Dagblaðið - 03.11.1975, Qupperneq 24

Sandgerði í nótt:
TRYLLT NAUT STÓRSKEMMIR BÍL - FARÞEGAR
SLUPPU - NAUTIÐ SKORIÐ Á STAÐNUM
Tryllt naut hljóp beint framan
á fólksbil, sem i voru hjón með
tvö ung börn, austur á Egils-
stöðum i gærkvöidi. Konan
hlaut áverka á höfði, er hún
kastaðist fram i bílnum. Nautið
var i dauðateygjunum, þegar
það var skorið á staðnum.
,,Við vissum ekki fyrr en á
móti okkur kom æðandi stórt
naut. Virtist skepnan alveg
tryllt”, sagði Sjöfn Helgadóttir,
sem var þarna i bil með manni
sinum, Kristni Arnasyni, og
tveim drengjum, 11 og þriggja
ára. Voru drengirnir i aftursæt-
inu en hjónin i framsætunum.
Sjöfn sagði, að þau hjónin
hefðu verið á leiðinni út á flug-
völlinn á Egilsstöðum um kl. 6 i
gærkvöldi. Var þá orðið dimmt,
en flugvél með fullum ljósum
var nýlent á vellinum. Var hún
að snúa heim að flugskýlinu,
þegar farþegar i fólksbilnum
sáu tryllt naut koma æðandi á
móti bilnum.
Kristni tókst að hemla og
draga þannig verulega úr ferð
bilsins. Var höggið samt mikið,
þegar nautið skall beint framan
á stuðarann og kastaðist siðan
upp á vélarhúsið.
Billinn, sem er af gerðinni
Plymouth „Duster” 1971, er
mjög illa farinn eftir þennan
óvenjulega árekstur. Varð að
draga hann af staðnum. Nautið
er holdanaut frá Egilsstaðabú-
inu, liklega um 300 kg á þyngd.
Skömmu eftir áreksturinn
kom Ingimar Sveinsson, bóndi á
Egilsstöðum. Hafði hann með-
ferðis sveðju og skar hann naut-
ið, sem var i dauðateygjunum.
barna beggja megin við fjöl-
farinn veg og i kringum flug-
völlinn ganga nokkrir tugir
holdanauta frá Egilsstaðabú-
inu. Er völlurinn girtur, en ekki
er talið að girðingin haldi trylltu
nauti, hvað þá mörgum. Þetta
er ekki i fýrsta skipti sem naut
og bifreið rekast þarna saman.
Er almenn óánægja með, að
ekki skuli girt með veginum, en
ekki virðist ljóst, hverjum ber
að kosta þá framkvæmd. Mun
það standa i vegi fyrir þvi, aö
það sé gert. Vitað er, að bændur
telja það i verkahring vega-
gerðarinnar, en ekkert gerist og
nautin ganga þarna laus ennþá.
— BS —
FIMM BATAR A LAND, -
OG BÍLL FÓR í SJÓINN
1 ofsaveðrinu, sem gekk yfir
landiö i nótt og i morgun rak
fimm báta á land i Sandgerði.
Er Dagblaðsmenn komu á stað-
inn um tíuleytjð i morgun, var
búið að ná fjórum þeirra á flot
aftur, en einn, Skúmur GK 22 lá
enn þá uppi i fjöru. Skrúfa báts-
ins hafði bilað, er mest á reyndi,
og menn vonuðu að hægt yrði að
ná honum á flot á flóðinu i kvöld.
Það var um sexleytið i morg-
un, sem bátana rak á land, en þá
hafði ekki séð i höfnina i um
þrjá klukkutima fyrir brimi.
Stærðar grjóthnullungar og
spýtpabrak lágu upp um allt
hafnarsvæðið, og voru vinnuvél-
ar að koma á staðinn til að ryðja
það.
Einn ameriskur bill, sem
hafði verið skilinn eftir á
bryggjunni i gærkvöld fór i sjó-
inn i nótt, og sást ekkert af hon-
um, nema oliubrák á sjónum.
—AT—
Skúmur GK lá á þurru. en er lalinn óskemmdur. i fprgrunni má sjá grjót og brak, sem skolaðist á land. DB mynd: Bjarnleifur
Stórtjón ó Vatnsleysuströnd af flóðum:
URD OG GRJÓÍ UM ÖLL TÚN, -
VARNARGARÐAR SÓPUÐUST BURT
Öldurnar skoluðu burt kofum. 20 kindum og bát bjargað með snarrœði
Stórskaðar urðu á Vatns-
leysuströnd i nótt af völdum
sjávargangs og óveðurs. Hefur
sjórinn rutt i burtu varnargarði,
sem ýtt var upp fyrir 7-8 árum,
er mikil flóð gerði þá, við álika
aðstæður og voru i nótt. Sópaði
sjávargangurinn verkfæra-
geymslu og fleiri skúrum burt i
nótt, sjór gekk upp undir bæi og
ein fjölskylda flýði hús sitt. Var
það fjölskylda Ormars Jónsson-
ar, tengdasonar bóndans á
Neðri Brunnastöðum, en flótt-
inn var meira gerður i öryggis-
skyni
Simon Kristjánsson, bóndi á
Neðri-Brunnastöðum sagði að
hann hefði vaknað kl. 03.45 við
óveðrið og sjávarganginn. Atti
hann bát niður á kambi og vildi
bjarga honum og tókst það með
aðstoð fólks er hann ræsti. Við
þá björgunaraðgerð sá hann i
ljósum bils sins stóran fjárhóp,
sem kominn var i sjálfheldu
vegna ílóðsins. Tókst Simoni
með snarræði að rifa niður
girðingu svo féð kæmist upp á
túnin. Mátti ekki tæpara standa.
þvi sumt af fénu lenti i brim-
öldunum er gengu á land upp og
tóku litlu siðar með sér kofa-
ræksni á sjávarkambinum er
féð hafði leitað skjóls undir.
Hefði allur fjárhópurinn, alls
um 20 kindur, lent i hafrótinu, ef
Simon hefði ekki komið auga á
það i skini bflljósanna.
Simon sagði að ægileg eyði-
legging blasti við sjónum þarna
um slóðir. Urð'og grjót er upp
um öll tún. Sjór næði upp að
stuðurum bils hans á
heimakstursbrautinni að bæn-
um og gamli þjóðvegurinn til
Keflavikurvarundirsjóá kafla.
Veðurhæðin komst i 10-11 stig
að áliti Símonar, en það var
fyrstog fremst brimið sem tjóni
olli. Sagði Simon að útlitið væri
svart, þvi nú væru varnargarð-
ar horfnir og kæmi önnur slfk
hrina með vaxandi flóði, væri
ekki að vita hvað gerast mundi.
Viðar mun tjón hafa orðið, en
Simon hafði ekki haft spúrnir
nema frá Knarrarnesi, er við
ræddum við hann i sima.
ASt.
frfálst, nháð dagblað
Mánudagur 3. nóvember 1975.
Vaknaði við
reykjarkóf
-og vakti félaga sína
Eldur kom upp i v.b.
Hafnarbergi RE 404, þar sem
hann lá við Grandagarö i nótt
kl. 4.45. Svaf skipshöfnin um
borð og vaknaði einn skip-
verja við reykjarkóf i lúkarn-
um. Vakti hann félaga sina tvo
og gerði slökkviliði aðvart.
Höfðu mennirnir hafið
slökkvistarfið er slökkviliðs-
menn bar að. Tókst fljótlega
að ráða niðurlögum eldsins,
’ sem ekki varð mikill, en
reykjarkófið þeim mun meira.
Tveir mannanna sem um borð
sváfu voru fluttir i slysadeild
þvi þeir munu hafa orðið fyrir
revkeitrun. Mátti þarna litlu
muna að verr færi. _
Dregið í getrauninni:
HANN FÆR
HAWAIIFERÐ
Sá heppni i áskrifendaget-
raun Dagblaðsins heitir Jakob
Hálfdánarson, til heimilis að
Kleppsvegi 144 i Reykjavik.
Dregið var úr gifurlegum
fjölda svara, sem blaðinu bár-
ust, og kom þá upp lausn
Jakobs, sem getur nú veitt sér
þann munað að sóla sig að
vetrarlagi i hinu milda og
þægilega loftslagi Hawaii-
eyja, auk þess að heimsækja
Kaliforniu og New York á
heimleið. Við óskum Jakobi og
hans tjölskyldu til hamingju
og þökkum lesendum okkar
fyrir góða þátltöku. —JBP—
Tveir útlend-
ingar týndir
í óbyggðum
— voru ó leið til
Landmannalauga
á lélegri bifreið
Tveir menn úr Sigöldu, sem
ætluðu i gær austur i Landmanna-
laugar, eru enn ekki komnir
fram. Bilar fóru í birtingu i
morgun til að leita, en komu báðir
aftur skömmu fyrir hádegi og
höfðu ekki orðið varir mannanna.
Dagblaðið náði tali af Halldóri
Eyjólfssyni á Rauðaiæk i
morgun, en hann er starfsmaður
Landsvirkjunar þarna efra. Hann
sagði, að hann væri að leggja upp
á snjóbilnum þar sem hann hefði
verið beðinn um að svipa^t um
eftir mönnunum. Halldór er allra
manna kunnugastur þarna og
taldi hann, að óvist væri, hvort
mennirnir hefðu ratað rétta leið.
Þeir væru ókunnugir þarna og i
gærkvöldi hefði skollið á leiðinda-
veður með snjókomu. Gætu þeir
allt eins hafa farið Fjallabaksveg
eða jafnvel enn aðra leið.
Mennirnir, sem lögðu af stað úr
Sigöldu kl. um 3 i gærdag eru
Englendingur og Þjóðverji, sem
eru við störf hjá verktakafyrir-
tækinu Strabach, sem annast
malbikun. Fóru þeir á lélegum
Landrover-bil, sem „hvorki held-
ur vindi né vatni”, eins og skrif-
stofan i Sigöldu orðaði það.
Siðustu fréttir hermdu, að
mennirnir hafi fundizt nærri
Landmannalaugum, þar sem bill-
inn var fastur, i vonzkuveðri.
Mönnunum tveim hatði ekki oröið
meint af nokkru volki, sem þeir
höfðu lent i —B.S.