Dagblaðið Vísir - DV - 06.07.2001, Side 9

FÖSTUDAGUR 6. JÚLÍ 2001
I>V
9
Fréttir
. Enginn kaupandi á þriðjungi Landsbankans í sigtinu:
Islenskir kaupend-
ur ekki útilokaðir
Valgerður Sverrisdóttir við-
skiptaráðherra segir að enginn
kaupandi sé í sigtinu hvað varðar
sölu á þriðjungshlut í Landsbankan-
um en hún hafi ákveðna tilfinningu
fyrir því að með því að fara með
þessum hætti í málið séu möguleik-
arnir mun meiri en ef farið væri í
það að selja mun minni hlut og til
fleiri aðila.
„Ég vil ítreka að það er alls ekki
búið að útiloka íslendinga í þessum
efnum en þau skilyrði sem við setj-
um i sambandi við söluna, þ.e. þau
að auka samkeppnishæfni félagsins
og markaðarins, finnst okkur að
það séu nokkuð þröngar aðstæður á
íslenska markaðnum og því hefur
verið gefið út að það sé líklegra að
um erlendan aðila verði að ræða.
Og við sjáum ýmsa kosti
við það en það er mikill
misskilningur að við séum
að útiloka innlenda aðila.
Það er stefna ríkisstjórnar-
innar að ljúka sölu ríkis-
bankanna á þessu kjörtíma-
bili, m.a. 68% hlut í Lands-
bankanum," segir við-
skiptaráðherra.
Valgerður segist ekki ef-
ast um að tillaga ASÍ um 20
milljarða erlent lán til að
greiða niður erlendar
skuldir sé úthugsuð en vill
ekki tjá sig um það að öðru
leyti.
„Vegna þess orðróms sem var
uppi í fyrra um að viðskiptabank-
arnir héldu að sér höndum gagnvart
viðskiptavinum á lands-
byggðinni skrifaði ég þeim
bréf í fyrra og miðað við
svörin átti sá orðrómur
ekki við rök að styðjast. En
það hefur almennt dregið
úr útlánum samkvæmt til-
mælum Seðlabankans.
Veðhæfni sumra eigna á
landsbyggðinni er ekki
mikil og því er mikil þörf
fyrir Byggðastofnun. Það
er svo álitamál hversu
mikið hún á að vera í út-
lánum og það er ekki verið
að tala um að stofna nýjan
banka. Það er pólitískt mál hversu
miklu fjármagni hún hefur úr að
spila hverju sinni,“ segir Valgerður
Sverrisdóttir. -GG
Valgerður
Sverrisdóttir
iönaöar- og viö-
skiptaráöherra.
Vélbyssan fer trúlega
aftur í vota gröf
Stór vélbyssa, ásamt nokkrum
birgðum af skothylkjum, er enn um
borð í E1 Grillo, oliuskipinu sem
sökkt var við Seyðisfjörð á stríðsár-
unum. Skipið var búið langdrægum
byssum sér til varnar en það stoðaði
litt þegar þýskar flugvélar sökktu
því.
Magnús Stefánsson, kafari á
Seyöisfirði, sagði í gær að byssan
sem nú er geymd í vatni í keri und-
an mjöli og er undir eftirliti lögregl-
unnar muni að öllum líkindum fara
niður aftur í hina votu gröf, henni
verði sökkt í flakinu. Byssan er svo-
kallaður 20 pundari. Önnur byssa af
sömu gerð var áður komin upp, og
gerð upp, en hún er til sýnis á safni
á Seyðisfirði. Stærsta loftvarna-
byssa E1 Grillo er aftur á skut. Ætl-
unin mun að kafa eftir henni og
gera hana upp, enda eru byssur af
þessari gerð fágætar mjög.
„Það var vitað um þessa byssu,
hún var fest á einum bolta á brúar-
vængnum og það hefur verið auð-
velt að losa hana,“ sagði Magnús.
Félagi hans Þorgeir Jónsson, kafari
á Neskaupstað, sagðist halda að hún
hafi verið á 24-26 metra dýpi og auð-
velt að sækja hana. Þorgeir hefur
kafaö talsvert í flakið og er kunnug-
ur E1 Grillo. Óráðlegt er að fara
undir þiljur, hætta á að kafarar
villist, því mikið gruggast upp þeg-
ar farið er um skipið. Kafarar hafa
hins vegaf skoðað inn í stýrishúsið
og farið um þilfor skipsins og víðar.
Köfun vegna björgunar á olíu-
farmi E1 Grillo hefst i ágúst og
munu norskir björgunarmenn
vinna að verkinu. -JBP
DV-MYND HELGI EINARSSON
Vélbyssa kemur úr kaflnu
Hér er Magnús Stefánsson, kafari á Seyöisfiröi, aö skoöa bresku vélbyss-
una sem starfsbræður hans úr Reykjavík færöu úr kafinu og hugöust
fara meö til Reykjavíkur.
Heiðarskóli
Foreldrar í Keflavík mótmæltu og höföu sitt í
gegn.
Myllubakka- og Heiðarskóli:
íbúar beygðu bæjarstjórn
Hópur foreldra í Heiðar-
hverfi í Keflavík afhenti bæj-
arstjóra undirskriftalista fyr-
ir skömmu þar sem þeir mót-
mæltu því að Myllubakka-
skóli og Heiðarskóli yröu á
sama skólasvæði. Á bæjar-
stjómarfundi þann 8. maí var
samþykkt að skólasvæði
Reykjanesbæjar yröu sveigj-
anleg til að jafna fjölda bama
í hverjum árgangi og nýta
skólahúsnæði sem best.
Málið var tekið fyrir í bæj-
arráði síðastliðinn fimmtudag
og þar var málinu vísað til af-
greiðslu næsta bæjarstjómar-
fundar.
Á fundi bæjarstjórnar
Reykjanesbæjar í fyrradag
lögðu fulltrúar í bæjarstjóm
fram tillögu þar sem fram-
kvæmdin var tekin til baka.
Bæjarstjóm samþykkir að
skólahverfi verði óbreytt frá
því sem verið hefur. Húsnæð-
isvandi fjölmennra árganga
verði leystur með lausum
kennslustofum. Bæjarstjórn
samþykkti að setja tvær laus-
ar kennslustofur við Heiöar-
skóla nú í haust. Kostnaði er
vísað til endurskoðunar fjár-
hagsáætlunar.
-DVÓ
Til sölu
viðskiptanetskrónur.
Tilboð óskast i 1.455.000.00 viðskiptanetskrónur.
Selst aðeins gegn staðgreiðslu.
Tilboð sendist auglýsingadeild DV fyrir 12. júlí nk.,
merkt:
BORGARSKIPULAG REYKJAVÍKUR
BORGARTÚN 3-105 REYKJAVÍK • SlMI 563 2340 • MYNDSENDIR 562 3219
Auglýsing um deiliskipulag og
breytingar á deiliskipulagi
í Reykjavík
í samræmi viö 25. gr. skipulags- og byggingarlaga nr.
73/1997, meö síöari breytingum, eru hér með
auglýstar til kynningar eftirtaldar tillögur að
breytingum á deiliskipulagsáætlunum í Reykjavík:
Barónsstígur, Hverfisgata, Vitastígur, Skúlagata,
breyting á deiliskipulagi.
Um er aö ræöa breytingu á deiliskipulagi svæöis er
afmarkast af Barónsstíg í austur, Hverfisgötu í suður,
Vitastíg í vestur og Skúlagötu í norður. Tillagan gerir
m.a. ráö fyrir aö heimilt verði aö byggja ofan á nyrstu
húsin á reitnum, niöurrifi hluta bygginga við
Skúlagötu 26, 28 og Vitastíg 3, tveggja hæöa
nýbyggingum á lóðunum nr. 85-91 við Hverfisgötu og
Vitastíg 5 og bílakjallara á þremur hæöum.
Suðurgata, Túngata, breyting á deiliskipulagi
Suðurgötu.
Um er að ræða breytingu á deiliskipulagi svæðis er
afmarkast af Suðurgötu í austur, Kirkjugarðsstíg í
suður, Garðastræti í vestur og Túngötu í norður.
Tillagan gerir m.a. ráð fyrir að heimilt verði að byggja
bílgeymslu, sem að mestu verður neðanjarðar, fyrir
allt að 207 bíla, undir lóðirnar nr. 2-8b við Suðurgötu.
Hluti bílgeymslunnar verður undir Suðurgötu og
Túngötu og hluti hennar teygir sig út fyrir skipulags-
svæðið þ.e. undir lóðir við Aðalstræti og lóðir við
Túngötu norðanverða. Sá hluti bílgeymslunnar, sem
er utan skipulagssvæðisins, er hins vegar innan deili-
skipulagstillögu sem unnin hefur verió af Grjótaþorpi
en hún er til kynningar á sama tíma.
Kvos/Grjótaþorp, breyting á deiliskipulagi
Kvosarinnar og nýtt deiliskipulag fyrir Grjótaþorp.
Um er að ræða breytingu á deiliskipulagi Kvosarinnar
og nýtt deiliskipulag fyrir Grjótaþorp.
Skipulagssvæðið afmarkast af Aðalstræti í austur,
Túngötu í suður, Garðastræti í vestur og Vesturgötu í
norður. Tillagan gerir m.a. ráð fyrir aö svæðið verði
hverfisverndað, nokkrar breytingar verði á
lóðamörkum, töluverðar breytingar verði á
byggingaráformum á lóðinni nr. 16 við Aðalstræti
(áður Aðalstræti 14-18/Túngata 2-4), niðurrifi og
nýbyggingum á lóðunum nr. 4 og 10 við Aðalstræti og
23 við Garðastræti, viðbyggingu við Húsið að
Grjótagötu nr. 5, ásamt frekari takmörkun á
landnotkun á miðborgarhluta svæðisins þannig að
óheimilt verði að setja á stofn eða starfrækja þar;
næturklúbba, dansstaði, skemmtistaði og spilasali.
Verði tillagan samþykkt fellur eldra deiliskipulag
Grjótaþorps úr gildi svo og hluti deiliskipulags
Kvosarinnar, þ.e. sá hluti sem tekur til húsanna
vestan Aðalstrætis.
Tillögurnar liggja frammi í sal Borgarskipulags og
byggingarfulltrúa í Borgartúni 3, 1. hæð, virka daga
kl. 10.00 - 16.00 frá 6. júlí - til 3. ágúst 2001. Eru
hagsmunaaðilar hvattir til að kynna sér þær ítarlega.
Ábendingum og athugasemdum skal skila skriflegatil
Borgarskipulags Reykjavíkur eigi síðar en 17. ágúst
2001.
Þeir sem eigi gera athugasemdir innan tilskilins
frests, teljast samþykkja tillögurnar.
Reykjavík, 6. júlí 2001.
Borgarskipulag Reykjavíkur