Dagblaðið - 02.09.1978, Blaðsíða 13

DAGBLAÐIÐ. LAUGARDAGUR 2. SEPTEMBER 1978
*'"■ ' —...................
Chevrolet Camaro 350 Super Sport kynntur:
Átti lengstu
hjólförin
á Akureyri
Einar Egilsson keypti Camaroinn frá Akureyri. Áður hafði billinn meðal annars
haft viðkomu á ísafirði.
Til að komast i tæri við næsta kvart-
mílubil. sem kynntur er á siðum Dag-
blaðsins, urðum við að leggja leið
okkar i Kópavoginn og leita nppi
mann að nafni Einar Egilsson. Einar
er blikksmiður að mennt og starfar h.iá
blikksmiðjunni Vogi. Ekki varætlunin
að fá að sjá hversu Einar er fær með
blikkklippumar heldur að kynnast bíl
hans, sem fullu nafni nefnist Chevro-
let Camaro 350 Super Sport. Hann er
smíðaður árið 1967 og mun eini SS
Afturdekkin á Camaronum eru jafnbreið og ein blaðsiða i Dagblaðinu.
Camaroinn af þeirri árgerð hér á landi.
Chevroletverksmiðjurnar smíðuðu
fyrst Camaro bila árið 1966. Þeim var
ætlað það hlutverk að keppa við
Ford Mustanginn sem naut þá mikilla
vinsælda i Bandarikjunum. Enda þótt
Camaroinn seldist ekki eins vel og
Mustang naut hann mikilla vinsælda.
Ef flett er upp i gömlum bílablöðum
kemur i ljós að Camaroinn hefur
fengið mikið lof, einkum fyrir snerpu
og frábæra aksturseiginleika. — Orðið
Camaro er komið úr frönsku og
merkir félagi eða vinur.
Árið 1967 var hægt að panta
Chevrolet Camaro með sjö mismun-
andi vélum og níu girkössum. Þannig
var hægt að fá samtals nitján mismun-
andi samsetningar. Vélarnarsem fáan-
legar voru voru allt frá 230 kúbika 6
cyl. línuvél upp i 396 kúbika big block
V-8 vélina sem skráð er 325 hestöfl
standard. Auk þess var hægt að fá hás-
ingar með mismunandi drifhlutföllum
og mismunadrifum.
Bezti spólarinn
Einar Egilsson keypti Camaroinn
sinn seinni hluta vetrar 1975 og hefur
átt hann síðan. Ekki vitum við með
hvaða hætti bifreiðin kom til landsins
en hún var lengi á Akureyri og ísafirði
áðuren hún hafnaði i Kópavoginum.
Hér áður fyrr var það bezta
skemmtan Akureyringa að spóla upp
gilið við kirkjuna. Sá bill þótti kraft-
mestur sem gat spólað lengst. Voru
spólförin siðan mæld nákvæmlega og
merkt við hversu hátt hver bíll spólaði.
Lengi vel átti Camaróinn lengstu förin
og tóku þeir norðanmenn sig til og
máluðu spólförin svo að þau sæjust
sem lengst.
Tækniatriði
Vélin i bil Einars er 350 kúbik-
lommur að rúmmáli. Ofan á henni er
Weiand X-elerator soggrein með 640
cfm. Holley blöndungi. Knastásinn er
300 gráðu heitur með 0.455 tommu
lyftihæð. (Hlutverk knastássins er að
opna ventlana á réttum tíma. Tímabil
ássins gefur til kynna hversu lengi
ventillinn er opinn og er sá timi
mældur í gráðum. Miðað er við snún-
ing sveifarássins en hann snýst tvo
hringi, 720 gráður, meðan knastásinn
snýst einn hring, 360gráður. Lyftihæð
knastássins segir til um hversu hátt
ventillinn lyftist úr sæti sinul.
InnsogsventlarCamarosinseru 1.94
tommur en útblástursventlarnir 1.50
tommur. í vélinni eru Chevrolet
stimplar og stimpilhringir. Þjöppuhlut-
fall stimplanna er 10.5:1. Borvidd
vélarinnar er fjórar tommur en slag-
lengdin er 3.48 tommur. Heavy duty
oliudæla sér um að halda Federal
Mogul legunum vel smurðum.
Kveikjan er tveggja platínu Mallory
meðkveikjumagnara.
Aftan á vélinni er fjögurra gíra
Munice girkassi með Hurst skipti.
Undir bílnum að aftan er tólf bolta
Chevrolet hásing með Positraction
læsingu og 3.73:1 drifhlutfalli.
Spyrnubúkkan:: á hásipgunni smiðaði
Einar sjálfur. Felgurnar undir
Camarónum eru frá Appliance og eru
dekkin á þeim 25 cm að breidd eða
jafn breið og ein blaðsiða í Dagblað-
inu.
Jóhann A. Kristjánsson.
Velheppnuð sandspy mukeppni á Akureyri:
Einn keppandi kom hlaupandi í mark
Sunnudaginn 27. ágúst siðastliðinn
hélt Bílaklúbbur Akureyrar sand-
spyrnukeppni við Dalvik. Þrátt fyrir
mjög erfiðar aðstæður tókst þessi
keppni mjög vel, en það má' þakka
dugnaði félaga Bílaklúbbsins sem
lögðu á sig mikla vinnu til að gera
þessa keppni að veruleika. Svo sem
fyrr sagði voru aðstæður erfiðar.
Sandurinn sem keppt var á var mjög
fínn og laus i sér. Enda þótt búið
væri að hefla keppnissvæðið, þjappa
það með víbrator og dæla vatni yfir
það i heilan sólarhring áttu keppnis-
bílarnir erfitt með að athafna sig.
Festust þeir hvað eftir annað og þurfti
til dæmis að draga fólksbilana til baka
eftir spyrnurnar þar sem þeir komust
það ekki af eigin rammleik. Þrátt fyrir
þessa erfiðleika skemmtu áhorfendur
og keppendur sér konunglega og áttu
lifandi lýsingar Steindórs Steindórs-
sonar ekki hvað minnstan þátt í því.
Þá vakti það mikla kátínu er einn
keppandinn festi bilinn i miðri
brautinni og hljóp út i enda til að
stoppa tímaklukkurnar.
Alls kepptu fimmtán farartæki í
keppninni og skiptust þau þannig að
jepparnir voru fimm, fólksbílarnir sex
og mótorhjólin fjögur. 1 jeppa-
flokknum sigraði Benedikt Eyjólfsson
en hann keppti á Willys með 428
kúbika Pontiac vél. Bezti timi Bene-
dikts var 7.07 sek. Benedikt varð fyrir
því óhappi i síðustu spyrnu sinni að
brjóta mismunadrifið i aftur-
hásingunni.
í öðru sæti varð Sigurður Baldvins-
son á Willys með327 Chevrolet vél.
Timi Sigurðar var 7.91 sek.þriðji varð
Haukur Jóhannsson á Bronco með
302 kúbika vél, tími Hauks var 8.22
sek.
í fólksbilaflokki sigraði Þórir
Tryggvason a Chevrolet Pick-up með
283 kúbika vél. Tími hans var 9.64
sek. Annar var Jóhann Kristjánsson á
Ford Mustang með 400 lúbika
Chevrolet vél. Tími Jóhanns var 9.91
sek. I þriðja sæti varð Steindór
Steindórsson á Dodge Dart GT með
273 kúbika vél. Timi Steindórs var
12.47 sek.
Að sögn Páls Kristjánssonar for-
manns bílaklúbbsins eru þeir bíla-
klúbbsmenn ánægðir með þessa fyrstu
sandspyrnukeppni sína og eru þeir
farnir að skipuleggja torfærukeppni
sem þeir hyggjast halda síðar með
haustinu. Ef að likum lætur mun sú
keppni vera skemmtileg en þeir félagar
hafa sýnt og sannað, með þessari sand-
spyrnukeppni og bilasýningum að þeir
eru fullfærir um að halda góðar
keppnir. -JAK.
Í m itorhjóluflokki sigraði Heiðar Jóhannsson en hann kcpptí á, hvorki meira
né minna en 1000 kúbiksentimetra Kawasaki hjóli. Heiðar náði bezta tima
kcppninnar 6.80 sekúndum. Var Heiðar með jámskófl r hlekkjaðar við aftur-
dekkin og náði Kawinn -góðu mipi i lausum sandinum. I öðru sætí varð Valgeir
Guðmundsson á Yamaha 1T 360. Timi hans var 8.13 sek. I þriðja sæti var Stefán
Finnbogason á Yamaha TT 360. Timi Stettns var 8.29 sek.
Þeir Sigurður Baldvinsson á 327 kúbika Willys og Haukur Jóhannsson á 302 kúbika Bronco kepptu um annað sætið i
jeppaflokkinum. Sigurður sigraði á 7.91 sek. gegn8.22. DB-mynd: Jóhann Kristjánsson.
Texti:
JóhannA.
Krístjánsson
Myndir:
RagnarTh.
Sigurðsson
Ragnar Ragnarsson notaði tækifærið
milli spyrna að sprauta vatni á start-
svæði hrautarinnar. Búið var að
sprauta vatni á brautina stanziaust F
heilan sólarhring til að bæta ástand
hennar. DB-mynd: Jóhann Kristjáns-
sotr.