Dagblaðið Vísir - DV - 08.05.2003, Blaðsíða 20

24
FIMMTUDAGUR 8. MAÍ 2003
Skoðun 3>V
Hugmyndavinna á sviði jalnréttismála
Katrín
Jakobsdóttir
kosningastjóri
VG í Reykja-
víkurkjördæmum
„Aðeins tvær þingkonur
Samfylkingarinnar studdu
tillöguna viö atkvæða-
greiðslu á Alþingi á vor-
dögum, hinir sátu hjá.“
Ingibjörg Sólrún Gísladóttir,
frambjóöandi Samfylkingarinnar
í Reykjavík, segir í yfirheyrslu
DV í gær, 5. maí, að hvað snertir
jafnréttismál sé Samfylkingin „í
rauninni eini flokkurinn sem hef-
ur viljað setja þau mál á dagskrá
í þessari kosningabaráttu".
Vegna þessa er rétt að benda á
eftirfarandi:
Málflutningur með ólíkum hætti
Á yfirstandandi kjörtímabili
hefur farið fram umfangsmikil
hugmyndavinna á sviði jafnrétt-
ismála innan Vinstri hreyfingar-
innar - græns framboðs. Þar hef-
ur sjónum ekki aðeins verið beint
að birtingarmyndum kynjamis-
réttis heldur jafnframt leitast við
að greina félagslegar rætur þess
og benda á leiðir til úrbóta. Af-
rakstur þessarar vinnu var gef-
inn út í sérstöku riti um kven-
frelsi nú á vordögum og kynntur
íjölmiðlum í síðasta mánuði.
Vinstrihreyfingin - grænt
framboð hefur lagt ríka áherslu á
jafnréttismál í yfirstandandi
kosningabaráttu, rétt eins og
flokkurinn hefur alla tíð gert í
baráttu sinni fyrir stefnu sem
grundvallast á jöfnuði, félagslegu
„Tilraun Ingibjargar Sólrúnar Gísladóttur til að leiða hjá sér vinnu og baráttu
fólks í öðrum stjórnmálaflokkum fyrir jafnrétti kynjanna er málaflokknum ekki
til framdráttar. “
réttlæti, umhverfisvernd, kven-
frelsi og friðarstefnu.
Máiflutningur frambjóðenda
Vinstrihreyfingarinnar - græns
framboðs og þess frambjóðanda
Samfylkingarinnar sem í hlut á
hefur vissulega verið með ólíkum
hætti. Þannig hafa frambjóðend-
ur VG lagt áherslu á stöðu
kvenna almennt og þá ekki síst
stórra hópa kvenna sem vinna
láglaunastörf. Meðal annars hef-
ur flokkurinn talað fyrir þjóðar-
sátt um verulega hækkun lægstu
launa og að Jafnréttisstofa fái í
hendur nauðsynleg tæki til að
fylgja eftir ákvæðum laga um
sömu laun fyrir sömu vinnu óháð
kynferði.
Aðeins tvær konur
Á kjörtímabilinu flutti VG til-
lögu um bætt starfsumhverfi fyr-
ir kvennahreyfinguna og ítrekað
fluttu þingmenn flokksins tillög-
ur um að færa refsiábyrgð af
herðum þeirra sem leiðast út í
vændi yfir á kaupendur.
Aðeins tvær þingkonur Sam-
fylkingarinnar studdu tillöguna
við atkvæðagreiðslu á Alþingi á
vordögum, hinir sátu hjá. Til-
raun Ingibjargar Sólrúnar Gísla-
dóttur til að leiða hjá sér vinnu
og baráttu fólks í öðrum stjórn-
málaflokkum fyrir jafnrétti kynj-
anna er málaflokknum ekki til
framdráttar.
Athugasemd frá Hörpu Njáls:
Ríkið ber meginábyrgðina
Senn kemur miöill í sjónvarp
Frjálst, gott
sjónvarp
Gunnar Jóhannsson skmar:
Það er ekki ofsögum sagt af
hinum frjálsu útvarps- og sjón-
varpsstöðum, þær slá ríkissjón-
varpið út. Þættir eins og Innlit-
útlit og sjónvarpsþáttur Sirrýj-
ar og Silfur Egils á Skjá einum
ásamt Jay Leno eru ómissandi
afþreyingarefni fjölskyldunnar.
Stöð 2 hefur verið framarlega í
áhorfinu með alla sína sér-
þætti, morgunsjónvarp og
margt fleira. Senn sjá menn
þar nýja þætti eins og miðilinn
Þórhall Guðmundsson sem
verður með skyggnilýsinga-
þætti á Stöð 2 með haustinu.
Allt eru þetta þættir sem kosta
lítið, þar er engin sérstök sviðs-
mynd eða fiöldi umsjónar-
manna, bara viðtöl og einföld
uppsetning. Það þarf ekki hóp
listamanna eða tugi tækni-
mann til að gera vinsæla sjó-
varpsþætti.
Vegna umfjöllunar Ólafs Teits-
sonar blaðamanns um bók mína,
Fátækt á íslandi viö upphaf nýrr-
ar aldar, og vegna umfiöllunar í
leiðara blaðsins vil ég taka eftir-
farandi fram:
DV dregur upp mjög einhliða og
villandi mynd af efni bókarinnar
með því að staðhæfa að Reykja-
víkurborg hafi haft góðærið af fá-
tæku fólki í Reykjavík. Meginá-
byrgð á fátækt í landinu liggur hjá
almannatryggingakerfmu sem til-
heyrir ríkisvaldinu. Bætur al-
mannatrygginga og atvinnuleysis-
bætur eiga samkvæmt markmið-
um laganna að tryggja öllum
þegnum viðunandi lágmarksfram-
færslu. Ef ríkið bregst hlutverki
sínu á þessu sviði og ýtir ábyrgð
yfir á sveitarfélögin þá rísa al-
mannatryggingar ekki lengur
undir nafni. Stærstur hluti
ábyrgðarinnar liggur því eðli
málsins samkvæmt hjá ríkisvald-
inu.
Blaðamaðurinn haföi lofað að
leyfa mér að lesa yfir umfiöllun
sína fyrir birtingu en ekki varð af
því. Eg hefði gert alvarlegar at-
hugasemdir við framsetningu
hans.
Harpa Njáls
Athugasemd blaðamanns
Rétt er að árétta að í umfiöllun
DV um bók Hörpu Njáls, sem ný-
verið var gefin út á vegum Borg-
arfræðaseturs, kom skýrt fram að
meginniðurstaða hinnar viða-
miklu rannsóknar hennar væri að
umtalsvert vantaði upp á að vel-
ferðarkerfið tryggði fólki lág-
marksframfærslu og að ríkið hefði
fært hluta af skyldum sínum yfir
á sveitarfélögin með því að
ákvarða bætur almannatrygginga
of lágar. Þetta hefur áöur komið
fram í umfiöllun fiölmiðla um
rannsókn hennar. Meginviðfangs-
efni umfiöllunar DV var hins veg-
ar gagnrýni Hörpu á Félagsþjón-
ustuna i Reykjavík, sem hvergi
hafði veriö fiallað um áður. í því
efni var eingöngu stuðst við bein-
ar og skýrt auðkenndar tilvitnan-
ir í bók Hörpu. Henni var heitið
því að undir hana yrðu borin um-
mæli sem hugsanlega yrðu höfð
eftir henni úr stuttu samtali en
það reyndist óþarft þar sem um-
fiöllun um sama efni var að finna
í bók hennar.
í bókinni kemst Harpa meðal
annars að þeirri niðurstöðu, á bls.
362, að Félagsþjónustan í Reykja-
vík hafi sett hluta af þeirri ábyrgð
sinni að koma í veg fyrir að fólk
líði skort yfir á góðgerðastofnanir.
Einnig, á bls. 179, aö tilteknir hóp-
ar hafi farið á mis við góðærið á
liðnum árum vegna þess að fram-
færsluviðmið Félagsþjónustunnar
hækkaði ekki í fiögur ár.
DV stendur við umfiöllun sína
um bók Hörpu Njáls en getur vit-
anlega ekki ábyrgst að allar niður-
stöður eða ályktanir bókarinnar
séu réttar. Félagsþjónustan í
Reykjavík hefur mótmælt ofan-
greindum niðurstöðum Hörpu og
ýmsu fleiru sem hún heldur fram
um Félagsþjónustuna í bók sinni.
í þeirri deilu getur DV ekki orðið
sáttasemjari.
Ólafur Teitur Guðnason
Betri formaður
Halldór Halldórsson skrifar:
Pistlar Þráins Ber-
telssonar em oft frá-
bærir. Nú segir hann
að Samfylkingin
hefði ekki átt að
keyra svona stíft
með sterkan foringja
á sama tíma og sum-
ir í þeim hópi gagn-
rýna einmitt for-
ingjatign og krafta-
jötna i stjómmálum.
Þarna klikkar Sam-
fylkingin. Hún keyrir á fúllu á leiðtoga-
efni á leiðtoga ofan og meira að segja
búin að munstra hann sem forsætisáð-
herraefni! Þetta hefúr haft öfug áhrif og
margir, t.d. eðalkratar, sætta sig ekki við
þessi ósköp. Ég held að Guömundur Ámi
Stefánsson hefði verið prýðilegur formað-
ur Samfylkingar og sný ekki aftur með
það. Hann er skeleggur málsvari jafnað-
arstefnunnar og þekkir alla innviði
stjómmáianna - sanngjam góður dreng-
ur og viðræðugóður. Hans dagur kann
líka að koma fyrr en varir.
Sanngjarn og
skeleggur
málsvari jafnaö-
arstefnunnar.
Sigvaldi Ólafsson sknfar:
Vegna umræðu um Borgarleikhúsið er
það mitt mat að Reykjavíkurborg geti
ekki mokað endalaust af skattpeningum í
að því er viröist botnlausa hít. Leikfélag-
ið verður náttúrlega að axla rekstrarlega
ábyrgð og þeir sem vilja halda úti leik-
húsi að borga það sem þaö kostar í að-
gangseyri, alveg eins og kvikmyndagestir
borga það sem kostar að halda úti kvik-
myndasýningum. Aiiar götur sé ég ekk-
ert réttlæti í því að ég greiði fyrir leik-
hús sem ég hef engan áhuga á, hvað þá
að byggja tónlistarhús sem yrði enn einn
bagginn á skattgreiðendur landsins. -
Eða hefur einhver sett fram raunhæfa
rekstraráætlun sem ekki er byggð á opin-
berum styrkjum?
Farþegar af ýmsu þjóöerni.
Vilhjálmur SigurOsson skrifar:
Það hefur borið á því að Rúmenar,
sem koma með Norrænu til landsins,
gefa sig fram viö yfirvöld og tilkynna að
þeir séu pólitiskir flóttamenn. Þetta er
ósatt að því leyti til aö Rúmenía er lýð-
ræðisríki og Rúmenar geta farið til og
frá landi sínu óáreittir, lfkt og gerist um
okkur íslendinga, sem þykir það sjálf-
sagt. Því miður virðist sem Amnesty og
Rauði krossinn misskilji hlutina því allir
þeir sem kjósa að kalla sig flóttamenn
eru sem heilagar kýr. Ég vona að yfir-
völd láti ekki blekkjast því vissulega er
ástæða til að vera á varðbergi þegar hin-
ar Norðurlandaþjóðimar eru að taka fast
á þessum málum.
Margin svíkja lit
Axel Jónsson hringdi:
Við félagamir á kaffistofunni í vinn-
unni hér höfum verið að skeggræða
kosningamar og kjósendur. Við erum
ekki sammála í pólitíkinni. Við erum
hins vegar allir sammála um eitt: að
margir muni verða til þess aö svíkja
„sinn flokk“ að þessu sinni. Og það ein-
kennilega er að þar verða allir flokkar
fyrir kárinum. Maður heyrir mikið um
svona nokkuð, einkum hjá Samfylking-
unni og Framsókn, en þetta hlýtur að
eiga við um alla flokkana. Árferöið er
gott en framtíðin er óviss og þvi munu
margir hugsa sitt, hvað sem þaö svo þýð-
ir!!
Lesendur geta hringt allan sólarhring-
inn I síma: 550 5035.
Eöa sent tölvupóst á netfangiö:
gra@dv.ls
Eöa sent bréf til: Lesendasíöa DV,
Skaftahlíð 24, 105 Reykjavík.
Lesendur eru hvattir til að senda mynd
af sér til birtingar meö bréfunum á
sama póstfang.