Dagblaðið - 16.02.1977, Qupperneq 3

DAGBLAÐIÐ. MIÐVIKUDAGUR 16. FEBRÚAR 1977.
.3.
Sunnlenzkir sjömenn
sízt lakari en
þeir á Vestf jörðum
—taka verður tillit til aðstöðunnar
Pétur Jónsson stýrimaður
hringdi
og var harla óhress meö oró
Kristjáns Ragnarssonar for-
manns LÍU í sjónvarpsfréttum
á miðvikudagskvöldið. Skildi
hann Kristján svo sem vest-
firzkir sjómenn væru betri en
sunnlenzkir og auk þess væru
sunnlenzku togararnir verr
tækjum búnir.
Pétur sagði hins vegar að
margir sunnlenzku togaranna
stæðust fyllilega samjöfnuð við
þá vestfirzku hvað tækjabúnað
snerti og án þess að vera að
setja út á vestfirzku sjó-
mennina gæti hann alls ekki
kyngt því að þeir sunnlenzku
væru verri. Á sunnlenzku
togurunum væru yfirleitt úr-
valsmenn, enda eftirspurnin
eftir að komast á þá mikil.
Þá benti hann á að ekki væri
alveg hægt að bera saman afla-
samsetningu þeirra vestfirzku
og þeirra sunnlenzku. Vest-
firzku togararnir þyrftu að
sækja i nokkra klukkutíma til
að komast á góð þorskmið en
þeir sunnlenzku þyrftu að sigla
i 36 tíma til að komast á sömu
mið. Því sæktu þeir oft styttra
og þá á karfa- og ufsamið, en sá
fiskur er verðminni. sem kunn-
ugt er, en tímasparnaðurinn
getur hins vegar vegið þar upp
á móti.
Þótti Pétri leitt til að vita að
Kristján skyldi hafa sneitt svo
að sunnlenzku sjómönnunum,
þar sem honum á manna bezt
að vera ljós aðstöðumunurinn.
Sjálfsögð kurteisi
að rísa á f ætur
„Þegar lokið var undirskrift
fiskveiðisamnings milli íslands
og Færeyja staðfestu fulltrú-
arnir undirskrift sína með
handabandi.
Færeyingarnir risu úr sætum
og réttu fram hendur sínar til
handabands, þykir það sjálf-
sögð háttvísi þess sem heilsað
er að rísa úr sæti sínu á meðan
handabandið er staðfest. En
þar brást fuiltrúum okkar boga-
listin, þeir sátu sem fastast. Þá
kom mér í hug þessi vísa:
Færeyingar fóru á stjá
fannst það athöfn passa,
En Matthías B. og Einar Á.
ekki hreyfðu rassa.“
A.K., Hafnarfirði.

Ráöamenn íslendinga og Færeyinga skrifa undir gagnkvæma fisk-
veiðisamninga.
MISRÉni - SJÓNVARPIÐ SÝNIR NÆR
AÐEINS ÞÆTTIVIÐ HÆFIKVENNA
Ólafur Haukur Matthíasson
Sauðárkróki hringdi.
Mér þætti gaman að fá að
vita hvers vegna í ósköpunum
sjónvarpið velur svona væmna
og kvenlega þætti til sýningar.
Það er bókstaflega ekkert fyrir
hið sterka kyn að sjá um þessar
rnundir síðan þættirnir um
heimsstyrjöldina síðari voru á
dagskrá og allir karlmenn
hlupu heim til sín og settust
fyrir framan skjáinn. Það var
nú svo sem líka horfandi á
McCloud og Columbo en þessi
þýzka þvæla sem boðið hefur
verið upp á, er af síðustu sort.
Þegar talað er um að þessir
þættir hafi verið svo afskaplega
óhollir börnum og þau ekki
mátt sjá þá er auðveldast að
segja börnunum að fara inn að
hátta. Reikna ég þá auðvitað
með að feðurnir séu heima til
þess að láta börnin hlýða þvi að
vitanlega geta mæður ekki
fylgt því eftir að krakkarnir
fari í rúmið.
Eg skora nú á sjónvarpið að
hætta við sýningu á þessum
líka kvenlega þætti, Jennie, og
koma nú með eitthvað fyrir
karlpeninginn í landinu.
Hinir umdeildu þættir, Sögur
frá Múnchen, eru nú horfnir af
skjánum og kominn nýr fram-
haldsmyndaflokkur, Colditz.
Þakkar fyrir góðan leikritaflutning í
utvarpinu
Fyrir okkur eldra fólkið, sem
heima sitjum, gefst oft góður
tími til að hlusta á útvarpið og
horfa á sjónvarp þegar það er í
gangi. Sérstaka athygli mína
hafa vakið mörg ágæt leikrit
sem útvarpið hefur flutt í
vetur. Vil ég þá fyrst nefna
jólaleikinn Pilt óg stúlku og nú
nýverið Myrkur um miðjan
dag eftir Koestler og Engil
H
Þarna er verið að taka upp jóla-
leikrit útvarpsins, Pilt og
stúlku. DB-mynd Bjarnleifur.
horfðu heim eftir Thomas
Wolfe. Allt voru þetta góð verk
þó þau séu öll með ólíku sniði.
Einnig hafði ég mjög gaman af
þáttunum um gömlu leikarana,
er voru fluttir fyrr i vetur, en
þeirnefndust Þau stóðu í sviðs-
ljósinu . Alla þessa gömlu leik-
ara sá maður svo oft á leiksviði
og hlýddi á þá i útvarpinu.
Nú fyrir skömmu byrjaði út-
varpið á framhaldsleikriti um
ævi og starf Jesú Krists og
munu það verða alls 12 þættir
eftir því sem sagt hefur verið
frá í blöðunum. Þessir þættir
virðast vera mjög vel fluttir og
fróðlegir og verður gaman að
fylgjast nteð þeim. Hafi útvarp-
ið þökk fyrir góð leikrit.
Sigrún Björnsdóttir.
Hvort vildiröu
frekareiga
jeppaeöa
fólksbíl?
Jóhannes Agústsson: Ég vildi
eiga fólksbíi, helzt Mazda 929.
Mér lízt nú ekkert á bíla, eins og
Bronco, þeir eru alltaf aó velta,
það er allt of stutt á milli
hjólanna.
Herbert Guðmundson:
Jeppa og hann yrði þá að komast
um allar trissur.
Guðmundur Eyjólfssoir: Eg
mundi helzt vilja eiga Benz,
hann (er allra beztur.
Stefán Jónsson: Eg mundi hafa
það fólksbíl, reyndar er ég þegar
búinn að velja og fékk mér
Mazda.
Jón Þorgeir Guðmundsson: Ég
mundi fá mér Volkswagen og
mundi ekki hugsa mig um tvisvar.
Helgi Hrafnkelsson: Eg vildi
helzt jeppa, enda á ég heima úti á
landi og þar eru vegirnir þannig
að maður kemst ekki langt á
fólksbíl.