Dagblaðið - 26.05.1978, Qupperneq 15

DAGBLAÐIÐ. FÖSTUDAGUR 26. MAÍ1978.
15
ÍHALDK) TALAR UM BORGAR-
FRAMKVÆMDIR EINS OG ÞEIR
STJÓRNIDÝRAGARÐI
— rætt við fjórða mann á lista Alþýðubandalagsins, Guðrúnu Helgadóttur
„Það er barizt um öll málefni í þess-
um kosningum,” sagði Guðrún Helga-
dóttir deildarstjóri sem skipar fjórða
sætið á lista Alþýðubandalagsins við
kosningarnar á sunnudaginn. „Stefna
sjálfstæðismanna er gjörsamlega and
stæð stefnu Alþýðubandalagsins. Við
viljum reka samfélagið á félagslegum
grunni með hag allra fyrir augum. Sjálf-
stæðismenn vilja reka borgina með hag
sumrafyriraugum.”
Guðrún sagðist vera í framboði vegna
þess að dagleg störf hennar hefðu sýnt
henni hversu margir ibúar Reykjavikur
búi við bág kjör. Það væri tilgangslaust
að senda sér skrautbæklinga, hún þekkti
kjör þessa fólks sem hvorki ætti þak yfir
höfuðið né sómasamlegt lífsviðurværi.
„Eg veit lika,” sagði Guðrún „aó þótt
einhverjar úrbætur fáist samþykktar í
borgarstjóm þá leggur steinrunnið
borgarkerfi sína dauðu hönd á fram-
kvæmd þeirra. Sem embættismaður
rikiskerfisins, sem er sami ^rautur i
sömu skál, fæ ég engu breýtt. Eina
lausnin er pólitískt vald. Þess vegna
þurfum við alþýðubandalagsmenn fleiri
borgarfulltrúa.”
Hún sagðist telja endurreisn atvinnu-
lífsins í Reykjavík brýnasta verkeTni
væntanlegrar borgarstjórnar. „Reykja-
vík á að verða borg, sem byggir
afkomu sína á framleiðslu verðmæta
undir stjórn og í eigu borgaranna sjálfra,
en ekki eitt allsherjar skrifstofubákn,”
sagði Guðrún.
„Hvað hefur farið bezt í málefnum
borgarinnar á síðasta kjörtimabili?”
„Það er venjan að skila einhverju
verkefni rétt fyrir kosningar,” sagði
Guðrún. „Að þessu sinni ber að fagna
hinu nýja húsi fyrir aldraða i Furugerði,
þó að það leysi aðeins lítinn hluta vand-
ans. Auk þess má deila um þá lausn að
heilu blokkirnar séu eingöngu byggðar
öldruðum. En þarna fengu nokkrir tugir
aldraðra lausn á húsnæðisvanda sínum.”
„En hvað hefur tekizt verst?”
„Það sem máli skiptir er að algjört
skipulagsleysi ríkir í borgarmálum vegna
þess að hugsjónina að baki verkanna
vantar. Borgarfulltrúar íhaldsins tala
um borgarframkvæmdir eins og þeir
stjórni dýragarði. Við alþýðubandalags-
menn ætlum að vinna að borgarmálum
með íbúum Reykjavjkur og fyrir þá ef
við fáum umboð þeirra. Frambjóðendur
okkar eru reykvískir launamenn en ekki
sérhagsmunaklíka borgarkerfisins. En
kjósendur ráða hvorn hópinn þeir vilja
láta fara með sín mál.”
Guðrún var heldur rög að spá um úr-
Guðrún Helgadóttir: Alþýöubandalagið vill vinna fyrir alla, sjálfstæðismenn aðeins
fyrir suma. DB-mynd: Hörður.
slit kosninganna. „Persónulega hef ég kjósa öðru vísi núna en síðast. En hver
þó ekki mikla trú á að við náum fjórða veit?”
manninum inn. Til þess þurfa margir að - ÓV
FLOTTINN UR BORGINNI
VERÐISTÖDVAÐUR MEÐ
STÓRHUGA UPPBYGGINGU
ATVINNUMÁLA
„Ég mun beita mér af alefli til þess að
stöðva þá óheillaþróun sem átt hefur sér
stað i atvinnu- og húsnæðismálum
borgarinnar,” sagði Björgvin Guð-
mundsson í viðtali við fréttamann DB.
Hann bætti við: „Þróun atvinnumála að
undanfömu hefur einkennzt af miklum
samdrætti í framleiðslugreinum. Mikill
fjöldi fyrirtækja hefur flúið borgina og
setzt að í nágrannasveitarfélögum.”
Fréttamaður spurði hann hvernig
hann ætlaði að vinna að bættu ástandi i
þessum málum.
„Alþýðuflokkurinn telur nauðsynlegt
að borgin hafi frumkvæði að stórhuga
uppbyggingu atvinnumála. Borgin á t.d.
að laða til samstarfs allar hinar stóru
stálsmiðjur i borginni og fá þær til þess
að stofna nýtt fyrirtæki um skipasmíðar.
Kemur vel til greina að borgin leggi fjár-
magn í slíkt fyrirtæki,” sagði Björgvin.
„Samhliða þarf að stórbæta aðstöðu
til skipaviðgerða. Þar er eitt brýnasta
verkefnið að borgin kaupi ásamt Slipp-
félaginu skipalyftu sem getur tekið upp
öll stærstu kaupskip Islendinga þannig
að ekki þurfi að senda þau utan til við-
gerða. Jafnframt þarf að efla Bæjarút-
gerð Reykjavikur og bæta aðstöðu
einkaaðila í útgerð,” sagði Björgvin.
Hvað með húsnæðismálin?
„í húsnæðismálum og raunar skipu-
lagsmálum líka hefur hin slæma þróun
stefnt í þá átt að gömlu íbúðahverfin
hafa verið að tæmast en borgin þanizt
út. Skólar standa hálftómir í gömlu
hverfunum en mikill skortur er á skólum
I hinum nýrri.
Þá þarf að auðvelda ungu fólki ao
kaupa íbúðir í gömlu hverfunum. Til
þess þarf m.a. að hækka lán til kaupa á
þeim. Auk þess er það stefnumál að
borgin byggi leiguíbúðir fyrir ungt fólk
sem er að byrja búskap.
Ég legg mikla áherzlu á að borgin
byggi litil en hlýleg hjúkrunar- og
dvalarheimili fyrir aldraða.
Þetta er aðeins þáttur i nauðsynlegri
aðstoð við aldraða. Fólki verður að auð-
velda að búa sem lengst í heimahúsum
með heimilisaðstoð sem borgin veitir.
Auk heimilisaðstoðarinnar á að taka
upp matarsendingar til aldraðra i heima-
húsum."
Nú fer að styttast í lokaorð, ef einhver
væru.
„Af mörgu er að taka,” sagði Björg-
vin, „en að lokum kýs ég þó að nefna að
ég tel sjálfsagt að fella algerlega niður
fasteignagjöld af húsnæði ellilifeyris-
þega, að minnsta kosti þeirra sem eiga
aðeins eina íbúð," sagði Björgvin Guð-
mundsson.
HÖFUÐATRIÐIKOSNINGANNA
AÐ RÝRA VALD
SJÁLFSTÆÐISFLOKKSINS
— segir Adda Bára Sigfúsdóttir sem skipar2. sætið á G-lista
„Mér er það efst í huga að óskorað
vald Sjálfstæðisflokksins yfir Reykjavík
og Reykvíkingum er styrkasta stoðin
undir veldi þess flokks sem er höfuðand-
stæðingur okkar sósialista og um leið
það vald sem verkalýðshreyfingin mætir
þegar hún sækir eða ver hagsmuni
félaga sinna,” sagði Adda Bára Sigfús-
dóttir sem skipar 2. sætið á G-listanum.
„Höfuðatriðið i borgarstjórnarkosn-
ingunum nú er aö rýra þetta vald. Það
auðveldar ekki aðeins kjarabaráttuna
nú, heldur einnig nauðsynlega nýsköpun
atvinnulífsins i borginni.”
Adda Bára kvaðst leggja áherzlu á að
skipuleg uppbygging undir forystu
borgarstjómar kæmi í stað skipulags-
leysis og sóunar sem af því leiðir. Starfs-
menn eiga að taka beinan þátt í upp-
byggingu og daglegri stjórn fyrirtækja.
Atvinnuástand er ekki gott fyrr en allir
geta fengið sómasamlega borgaöa vinnu
í samræmi við getu, einnig þeir sem
vegna aldurs eða fötlunar standa höllum
fæti á vinnumarkaði. „Þeir eiga rétt til
vinnu eins og aðrir en frammistaða
borgarstjórnar I vinnumálum þessa fólks
hefur verið til skammar, svo ekki sé
minnzt á að ekkert hefur verið gert til að
auðvelda hreyfihömluðum að ferðast
um borgina.”
Adda Bára kvað mikið fé þurfa til
nauðsynlegrar félagslegrar þjónustu.
Þess vegna m.a. kvaðst-hún lita aðal-
skipulagið sem ætlunin er að vinna eftir
á næstu árum óhýru auga. Kvað hún
það skipulag eiga eftir að gleypa ótalda
milljarða í umferðarmannvirki sem
komast hefði mátt hjá ef það hefði verið
látið ráða að auka fremur ibúðabyggð en
atvinnuhúsnæði i gamla bænum og
minnka þörf á mannflutningum þangað.
Adda Bára hefur í meira en 20 ár
reynt að hafa áhrif á þróun dagvistar-
mála í borginni og segir: „Ég læt ekki þá
menn sem ekki horfa í peninginn, þegar
um skipulag er að ræða, segja mér að
ekki sé hægt að ætlast til að meiru fé sé
eytt i dagvistarstofnanir fyrir böm en
gert hefur verið og það kosti of mikið
að gefa skólabörnum kost á máltíð I skól-
anum. Sjálfstæðismenn telja það enn
fullgott framtiðarmarkmið að fullnægja
þörf þeirra, sem þeir af furðulegu smekk-
leysi kalla forgangshópa, þegar rætt er
um dagvistarmál. Þetta sýnir algeran
skilningsskort á uppeldisaðstæöum í nú-
timaborg. Það þarf nýjan meirihluta til
að það fáist viðurkennt í Reykjavík að
dagvistarstofnanir séu sjálfsögð lýðrétt-
indi barna og foreldra,” sagði Adda
Bára.
„AðaLskipulagið er of dýrt á kostnað margra annarra málaflokka,” segir Adda Bára
Sigfúsdóttir.
—DB-mynd: Hörður
Sjá framhald á bls. 22 og23
•ASL