Dagblaðið - 03.02.1978, Blaðsíða 4

4
DAGBLAÐIÐ. FÖSTUDAGUfi 3. J’EBRÚAR 1978.
— ný reglugerð um brunavarnir væntanleg
með vorinu
Gert að skyldu
að hafa slökkvi-
tæki f blokkum
„Það er náttúrlega lágmarks-
krafa að menn hafi einhver
slökkvitæki á heimilum sínum.
Með nýrri reglugerð um bruna-
varnir, sem væntanlega verður
sett með vorinu, verður gert að
skyldu að hafa slökkvitæki í
fjölbýlishúsum,“ sagði Bárður
Daníelsson, brunamálastjóri
ríkisins, í samtali við frétta-
mann blaðsins vegna hinna tíðu
húsbruna, sem orðið hafa í
Breiðholtshverfum að undan-
förnu.
Það vakti athygli þegar
kviknaði í íbúóinni í Gaukshól-
um 2 í síðustu viku, að þar á
göngum voru engin slökkvi-
tæki.
Bárður sagði að raunar væri
það ákvæði í lögum um bruna-
varnir og brunamál frá 1949, að
húseiganda sé skylt að hafa við-
hlítandi brunavarnir í húsi
sínu. „Það er mjög algengt úti á
landsbyggðinni, að slökkvitæki
séu fyrir hendi í húsum," sagði
Bárður, „enda hafa þau fengizt
þar með mjög góðum kjörum
frá tryggingafélögunum. Með
nýju reglugerðinni verður
þetta skylda í fjölbýlishúSum í
Reykjavík og annars staðar. Sú
reglugerð bíður nú afgreiðslu í
félagsmálaráðuneytinu, en lög-
boðnar umsagnir ýmissa aðila
um reglugerðina eiga að vera
komnar fyrir 1. marz.“
Um brunavarnir og eld-
varnareftirlit af opinberi hálfu
í Reykjavík sagði Bárður
Daníelsson, að eldvarnaeftirlit-
inu væri ekki skylt að skoða
íbúðarhúsnæði, nema þar væri
olíukynding og þá væri því
aðeins ætlað að fylgjast með
ráðstöfunum í kyndiklefum,
sem hverfandi lítið er orðið af í
Reykjavík.
-ÖV
Ifr
Slökkviliðið á góð tæki til
slökkvistarfa við háhýsi og til
björgunar fólks. af svölum
húsa.
„Samningsfrelsi gildir líka
um húsaleigusamninga”
— segir Húseigendafélagið
Dómur Hæstaréttar um lög-
mæti verðtryggingar á fjárskuld-
bindingum hefur þegar haft víð-
tækari áhrif en til túlkunar á vísi-
töluákvæðum í samningum um
fasteignaviðskipti. Dómur þessi
var kveðinn upp hinn 12. janúar
sl. eins og Dagblaðið hefur þegar
skýrt frá.
Nú telur Húseigendafélag
Reykjavíkur, að dóminn megi
túlka þannig, að hér eftir sé hús-
eigendum heimilt að setja ákvæði
um vísitölubindingu á húsaleigu í
sámninga. Sá fyrirvari er þó
gerður á þessum skilningi, að
húsaleiga virðist háð verð-
stöðvunarlögum. Sé því ekki
sjálfskrafa heimilt að hækka
húsaleigu í samræmi við vísitölu
strax og hún hefur verið reiknuð
út. Hins vegar verði vísitölu-
ákvæði gildandi þegar Verðlags-
nefnd hefur gefið grænt ljós. Það
gerir hún á þann hátt, að hún
auglýsir, að hún láti óátalið að
hækka leigu í samræmi við vísi-
töluhækkun ákveðins tímabils.
Tilkynning Verðlagsnefndar er
þó venjulega með þeim fyrirvara,
að húsaleiga hafi ekki verið
hækkuð með öðrum hætti á þvi
tímabili, sem um ræðir. BS
Landkynning í London:
„More Than Meets the Naked Eye”
Þessa dagana er verið að vinna
að undirbúningi á opnun farand-
sýningar á litmyndum eftir Gunn-
ar Hannesson ljósmyndara í Lon-
don. Sýningin er á vegum Ferða-
málaráðs og Flugleiða. Á henni
eru fjörutíu og sex myndir, eins
konar úrval úr sýningunni sem
haldin var á verkum Gunnars
heitins á Kjarvalsstöðum. Sýning-
in heitir More than meets the
Naked Eye.
„Þetta er fyrsta sýningin sem
haldin er á okkar vegum erlendis.
Okkur fannst viðeigandi að
heiðra minningu ágætis ljós-
myndara sem unnið hefur prýði-
legt landkynningarstarf með ljós-
myndum sínum,“ sagði Heimir
Hannesson formaður Ferðamála-
ráðs í samtali við DB.
Á sýninguna verða kallaðir til.
forystumenn bæði Flugleiða og
aðrir og gerð áætlun um sýning-
una í fleiri borgum Evrópu."
- A.Bj.
Leitandi auga á
öllum borðum
meistaranna
Það verður að líkindum glæsi-
legur bragur yfir Reykjavjkur-
mótinu í skák, sem hefst á Loft-
leiðahótelinu siðdegis á laugar-
dag. Auk óvenjulegs leiktíma
fyrir skákmenn, sem m.a. hefur í
för með sér tvær „tímapressur" á
vénjulegum skáktíma þ.e. eftir 90
mínútur og aftur eftir 150 mín. sé
skák ekki lokið, þá er mikið gert
þarna fyrir væntanlega' áhorf-
endur.
Skákskýringar verða í ráð-
stefnusalnum og sjónvarpað um
alla ganga. Sýnd verður „skák
kvöldsins" á hverju kvöldi og má
víða fylgjast með henni og ræða
um hugsanlegan framgang í
henni á sjónvarpsborðum.
En nýlunda verður að sérstak-
ur ,,skanner“ eða það sem Högni
Torfason varaform, skáksam-
bandsins hefur skýrt „skyggnir"
fylgist með skákmönnunum við
taflborðin. Sé einhvers staðar
eitthvað spennandi að gerast á
einhverju keppnisborði, getur
„skyggnirinn" flutt þá atburðarás
fram í sali til áhorfenda sem vilja
ræða saraan og fjalla um málin.
„Skyggnirinn" verður nú í fyrsta
sinn notaður í þessum efnum á
skákmóti hér. Eftir því sem hon-
um er lýst ætti hann að bæta mjög
aðstöðu áhorfenda. og hefur þó
ýmislegt nýstárlegt verið gert í
þeim efnum á fyrri mótum.
ASt.
Atvinnuleysi á Akureyri minna
en nokkrusinnifyrr
Akurevringar geta nú glaðzt
yfir því, að atvinnuleysl meðal
þeirra hefur ekki verið eins lítið
og nú í fjölda ára. Á síðasta ári
voru samt greiddir 2647 atvinnu-
leysisdagar og þykir það eflaust
nokkuð mikið. En miðað við að
árið 1969 voru samsvarandi dagar
49.500 sést að ástandið hefur
batnað mjög mikið. Á sama tíma
hefur fólkinu fjölgað þannig að
störfum hlýtur að hafa fjölgað
meira en þessar tölur bera með
sér. - DS
A ÆFINGU I ÍÞRÓTTAHÚSINU
— Haukamenn höguðu sínum málum í samræmi við þarfir okkar, segir Björgvin Halldórsson.
Síðan þessi mynd var tekin hafa orðið hljómborðsleikaraskipti í Brimkló. DB-mynd: Ragnar Th.
BRIMKLÓARTÍÐ í SIGTÚNI
Reykjavíkurhljómsveitunum
fjölgar um eina í dag, er Brimkló
tekur til starfa að nýju. Hún
leikur á sínum fyrsta dansleik í
kvöld í veitingahúsinu Sigtúni.
Þar verður hún einnig á morgun
og á föstudögum og laugardögum
næstu vikur og mánuði.
„Lagavalið hjá okkur er
blandað, svo sem helmingur lög af
plötunum okkar og helmingur er-
lendur,“ sagði Björgvin Halldórs-
son söngvari Brimklóar, er DB
ræddi við hann í gær. „Þegar
fram líða stundir eiga gestir Sig-
túns einnig von á að heyra eitt og
eitt nýtt lag eftir okkur, því að við
ætlum að taka upp nýja plötu
áður en langt um líður.“
Starfandi hljómsveitum sunn-
anlands hefur farið fækkandi að
und'anförnu og því fagnaðarefni
að ein gömul/ný skuli bætast i
hópinn. — Frá því að æfingar
hófust hjá Brimkló fyrir nokkr-
um vikum hefur ein breyting
orðið á liðsskipan. Guðmundur
Benediktsson hefur leyst Pétur
Hjaltested af hólmi. Björgvin var
inntur eftir þeirri breytingu.
„Það kom upp smá misskiln-
ingur hjá okkur, sem leystist far-
sællega með þessum mannaskipt-
um,“ svaraði hann. „Sömuleiðis
áttum við í nokkrum erfiðleikum
vegna hljóðfæra. Okkur vantaði
píanóleikara í hljómsveitina, en
pétur er fyrst og fremst orgelleik-
ari.“
Björgvin Halldórsson bað að
lokum að skila beztu kveðjum og
þakklæti frá Brimklóarmönnum
til íþróttafélagsins Hauka í
Hafnarfirði.
„Þeir lánuðu okkur fundarsal-
inn í nýuppgerðu íþróttahúsi sínu
til æfinga og höguðu síðan starf-
seminni alveg í samræmi við þarf-
ir okkar,“ sagði Björgvin.
„Aðstaðan var eins og bezt verður
á kosið og við erum stútfullir af
þakklæti til Haukanna fyrir alla
hjálpina. Eg óska þeim að lokum
til hamingju með íþróttahúsið,
sem er til sóma og á eftir að verða
starfseminni mikil lyftistöng.“
- ÁT -