Dagblaðið - 02.02.1976, Blaðsíða 7

Dagblaðið. Mánudagur 2. febrúar 1976.
7
Mesta listaverkarán sðgunnar:
119 Pkasso verkum rœnt
— Verðmœtið um 700 milljónir ísl. kr.
Mesti listaverkaþjófnaður sögunnar
var framinn um helgina er þrír grímu-
klæddir menn rændu 119 listaverkum
eftir Pablo Picasso, en verkin voru í
sýningarsal í Avignon í Frakklandi.
Þetta voru síðustu verk meistarans og
Pablo Picasso við vinnu sína, kominn
á fullorðinsár.
meðal stolnu verkanna var m.a.
uppáhaldsverk hans, Ungi málarinn.
Verkin, sem voru tryggð, eru metin á
um 700 milljónir ísl. króna.
Ræningjarnir réðust á verði og særðu
tvo þeirra. Þeir skildu ekki eftir sig nein
fingraíor eða annað er gæti vísað á þá.
Einn vörðurinn telur mennina hafa
talað saman á spænsku og er það eina
vísbendingin sem lögreglan vinnur nú
eftir.
Lögreglan telur að ræningjunum
kunni að reynast erfitt að koma verkun-
um í fé, þar sem þau eru mjög þekkt
meðal fjölda fólks, og einnig eru þau
ekki merkt listamanninum, svo væntan-
legir kaupendur kunna að verða tor-
tryggnir.
Vónast lögreglan til að þjófarnir muni
grípa til sömu úrræða og þeir þjófar,
scm árið 1962 stálu Sesanne listaverk-
um í Frakklandi, sem til þess tíma var
einhver mesti listaverkaþjófnaður sög-
unnar. Listaverkin fundust um síðir í
yfirgefum stolnum bíl, og voru þau
óskemmd.
Þá var annað listaverkarán framið í
Frakklandi í gær. Þar stal maður mál-
verki í renaissance stíl. Gerði hann það
um miðjan dag og var fjöldi fólks í
safninu í París þegar maðurinn tók
myndina skyndilega niður og hraðaði
sér út. öryggisverðir voru of seinir á sér
og misstu af manninum, sem er ófynd-
inn enn. Verkið er metið á 15 til 20
milljónir ísl. króna. —
Hitabylgja
Snjor og kuldi voru helztu vanda-
málin á íslandi í síðasta mánuði en i
Kaliforníu hafa hins var óvenju miklir
hitar og þurrkar, þeir mestu í 98 ár,
skapað þar vandamál. Ekki kom dropi
úr lofti allan mánuðinn og var hitinn að
jafnaði 23 til 25 stig á Celcius. Síðasta
dag mánaðarins komst hann upp í 28
stig. Þetta veðurfar hefur haft alvarleg-
ar afleiðingar á gróður og komið illa
niður á ávaxtarækt.
Yorster, forsœtisróðherra S-Afríku:
Rússar œtla að nota
Angola sem stokkpall
í önnur Afríkuríki
Vorster, forsætisráðherra S-Afríku,
sagði í gær að tilgangur Rússa með
því að styrkja MPLA hreyfinguna í
Angola, væri augljóslega að nota
Angola sem stökkpall til að styrkja
marxiskar frelsishreyfingar í öðrum
Afríkulöndum og benti hann sérstak-
lega á Zambíu og Saire, en í fyrr-
nefnda landinu hafa kommúnistar
þegar náð sterkum tökum. Vorster
telur víst að Rússar muni beina
spjótum sínum að SV-Afríku um leið
og MPLA hefur unnið sigur í
Angóla, eins og útlit er fyrir nú.
Hann bendir einnig á að ef Rússar
nái undirtökunum í Angola eignist
þeir land að Gape-skipaleiðinni, en
um þriðjungur allra olíuflutninga í
heiminum fer um þá leið og 25
þúsund skip sigla um hana árlegaJ
Telur hann aðstöðu Rússa við þessa
leið styrkja þá til muna þar sem þeir
eiga þá auðvelt með að ógna umferð
um hana.
Annars er það að frétta frá
Angola, að MPLA vinnur enn á og
Rússar sty^ja þá stöðugt. Kissinger
berst nú fyrir því að Bandaríkjaþing
styrki UNITA og FNLA beint í bar-
áttunni við MPLA en viðbrögð
þingsins eru ekki endanlega ljós.
Filippseyjar:
RÆNINGJAFLOKKUR
MYRTI 25 MANNS
Harðsnúinn glæpaflokkur gerði
fólskulega árás á fólksflutningabíl á
hlykkjóttum fjallavegi nokkuð fyrir
utan Manila, höfuðborg Filippseyja,
í nótt. Glæpamennirnir gerðu skot-
árás á bílinn með þeim afleiðingum
að 25 farþegar létust og 32 særðust.
Eftir skothríðina rændu glæpamenn-
irnir líkin og hina særðu, og virðist
það hafa verið eini tilgangurinn með
árásinni. Þeir ganga enn lausir.
Glœpafaraldur
í Egyptalandi:
Erlendar
fréttir
1
REUTER
12000 manns
I
handteknir síðustu daga
Öryggislögreglan í Egyptalandi hefur daga og standa þessar handtökur i. valda þess efnis að vinna gegn vaxandi
handtekið 12000 manns nú siðustu beinu sambandi við ákvörðun stjórn- glæpum i landinu. Fyrsta daginn voru
4000 manns handteknir
Allar tegundir glæpa hafa farið
vaxandi í Egyptalandi að undanförnu
svo sem kynferðisglæpir, vasaþjófnaður
og eiturlyfjasmygl. Fyrir skömfnu gerði
lögreglan upptæk eiturlyf fyrir hundruð
milljóna ísl. króna og sérþjálfaðar lög-
reglusveitir fara nú óeinkennisklæddar
um götur til þess að góma þjófa. Þrátt
fyrir allt halda yfirvöld þó fram að
glæpatíðni sé lítil í Egyptalandi miðað
við flest önnur lönd.
Prófessor Werner
Heisenberg lótinn
Prófessor Werner Heisenberg, nóbels-
verðlaunahafi í líffræði árið 1932, lézt
að heimi sínu í Þýzkalandi í gær, 74 ára
að aldri. Hann átti við veikindi að
stríða síðustu ár ævi sinnar.
FÉKK H0RMÓNALYF,—
EIGNAÐIST FIMMBURA
Fimmburar fæddust í Japan um
helgina, fyrstu fimmburarnir sem
fæðast lifandi þar í landi. Læknir á
sjúkrahúsinu þar sem fæðingin átti
sér stað, í borginni Kagoshima, sagði
að börnin hefðust vel við en væru
enn í súrefniskössum.
Það var frú Noriko Yamashita sem
fæddi tvo drengi og þrjár stúlkur á
tíu mínútum. Konan var við góða
heilsu að sögn læknisins.
Börnin fæddust 19 dögum fyrir
tímann og^ voru misstór við fæðingu,
allt frá 990 grömmum upp í 1800
grömm. Foreldrarnir giftust fyrir
fimm árum en höfðu verið barnlaus.
Fékk konan hormónalyf hjá lækni
þeirra hjónanna í því skyni að auka
frjósemina, — og fyrr en varði fengu
þau hjónin þær ánægjulegu fregnir
að konan gengi ekki lengur einsömul.
Skömmu áður en fæðingin átti að
verða hélt hún frá Tokyo, þar sem
eiginmaður hennar er yfirmaður hjá
japanska ríkisútvarpinu, til heima-
borgar sinnar, Kagoshima.
Móðir bjargar barni sínu
Á þessum myndum UPI-fréttastofunnar sjáum við Mariu Aparecida, hús-
móður í Sao Paulo í Braziliu, bjarga 8 ára dóttur sinni, Soniu, frá því að
drukkna. Mikil flóð vegna rigninga herjuðu á borgina i síðustu viku og sýna
myndirnar greinilega hversu alvarlegt mál flóðin verða oft og iðulega erlendis. |
1. Móðirin kemur að þar sem barnið hefur fallið i vatnselgnum og getur enga
björg sér veitt...
2. ...hún þrífur með hendinni ofan í kolmórautt vatnið, en heldur sér með hinni
hendinni til að verjast falli í vatnselgnum.
3. Maria Aparecida hefur náð tökum á fötum litlu dóttur sinnar.
4. Sonia litla var enn með meðvitund og hjúfrar sig upp að móður sinni sem
reyndist henni bjargvættur á örlagastundu.
TWYFORDS
HREINLÆTISTÆKI
□ HANDLAUGARí BORÐ
□ HANDLAUGAR Á FÆTI
□ BAÐKÖR STÁL & POTT
□ FÁANLEG í SJÖ LITUM.
□ TWYFORDS-HREINLÆTISTÆKIN ERU í
SÉRFLOKKI.
Byggingavöruverzlun
Tryggva Hannessonar
SUÐURLANDSBRAUT 20.
SÍMI 83290.