Dagblaðið Vísir - DV - 06.07.2001, Blaðsíða 15
14
FÖSTUDAGUR 6. JÚLÍ 2001
FÖSTUDAGUR 6. JÚLÍ 2001
19
Útgáfufólag: Útgáfufélagiö DV ehf.
Útgáfustjóri: Eyjólfur Sveinsson
Framkvœmdastjórí: Hjalti Jónsson
Ritstjórar: Jónas Kristjánsson og Óli Björn Kárason
Aöstoðarritstjórar: Jónas Haraldsson og Sigmundur Ernir Rúnarsson
Fréttastjóri: Birgir Guömundsson
Auglýsingastjóri: Páll Þorsteinsson
Ritstjórn, skrifstofur, auglýsingar, smáauglýsingar, blaöaafgreiösla, áskrift:
Þverholti 11,105 Rvik, sími: 550 5000
Fax: Auglýsingar: 550 5727 - Ritstjórn: 550 5020 - Aörar deildir: 550 5999
Grnn númer: Auglýsingar: 800 5550. Áskrift: 800 5777
Stafræn útgáfa: Heimasíða: http://www.skyrr.is/dv/
Fréttaþjónusta á Netinu: http://www.visir.is
Rltstjórn: dvritst@dv.is - Auglýsingar: auglysingar@dv.is. - Dreifing: dvdreif@dv.is
Akureyri: Strandgata 31, sími: 460 6100, fax: 460 6171
Setning og umbrot: Útgáfufélagið DV ehf.
Plötugerð: ísafoldarprensmiöja hf. Prentun: Árvakur hf.
Áskriftarverð á mánuði 2050 kr. m. vsk. Lausasöluverö 190 kr. m. vsk., Helgarblaö 280 kr. m. vsk.
DV áskilur sér rétt til að birta aðsent efni blaðsins í stafrænu formi og í gagnabönkum án endurgjalds.
DV greiöir ekki viömælendum fyrir viðtöl viö þá eöa fyrir myndbirtingar af þeim.
Forboðnar auglýsingar
íslensk löggjöf stenst á stundum ekki raunveruleikann.
Eitt gleggsta dæmi þess er sjötti kafli áfengis- og tóbaks-
laganna frá 1998 sem bannar íslendingum að auglýsa
áfengi og tóbak. Fáeinir menn hafa verið dæmdir fyrir að
brjóta þessa skrýtnu lagagrein, gjarna menn sem hafa af
nokkurri hugsjón verið að reyna á lögin - og fengið bágt
fyrir. Viðleitni þessara manna ber að þakka, enda brýnt
að fólk láti ekki löggjafarsamkunduna komast upp með
vitleysu og níðast á sjálfsögðum rétti þess.
Vitlausa löggjöf á að leiðrétta. Það er alvarlegt mál þeg-
ar sett eru lög í landinu sem eru á svig við grundvallar-
rétt manna. Fyrrnefnd löggjöf við þessum auglýsingum
stenst ekki jafnræðisreglu íslenskrar stjórnarskrár. Það
vita allir lærðir menn í þessum fræðum en fáir eru til að
benda á vitleysuna, ef til vill sakir þess að ekki þykir fint
að auka frelsið í áfengisumræðunni. Algengt er reyndar
að menn blindist af göfgi lagasetninga en i þessum efnum
sem öðrum er hollt að opna augun öðru hvoru.
Það gengur ekki að Alþingi setji lög sem framkvæmda-
valdið leyfir að brjóta. Svo er í tilviki áfengis- og tóbaks-
laganna. íslenskum framleiðanda löglegrar vöru, svo sem
bjórs, er harðbannað að auglýsa vöruna hér á landi á
sama tíma og heilbrigðis- og tryggingamálaráðuneytið
sendir frá sér bréf og segir ekkert vera athugavert við vín-
og tóbaksauglýsingar í víðlesnu íslensku tímariti. Hér er
átt við eitt helsta áfengis- og tóbaksauglýsingablað lands-
ins, Atlanticu, sem dreift er í miililandaflugi.
í nýjasta hefti Lögmannablaðsins bendir Jóhannes Karl
Sveinsson hæstaréttarlögmaður á þennan tvískinnung i
íslenskri lagasetningu. Hann spyr hvort ekki sé kominn
tími til að hugsa þetta mál upp á nýtt. Hann minnir á að
framboð á þessum forboðnu auglýsingum í „erlendum“
miðlum sé á engan hátt heft en íslenskir fjölmiðlar og selj-
endur geti þurft að sæta refsingum fyrir að miðla ná-
kvæmlega sömu upplýsingum til nákvæmlega sömu les-
enda. Von er að lögmaðurinn sé hlessa.
Umrædd áfengislög eru mikil fljótaskrift og því miður
brosleg á köflum. í þeim er til dæmis að finna vissar und-
anþágur, jafn undarlega og það hljómar ef mið er tekið af
göfugum tilgangi þeirra. Sú undanþága sem vekur mesta
athygli er sú sem lýtur að „erlendum prentritum sem flutt
eru til landsins“. Lögin heimila þeim ritum að auglýsa for-
boðna varninginn í öllum regnbogans litum en útskýra að
öðru leyti ekki hvað sé „erlent". Mætti DV auglýsa bjór ef
það stofnaði útgáfufyrirtæki í Færeyjum?
Von er að spurt sé þvi lagasetning sem þessi kallar á
fleiri spurningar en svör. Þegar á reynir verður svona
lagasetning ekki að öðru en orðaleik lögmanna í réttarsal
og niðurstaðan ræðst af dagsformi dómarans, því
prinsippið er í reynd ekki neitt. Vín- og tóbaksauglýsing-
ar flæða yfir landið, hvort heldur er í „erlendum" tímarit-
um, í formúlu og boxi sjónvarpsstöðvanna, að ekki sé tal-
að um Netið. Að neita nokkrum miðlum en leyfa öðrum er
misrétti sem veikir tiltrú almennings á landslögum.
Nýjustu lögin í þessa veru eru enn meiri vitleysa. Þar
er ritfrelsinu hent fyrir róða. Ekki má fjalla um tóbak
nema því sé lýst sem hræðilegum viðbjóði. Hér seilist rík-
ið inn í höfuð manna og vill hafa vit fyrir þeim. Dóm-
greindin er ríkisins, ekki fólksins. Sykur er vanabindandi
og matur er misnotaður - og matur, ef að er gáð, kannski
mesta heilsuvandamál þjóðarinnar. Mat má auglýsa, alls
staðar. Skrýtnast af öllu er að enginn auglýsir áfengi og
tóbak meira en ríkið sjálft, með því að selja vöruna.
Sigmundur Ernir
I>V
Efling verkfræðideildar HÍ
Um 200 nemendur hafa
sótt um skólavist í Verk-
fræðideild Háskóla Islands
næsta haust. Á síðasta ári
hófu nám í verkfræði 175
nemendur. Mikil þörf er á
fólki sem kann til verka við
framkvæmdir og tölvur og
iðnríkin flytja inn þúsundir
verkfræðinga frá öðrum
löndum til þess aö sinna sí-
vaxandi þörf. Verkfræðideild
Háskóla íslands hefur veriö
að þróast undanfarin ár.
Kjallarí
Guðmundur G.
Þórarinsson
formaöur Senats
Þörf á nýju húsnæði
Forseti verkfræðideildarinnar,
Valdimar Kr. Jónsson, prófessor í
vélaverkfræði, hefur verið mikill
hvatamaður að eflingu deildarinnar
og honum hefur orðið talsvert ágengt.
- Verið er nú að efla nám í efnaverk-
fræði með því að koma á samstarfi
við háskóla í Bandaríkjunum og jafn-
framt er stefnt að því að hefja kennslu
í hugbúnaðarverkfræði.
Einmitt á sviði hugbúnaðar og
tölvutækni hefur veriö talsverð útrás
og gróska meðal íslenskra fyrir-
tækja. En háskólinn býr við þröngan
efnahag og húsakostur verkfræði-
deildarinnar er knappur.
Fyrir nær 20 árum var
gerður grunnur að nýju
húsi deildarinnar en fram-
kvæmdir stöðvuðust og nú
er mikil þörf á að hefja
þær að nýju.
Samstarf viö Samtök
iönaöarins
Innan samtaka iðnaðar-
ins starfa samtök fyrir-
tækja í upplýsingaiðnaði
sem nefnast Samtök ís-
lenskra hugbúnaðarfyrir-
tækja. Nýlega var undirritaður sam-
starfssamningur Háskóla íslands og
Samtaka iðnaðarins sem hefur að
geyma ákvæði um samstarf Samtaka
íslenskra hugbúnaðarfyrirtækja og
og verkfræðideildarinnar. Hér er um
gríðarlega mikilvægan samning að
ræða. Þróun hugbúnaðar er mikið
unnin í fyrirtækjunum og tengsl fyr-
irtækjanna og verkfræðideildarinnar
ætti að vera báðum styrkur. Raunar
er hér um fyrsta samninginn að
ræða milli háskólans og hinna öfl-
ugu samtaka iðnaðarins og vonandi
verður þar framhald á.
Gert er ráð fyrir að fyrirtækin út-
„Háskólinn býr við þröngan efnahag og húsakostur verk-
frœðideildarinnar er knappur. Fyrir nær 20 árum var gerð-
ur grunnur að nýju húsi deildarinnar en framkvœmdir
stöðvuðust og nú er mikil þörf á að hefja þær að nýju.“
vegi sérfræðinga á sviði tölvu- og
upplýsingatækni sem munu halda
fyrirlestra eða námskeið á völdum
áföngum innan verkfræðideildar.
Einnig láta fyrirtækin í té hugbúnað
og aðrar tæknilausnir sem geta nýst
við kennslu innan deildarinnar.
Samkvæmt samningnum fá Samtök
Réttlæti eða hefnd?
Ástæðan fyrir því að Milosevic er
nú fyrir rétti er fyrst og fremst fjár-
hagsleg. Bandaríska þingið batt alla
efnahagsaðstoð við Júgóslavíu því
skilyrði, að hann væri framseldur.
Réttarhöldin eru ekki aðeins yfir
Milosevic persónulega heldur öllum
Serbum þar eð yfirgnæfandi meir-
hluti þeirra studdi stríðsrekstur
„Kostunica viðurkenndi ekki lögsögu
dómstólsins í Haag en Djindjic, forsætis-
ráðherra og keppinautur hans, framseldi
Milosevic upp á sitt eindæmi, því að
gildistími tilboðsins um efnahgsaðstoð í
skiptum fyrir Milosvic var að renna út. “
hans. Þótt hann væri hrakinn frá
völdum kusu samt yfir 40 prósent
Milosevic gegn Kostunica, núver-
andi forseta, í kosningunum í fyrra.
Kostunica viðurkenndi ekki lög-
sögu dómstólsins í Haag, en Djindjic,
forsætisráðherra og keppinautur
hans, framseldi Milosevic upp á sitt
eindæmi, því að gildistími tilboðsins
um efnahagsaðstoð í
skiptum fyrir
Milosvic var að
renna út. Framsalið
getur haft þau áhrif
að auka enn á sundr-
unguna, því að
Montenegro, síðasta
sambandsrikið sem
eftir er, kann að
segja sig úr lögum
við Serbíu vegna
hins mikla stuðn-
ings sem Milosevic
nýtur þar. Þá mundi
enn eitt ríkið bætast
viö á Balkanskaga,
Kósóvó yrði næst, og
trúlega Stór-Albanía
með hluta Makedón-
íu innaborðs líka.
Fall Milosevic tákn-
ar ekki endalok
ófriðarins, né heldur
er hægt að kenna
honum einum um
upptökin.
Pólitík
Ef réttlæti væri
eina viðmiðið um
stríðsglæpi, væri
Pútín Rússlandsfor-
seti nú í Haag vegna
framferðis Rússa í
Tsjetsjeniu og Bush eldri
Bandaríkjaforseti fyrir inn-
rásina í Panama árið 1989.
Milosevic sjálfur var vanur
að segja i Króatíu, Bosníu
og Kósóvóstríðinu, að hann
væri í sömu sporum og
Abraham Lincoln árið
Í860; hann væri að berjast
fyrir heild sambandsrikis-
ins. Þetta féll þó ekki í góð-
an jarðveg utan Serbíu. En
Milosevic hefur rétt fyrri
sér þegar hann segir að
réttarhöldin í Haag séu
pólitík.
Þar vegur þungt sú ákvörðun dóm-
stólsins að ákæra Milosevic fyrir
stríösglæpi í Kósóvó tveimur dögum
fyrir lofthernað NATO gegn
Júgóslavíu 1999. Þar með lagði dóm-
stóllinn blessun sína yflr loftárásirn-
ar, sem margir Serbar, þ.á. m. Kost-
unica, telja stríðsglæp. Ekki er með
góðu móti hægt að samþykkja að
Milosevic einn sé sekur. Hvers vegna
var Tudjman, forseti Króatíu, aldrei
ákærður, heldur hampað af Vestur-
veldunum? Tudjman var þó stórtæk-
astur allra í þjóðemishreinsunum og
rak t.d alla Serba frá Krajina, 500-700
þúsund, suma aUa leið til ísafjarðar,
og lét drepa þúsundir manna. En
hann naut blessunar vestrænna ríkja,
m.a.s, Jóns Baldvins, utanríkisráð-
herra á Islandi, sem fór í kapp við
Þjóðverja um hverjir yrðu fyrstir til
að viðurkenna sjálfstæði Króatíu. -
Segja má að þar sé upptakanna að
leita. - Samt er ákæran nú eingöngu
vegna Kósóvó.
Sigurvegararéttlæti
Sá er háttur fjölmiðla að forðast
Gunnar
Eyþórsson
blaöamaöur
flókin mál en einbeita sér að
persónum. Því var Milos-
evic úthrópaður sem djöfull
í mannsmynd, rétt eins og
Saddam Hússein í írak,
Manuel Noriega í Panama,
Aidid í Sómalíu og fleiri.
Slíkar áróðursherferðir
virðast nauðsynlegar til að
virkja almenningsálitið. En
Milosevic var aðeins þjóð-
höfðingi, ómögulegt er að
sanna að hann persónulega
hafi fyrirskipað þau óhæfu-
verk sem framin voru í
Kósóvó. Ef þjóðhöfðingjar eru ábyrg-
ir fyrir öllu sem gerist á stríðstím-
um, mættu ýmsir vara sig.
Það er hæpið að það sé glæpur
gegn mannkyni að reyna að halda
sambandsríki saman. Fyrir slíkt
mætti dæma Gorbatsjov fyrir átökin
í Litháen, svo og Jeltsín og Pútín fyr-
ir Tsjetsjeníu og ýmsa Afríkuleið-
toga í aðskilnaðarstríðum í Afríku.
Annað gildir t.d. um þá Karadic og
Mladic í Bosníu sem sannanlega eru
persónulega ábyrgir fyrir fjölda
voðaverka, svo og ýmsa leiðtoga
serbnesku lögreglunnar þar og i
Kósóvó sem nú leika lausum hala.
Milosevic segir að dómstóllinn í
Haag hafi ekkert umboð til að dæma
sig og þar með Serbíu alla, enda sé
hann aðeins verkfæri NATO og ekki
stofnaður af allsherjarþingi Samein-
uðu þjóðanna, heldur öryggisráðinu
undir forystú Bandaríkjanna. Víst er
að margir hafa efasemdir um þessi
réttarhöld. Þau sýna fyrst og fremst
að sigurvegari í stríði getur farið
sínu fram. Slíkt leysir engan vanda
né heldur afstýrir nýjum.
Gunnar Eyþórsson
íslenskra hugbúnaðarfyrirtækja að-
gang að ákvörðunum sem teknar eru
varðandi uppbyggingu og þróun
náms i tölvunarfræðum innan deild-
arinnar með skipan aðjúnkta við
tölvufræöiskor.
Frumkvæði Senatsins
Senat verkfræðideildar er ráðgjaf-
arnefnd verkfræðinga sen fylgist
með og styður starf verkfræðideildar
Háskóla íslands. Senatið hefur unnið
ásamt Samtökum íslenskra hugbún-
aðarfyrirtækja og starfsmanni þeirra
Guðmundi Ásmundssyni, að gerð
þessa samnings um nokkurt skeið.
Senatið gerir sér von um að í fram-
tíðinni verði unnt að koma á fleiri
hliðstæðum samningum við aðrar
skorir deildarinnar, s.s. umhverfis-
og byggingarverkfræðiskor, véla- og
iönaðarverkfræðiskor og rafmagns-
verkfræðiskor.
Senatinu er ætlað að vaka yfir
háum gæðastuðli verkfræðináms á
íslandi en á sínum tíma stóð Verk-
fræðingafélag íslands að úttekt á
náminu, úttekt sem sýndi að námið
við verkfræðideildina er í háum
gæðaflokki.
Guðmundur G. Þórarinsson
Flott í Gleðivík
„Djúpivogur er fal-
legt þorp í svipríku
umhverfi. íbúamir
hafa sýnt sögu staðar-
ins ræktarsemi með
þvi að halda vel við
gömlum húsum og
minjum og skapa
þannig hlýlega umgjörð um þorpið,
sem laðar að ferðafólk. Það er
skemmtilegt að koma í ráðherrastofu
Eysteins Jónssonar og skoða lista-
verk Ríkarðs Jónssonar í Löngubúð,
en sá fyrrnefndi er frá Hrauni og sá
síðarnefndi frá Strýtu og sýndu þeir
báðir fæðingarsveit sinni mikla
ræktarsemi alla tíð. Þess vegna er
minningu þeirra haldið á lofti. Það
er mikið líf í höfninni og nóg að
gera. Og það ríkir bjartsýni á staðn-
um, enda ástæða til. Miklum hafnar-
framkvæmdum er að ljúka í Gleði-
vík, sem treystir rekstrargrundvöll
fiskimj öls verksmiðj unnar. “
Halldór Blöndal, forseti Alþingis,
á islendingur.is
Rekstrarbasl
„Það er heldur dauft hljóðið í at-
vinnurekendum þessa dagana og það
á ekki eingöngu við um iðnaðinn.
Ástæðan er sú að þeir eiga í mesta
basli með reksturinn. Mjög margir
voru með taprekstur í fyrra. Ástæðan
er fyrst og fremst sú að í fyrra rak
hver vaxtahækkunin aðra í þeim yf-
irlýsta tilgangi að sporna við verð-
bólgu og þenslu en með þeim afleið-
ingum að gengi krónunnar styrktist
talsvert fram eftir árinu. AUir vita
hvað það þýðir fyrir samkeppnis-
greinar að greiða þrefalda vexti á við
keppinautana á sama tíma og innflutt
vara og þjónusta lækkar í verði.“
Sveinn Hannesson, framkvæmdastjóri
Samtaka iðnaöarins, á si.is
Spurt og svarað
A ríkið að styrkja innanlandsflugið svo ekki fari enn verrfyrir l
- ^ V-' - w
Magrtús B. Jónsson,
rektor á Hvanneyri:
Úr samfélags-
legum sjóðum
„Það kemur mjög vel til
greina að vera með sérstaka að-
stoð við að halda uppi sam-
gönguneti í dreifbýlinu sem
yrði greitt með einhverjum hætti úr samfélags-
legum sjóðum. Ekki á að fljúga á alla flugvelli
en ég tel æskilegt aö það sé flogið til Vestmanna-
eyja, Hornafjarðar, Egilsstaða, Húsavíkur, Ak-
ureyrar, Sauðárkróks og ísafjarðar og síðan er
spurning um Hólmavík og Þórshöfn. Svo má
auðvitað koma til móts við þetta fólk með því að
bæta vegakerfið. Eftir dvöl i Noregi sé ég hver
reginmunur er á byggðastefnu Norðmanna og
íslendinga í samgöngumálum, okkur í óhag.“
Friðrik Guðmundsson,
framkvœmdastjóri, Vopnafirði:
Knýr á jarð-
gangagerð
„Þetta blessaða Flugfélag ís-
lands hefur hækkað svo óskaplega
fargjöldin eftir að samkeppninni
lauk en það dugir ekki til. Það
kostar t.d. okkur Vopnfirðinga yfir 20 þúsund krón-
ur að komast til Reykjavíkur en hingað er flogið 6
sinnum í viku. Það virðist því vera heldur lítið við-
skiptavænt, svarar varla í símann. Þetta ástand
knýr á að það verði grafin jarðgöng hér og þar til
þess að fólk komist leiðar sinnar og það er skynsam-
legra en að rikisstyrkja þetta flugfélag en þó held ég
að innanlandsflugið leggist ekki. af. Þeir hafa þó
fengið styrk til flugs á Þórshöfn, Vopnafjörð, Rauf-
arhöfn og Grænland en hefur ekki dugað til.“
Halldór Halldórsson,
bœjarstjóri ísafjarðarbœjar.
Styrkja sam-
göngukerfi
i
„Það eru talsverðar svipting-
ar fram undan í þessu flugi og
■m væntanlega er ísafjörður einn
af þessum þremur stöðum og
kemur betur út en Vestmannaeyjar. I flestum
samfélögum er eitthvert almenningssamgöngu-
kerfi sem nýtur styrkja, s.s. járnbrautir.
Ákveðnir kjarastaðir á landinu, 3-4, þurfa á inn-
anlandsfluginu að halda vegna hraðans i við-
skiptalífinu. Svo kunna flugvélarnar að breytast
og verða hagkvæmari í rekstri. Samgönguráðu-
neytið hefur fylgst vel með þessu máli svo ég tel
það útilokað að flugsamgöngur leggist af, með
eða án ríkisstyrks."
Ámi Johnsen,
formaöur samgöngunefndar:
Olíuhœkkun og
laun flugmanna
„Ég tel ekki rétt að ríkisstyrkja
sérstaklega þetta félag og jafnvel
ekki leyfilegt gagnvart samkeppn-
isreglum sem við erum háð í al-
þjóðasamningum. En það er full ástæða til þess að
búa í haginn fyrir þá sem eru í þessum rekstri með
því að ofbjóða þeim ekki með gjöldum og sköttum.
Svo kemur þessi gífurlega olíuverðshækkún mjög
bratt inn sem vegur þyngst nú og gerir rekstrar-
umhverfið óhagstætt í þetta sinn. Svo er þetta
spurning um samsetningu flugflotans og atriði sem
alltaf hefur verið feimnismál, þ.e. kjör flugmanna.
Er það eðlilegt að fá sömu laun fyrir að fljúga með
hundruð farþega eða nokkra farþega?
Erfiöleikar eru í rekstri Flugfélags íslands og boðaö aö hugsanlega veröl aöeins flogiö á 3 staöi í framtíöinni.
Skoðun
Bjart yfir góð-
ærinu á íslandi
Úr stjórnarráðinu berast eingöngu
góðar fréttir. Þar lætur góöærið eng-
an bilbug á sér finna og gengishrun
gjaldmiðilsins er aðeins flökt á krón-
unni og tveggja tölustafa verðbólgu-
spár ábyrgðarlausra hagdeilda eru
fúllkomlega marklausar. Stjórnrráð-
ið hefur nefnilega ákveðið að verð-
bólgan sé á niðurleið og muni snar-
minnka á næstu mánuðum. Sá sem
fer með æðstu stjórn efnahagsmála
veit sem er að þeir sem guð gefur
embætti gefur hann einnig vitið. Það
er staðfest af þjóökirkjunni sem
grundvallar sínar kenningar á helgri
bók og segir okkur aö trúa því og
treysta sem þar stendur. Þangað er
sótt viskan um embættiö og vitið.
Hollara að leggja eyrun við ...
Því er það pottþétt að æðsta vit
efnahagsmálanna hefur sína bæki-
stöð í gamla tugthúsinu við Lækjar-
torg en ekki handan við Arnarhól-
inn, þar sem Þjóðhagsstofnun og
Seðlabanki kúldrast á rústum Batt-
erísins sem var vamarvirki og kom
aldrei að neinu gagni. Efnahagsspár
sem gerðar eru norðan Arnarhóls
eru því ekki marktækar en trúuðum
og öðrum sjálfstæðismönnum er
hollara að leggja eyrun við þegar
viskubrunnurinn í Múrnum birtir
sínar útgáfur af framgangi efnahags-
mála, þar sem vondar bólgur hjaðna
af eins náttúrlegum orsökum og
svellbólstrar á vordegi.
Allsendis er óþarfi að taka ofan
sólglegaugun í skjannabirtu góðæris-
ins sem hvergi sér fyrir endann á.
Von er til að viðskiptahallinn sé í
rénum, þar sem hvert fyrirtækið af
öðru gefur út afkomuviðvaranir og
hagræða í ofboði. Samdrátturinn er
lika merki um síbatnandi þjóðarhag
samkvæmt kenningum þess sem guð
gaf vitiö og máttinn.
Slettirekur
Þótt allt sé í finasta lagi í rekstri
þjóðarbúsins eru fyrirbæri úti í bæ
að sletta sér fram i það sem þeim
kemur ekki við og vilja leiðbeina
sjálfu efnahagsvaldinu um hvaða
kúrs þjóðarskútan á að taka.
Alþýðusambandið leggur til að
mynda til að slegiö verði stórt lán í
útlöndum til að grynnka á erlendu
skuldasúpunni og leiðrétta gjaldeyr-
isstöðuna sem þjáist af uppdráttar-
sýki vegna langvarandi viðskipta-
halla. Byggöastofnun og viðskipta-
ráðherra, sem er nokkurn
veginn sama batteríið,
heimta að sölu ríkisfyrir-
tækja verði hraðað og að
aurarnir verði lagðir í
verst skilgreinda hugtak ís-
lenskrar tungu og þjóð-
menningar sem er Jafn-
vægi i byggð landsins".
Svona afskiptasemi er
eins óþolandi og hún er
óþörf. Launþegahreyfingin
heldur að þaö sé hennar
hlutverk að verja kaup-
mátt og skilur ekki að
hennar rulla i farsanum, er aðeins
að viðhalda þjóðarsáttinni og stein-
halda kjafti þegar Kjaradómur vinn-
ur sin grófu hermdarverk á sömu
sáttagjörö. Launþegahreyfingin ætl-
ar seint að skilja að kjaraaðallinn
með forseta, biskup og forsætisráð-
herra í broddi fylkingar hlýtur sitt
vit og umbun eftir öðrum leiðum og
samkvæmt öðrum lögmálum en þeir
sem guð gefur ekki annað en Grétar
í ASÍ og Ögmund í BSRB til að ann-
ast sina afkomu og efnalegu forsjá.
Ráöstöfun söluhagnaðar
herra eru aftur á móti hluti
af stjórnsýslunni og gefa út
yfirlýsingar i trássi við til-
skipanavaldið sem ákveður
framtíðarhorfur góðærisins
eftir sinu höfði. Að ákveða
einhliða i hvað á að verja
söluverði ríkiseigna er
hressilega gert af tvieykinu.
En af þvi að það er Valgerð-
ur sem selur bankana hlýt-
ur hún að hafa ráðstöfunar-
rétt yfir þeim peningum
sem fást fyrir þá. Yfirlýsing-
ar hennar um að kasta þeim
þeim í skuldahít Byggðastofnunnar
verða tæpast skildar á annan veg. Og
þar sem Byggðastofnun verður í
kjördæmi ráðherrans eftir næstu
kosningar er ekki seinna vænna að
hygla henni vel svo hún geti haldið
áfram að veita víkjandi lán sem eng-
inn þarf að borga, til þjóðþrifa.
Hvað sem því líður er framtíðin
björt og sé horft út um gluggann í
gamla tugthúsinu við Lækjartorg sér
hvergi óveðursbliku á heiðríkum
himni efnahagslífsins. Þar ríkir
bjartsýnin ein, eins og fegurðin yfir
jöklinum þegar annað skáld gekk
þar upp á vit örlaga sinna.
Byggöastofnun og viðskiptaráð-
„Launþegahreyfingin œtlar seint að skilja að kjaraað-
allinn með forseta, biskup og forsœtisráðherra í farar-
broddi hlýtur sitt vit og umbun eftir öðrum leiðum
og samkvœmt öðrum lögmálum en þeir sem guð
gefur ekki annað en Grétar í ASÍ og Ögmund í BSRB
til að annast sína afkomu og efnalegu forsjá. “
- Stjómarráðshúsið við Lœkjartorg.