Dagblaðið Vísir - DV - 23.10.2002, Blaðsíða 18

18
MIÐVIKUDAGUR 23. OKTÓBER 2002
Tilvera i>V
Trúbadorinn
Nú er verið að festa Jo Jo á filmu.
Lokasenan verður tekin á Grand
Rokk annað kvöld
Götuball
á Grand
Rokk
Trúbadorinn Jo Jo og „aðal götu-
strákamir" ætla að spila á veitinga-
staðnum Grand Rokk annað kvöld
og halda þar nokkurs konar götu-
ball sem byrjar klukkan hálftíu. Þá
verður tekin upp sena í heimilda-
mynd sem Sigurður Snæberg Jóns-
son hefur unnið að síðustu mánuði
um tónlistarmanninn Jo Jo sem
reyndar heitir Jón Magnússon.
„Þetta verður filmudjamm," segir
Jo Jo hlæjandi. „Ég er búinn að
vera í götuspilamennskunni í meira
en tuttugu ár og spila á knæpum og
götuhornum bæði í Bandaríkjunum
og Evrópu og nú er Sigurður Snæ-
berg að gera um mig mynd sem
verður á dagskrá sjónvarpsins í
byrjun febrúar. Ég held þetta sé
lokahnykkurinn sem tekinn verður
annað kvöld.“ Spurður um hvar
hann hafi haldið sig að undanfómu
kveðst hann hafa verið nokkuð ró-
legur á íslandi síðustu tvö árin og
komi það meðal annars til af las-
leika. „Ég veiktist og þurfti að
hægja á mér en hef stundum spilað
á Dubliners ef ég hef verið í stuði.“
En hverjir eru götustrákamir sem
troða upp með honum á Grand
Rokk? „Það eru Súkkat og Egill
Ólafs, Pálmi Sigurhjartar og fleiri
góðir drengir. Þetta verður „kósý
fllingur," segir hann og brosir.
-Gun.
Vistvernd í verki:
Gerum
heiminn
betri fyrir
börnin
„Fólki sem stendur ekki á sama
um það hvemig við skilum heimin-
um til komandi kynslóða er boðiö
upp á leiðbeiningar og aðstoð viö að
taka upp umhverfisvænni lifnaðar-
hætti,“ segir Þóra Bryndís Þóris-
dóttir sem meðal annarra kynnir
verkefnið Vistvernd í verki á
Ömmukaffi annað kvöld. Vistvemd
í verki er alþjóðlegt verkefni sem
nú hefur fest rætur i 17 löndum og
er í umsjá Landvemdar hér á landi.
Kynningarfundurinn hefst kl. 20 á
Ömmukaffi i Austurstræti 20 annað
kvöld, 24. október. Léttar veitingar
verða í boði og allir eru velkomnir,
endurgjaldslaust. Nánari upplýsing-
ar um verkefnið er að finna á
heimasíðu Landvemdar, www.land-
vemd. -Gun.
Skákbylgja í skólum Árborgar:
Skákin erfið en gefandi
- segja Eva og Ægir, nemendur Barnaskólans á Eyrarbakka og Stokkseyri
Mikiil skákáhugi hefur gripið um
sig á Árborgarsvæðinu í kjölfar af-
mælisskákmóts Hróksins vegna 150
ára afmælis Bamaskólans á Eyrar-
bakka og Stokkseyri á Selfossi sem
lauk í síðustu viku. Þá voru Hróks-
menn og Edda - miðlun búin að gefa
á fimmta þúsund nemendum grunn-
skóla Árborgar bókina Skák og mát
eftir Anatoly Karpov, í þýðingu
Helga Ólafssonar. Það er þó víðar
en í skólum Árborgar að skákáhugi
hefur hreiðrað um sig.
„Við erum búin að æfa skák I tvö
og hálft ár,“ sögðu Eva Sjöfn Jóns-
dóttir, 12 ára, og Ægir Guðjónsson,
11 ára, bæði nemendur í barnaskól-
anum á Eyrarbakka og Stokkseyri.
Þau sögðu bæði að vinir sem hefðu
verið að æfa skák hefðu kveikt
áhuga þeirra. „Þá komst ég að því
hvað þetta er skemmtileg íþrótt og
ég hef ekki getað slitið mig frá tafl-
borðinu síðan,“ sagði Eva og Ægir
tók í sama streng. Þau eru búin að
fara á nokkur skákmót í Reykjavík
DV-MYND NJORÐUR HELGASON
Stefna hátt í skákinni
Eva Sjöfn Júlíusdóttir og Ægir Guðjónsson, nemendur Barnaskólans
á Eyrarbakka og Stokkseyri.
og á Selfossi. „Okkur hefur gengið
alveg þokkalega á þeim.“ Bæði ætla
að halda áfram að æfa skákina. „Ég
ætla mér að ná langt í skákinni. Það
er spennandi að tefla, það tekur á og
ég verð þreytt á eftir en það er ár-
angur erfiðisins sem bætir það allt
upp,“ sagði Eva.
Þau hvetja krakka til að fara að
æfa skák. „Krakkar verða að prófa.
Ef þeir gera það komast þeir að því
hvað það er skemmtilegt og gefandi
að tefla," sögðu skákmennirnir
ungu.
Skákáhugi á sér djúpar rætur á
Eyrarbakka og Stokkseyri. Fyrir
um 20 árum byrjaði Tómas Rasmus,
sem þá kenndi við skólann, að
kveikja áhuga krakkanna í skólan-
um á skákinni. Það var Gunnlaugur
Hélgason kennari sem vakti áhuga
krakkanna sem nú æfa. Um 20
krakkar æfa skák á Eyrarbakka og
Stokkseyri, bæði af íslensku og er-
lendu bergi brotnir. -NH
Bíógagnrýni
Smárabió/Kringlan - Bend it Like Becham: ★ ★ -i
Stelpur í boltanum
Ensími með Ensími:
„Nýja platan er skemmtileg
blanda af tuddarokki og angurværri
elektrónik og ég hygg að hún fari á
spjöld sögunnar sem besta plata
Ensimi," segir Jóhann Ágúst Jó-
hannsson hjá Eddu miölun og út-
gáfu. Þar á hann við plötuna Ensími
sem er þriðja plata rokkhljómsveit-
arinnar Ensími. Hún hefur verið
tekin upp með hléum allt árið 2002,
í hljóðveri hljómsveitarinnar, Stúd-
íó ástarsorg.
í Ensími eru þeir Hrafn Thorodd-
sen, Franz Gunnarsson, Jón Öm
Arnarson og Guðni Finnsson og
þeir sáu sjálfir um upptökur og
hljóðvinnslu.
Sveitin vakti athygli með sinni
fyrstu geislapiötu, Kafbátamús-
ík, árið 1998 og fékk hún m.a.
íslensku tónlistarverðlaunin
fyrir lagið Atari. Næsta plata
kom á markað 1999. Þar vann
Ensími með hinum heims-
ffæga upptökustjóra, Steve Al-
bini, sem hefur unnið með Nir-
vana, Pixies og fleirum.
Ensími
Hljómsveitin aflaði sér vinsælda strax með
fyrstu plötunni 1998.
Blanda af tuddarokki og
angurværri elektróník
Jess (Nagra) er 18 ára ensk stúlka
af indverskum ættum sem er, for-
eldrunum til mikillar hrellingar,
hrifnari af þvi að leika fótbolta við
strákana úti í garði en að læra að
elda tíréttaða indverska máltíð til
að ganga í augun á einhverjum góð-
um indverskum strák. Herbergi
Jess er veggfóðrað með myndum af
fótboltahetjunni Beckham, hún tal-
ar við hann eins og besta vin sinn
og segir honum drauma sína og
þrár. Þó að hún sé óvenju góð með
boltann og geti leikið strákana
sundur og saman í garðinum dettur
henni ekki í hug að framtíðin geti
orðið öðruvísi en foreldrar hennar
hafa ákveðið - lögfræðinám, góður
chapattis-kokkur og indverskt brúð-
kaup. En líf hennar tekur stakka-
skiptum þegar Jules (Knightley)
liðsmaður hjá kvennaliðinu
Hounslow Harriers sér boltasnilli
hennar í garðinum og fær hana í
liðið.
Bend it like Beckham fjailar um
árekstur þeirra tveggja menningar-
heima sem Jess lifir í. Inni á heim-
ilinu eru indverskar hefðir hafðar
að leiðarljósi, hversu fomar sem
þær virðast í ensku nútímasamfé-
lagi. Sérstaklega er staða konunnar
á indversku heimili gerólík þeirri
stöðu sem vestrænar konur hafa
verið að berjast fyrir undanfarna
öld - ekki síst í Englandi þar sem
suffragettumar vora fangelsaðar
fyrir það að krefjast kosningaréttar
kvenna í upphafi síðustu aldar. Jess
þarf 1 raun að berjast gegn tvennum
trúarbrögðum, heima geta foreldrar
hennar og systir ekki skilið að hún
vilji eyðileggja framtíð sína sem
verðandi brúður með því að and-
skotast um á stuttbuxum á al-
mannafæri og fæla þannig alla góða
eiginmenn frá og félagar hennar í
kvennafótboltaliðinu Hounslow
Harriers geta ekki skilið hvers
vegna hún gefur ekki skít í fjöl-
skyldu sína og fómar sér fyrir hin
alþjóðlegu trúarbrögð fótboltann.
En Jess vill bæði fótbolta og ijöl-
skyldu, sem sagt breyta viöhorfum
foreldra sinna og ættingja til
íþróttaiðkunar kvenna!
Það er ómögulegt annað en bera
Bend it like Beckham saman við
hina dásamlegu Billy Elliot þar sem
verkamannssonurinn Billy neitar
að spila fótbolta og vill dansa ballett
í staðinn. Bend it like Beckham
kemst ekki í táskóna hans Billys,
þvi handritshöfundar og leikstjór-
inn Chadha dreifa sögunni um of
með of mörgum aukasöguþráðum
og myndin er því miður aðeins of
löng - það vantar líka „hið áhrifa-
rika lokaatriði" sem var svo magn-
að í Billy Elliot. En myndin er samt
yndislega fyndin og elskuleg og full
af frábærum atriðum, bæði á fót-
boltavellinum og á heimili Jess þar
sem fólk stendur á haus við að und-
Bend It Like Beckham
Það leynir sér ekki hver áhugamálin eru.
irbúa brúðkaup eldri systurinnar
með öllu tilheyrandi - tónlist, dansi
og mat, og þeir sem sáu Monsoon
Wedding vita að indversk brúðkaup
eru margra daga hátíð fyrir jafnt
augu, eyru og maga!
Parminder Nagra er afskaplega
sannfærandi og sæt í aðalhlutverk-
inu, hvort sem hún sólar boltann
upp allEm fótboltavöllinn eða gengur
settleg um í sari í brúðkaupi systur
sinnar. Keira Knightley er sömu-
leiðis skemmtileg sem félagi hennar
í boltanum og Jonathan Rhys
Meyers mátulega töffaralegur í hlut-
verki þjálfarans til að allar stelpur
falli fyrir honum. Hin frábæra Juli-
et Stevenson leikur mömmu Jules
og er algjör senuþjófur, hún hefur
gífurlegar áhyggjur af því að dóttir
hennar verði mjög karlmannleg af
því að iðka fótbolta og vill sjá hana
í blúndubrjóstahaldara í stað þess
hvíta sportlega. Áhyggjur af fót-
boltaáhuga dætra reynast því ekki
bundnar við indverskar mæður
heldur eru þær alþjóðlegar. Bend it
like Beckham er velheppnuð mjúk
mynd sem a.m.k. allar stelpur hafa
gaman af - hvort sem þær leika fót-
bolta eður ei.
Bend it like Beckham Leikstjóri: Gurinder
Chadha Handrit: Gurinder Chadha, Paul
Mayeda Berges og Guljit Bindra Leikarar:
Parminder Nagra, Keira Knightley, Jonath-
an Rhys Meyers, Kulvinder Ghir, Shaznay
Lewis, Juliet Stevenson
p.s. Best er þegar mamman í
myndinni er viss um að dóttirin sé
lesbía og finnst það fullkomlega
eðlilegt fyrst hún er svona hrifin af
karlmannlegu sporti. Þá hugsaði ég
með mér að þetta væri svona týpísk
ensk afturhaldssemi að halda að all-
ar fótboltastelpur séu lessur, en mér
til mikillar undrunar las ég í helgar-
mogga viðtal við Ásthildi Helgadótt-
ur landsliðskonu sem segir ná-
kvæmlega það sama um landann -
merkilegt.