Dagblaðið - 01.08.1979, Blaðsíða 9

DAGBLAÐIÐ. MIÐVIKUDAGUR 1. ÁGÚST 1979.
9
Skiptar skoðanir í Noregi um Jan Mayen-málið:
„SENDUM HERSKIP TIL AÐ
VERIA NORSKA FLOTANN"
—segir talsmaður Miðf lokksins—Aðrir viija fara hægar í sakimar
Frá Sigurjóni Jóhannssyni, frétta-
ritara DB í Osló:
Norsku blöðin eru öll með Jan
Mayen-málið á forsíðum i gær.
„Förum í loðnustríð við ísland!” er
haft eftir skipstjóranum Per Sævik i
Verdens Gang, en hann er formaður
í samtökum útvegsmanna. Hann
segist gáttaður á hinni gætnu og hik-
andi stefnu stjórnvalda í þessu máli
og vili taka miklu harðari afstöðu
gegn íslandi. Hann segir: „Þar sem
stjórnvöld virðast ekki vilja vernda
norska hagsmuni þýðir það í raun að
við látum íslendingum eftir alla um-
sjón með svæðinu. Þetta er ekki hægt
að fallast á og bara tímaspursmál hve
lengi það getur gengið svona. Við
höfum misst loðnusvæðin í Barents-
hafi og á hverju eigum við að lifa nú?
Við getum a.m.k. ekki lifað af stanz-
lausa eftirgjöf stjórnvalda gagnvart
öðrum þjóðum.” Hann segir enn-
fremur að norskir skipstjórar ættu að
láta miðlínu og gráa svæðið ráða, en
viðurkennir að enginn útgerðar-
maður hafi ráð á því að missa afla og
veiðarfæri i hendur íslendinga.
Nationen á viðtal við skipstjóra á
hinu umdeilda svæði og kemur þar
fram að þeir vita að engrar aðstoðar
er að vænta frá norskum stjórn-
völdum ef þeir fara inn á hið um-
deilda svæði. „Eins og ástandið er
núna er ekki um annað að ræða en
bíða fyrir utan og vonast eftir að
loðna syndi yfir til okkar,” segir einn
þeirra.
Stefnir í loðnustríð
Blaðið hefur eftir stjórnarmanni t
samtökum útvegsmanna að nú séu
70—80 (60—70 samkvæmt
heimildum DB) skip á leið til loðnu-
veiðanna og þegar þau verði komin á
svæðið verði allt erfiðara viðfangs.
„Það stefnir í loðnustrið og við mun-
um i dag hafa samband við stjórn-
völd og krefjast þess að ríkisstjórnin
bæti það tap sem norskir útgerðar-
menn kunna að verða fyrir ef íslenzk
varðskip hefja aðgerðir á svæðinu.”
Morgenbladet bendir á að
íslendingar séu kannski ekki bara að
hugsa um fisk á þessu svæði heldur
kunni hugsanleg vinnsla á olíu og
gasi að vera með í spilinu.
Allur flotinn
sigli samtímis
inn á svæðið
Aftenposten hefur skrifað mikið
um þessa deilu. Fréttaritari þess i
Reykjavik hefur eftir Ólafi Jóhannes-
syni að ekki verði um neinar til-
slakanir að ræða af íslands hálfu þar
sem íslendingar verði þarna, eins og
annars staðar innan 200 milna
markanna, að fara eftir íslenzkum
lögum og reglugerðum.
Aftenposten hefur eftir einum
skipstjóra á svæðinu að þeir búist
enn við komu færeyskra og brezkra
loðnuveiðiskipa og segja að sovézkur
hringnótabátur hafi njósnað um þá
lengi.
Þá segir blaðið að nokkrir skip-
stjórar hafi slegið fram þeirri hug-
mynd að allur norski flotinn sigli
samtímis inn á gráa svæðið undir
kjörorðinu „Einn fyrir alla, allir fyrir
einn!" og þá eigi islenzku varskipin
sennilega mjög erfitt verkefni fyrir
höndum.
Dagbladet notar stundum orðið
„hafimperíalismi” um stefnu
norskra stjórnvalda í Jan Mayen-
málinu. Blaðið bendir á að helztu
talsmenn Verkamannaflokksins og
Hægri flokksins vilji fara hægt í
sakirnar en Miðflokkurinn sem cr i
stjórnarandstöðu og sárvanti fieiri at-
kvæði í næstu sveitastjórnar-
kosningum vilji harðari afstöðu gegn
íslendingum. Einn talsmanna Mið-
flokksins Kare Rönning krefst þess
að herskip verði send til að verja
norska flotann.
Dagbladel hrósar i leiðara afstöðu
Ermund Eian, fulltrúa Hægri
fiokksins i fiskveiðinefnd þingsins,
cn hann bendir á að þar sem Noregur
hafi ekki fært út í 200 mílur við Jan
Mayen vcrði norski flotinn að halda
sig utan við gráa svæðið. Annað sé
ekki rökrétt.
-GM.
»
„Það stefnir í luðnustrið," cr haft
eftir stjórnarmanni í samtökum
norskra útvegsmanna. Skyldu slíkar
senur eiga eftir að sjást milli hræðra-
þjóðanna Noregs og ísiands, eins og
sáust í þorskastríði Breta og ís-
lendinga?
Ársskýrsla Búnaðarbankans:
VÖNDUÐ EN LÍK-
LEGA N0KKUÐ DÝR
—skýrslan f ögrum litmyndum skreytt f auglýsingaskyni
að sögn aðstoðarbankast jóra
Búnaðarbanki íslands hefur sent frá
sér i 3000 eintökum ársskýrslu bankans
fyrir árið 1978. Það vekur athygli hve
mikið er lagt í skýrsluna þetta árið, þar
scm notaður er dýr myndapappír, auk
þess sem litmyndir prýða nokkrar
siður í bókinni.
Jón Adólf Guðjónsson, aðstoðar-
bankastjóri í Búnaðarbankanum, sagði
það rétt vera, að ársskýrslan í ár væri
vandaðri en nokkru sinni fyrr. Stafaði
það m.a. af því að dregið hefði verið úr
auglýsingum bankans og hefði því
verið ákveðið að skýrslan yrði notuð í
auglýsingaskyni jafnt sem kynningu.
Litmyndirnar i bókinni eru af lista-
verkum sem bankinn hal'ði kevpt, en að
sögn Jónsgerir bankinn mikiðaðþvi að
sinna listaverkum.
Ársskýrslan er send til viðskiptavina
bankans úti á landi, banka, rikis-
stofnana og banka erlendis sem
bankinn hefur viðskipti við.
Jón var spurður hvað ársskýrslan
hefði kostað bankann. Ekki hafði hann
svar við þvi en sagði að hvað sem öðru
liði myndi sá kostnaður borga sig.
DB lék forvitni á að vita hver
kostnaður hafi verið og þar sem ekki
var hægt að fá það uppgefið hjá Jóni
var leitað upplýsinga hjá prent-
smiðjum. Þær sögðu að slík bók
kostaði ekki undir 2000 kr. samkvæmt
taxta. Það hefur því e.t.v. verið nálægt
sex milljónum, scm Búnaðarbankinn
hefur greitt fyrir sín þrjú þúsund ein-
tök. " -F.I.A.
Mest flutt inn af
japönskum smábflum
—a fyrstu sex mánuðum ársins, en Rússinn fylgir fast á eftir
Það heyrir til liðinni tið að
Volkswagen-bjallan sé vinsælasti smá-
bíll hér á landi, en á sínum tíma voru
fluttir inn yl'ir tólf hundruð slíkar bif-
reiðar á einu ári.
Á fyrstu sex mánuðum þessa árs var
mest fiutt inn af japönskum bifreiðum
eða 896. Hér á landi eru nú 8 tegundir
af japönskum smábílum og i 22 út-
gáfum,var mest flutt inn af Mazda eða
414 bifreiðar.
Sovézkir bílar fylgja fast á eftir
þeim japönsku mað 721 bifreið á sama
tima. Evrópskir og amerískir bílar
virðast því á undanhaldi hérlendis og
sömu sögu er að segja um flestar
tegundir af jeppum, en mjög hefur
dregið úr innfiutningi á þeim.
Þetta kcmur m.a. fram í skýrslu
Hagstofunnar um tollafgreiddar bif-
reiðar frá janúar til júní, en hún gildir
fyrir þann tíma sem niestu bensin-
hækkanirnar voru.
Ford má einnig munasinn fifil fegri.
Alls voru fluttir inn 236 Fordbílar á
fyrstu sex mánuðunum og eru þar af 97
af þeim Ford Fiesta sem fluttir eru inn
frá Spáni.
Frá Bandaríkjunum komu 499 bif-
reiðar af 5 tegundum en i 33 útgáfum.
Virðist þar vera um fækkun vissra
tegunda að ræða.
DB tók saman af hvaða tegundum
bifreiða var fiutt inn mest og er sovézka
Ladan þar í efsta sæti.
Lada........................721
Mazda.......................414
Volvo..........................300
Fiat...........................245
Ford...........................236
GM&Scout.......................233
Subaru.........................186
Trabant, Wartburg..............171
Chrysler.......................132
Volkswagen.....................103
Daihatsu........................92
Toyota..........................90
British Leyland.................84
American Motors.................75
Af öðruni tegundum bifreiða voru
flutt inn frá 50 og niður i 1 stk. Alls
voru fluttar inn á fyrstu sex mánuð-
um ársins30 tegundir af bifreiðum í 117
útgáfum.
-EI.A.
TIL SÖLU
BMW 2002 ARG. 1971
ALLUR SÉM NÝR
UPPLÝSINGAR í SÍMA 86633.
Létt göngutjöld
2ja, 3ja og 4ra manna frá ^^^JSPÐIIII
ÁÆTLUN
AKRABORGAR
Frú Akranesi:
Alladaga kl. 8.30, 11.30, 14.30 og 17.30.
Frú Reykjavík:
Alla daga kl. 10, 13,16 og 19.
Aukaferðir verða 2'., 3., 5. og 6. ágúst.
Síðasta ferð frá Akranesi er kl. 20.30 og frá
Reykjavík kl. 22. Afgreiðslan