Dagblaðið - 26.05.1976, Blaðsíða 3

DAGBLAÐIÐ MIÐVIKUDAGUR 26. MAÍ 1976.
3
LÖGREGLAN í FELULEIK!
— lögreglumenn spruttu út úr strœtisvagnaskýlum þegar
ökuþórar voru staðnir að verki
Breiðholtsbúi hringdi:
„Víða erlendis hafa starfs-
aðferðir lögreglu verið í
brennidepli og að sjálfsögðu
hefur hverjum sýnzt sitt.
Lögregluyfirvöld hafa verið
staðin að ótrúlegustu óþokka-
brögðum, með eða án vitundar
æðstu handhafa framkvæmda-
valds í hverju landi.
Nú er ekki svo að verið sé að
gefa í skyn að lögregian hér á
landi beiti aðferðum sem ekki
þola dagsins ljós. Síður en svo,
ég held að margt ágætra manna
starfi innan íslenzku
lögreglunnar, menn sem leggja
metnað sinn í að vinna starf sitt
vel.
Því er ef til vill enn frekar á-
stæða til að vera á varðbergi ef
mönnum finnst löggæzlumenn
okkar ekki beita heiðarlegum
aðferðum og sannast sagna
finnst mér ekki svo hafa verið
nýlega.
Lögreglan hefur verið með
radarmælingar á Breiðholts-
braut niður við Blesugróf og í
sjálfu sér er alls ekkert út á það
að setja. Eðlilegt að löggæzlu sé
haldið uppi. Lögreglan var með
radarmælingar á milli klukkan
sjö- og átta að morgninum.
Það sem mér fannst þó ekki
rétt var að 2-3 lögregiumenn
földu sig í biðskýli Strætis-
vagna Reykjavíkur. Ef bíll ók á
yfir 60 kílómetra hraða þá
hlupu þeir fram úr skýlinu og
stöðvuðu viðkomandi ökumann.
Lögreglan á alls ekki að beita
slíkum aðferðum, og alveg sér-
staklega þar sem fólk beið í
rigningunni fyrir utan skýlið
þar sem lögreglumennirnir
voru inni. Tveir til þrlr fílefldir
lögreglumenn I feluleik og
kona með barnavagn varð að
standa utan skýlisins. Huggu-
leg sjón eða hitt þó heldur og
algjör óþarfi."

HVÍ ÞESSIJAFNRÉTTISKÖNNUN?
Norðfirðingur, sem er
fylgjandi jafnrétti, skrifar:
„Hér á Norðfirði er í gangi
spurningalisti. Þar er spurt
fjölda spurninga, sem eiga að
vera tengdar jafnrétti
kynjanna. Margs er þó spurt er
út fyrir þann ramma fer. Hvaða
dagblöð fólk lesi.launamismuní
þjóðfélaginu, sjónvarpsgláp,
hvernig fólk verji tómstundum
Raddir
lesenda
sínum, þettaeru aðeins fáar af
þeim spurningum, sem fólk er
spurt um. Nefnd er kallar sig
jafnréttisnefnd Neskaupstaðar
stendur fyrir þessu.
Fólk hér fyrir austan spyr
gjarnan hvað þetta eigi að
þýða. Hvort þetta sé svipuð
könnun og fór fram fyrir
vestan og Bragi Jósepsson stóð
n iMlj fwjk ij
'i m ' iöl 9
|; II m 1f M SEU
fyrir. Eftir það var Bragi
kallaður Njósna-Bragi.
Sú könnun var vart komin í
gang þegar Þjóðviljinn kom til
skjalanna og fordæmdi hana.
Hann átti ekki nógu sterk
lýsingarorð til að lýsa óánægju
sinni með þá könnun. Var talið
að með þeirri könnun væri
verið að njósna fyrir Banda-
ríkjamenn. Talið var að öll
gögn yrðu send Bandartkja-
mönnum.
Nú spyr ég, hverjir fá þau
gögn er jafnréttisnefnd Nes-
kaupstaðar stendur fyrir? Af
hverju eru þær spurningar
góðar nú er áður voru harðlega
fordæmdar? Skyldi eitthvað
búa undir annað en eintóm
jafnréttisnefndarhjartagæzka?
Spyr sá sem ekki veit.
En mig langaði til að senda
stutta vísu með:
Könnunin hún kemur því að
gagni,
að konur svari öllu, rétt og vel.
Sjálfsagt er að leysa allt með
lagni,
líkurnar á því ég góðar tel.“
Hlutoskiptaregkm dragbítur
ó starfsemi Rikisútvarpsins
Utvarpsnotandi í fjörutíu ár
skrifar:
„Sem eðlilegt er, þá er
Ríkisútvarpið einatt mikið
undir smásjá fólks og sýnir
raunar aðeins, að fólki er alls
ekki sama hvernig þvi reiðir af.
Bæði lof og last falla í garð
útvarpsins.
Því get ég ekki stillt mig um
að láta nokkur orð falla í garð
Ríkisútvarpsins. Ég hef fylgzt
með þróun stofnunarinnar í
fjörutíu ár. Margt hefur verið
til mikilla framfara og eins
ýmislegt skref aftur á bak.
Ríkisútvarpið varð, að ég tel,
fyrir alvarlegu áfalli þegar
útvarpsráð var aftur kosið sam-
kvæmt flokkspólitískri hluta-
skiptareglu. Raunar er það ill-
skiljanlegt, þar sem Ríklsút-
varpið á og er raunar talið
„hlutlaus menningarstofnun.“
Þessi kosning útvarpsráðs
hefur haft margvíslegar
afleiðingar I för með sér. Til að
mynda lestur forystugreina.
Aðeins þau flokksblöð sem eru
tjóðruð við flokksbás fá lesnar
sínar forystugreinar en ekki
óháð blöð sem koma út viku-
lega.
Eins hefur það komið
berlega í ljós, að hlutaskipta-
reglan er augljóst skref aftur á
bak, neitun á birtingu
auglýsingar ASÍ. Það er
ritskoðun af harðasta tagi og
stofnun sem Ríkisútvarpinu —
„hlutlausri menningarstofnun"
til vansæmdar.
Já, það er margt I fari
Ríkisútvarpsins sem vekur
furðu manna. Til að mynda,
skyldi það vera liður í að af
afkristna þjóðina, að fluttir
voru sjö þættir um leiktrúðinn
Billy Graham?”
Búin að fú nóg
af lœknunum
\-9 hringdi:
„Hvers vegna í ósköpunum
eru allar þessar brezku myndir
i sjónvarpinu sí og æ. Þær eru
allar með tölu alveg hundleiðin-
legar og það eitt að þær eru
brezkar ætti að vera nóg til þess
að sýna þær ekki. Eða eigum
við ekki í stríði við Bretann?
Það hljóta að vera nógar aðrar
filmur sem hægt er að bjóða
upp á, eða er það ekki?
Þessir læknaþættir á laugar-
dögum eru alveg að gera útaf
við mig. Hver er ekki búinn að
fá nóg af þessu kvennafari á
þessum ösnum? Ja, mér er
spurn. Eg slekk á sjónvarpinu
þegar þessi della byrjar. Þetta
voru ágætir þættir, en öllu má
nú ofgera og það var búið að
því fyrir mörgum árum. Góðu
ráðamenn hjá sjónvarpinu,
hættið nú að sýna okkur þessa
eilifu læknaþætti á laugardög-
um, það er komið nóg.“
Læknaþátturinn á laugardögum er að gera út af við fólk, segir
lesandi.

(tekin í Þorlákshöfn)
Er gott að búa í Þorlóks-
höfn?
Snorri Sveinsson, vinnur á neta-
verkstæði: Ég væri löngu fluttur
ef það væri ekki ágætt að vera
hér. Þorlákshöfn er í örri
uppbyggingu og hér er mátulegs
mikið af fólki til að staðurinn sé
hvorki of stór né of lítill.
síma: Ég kann prýðilega við mig í
Þorlákshöfn. Ég hef búið hér í 11
ár, var áður í Reykjavík og við
Ljósafoss. Það var ágætt að vera i
Reykjavík, meðan það var, en ég
vildi ekki fara þangað aftur. Hér
er ekkert stress og staðurinn er
heimilislegur. Nú, og svo er hér
næg atvinna.
Eirný Valsdóttir afgreiðslu-
stúlka í Kaupfélaginu: Það er
gott að vera hérna. Ég hef búið
hér í eitt ár — var áður í Hvera-
gerði. Þorlákshöfn er miklu betri,
hér er skemmtilegra fólk og mjög
lífvænlegt, sérstaklega yfir ver-
tíðina.
Eiríkur Jónsson starfsmaður hjá
Meitiinum: Þorlákshöfn er
sæmilegasti staður. Eg er reyndar
utanbæjarmaður — frá Vorsabæ
á Skeiðum. Ég skal ekkert um það
segja hvort hér sé betra en annars
staðar en það er samt ágætt.
Asdís Garðarsdóttir afgreiðslu-
stúlka hjá Skeljungi:
Ég hef alltaf átt heima hérna og
held að ég vildi hvergi annars
staðar vera. Hér er engin
einangrun þó að staðurinn sé
dálitið út úr. Það tekur enga
stund að komast til annarra staða.
Inga Þorbjörnsdóttir húsmóðir:
Hér er mjög gott að vera. Ég kem
úr Reykjavík og hef verið hér I
eitt ár. Ég líki því ekki saman
hvað það er miklu betra að vera
hér en í Reykjavík. Nú, og ef
eitthvað skortir, þá er bara að
bregða sér bæjarleið.