Dagblaðið Vísir - DV - 22.08.2000, Blaðsíða 12

12
ÞRIÐJUDAGUR 22. ÁGÚST 2000
Skoðun I>V
Spurning dagsins
Hvert er álit þitt á því að full-
orðið fólk sé að stela græn-
meti úr skólagörðum?
Aðalsteinn Leifsson, vinnur hjá ESB,
og Margrét Sól:
Þetta er mjög dapurlegt. Fulloröiö fólk
á aö vera betri fyrirmyndir en þetta.
Sigurbjörg Kristinsdpttir, vinnur
á pósthúsinu á ísafirði:
Þetta er alveg fyrir neöan allar hell-
ur, maöur heföi ekki getaö ímyndaö
sér aö þetta vasri til.
Helgi Sigurjónsson, vinnur
í Hjálpartækjamiðstöðinni:
Þaö ætti aö taka mjög hart á þessu.
Anna Kristinsdóttir húsmóðir:
Þaö er ömurlegt. Mér finnst Ijótt aö
stela frá börnum, maöur fer bara út í
búö og kaupir sér grænmeti sjálfur.
Hjördís Ström þjónustufulltrúi:
Mér finnst þetta ömuriegt, þaö ætti
aö vakta skólagaröana.
Olga Hafberg bankastarfsmaður:
Mér finnst þetta svíviröa, ekkert
annaö.
Frá Þórshöfn í Færeyjum
Þaöan eiga okkar fréttir frekar aö koma heldur en frá kóngsins Kaupmannahöfn.
Færeyjar í Kaupmannahöfn
Ágúst Ragnarsson
skrifar:
í morgun, fóstudaginn 18. ágúst,
var í fréttum RÚV sagt frá því að
Færeyingar hefðu úthlutað leyfum
til 12 olíufyrirtækja til að bora eftir
olíu á færeyska landgrunninu. Von-
andi afar gott mál fyrir efnahag
frænda okkar í Færeyjum. Það sem
vakti athygli mina var að fréttina
sagði fréttaritari RÚV í Kaup-
mannahöfn.
Það sem vakti athygli
mína var að fréttina
sagði fréttaritari RÚV
í Kaupmannahöfn.
Nú er það þannig að landsbóka-
vörður Færeyja og fleiri hafa bent á
ósmekklegheit RÚV varðandi fréttir
frá Færeyjum. Þær koma allar frá
manni í Kaupmannahöfn sem les
Berlinske Tidende fyrir hlustendur
á íslandi.
Það er að mínu mati grundvaflar-
atriði að við sýnum Færeyingum þá
virðingu, sem þeim réttflega ber, að
fréttir frá Færeyjum komi frá frétta-
ritara eða fjölmiðlamanni í Færeyj-
um. Það getur ekki verið svo erfitt
að koma því fyrir. Dagar Stóra Nor-
ræna símafélagsins eru löngu liðnir
og engin ástæða að aflt komi til okk-
ar via Kaupmannahöfn.
Kirkjunnar menn
— og hinir sjúku nasistar
Siguröur B.
skrifar:
Mikil umræða var um stöðu
ríkiskirkjunnar eftir að hin
mislukkaða hátíð á Þingvöllum var
haldin. Flestir kirkjunnar menn
sem hafa tjáð sig um málið hafa
gagnrýnt harðlega að einungis lítið
brot þjóðarinnar lét sjá sig við hina
umfangsmiklu skrautsýningu þar
sem ekkert var til sparað. Kirkjunn-
ar mönnum væri nær að líta í eigin
garð og spyrja sig hvers vegna ríkis-
kirkjan nær ekki til þjóðarinnar.
Svo langt hefur gengið að helsti
kennimaður kirkjunnar og fyrrver-
andi biskup, Sigurbjörn, faðir nú-
verandi biskups, hefur farið meið-
andi orðum um þá sem haft hafa
aðrar skoðanir á umstanginu á
Þingvöllum og ofboöið hefur fjár-
Kirkjunnar mönnum vœri
nœr að líta í eigin garð og
spyrja sig hvers vegna
ríkiskirkjan nœr ekki
til þjóðarinnar.
austurinn til hátíðahaldanna. Sigur-
björn hefur efast um heilsu manna
og meðal annars líkt þeim við nas-
ista Hitlers. Hafa þessi ummæli Sig-
urbjöms verið kærð til siðanefndar
Prestafélags íslands og var fyrir
fram búist við að nefndin tæki
skörulega á málum, ekki síst í ljósi
þess að séra Gunnar Bjömsson varð
að hverfa frá prestskap i Holti i Ön-
undarfirði eftir að hafa líkt fólki þar
viö ameríska Amish-fólkið.
En hvað gerðist? Siðanefndin
komst að þessu sinni að þeirri nið-
urstöðu að prestvígðum bæri að
gæta hófs í orðfæri sínu en nefndin
fær ekki séð að það sé brot á siða-
reglum presta að efast um andlegt
heilsufar manna og að líkja þeim
við mestu stríðsglæpamenn okkar
tíma.
Það er skiljanlegt að valdsmenn
kirkjunnar leggi aflt kapp á að við-
halda þessari stofnun ríkisins, ekki
síst í ljósi þess að dæmi eru um aö
prestar þéni um og yflr 800.000
krónur á mánuði. Karl biskup, son-
ur Sigurbjamar, hefur ekki látið
neitt tækifæri ónotað til að ráðast
gegn þeim sem sýna kristilegt hug-
arþel og efast um að kristið fólk eigi
að standa að skrautsýningum sem
þeirri sem haldin var á Þingvöllum
í júlibyrjun.
Dagfari
Menningarsótt í borginni
Mikiö rosalega var skemmtilegt
í höfuðborginni um síðustu helgi
þegar menningamóttin átti sér
stað. Þetta er án efa eina nóttin
sem stendur yflr frá hádegi fram
til miðnættis en það skiptir engu
máli hvort nótt er að degi eða aö
kveldi, eða dagur sé aö kveldi
kominn þegar menningarnótt
snobbliðsins í höfuðborginni
stendur sem hæst. Það er listin og
menningin sem blívur hvað sem
hver segir og ekki flnnst lista-
snobbinu síðra að geta fiflað sauð-
svartan almúgann með sér og not-
að flugeldasýningu sem gulrót til
að ná fólkinu í miðborg Reykjavíkur.
Hámarki náði menningarnóttin
reyndar í Laugardalshöllinni þar sem
Þangað streymdi snobbliðið og gott ef sumir fóru
ekki á báðar sýningamar til að vera nú fullvissir
um að til þeirra hefði sést.
flutt var eins konar fjöllistaverk sem
heitir Baldur (enginn Konni meö þar).
Þangað streymdi snobbliðið og gott ef sumir fóru
ekki á báðar sýningamar til að vera nú fullvissir
um aö til þeirra hefði sést. Er ótrúlegur sá mikli
áhugi sem fólk sýnir allt í einu tónlist eftir ein-
hvem Jón Leifs. Hefur hann t.d. einhvem tíma
komist inn á metsölulista hljómplötu- og geisla-
diskaverslana landsins? Hefur hann einhvem
tíma þótt þekktur á Islandi og skemmtilegt tón-
skáld?
Það skiptir reyndar engu máli. Aðalatriðið var
að Sinfóníuhljómsveitin, sem hefur reyndar
aldrei þótt neitt sérlega vinsæl, fékk að baða sig í
sviðsljósinu með listasnobbinu í
höfuðborginni. Hljómsveitin hefur
áváflt risið undir nafni sem hljóm-
sveit borgarinnar en hefur lítið
með allan þorra landsmanna að
gera eða tónlistaráhuga þess fólks.
En tugir þúsunda fólks létu
plata sig niður í miðbæ Reykjavík-
ur til að horfa á flugeldasýningu
og þótti þetta allt voðalega flott og
smart. Heldur vandaðist málið
reyndar þegar halda skyldi heim á
leið þegar nóttin var að kveldi
komin og flugeldasýningunni lauk
skömmu fyrir miðnætti, umferð-
aröngþveitið var algjört og var
menningarnóttin komin langt fram yfir
miðnætti þegar sumir komust heim.
Færðist þá ró yfir herlegheitin i Kvos-
inni og við tók þar hefðbundinn
drykkjuskapur sem stóð yfir til morg-
uns. Var það ekki hin eina sanna menningamótt
en flugeldasýningin hégómi og stórsýningamar á
Baldri eftir einhvem Jón Leifs sem enginn þekk-
ir nema fáir menningarsnobbarar fánýti eitt?
Eögferi
Við Grænland
Týnda sprengjan mál málanna?
Kjarnasprengja
við Grænland?
Haraldur Haraldsson skrifar:
Enn einu sinni ætlar allt kolvit-
laust að verða út af máli sem ekkert
er í raun vitað um, eins og ávallt þeg-
ar „týndar" kjarnorkusprengjur ber á
góma. Og RÚV lætur ekki á sér
standa. Öllum fréttamönnum skipað
að lesa dönsku blöðin, einkum
Jyllands-Posten, sem skýrði frá því að
ein sprengja væri eftir í hafinu við
Thule á Grænlandi, eftir að amerísk
flugvél hefði farið þar í sjóinn. Utan-
ríkisráðherra okkar umkringdur og
reynt að fá hann til að semja kvörtun-
arbréf. Hann stóð þó keikur eftir og
beindi þessu frá sér. Hvað kemur
þetta okkur íslendingum við? Það hef-
ur enginn áhuga á þessu.
Nemendur hittast
Eiríkur skrifar:
Nemendur Herselíu Sveinsdóttur,
fyrrverandi skólastjóra í Lýtings-
staðahreppi, ætla að hittast i félags-
heimilinu Árgarði í Skagafirði 26.
ágúst næstkomandi. Samkoman er í
tilefhi af þvi að Herselía hefði orðið
100 ára á þessu ári og er meiningin
að minnast hennar við þetta tækifæri
og þess mikla starfs sem hún innti af
hendi. Herselía var skólastjóri
Steinsstaðaskóla frá stofnun hans
árið 1949 til ársins 1965. Áður veitti
hún farskóla sveitarinnar forstöðu.
Gamlir nemendur hennar frá nær
aldarfjórðungs starfi í Lýtingsstaða-
hreppi eru margir og dreifðir um aflt
land en þeim sem áhuga hafa á þátt-
töku er bent á að hafa samband við
Sigurð í síma 453 8812.
Kafbáturinn Kúrsk
Óskiljanleg framkoma rússneskra
ráöamanna.
Sárnar framkoman
Stefanía hringdi:
Það er óhugnanlegt að heyra að á
annað hundrað manna hafi lokast
inni í rússneska kafbátnum og að
ekkert hafi verið hægt að gera þeim
til hjálpar, a.m.k. þegar þetta er tal-
að. En óskiljanleg er framkoma
Rússa og ráðamanna sem drógu sig í
hlé við atburðinn og báðu ekki um
aðstoð fyrr en seint og um síðir.
Þetta sýnir að ástandið í Rússlandi
öflu er óviðunandi og jafnvel ógn-
vekjandi gagnvart öðrum rikjum sem
ekki þekkja svona framkomu. Kalda
stríðið virðist enn vera ofarlega í
huga einhverra háttsettra ráða-
manna í Rússlandi.
Þingmenn óþarfir
Óskar Sigurðsson skrifar:
Að mínu mati er alveg ástæðulaust
að vera að kjósa þingmenn eða borg-
ar/bæjarfulltrúa, sem ekki hafa
nokkurn áhuga á málefnum kjósenda
sinna eða byggðarlaga. Að vísu eiga
þingmenn að vera þingmenn allrar
þjóðarinnar, en það er bara ekki
hægt aö þjóna öllum. Þetta vita þeir
jafn vel og aðrir. En það er óviðun-
andi að þingmenn Reykjavíkur
ásamt borgarfulltrúum skuli snið-
ganga hagsmuni Reykvikinga svo
herfilega sem raun ber vitni síðustu
mánuði í flestum málum. Flugvallar-
málið er þar efst á lista.
wssanmmm
Lesendur geta hringt allan sólarhring-
inn í síma: 550 5035.
Eöa sent tölvupóst á netfangið:
gra@ff.is
Eöa sent bréf til: Lesendasíöa DV,
Þverholti 11,105 ReyKlavík.
Lesendur eru hvattir til aö senda mynd
af sér til birtingar meö bréfunum á
sama póstfang.