Dagblaðið Vísir - DV - 27.12.2001, Síða 20

32
FIMMTUDAGUR 27. DESEMBER 2001
Tilvera
I>V
Ekki er gott að liggja afvelta eftir át á gamlárskvöld:
Áramótakalkúnn á
léttum nótum
Tekin saman vid
þann gamla
Samkvæmt breska slúðurblaðinu
The Sun er Mariah Carey tekin saman
aftur við latínósöngvarann Luis Migu-
el. Miguei yfirgaf söngkonuna í sumar
sem leið eftir tveggja ára ástarsam-
band. Mariah tók því mjög ilia og segir
sagan að þetta hafi veriö ein af ástæð-
unum fyrir því andlega skipbroti sem
söngkonan leið í sumar. Aö sögn vina
segist söngkonan hafa himin höndum
tekið þegar Miguel sneri aftur. Tii
turtildúfnanna sást í verslunarleið-
angri í New York á dögunum. Að sögn
sjónarvotta geisluðu þær af hamingju.
Vill Rachel og
Ross saman
Nú dregur að endalokum þáttarað-
arinnar Vina. Jennifer Aniston, sem
fer með hlutverk Rachel, segir að
hennar draumaendir verði að Ross og
Rachel nái saman á ný og lifi ham-
ingjusöm lifi og eignist böm og buru.
Þetta er haft eftir henni á vefritinu
Ananova. Aniston segir að aðdáendur
þáttanna eigi það skilið að flókið sam-
band þessara tveggja leysist á farsæl-
an hátt. Hún segist þó engu geta lofað
þar sem leikarárnir fái ekki að vita
endann. Aniston hefur þó lúmskan
grun um að ekki séu öll sund lokuð
enn fyrir ástarfuglana tvo.
Áramótagleöi
Kalkúnn er tilvalinn sem áramóta-
kvöldverður. Það er ekki erfítt að
elda góðan kalkún en þó eru nokkur
atriði sem gæta verður að.
Algengustu mistökin sem fólk ger-
ir er að steikja kalkúninn of mikið.
Kjötið verður þurrt og lítið varið í
það. Til að bjarga því er kalkúninum
drekkt í sósu og gumsi. Betra er að
steikja kalkúninn hæfilega og borða
með honum létt meðlæti svo enginn
liggi afvelta eftir of þunga máltíð.
Flestir sem elda kalkún hafa með
honum brúnaðar kartöflur, eplasalat
og mikið af þykkri sósu en hér er
fólki ráðlagt að vera á léttari nótum.
í uppskriftina hér á eftir er notað-
ur 6 kg kalkúnn.
Fylling
Fyllingin er er sett inn í kalkún-
inn áður en hann er kryddaður og
steiktur. í hana þarf:
beikon
rauðlauk
furuhnetur (fást í betri matvöru-
verslunum)
fíkjur
smávegis síróp
kalkúnakryddblöndu frá Potta-
göldrum
brauð (t.d. ítalskt snittubrauð
með sólþurrkuðum tómötum)
Beikonið er steikt í potti og rauð-
lauknum og furuhnetunum bætt í.
Brauðið er skorið í litla teninga og
bætt út í ásamt öllu hinu. Síðan er
bleytt í blöndunni með ávaxtasafa
einhvers konar. Nota má afganginn
af lime-safanum en ekki má setja
mikið af honum þar sem hann er svo
súr. Einnig má nota safa úr appelsín-
um eða safa af ávöxtum úr dós, svo
sem perum eða ananas.
Fyllingin er sett inn í kalkúninn
og rétt er að geta þess að fjarlægja
þarf innmatinn fyrst. Heyrst hafa
sögur af fólki sem gleymir plastpok-
anum með innmatnum inni í
kalkúnanum og fmnur hann svo þeg-
ar fuginn er skorinn.
Kalkúnn
Til að krydda og smyrja kalkún
inn þarf eftirfarandi:
1 lime-ávöxt
blandaðar kryddjurtir, helst
ferskar; annars kalkúnakrydd
blöndu frá Pottagöldrum
gróft salt
nýmalaðan pipar
ólifuolíu
Kalkúnninn er nuddaður með
sundurskornum lime-ávextinum og
þar á eftir með ólífuolíunni. Gott er
að skera þrjár rendur, um eins sentí-
metra djúpar, í hvort læri. Það jafn-
ar steikinguna á bringu og lærum.
Örn segir að þegar lærin eru orðin
hæfilega steikt þá sé bringan of þurr.
Skurðirnir flýta fyrir steikingu lær-
anna þannig að þau steikjast jafnt
bringunni. Eftir að oliunni hefur
verið makað vel á kalkúninn er
hann kryddaður vel með krydd-
blöndunni, salti og pipar.
Því næst er kalkúnninn settur í
ofngrindina ásamt skvettu af ólífuol-
íu, smásmjöri og vatni. Örn segir
mikilvægt að nostra við hann allan
tímann á meðan hann er í ofninum.
Eftir að fuglinn hefur verið klukku-
stund í ofninum ætti að byrja að
hella yfir hann vökvanum úr ofn-
skúffunni, sem er blanda af olíunni,
vatni, smjöri og vökvanum úr fuglin-
um, og eftir það þarf að ausa vel yfir
hann á 30 minútna fresti.
Fuglinn er steiktur í þrjá og
hálfan tíma, fyrst við 140" C hita sem
er hækkaður í 170" C síðustu 45-50
mínúturnar. Örn segir að meiri
steikingu þurfi ekki á þessa stærö af
kalkúnum. Eftir steikinguna þarf
kalkúnninn að jafna sig örlítið áður
en hann er borinn á borð.
Meðlæti
Afhýddar bökunarkartöflur sem
soðnar hafa verið í saltvatni í u.þ.b.
10 mín. Kartöflumar eru að því
loknu kryddaðar með salti og pipar
og settar í ofnskúffuna með kalkún-
inum síðustu 45 mínúturnar af
steikingartíma hans. Þá brúnast
þær og fá á sig fallegan lit og gott
bragð af soðinu. Gott getur verið að
skvetta yfir þær smávegis af ólífuol-
iu áður en þær eru kryddaðar.
Léttsteikt blandað grænmeti, t.d.
perlulaukur, gulrætur, zuccini,
grænn spergill og smá eggaldin.
Grænmetið er skorið í teninga en
athugið að gulrætur þurfa smásuðu
áður en þær eru steiktar með hinu
grænmetinu. Grænmetið er síðan
allt steikt á pönnu með salti og pip-
ar, örlitlum lime-safa og einni mat-
skeið af sfrópi sem gefur því falleg-
an gljáa.
Sósan er búin til þannig að inn-
maturinn er brúnaður í potti með
smálauk og perlulauk og einni sneið
af beikoni. Þetta er allt brúnað vel
og síðan er bætt við tveimur mat-
skeiðum af sykri og hann brúnaður
örlítið með hinu. Hluti af soöi
kalkúnsins og vatni er bætt í pott-
inn og látið sjóða í 30 mínútur við
vægan hita. Að því loknu er soðið
sigtað og bakað upp. Það er kryddað
með kalkúnakryddblöndunni,
nauta- og hænsnakrafti, salti og pip-
ar. Bæta má rjóma í sósuna og jafn-
vel skvettu af koníaki.
Uppskriftin er frá Erni Arnarsyni
kokki.
VINSÆLASTI
VINNUFELAGINN
Rekstrarleigusamningur
Engin útborgun
23.481 kr. á mánuði án vsk.
Fjármögnunarleiga
Útborgun 305.220 kr. án vsk.
18.212 kr. á mán uði án vsk.
Rekstrarlcigan or miðuð við 36 mónuði og 20.000 km akstur á ári.
Rekstrarloigan er þó tekin í orlendri myntkörfu. Fjármögnunarleigan er miðuð
við 25% útborgun og að lánið sé tekið í erlendri myntkörfu til 60 mánaða.
ATVINNUBÍLAR
FyRIRTÆKJAÞJÓNUSTA
Grjótháls 1
Sfmi 575 1200
Söludeild 575 1220
www.bl.is
RENAULT
Kalkúnaráð
Góðan tíma
Eigi hátíðarkalkúnninn að
heppnast sem skyldi þarf fyrst og
fremst að gefa sér góðan tíma. Þar
sem langan tíma tekur að þíða fros-
inn fugl þarf að kaupa hann
nokkrum dögum áður en elda á
hann. Einnig skyldi taka tillit til
þess þegar honum er stungið í ofn-
inn að eftir eldunartímann þarf
kalkúnninn 20-30 mínútur til að
jafna sig áður en hann er borinn á
borð.
Lengi að þiðna
Frosinn kalkúnn er t.d lengi að
þiðna. Áætla þarf um 1 sólarhring
fyrir hver 2 1/2 kg af frosnum fugli
í ísskáp eða um 3 sólarhringa fyrir
7 kg fugl. Einnig er hægt að affrysta
kalkún í köldu vatni en þá þarf um
klukkustund fyrir hvert kíló.
Kjöthitamælir
Ekki er gott að vita hvenær
kalkúnninn er nægilega steiktur en
best er að nota kjöthitamæli.
Kalkúnninn er tilbúinn þegar kjöt-
hitamælir í læri sýnir 82" C og í
bringu 76" C . Einnig ætti að mæla
hitastig fyllingarinnar en fuglinn
er ekki tilbúinn fyrr en hún er 73°
C.
Stendur um stund
Þegar kalkúnninn kemur ilm-
andi út úr ofninum ætti að láta
hann standa í 20-35 mínútur eftir
stærð. Það gefur safanum tíma til
að leka inn í vöðvann sem aftur
verður til þess að hann verður mun
safaríkari. Þegar hafist er handa
við að skera fuglinn er gott að hafa
heitan disk við höndina sem allar
gómsætu sneiðar kalkúnsins eru
bomar fram á. Leggið fuglinn á
skurðarbretti með bringuna upp.
Grípið um legginn og ýtið honum
út til að finna mjaðmarliðinn. Not-
ið beittan hníf til að skera í gegn-
um liðinn og fjarlægja lærið og
legginn af fuglinum. Notið sömu
aðferð við að skera legginn frá lær-
inu. Leggurinn er sneiddur þannig
að fyrst er skorin sneið af einni
hlið hans, alveg niður að beini.
Leggið því næst skornu hliðina nið-
ur og skerið næstu hlið eins. Gerið
þetta allan hringinn og þá ættu að
vera komnar fjórar góðar sneiðar
af hvorum legg sem færðar eru upp
á fatið. Lærið er lagt á brettið með
flötu hliðina niður. Notið kjötgaffal
til að halda bitanum á sínum stað
og skerið góðar sneiðar í línu við
beinið. Gætið þess að leggja sneið-
amar jafnóðum á heitan diskinn.
Vængirnir
Áður en bringan er skorin þarf
að fjarlægja vængina. Ýtið vængj-
unum út til að finna liðina og sker-
ið í gegnum þá. Vængirnir eru sett-
ir heilir á diskinn. Þegar bringan
er skorin er kjötgafflinum haldið
við bringubeinið. Byrjað er að
skera samsíða bringubeininu og
skorið skáhallt í gegnum kjötið.
Þessu er haldið áfram þar til allt
kjötið er skorið í snyrtilegar sneið-
ar og þá er eins gert við hinn hluta
bringunnar.