Dagblaðið - 02.04.1976, Qupperneq 4

DAGBLAÐIÐ. FÖSTUDAGUR 2. APRlL 1976.
4
Einar - Ekki gott meðan við
stöndum í landhelgisstríði
Sigurður - Virðum ekki sjálfir
eigin fiskveiðitakmörk.
Karl - Þeir hafa nóg af öðrum
svæðum til að veiða á.
Landhelgisbrotin fordœmd:
Marteinn - Bretar skammaðir Sigtryggur - Sízt til að bæta
fyrir að veiða á friðuðum málstað okkar i deilunni.
svæðum. DB- myndir R. Th. Sig.
ÞETTA ER SVIVIRÐILEGT
##
— „Þeir eru alltaf fyrstir til að skamma Bretana
í tilefni af því að átta bátar
voru teknir innan landhelginn-
ar suður af landinu fóru Dag-
blaðsmenn á stúfana, tóku tali
nokkra menn úr sjómannastétt
og heyrðu álit þeirra á brot-
unum.
Einar Guðmundsson, sjómað-
ur á Helgu II, tjáði okkur að
þarna væri um erfitt mál að
ræða. „Hvað eiga þeir að gera,
netabátarnir eru alls staðar svo
þeir eiga fá veiðisvæði eftir. En
eðlilega er þetta ekki gott á
meðan við stöndum í land-
helgisstríði og varla mannsæm-
andi.”
Sigurður Bernódusson á
sama bát tók í sama streng;
„Það er búið að fylla öll önnur
veiðisvæði svo þeir geta lítið
annað gert en leggja bátunum
og eins og maður veit eru þeir
þarna yfirleitt en þetta er afar
slæmt til afspurnar útávið að
við skulum ekki einu sinni
sjálfir virða okkar eigin
veiðitakmarkanir.”
Karl Örvarsson á Stjörnunni
sagði; „Þetta er mjög alvarlegt
því bátasjómenn eru að setja út
á brezku togarana en hafa
sjálfir nóg af svæðum til að
veiða á.”
„Þetta er alveg svívirðiiegt
því þeir eru svo alltaf fyrstir til
að skamma Bretana fyrir það
að veiða á svæðum sem við
erum að friða” sagði Marteinn
Guðmundsson háseti okkur.
Sigtryggur Benedikz, skip-
stjóri á Stjörnunni, sagðist telja
það sízt til að bæta málstað
okkar í landhelgisdeilunni
„auk þess sem ástand fiski-
stofnanna er nú ekki beysið,
það verður að bæta erfiða stöðu
sjávarútvegs eftir öðrum leið-
um en að láta bátana veiða inn-
an landhelgi. Þetta er að vísu
búið að tíðkast þarna í áraraðir
en leiðinlegt er til þess að vita
að svona lagað gerist á meðan
við stöndum í landhelgisstríði
við aðrar þjóðir.”
Þetta var álit nokkurra sjó-
manna sem við hittum við
Reykjavíkurhöfn. Að það séu
svipaðar skoðanir sem eru ríkj-
andi yfirleitt er ekki ólíklegt,
þá ekki aðeins meðal sjómanna
heldur og meðal þjóðarinnar
allrar að lögbrot sem þessi megi
allra sízt koma fyrir hjá okkur á
meðan við . stöndum í land-
helgisdeilu við Breta.
—BH
✓
Urvallð af tækjum til bruggunar, svo og lesefni til þeirra hluta, er mjög fjölbreytt. Hér má sjá
lítið sýnishorn af því. DB-mynd: Ragnar Th. Sigurðsson.
Kreppa í bruggun heimo-
gerðs öls
— eins og á öðrum sviðum
í þjóðfélaginu
„Ég held að okkur öllum, sem
flytjum inn efni til heima-
bruggunar öls, beri saman um
að þar sé komin upp kreppa
eins og a öðrum sviðum þjóð-
félagsins,” sagði Guttormur
Einarsson hjá fyrirtækinu Haf-
plast í samtali við DB. „Það
kom iðulega fyrir hér áður fyrr
eftir að áfengisverzlunin
hækkaði varning sinn, að salan
hjá okkur jókst, en það virðist
nú vera liðin tíð.”
Skýringuna fyrir þessum
mikla samdrætti telja inn-
flytjendur vera þá, að fólk hafi
mikið til hætt að kaupa þessi
dýru efni til að gera sér
drykkjarföng, heldur snúið sér
að öðru ódyrara, svo sem
hVítöli, tropicana og öðrum
tegundum ávaxtasafa, sem ekki
innihalda rotvarnarefni. Fólk
hafi einfaldlega ekki þolin-
mæði til að bíða eftir því að
bjórinn nái að þroskast og
verða ljúffengur, en það tekur
sex vikur til tvo mánuði. „Nú
orðið búa menn einungis til
bjór sem tómstundagaman,"
sagði Guttormur.
Fyrst eftir að innflutningur á
efnum til bjórgerðar og tækjum
til framleiðslunnar hófst, var
geysilega góð sala í kútum,
slöngum og þess háttar. Nú
virðist markaðurinn vera
orðinn mettaður og hefur salan
dottið töluvert niður á slíkum
tækjabúnaði.
Sú spurning hefur oft leitað
á fólk, hvort ekki sé ólöglegt að
flytja inn bjórbruggunarefnin,
sem fast í apótekum og er stillt
þar út á áberandi hatt. Við
lögum þá spurningu fyrir Gutt-
orm.
„Nei, alls ekki," svaraði
hann. „Við erum háðir sömu
skilyrðum og framleiðendur
hvítöls, og innflytejndur
tropicana og annarra ávaxta-
safa. Það er alveg eins hægt að
koma upp gerjun i þeim
vökvum og efnunum okkar. Ef
fólk vill brjóta lögin með því að
brugga vín og áfengt öl, þa eru
engin vandkvæði á að verða sér
úti um öll efni til þess, án þess
að skipta við okkur.
Keynslan virðist benda til
þess, að menn noti þessi
innfluttu bjórefni í eitt eða tvö
skipti til að brugga ramm-
áfengan bjór. Þeir komast siðan
að því, að drykkurinn verður
allt annað en ljúffengur og
gefasl þvi fijótlega upp. Þeir.
sem halda áfram. hafa þetta
aðeins að tómstundagamni og
kappkosta öðru fremur að búa
til ljúffengt og milt öl.
Auk Hafplasts eru það
Kristjan Skagfjörð og nokkrir
smærri aðilar, sem flytja inn
efni til bjórgerðar.
-AT-
Landsvirkjun í stöðugu
stríði við sandinn
Búrfellsvirkjun var fyrsta
virkjun sinnar tegundar hér á
landi þar sem virkjuð var jökulá í
stað bergvatnsár. Hefur þetta í
för með sér að meiri framburður
berst með ánni inn í inntaks-
mannvirki virkjunarinnar og inn
í túrbínurnar heldur en i berg-
vatnsám. Því var það, er túrbínur-
nar voru keyptar frá Toshiba
verksmiðjunum í Japan, að
pantað var eitt aukavatnshjól
með, til viðbótar við þau sem eru í
túrbínunum sex. Vatnshjólin eru
sá hluti túrbínananna sem vatnið
leikur um og snýr. Núna, sex
árum eftir að virkjunin við Búr-
fell var tekin í notkun, er það
ætlun forráðamanna Lands-
virkjunar að taka upp eitt vatns-
hjólanna af þeim þrem túr-
bínum, er fyrst voru teknar í
notkun, setja aukavatnshjólið í
og taka það sem verið hefur til
endurbyggingar. Síðan á næsta
ári er ætlunin að láta hið endur-
byggóa hjól í aðra túrbínu. Túr-
bínurnar eru sex samtals og er
því ætlunin að hver túrbína verði
endurnýjuð að þessu leyti á sex
ára fresti. Þykir þetta slit eðlilegt
vegna hins mikla magns sands er
berst inn með vatninu.
Framburður Þjórsár af sandi
kemur fyrst niður á inntaks-
mannvirkjunum ofan við stöðvar-
húsið og var Bjarnalækjarlón,
uppistöðulónið, komið með tals-
vert af fínum sandi á botninn. Til
að koma í veg fyrir áframhald-
andi gr.vnnkun var keyptur dælu-
prammi á árinu 1974 og tekinn í
notkun í fyrra. Dældi hann þá
upp sandinum sem setzt hefur og
meiru til, en í framtíðinni er
ætlunin að hann verði staðsettur
á lóninu og dæli upp árlega því
magni er sezt hefur þar á botninn.
—BH
Fimmtíu jarðir aðilar
að veiðif élagi
„Stjórn félagsins hefur ekki
komið saman til fundar ennþá og
því getum við ekki greint
nákvæmlega frá hugmyndunum,"
sagði Leifur Auðunsson á Leifs-
stöðum sem sæti á í stjórn
nýstofnaðs veiðifélags Markar
fljóts. . „Þó er aóalhugmyndin
auðvitað silungsrækt en við
gælum við hugmynd um laxa-
rækt.”
Um 50 jarðir i þremur hrepp-
um eiga land að félagssvæðinu
sem tekur til Markarfljóts sjálfs
frá ósi í sjó og svo langt upp sem
fiskur gengur svo og til allra fisk-
gengra áa og lækja, sem í svæðið
falla. Á félagssvæðinu eru m.a.
árnar í Þórsmörk.
„Hér áður fýrr gekk fiskur
allar götur þangað, en hin síðari
ár, sérstaklega eftir að ánum var
bre.vtt þegar fljótið var brúað,
hefur veiði verið lítil,” sagði
Leifur Auðunsson ennfremur.
Á stofnfundi veiðifélagsins var
samþykkt að kanna möguleikana
á fiskirækt og veiði á svæðinu og
jafnvel að bjóða hluta þess út
gegn því skilyrði að leigutaki
annist þar fiskirækt.
—HP.
í þessari Viku: Rolf iohansen og fjölskyldo — Else Mia i sjálfsmynd — Kúnstin að muna
stórstjarnan í Hollywood — Vikan prófar Volvo