Dagblaðið Vísir - DV - 16.06.2003, Blaðsíða 6

\
6 FRÉTTIR MÁNUDAGUR 16.JÚNÍ2003 ___________________________________________________________________________________I
Komst hvorki upp né niður á Kristínartindum
BJÖRGUN: Björgunarfélag
Hornafjarðar var kallað út rétt
fyrir klukkan sex í gær eftir að
boð komu um að erlendur
ferðamaður væri í sjálfheldu á
Kristínartindum við Skaftafell.
Samkvæmt upplýsingum hafði
maðurinn samband við Neyð-
arlínuna og bað um aðstoð þar
sem hann kæmist hvorki upp
né niður á þeim stað þar sem
hann var á Kristínartindum.
Neyðarlínan boðaði út Björg-
unarfélag Hornafjarðar sem
sendi af stað björgunarmenn.
Þá var einn starfsmaður Fjalla-
leiðsögumanna sendur til að-
stoðar við ferðamanninn
óheppna þar sem fyrirsjáan-
legt var að töluverð stund
myndi líða þar til björgunar-
sveitarmenn kæmu frá Höfn í
Hornafirði.
Leiðsögumaðurinn kom á vett-
vang klukkan tíu og fylgdi
ferðamanninum niður í Skafta-
fell.
Björgunarsveitarmennirnir
voru þá komnir á svæðið en
sneru aftur við.
Alfreð fékk fyrsta laxinn
LAXVEIÐI: Elliðaárnar voru
formlega opnaðar í gærmorg-
un og tók Þórólfur Árnason
borgarstjóri fyrsta kastið í foss-
inn. Fiskurinn var tregur til og
þrátt fyrir góðar tilraunir fékk
ELLIÐAÁRNAR OPNAÐAR:
Alfreð Þorsteinsson fékk fyrsta
lax sumarsins.
DV-mynd Bergur Steingrimsson
borgarstjórinn engan lax. Sá
sem veiddi hins vegar fyrsta
laxinn í sumar var Alfreð Þor-
steinsson,formaður borgar-
ráðs,og var það sjö punda lax
sem veiddist á maðk í Drauga-
klettum. Aðspurður sagðist
Þórólfur ekki stunda stang-
veiði að neinu marki en sagð-
ist ganga til rjúpna á hverju
hausti.
Staða Byggðastofnunar snarversnar
Víða hefur verið farið offari í
uppbyggingu gistirýmis á
landsbyggðinni og búist er
við áframhaldandi afföllum á
lánum til þessa atvinnuvegar
á þessu ári. Þetta kemur m.a.
fram í nýjustu ársskýrslu
Byggðastofnunar. Fjárhags-
leg staða stofnunarinnar
versnaði verulega á síðasta
ári eða úr ríflega 313 milljóna
króna hagnaði árið 2001 í
rúmlega 480 milljóna króna
tap á síðasta ári. Munar þar
mestu um stórauknar af-
skriftir, ekki síst vegna hótela
á landsbyggðinni sem stofn-
unin hefur þurft að leysa til
sín á uppboðum.
Lagðar voru tæplega 709 milljón-
ir króna á afskriftareikning útlána
og í niðurfærslu hlutafjár hjá
Byggðastofnun á sfðasta ári. Er það
skýrt með miklum áföllum hótela á
landsbyggðinni en stofnunin hefur
þurft að leysa til sín hótel á upp-
boðum á árunum 2001 og 2002 og
einnig það sem af er þessu ári. Bú-
ist er við að framhald verði á því.
Endursöluverð þessara fasteigna
hefur verið langt frá því að standa
undir lánum stofnunarinnar. Er
bent á það í skýrslunni að víða hafl
verið farið offari í uppbyggingu
gistirýmis á landsbyggðinni og nýt-
ingin sé almennt langt fyrir neðan
það sem þörf er á.
Aukin eftirspurn eftir lánsfé frá
Byggðastofnun er langt umfram
framboð. Samfara versnandi af-
komu stofnunarinnar hefur þetta
leitt til þess að forgangsraða þarf
verkefnum eins og segir í skýrsl-
unni. „Ljóst má vera að stofnunin
getur ekki leyst vanda allra þeirra
sem til hennar leita. Eitthvað verð-
ur því um að verkefnum sé hafnað,
jafnvel þó að tryggingar og rekstr-
arforsendur séu metnar fullnægj-
andi."
Þá má geta þess að á árinu 2002
afskrifaði stofnunin endaniega
veitt lán að upphæð 452 milljónir
króna sem voru að stærstum hluta
veitt á árunum 1997 til 2000. Þá var
hlutafé í eigu stofnunarinnar nið-
urfært um 106 milljónir króna á
síðasta ári.
Rekstrartekjur Byggðastofnunar
lækkuðu umtalsvert á milli áranna
2001 og 2002. Heildar rekstrartekj-
ur árið 2001 voru 958,506 milljónir
en lækkuðu í 654 milljónir árið
2002. Munar þar mestu um nei-
kvæðan gengismun upp á tæplega
159,7 milljónir króna miðað við
rúmlega 101 milljón í gengishagn-
að árið 2001. Þá var framlag ríkis-
sjóðs á fjárlögum einnig lægra á
síðasta ári, eða 277 milljónir króna
Gjaldþrot: Hótel Hvolsvöllur, sem Byggðastofnun eignaðist á uppboði í febrúar og seldi fyrir skömmu með afföllum. DV-mynd
HKr.
á móti 312 milljónum árið 2001. Þá
lækkuðu vaxtatekjur einnig veru-
lega, eða úr rúmum 1,5 milljörðum
króna í rétt rúman 1 milljarð á síð-
asta ári. Á móti kemur mikil lækkun
vaxtagjalda, eða úr rúmum 1 millj-
arði í rúmar 542 milljónir króna.
Niðurstaða vaxtadæmisins er því
að hreinar vaxtatekjur á síðasta ári
námu rúmum 520 milljónum á
móti rúmlega 481 milljón króna
árið áður. Rekstrargjöld, þ.m.t. af-
skriftir útlána, jukust úr rúmlega
945 milljónum árið 2001 í rúmlega
1,1 milljarð árið 2002. Heildarnið-
urstaðan er því tap upp á 480 millj- milljóna króna hagnaði árið 2001.
ónir króna á síðasta ári á móti 313 hkr@dv.is
AUKNAR AFSKRIFTIR
Rekstrargjöld (milljónir króna) 2002 2001
Veittir styrkir til atvinnuráðgjafa 107,0 103,0
Veittir aðrir styrkir 50,4 27,5
Laun og launatengd gjöld 253,0 144,9
Annar rekstrarkostnaður 108,2 95,0
Afskriftir varanlegra rekstrarfjármuna 7,1 2,3
Framlög í afskriftareikning útlána
og niðurfært hlutafé 708,8 527,3
Samtals: 1.134,5 945,3
Húsbréf
Útdráttur
húsbréfa
Nú hefur farið fram útdráttur húsbréfa
í eftirtöldum flokkum:
1. flokki 1989 - 51. útdráttur
1. flokki 1990 - 48. útdráttur
2. flokki 1990 - 47. útdráttur
2. flokki 1991 - 45. útdráttur
3. flokki 1992 - 40. útdráttur
2. flokki 1993 - 36. útdráttur
2. flokki 1994 - 33. útdráttur
3. flokki 1994 - 32. útdráttur
Koma þessi bréf til innlausnar 15. ágúst 2003.
Öll númerin verða birt í Lögbirtingablaðinu. Auk þess
eru númer úr fjórum fyrsttöldu flokkunum hér aó ofan
birt í DV, mánudaginn 16. júní.
Upplýsingar um útdregin húsbréf má einnig finna
á heimasíðu íbúðalánasjóðs: www.ib.is.
íbúðalánasjóður
Borgartúni 21 I 105 Reykjavík I Sími 569 6900 | Fax 569 6800
KAMPAKÁTIR: Jaques Chirac, forseti Frakklands og Gerhard Schröder, kanslari Þýskalands geta verið kátir enda hafa ráðamenn í
ríkjum Evópusambandsins stöðvað aukningu skattbyrðinnar.
Skattarí Evrópusambandinu 1995-2001:
Heildarskattbyrði
næstum óbreytt
Heildarskattbyrði í löndum
Evrópusambandsins var
nokkurn veginn óbreytt frá
1995-2001, hækkaði þó úr
40,8% í 41,1% af vergri lands-
framleiðslu.
Skattbyrðin hefur hins vegar
lækkað heldur frá 1999 þegar hún
var 41,8% af landsframleiðslu. Þetta
kemur fram í skýrslu evrópsku hag-
stofunnar Eurostat sem gefin var út
á föstudag en þar er í fyrsta sinn
beitt nýrri og samræmdri mælingu á
skattbyrði.
Skattbyrðin var hæst í Svíþjóð eða
51,4% en lægst á írlandi eða 31,2%.
Hún jókst mest í Svíþjóð á árunum
1995-2001, úr 49,1% í 54,1%, en
einnig umtalsvert í Grikklandi og
Austurríki. Aftur á móti minnkaði
hún mest á írlandi, úr 33,4% í 31,2%.
Til samanburðar var heildarskatt-
byrði 29,6% af landsframleiðslu í
Bandaríkjunum árið 2000 og 27,1% í
Japan.
Skattar á vinnulaun lækkuðu að
meðaltali úr 37,5% í 37% árin
1995-2001. Þeir voru hæstir í Sví-
þjóð eða 49,1% en lægri en 30% í
Bretlandi, á Spáni og írlandi.
Skattar á fjármagnstekjur hækk-
uðu að meðaltali úr 24,5% í 29,8%.
Þeir voru hæstir f Frakklandi og Lúx-
emborg en lægstir á Grikklandi og
Þýskalandi.
Neysluskattar voru að meðaltali
20,4%; hæstir í Danmörku (33%) og
Lúxemborg (30,3%) en lægstir á
Spáni (16%) og Ítalíu (16,4%).
oiafur@dv.is