryggi og glæsileika með dyggri að-
stoð Steinunnar Birnu.
Mörg laganna vom í sorglegri kantinum,
svo sem eins og Lindin eftir Eyþór Stefánsson
við ljóð Huldu og Vögguljóð Sigurðar Þórðar-
sonar við ljóð Stefáns frá Hvitadal, þessi lög
voru snilldarlega flutt þar sem Hanna Dóra
ljáði ljóðunum tilfmningar sínar á þann hátt
sem fékk tárin til að renna án þess þó að nein
væmni væri í gangi. Hún hefur lag á því að
gæða lögin lifi og gefur sjálfa sig í þau tilgerð-
Hanna Dóra Sturludóttir sópransöngkona
„Glæsileg söngkona í toppformi, “ segir Arndís í umfjöllun
sinni um lokatónleika Reykholtshátíöar á sunnudaginn.
arlaust og af alhug. Þannig fengu þekkt lög líkt
og Erla og Þú eina hjartans yndið mitt eftir
Sigvalda Kaldalóns fallega meðferð þar sem
þær Hanna og Steinunn voru afar samtaka i
blæbrigðum og afraksturinn í hæsta gæða-
flokki.
Hafði áheyrendur í hendi sér
Eftir hlé fluttu Hanna Dóra og strengja-
kvartettinn ljóð eftir Mendelsohn sem A.
Reimann nokkur hafði sett saman í ljóðaflokk
og ber hann yflrskriftina „oder soll es Tod
bedeuten" sem er tilvitnun í eitt ljóðanna
„Neue Liebe“ eftir Heine en öll ljóðin eru eftir
hann. Þar er að finna mörg fallegustu sönglög
Mendelsohns en alls voru lögin 9 og tengd
saman með óræðnum og lítt afgerandi
Intermezzóum sem kvartettinn lék ágætlega.
Það var hins vegar gamli Mendelsohn og
Hanna Dóra sem héldu manni fongnum og þó
svo að þetta væri ágætis tilbreyting og góð
skemmtun held ég að ég ætli að vera íhalds-
söm og kýs heldur upprunalegu útgáfuna.
Að lokum fluttu þær Hanna Dóra og Stein-
unn tvær aríur; Donde Lieta eftir Puccini og
Je ris de me voir úr Faust eftir Gounod, og var
það glæsilega gert. Hanna Dóra er glæsileg
söngkona í toppformi en hún hefur öðlast góða
reynslu frá því ég heyrði í henni síðast, vald
hennar yfir tóninum er orðið meira, tæknin
stórgóð svo að hún gat gefið músíkaliteti sínu
lausan tauminn og hafði með því áheyrendur
í hendi sér frá upphafi til enda.
Amdís Björk Ásgeirsdóttir
Leikið á borvél
og logsuðutæki
Sumarið 1998 langaði nokkra félaga úr Tónlist-
arskólanum í Reykjavík að gera eitthvað sniðugt.
Þau tóku sér nafnið Atonal Future og lögðu strax
í upphafi áherslu á að byggja upp íslenska tónlist-
ardagskrá með frumsaminni tónlist ungra tón-
skálda í bland við eldra efni. Þá voru þau á veg-
um Hins hússins en í fyrrasumar voru þau alger-
lega á eigin vegum og fluttu einungis frumsamið
efni viö mjög góðar undirtektir tónleikagesta.
Atonal Future samanstendur af ungu tónlistar-
fólki sem er nú i framhaldsnámi erlendis. Að
sögn Berglindar Maríu Tómasdóttur flautuleik-
ara langaði hópnn að gera eitthvað viðameira í
sumar og hefur þess vegna verið á flakki með tón-
listina. „Við erum líka með frumsamda efnisskrá
í sumar en þrjú tónskáld af sex, sem vinna með
okkur, eru utan hópsins. Elsta tónskáldið er fætt
1971,“ segir Berglind.
Hvers konar tónlist eruð þið að leika?
„Verkin eru mjög ólík innbyrðis og má segja að
þau séu nokkurs konar þverskurður af því sem
ung islensk tónskáld eru að fást við i dag. Það eru
margar stefnur sem mætast, sumt af efninu er
mjög módemískt en annað er auðmeltanlegra. í
einu verkinu er t.d. spilað á borvél, logsuðutæki
og fleiri nýstárleg hljóðfæri,“ segir Berglind og
bætir því við að þau séu með sérstakan viðbúnað
til að varna því að tónlistarmennirnir slasi sig á
tólunum.
„Tónlistin er bæði fjölbreytileg og spennandi.
Hvert verk er u.þ.b. tíu mínútur að lengd þar sem
við leggjum áherslu á að ná eyrum þeirra sem
em ekki endilega vanir klassískum tónleikum,"
segir Berglind.
Hópurinn er nýkominn frá Akureyri og ísa-
firði, leikur síðan í Iðnó í kvöld og annað kvöld.
Að þeim tónleikum loknum verður haldið til
Grænlands og Færeyja þar sem félagana langaði
til að leggja land undir fót og þótti spennandi að
kynna tónlist sína í nálægustu löndunum.
Félagarnir í Atonal Future
í kvöld og annaö kvöld er hægt aö berja þessa
ungu og nýjungagjörnu tónlistarmenn augum í
lönó.
Tónlist
Samanburður við sumardag
Eitt af því sem sett hefur svip sinn á blómlegt tón-
listarlíf höfuðborgarinnar í sumar er tónleikaröð
Norræna hússins, „Bjartar sumarnætur". Fjórðu
tónleikamir í röðinni fóru fram á fimmtudaginn kl.
22 og bám þeir yfirskriftina Rómönsutónleikar
„Þann samanburð við sumardag þú átt“ og vora
flytjendumir báðir Svíar, þeir Björn Thulin baritón-
söngvari og Love Derwinger píanóleikari.
Eftir að Edda Heiðrún Backman, kynnir tónleik-
anna, hafði boðið gesti velkomna hófu þeir efnis-
skrána á Ljóðaflokki Francis Poulencs Le Travail
du peintre við ljóð Paul Éluards. Ljóðaflokkurinn
er frá árinu 1956 og er saminn til heiðurs lista-
mönnunum Picasso, Chagall, Braque, Gris, Klee,
Miró og Villon og fá þar ljóðin notið sin hundrað-
falt þar sem Poulenc nær að fanga hvern þátt fyr-
ir sig á stórkostlegan hátt í tónlist sinni. Það átti
einnig við um hvert einasta verk á efnisskránni en
þar var að finna mörg fallegustu ljóð meistara líkt
og Shakespears í flokki Geralds Finzis, „Let us
Garlands Bring“ ópus 18 og Þrjár sonnettur skálds-
ins í tónum Einojuhanis Rautavaara, m.a. þá sem
undirtitill tónleikanna vísaði til „Shall I Compare
thee to a Summer¥s Day“. Ljóð Bo Bergmans
„Adagio" og Jákvæðnisvísu" sem sænska tón-
skáldið Wilhelm Stenhammar samdi ljúfa tónlist
við, Zur Rosenzeit eftir Grieg við ljóð Goethes og
lög Sibeliusar við ljóð eftir Wecksell o.fl.
Love Derwlnger píanóleikari
Hann lék undir hjá Birni Thulin söngvara í Norræna
húsinu á fimmtudagskvöldiö.
Áslátturinn skýr og glimrandi
Bjöm Thulin hefur afar þýða rödd og blíða og
urðu ljóðin í meðforum hans lifandi þar sem
hvert einasta orð komst til skila og hélt hann
manni föngnum með hógværri túlkun sinni en
hvergi bar á neinni tilgerð eða belgingi. Hann var
í raun eins og góður ijóðalesari þar sem áhersla
hans var augljóslega sú að koma textanum til
skila sem best og tókst það með afbrigðum vel.
Stundum virkaði það þó pínulítið einsleitt líkt og
í ljóðaflokki Poulencs þar sem hann var einum of
bundinn nótunum og náði þar með ekki þessum
ósýnilegu tengslum við áheyrenduma. En texta-
meðferð Björns var með því betra sem ég hef
heyrt og með fallegri mótun og finlegum blæ-
brigðum litaði hann verkin svo að ljóðin hófust á
flug. Það eina sem á skorti var á tíðum meiri
hljómur í röddina og kraft í hæðina, sérstaklega
þá til mótvægis við mikinn hljóm píanistans.
Derwinger er fantagóður píanóleikari, því hafa
íslenskir tónleikagestir áður fengið að kynnast en
hann frumflutti m.a. 2. píanókonsert Atla Heimis
fyrir tveimur árum og hefur einnig unnið með
Áshildi Haraldsdóttur flautuleikara. Leikur hans
á tónleikunum var óaðfinnanlegur, hann fylgdi
söngvaranum sem skugginn; hreint og beint and-
aði með honum svo að unun var á að hlýða. Hann
var óhræddur við að taka á hljóðfærinu sem var
eins og framhald af honum sjálfum, áslátturinn
skýr og glimrandi, hvergi harður og var það ekki
síst fyrir hans tilstilli að tónleikarnir voru jafná-
nægjulegir og raun bar vitni. Vonandi líður ekki
á löngu að við fáum að njóta snilli hans á ný.
Amdís Björk Ásgeirsdóttir
Ljóðatónleikar í
Sigurjónssafni
Þriojudagstónleikamir í Lista-
safni Sigurjóns Ólafssonar eftir
viku verða ljóðatónleikar en þar
koma fram Sigríður Aðalsteinsdótt-
ir mezzosópran, Valgerður Andrés-
dóttir píanóleikari og Þórunn Ósk
Marinósdóttir víóluleikari. Á efnis-
skrá eru Liederkreis op. 39 eftir Ro-
bert Schumann, Zwei Gesange op.
91 eftir Johs. Brahms fyrir altrödd,
víólu og píanó og Sígaunaljóö op.
103 eftir Johs. Brahms.
Sigriður Aðalsteinsdóttir lauk prófi
frá Söngskólanum í Reykjavík 1995
þar sem kennarar hennar vom Elísa-
bet F. Eiríksdóttir og Þuríður Páls-
dóttir. Hún stundaði framhaldsnám
við Tónlistarháskólann i Vín og lauk
þaðan námi með hæstu einkunn í jan-
úar sl. Undanfarin tvö ár hefur Sigríð-
ur einnig stundað nám við ljóða- og
óratóríudeild skólans hjá prófessor
Charles Spencer og sótt ljóðanám-
skeið hjá Robert Holl. Sigríður hefur
komið fram á tónleikum bæði hér á
landi og í Austurríki, meðal annars á
styrktarfélagstónleikum íslensku óp-
erunnar haustið 1997. Hún söng alt-
hlutverkið i Messías eftir Hándel með
Schola Cantorum og ungversku
Kammerfílharmóníunni í Maria Enz-
ersdorf í Vín 1999 og alt-hlutverkið í
Jóhannesarpassiunni sl. vetur með
Mótettukór Hallgrímskirkju. Sigríður
hefur verið ráðin við Þjóðaróperuna í
Vín á næsta leikári og syngur þar
m.a. hlutverk Mercedes í Carmen og
Fjodor i Boris Godunow.
Kammertónleik-
ar á Kirkjubæj-
arklaustri
Dagana 11., 12. og 13. ágúst verða
kammertónleikar á Kirkjubæjar-
klaustri haldnir í tíunda sinn. Á
þessum 10 árum hefur þessi tón-
leikaröð skapað sér fastan sess í tón-
listarlífi landsmanna á sumrin.
Margir tónleikagesta koma ár eftir
ár til þess að dvelja á Kirkjubæjar-
klaustri þessa helgi en þar hefur
verið flutt frá upphafi metnaðarfull
efnisskrá af frábæru tónlistarfólki,
bæði innlendu sem erlendu.
Það sem ber hæst á Kirkjubæjar-
klaustri þetta árið er frumflutning-
ur á nýju verki Mistar Þorkelsdótt-
ur við texta Sigurbjörns Einarsson-
ar, fyrrv. biskups, sem var sérstak-
lega pantað af þessu tilefni. Textinn
er ljóðabálkur sem fjallar um sögu
Kirkjubæjarklausturs og sveitarinn-
ar og þau sterku tengsl staðarins við
kristna trú frá kristnitöku fyrir 1000
árum. Verkið er fyrir tenór, píanó
og strengjakvartett.
í ár verður yngri kynslóðin í aðal-
hlutverki þar sem flestir flytjenda
em milli tvítugs og þrítugs. Þeir eru:
Finnur Bjarnason tenór, Sif Túliníus
fiðluleikari, Sigurbjörn Bernharðs-
son fiðluleikari, Guðrún Hrund Harð-
ardóttir víóluleikari, Sigurður Bjarki
Gunnarsson sellóleikari, Nína Mar-
grét Grimsdóttir píanóleikari og
Edda Erlendsdóttir píanóleikari sem
ásamt því að vera listrænn stjórn-
andi átti hugmyndina að þessum tón-
leikum fyrir 10 árum.