Dagblaðið - 01.08.1979, Blaðsíða 15

DAGBLAÐIÐ. MIÐVIKUDAGUR 1. ÁGÚST 1979.
M
-
SSWJSsáSaWö*;-ív% :V qWKSía^*
Og þó. Hvorki meira né minna en tuttugu manns koma við sögu á plötunni, sem kemur á mark-
BJAKKIEINN Á FERÐ
ÁSGEIR
TÓMASSON
Nýhljómplata, EINNÁ FERÐ, ervæntanlegmeð Bjarka Tryggvasyni
America—SilentLetter
„Það eru tíu lög á plötunni, öll ís-
lenzk nema eitt, sem er gamalt Beach
Boyslag,” segir Bjarki. „Þetta eru
lög eftir Magga Kjartans, Jóa G,
strák frá Húsavík, sem kemur nú
fram með sín fyrstu lög — Hafþór
Helgason heitir hann. Svo eru þarna
lög eftir Magga Sigmunds, Jóa
Eiríks, Adda Sigurbjöms. Svo tek ég
Glókoll gamla í nýrri útsetningu.”
— Hvað hefur gerð plötunnar tek-
ið langan tíma?
„Ég byrjaði í janúar og tók þá upp
sex grunna. Síðan kom ég aftur í vor
og kláraði plötuna.”
Bjarki hefur ekki leikið með
hljómsveitum um langt skeið eða allt
frá því er hljómsveitin Mexíkó hætti
störfum um árið. Áður lék hann um
fimm ára' skeið með Hljómsveit Ingi-
mars Eydal og ftmm árin þar á undan
með hljómsveitinni Póló. — Hann
var að því spurður hvort platan Einn
á ferð þýddi það að hann ætlaði að
snúa sér að tónUst að nýju.
Tilgangslaust
að halda úti
hljómsveit
,,Ég hafði nú hugsað mér að koma
eitthvað fram þegar platan er komin
út. Það er nú ekki beint á planinu
ennþá hvaða menn verða með mér í
því. Ég reikna þó með því að þaö
verði að einhverju leyti sömu menn
og léku með mér inn á plötuna.
Að öðru leyti hef ég harla lítinn
áhuga á að starfa að tónlist, nema
bara svona sérverkefnum. Það er
alveg tilgangslaust að halda úti
hljómsveitum nú orðið og var orðið
það fyrir þremur árum þegar ég hætti
í Mexíkó. Annað hvort þarftu að
vera í einhverju tríói eða að hafa bara
ekkert út úr því, peningalega séð.
Hérna áður fyrr þá var þetta allt
öðru visi. Til dæmis höfðum við
þokkalegustu tekjur í Hljómsveit
Ingimars Eydal. Þá borgaði það sig
alveg að vera tónlistarmaður og
þannig hafði það verið ein fimmtán
ár á undan eða jafnvel lengur.
Meðan Mexíkó var og hét voru
starfandi fimm ágætis hljómsveitir
sunnanlands, en svo bara á einu til
tveimur árum þá hrundi þetta allt
saman. Áður var trafftkin austur
fyrir fjall miklu meiri, en á meðan
Mexíkó starfaði var litið meira að
gera en að leika á vínveitingahúsun-
um í bænum. Þau borguðu þetta
fræga taxtakaup FÍH og af þvi þurfti
maður að greiða allan kostnað við
rekstur hljómsveitarinnar. Þetta
borgaði sig engan veginn.”
— Fyrsta hljómsveitin sem Bjarld
lék með var Póló, eða hvað?
,,Ja, ég var í einhverjum gagn-
fræðaskólahljómsveitum til að byrja
með,” segir Bjarki. ,,Ég hef verið
orðinn svona átján ára, þegar ég
byrjaði með Póló.”
— Söngstu þá fljótlega inn á þina
fyrstu plötu?
,,Já.”
— Hvaða lög voru aftur á henni?
„Þar var lag, sem hét Lási skó, og
svo Glókollur. Við gerðum einar
þrjár plötur í Póló. Litlar. Og svo
spiluðum við undir hjá Erlu Stefáns-
dóttur á einni plötu.”
— En með Ingimari?
„Með Ingimari söng ég inn á eina
stóra plötu.”
— Sú hafði að geyma lagið í sól og
sumaryl, var það ekki?
„Jú.”
— í sól er sumaryl er gott lag,
finnst þér það ekld?
„ Jú, það er mjög gott Iag. Það var
fyrsta lagið sem Gylfi Ægisson sló í
gegn með. Hann sendi kassettu með
því norður og um leið og ég heyrði
lagið vissi ég að það ætti eftir að
verða vinsælt.”
Ætluðu alveg um
koll að detta
— Þér hefur ekld dottið f hug að
hafa það á nýju plötunni?
„Tja, neeei. Mér fannst réttara að
velja Glókoll, af því að hann ....
Hann var nú aðalskemmtiefnið hjá
eftirhermum eins og Alla Rúts og
Ómari í dentíð. Þeir hermdu eftir mér
af slíku lífi og sál að þeir ætluðu
alveg um koll að detta.” Bjarki
skellir upp úr.
— En ef við snúum okkur að plöt-
unni Einn á ferð. Hvað er hugmyndin
að henni orðin gömul?
„Ég er búinn að ætla að gera plöt-
una í ein þrjú ár. Eftir að ég hætti i
Mexíkó fór ég fyrst að vinna í Kröflu.
Ég var þá fyrir stuttu búinn að kaupa
húsið mitt á Akureyri og Krafla var
sá staður þar sem maður fékk pening-
ana með fljótlegasta móti. Þar var ég
í eitt og hálft ár, áður en ég kom í bæ-
inn aftur. Nú, og svo tók talsverðan
tíma að skipuleggja plötuna, velja
menn til að spila með og finna út hve-
nær þeir voru lausir og allt í þeim
dúr.”
— Hvað eru það margir hljóð-
færaleikarar, sem koma við sögu á
Einn á ferð?
„Ja, það ætti nú að vera hægt að
telja það saman.” Það verður löng
þögn .... „Þetta eru svona um
tuttugu manns. — Þá eru allir taldir
með, blásarar og fólk sem syngur
raddir með mér.”
— Hvaða músikstefnu fylgir þú á
piötunni?
„Hja, það má segja að ég sé . . .
ja, bara að syngja fyrir sjálfan mig og
fólkið.
— Er þetta þá fremur róleg tónlist
en hröð?
„Það eru þarna ballöður. Nú og
svo annars konar tónlist, rokk. Meira
að segja er eitt diskólag á plötunni
eftir Jóa G. Annars hef ég trú á því
að ballöðutónlistin eigi eftir að ná
fyrri vinsældum sínum frá diskótón-
listinni. Fólk vill heyra ballöður,
góðar melódíur. Þó hef ég gaman að
diskótónlist. Það er alltaf gaman að
taktfastri músík.”
Samtalið héit áfram um tónlist
gærdagsins, dagsins í dag og morgun-
dagsins auk margs annars, sem ekki
kemur plötunni Einn á ferð beinlinis
við. Bjarki hefur skoðun á öllum
hlutum, en það sem mestu máli
skiptir hjá honum þessa dagana er að
fyrsta platan hans eftir langt hlé er að
koma út eftir nokkra daga. -ÁT
Innan skamms — eftir viku eða svo
— kemur á markaðinn plata með
Bjarka Tryggvasyni, söngvara á
Akureyri. Platan nefnist Einn á ferð
og er gefin út hjá Hljómplötuútgáf-
unni hf. Bjarki, sem búsettur er á
Akureyri og vill helzt hvergi annars
staðar vera, er staddur í Reykjavík
um þessar mundir. Dagblaðið ræddi
við hann um helgina um nýju plöt-
una, tónlist almennt og llfið og tilver-
una. Brot af því viðtali fer hér á eftir.
Afslappadar ballöður og
melódísk rokklög sem fyrr

Þó að fækkað hafi um einn í
hljómsveitinni America, virðist það
ekki skipta neinu máli ef marka má
nýjustu plötu hljómsveitarinnar,
Silent Letter. Félagarnir Dewey
Bunnell og Gerry Beckley skila með
prýði sömu gæðum og einkenndu
America á meðan Dan Peek starfaði
með þeim. Dan hefur nú lagt allan
poppsöng á hilluna og snúið sér að
trúarlegri tónlist.
Hljómplatan Silent Letters, sú
fyrsta sem America syngur inn á fyrir
Capitol hljómplötufyrirtækið, er
hvorki betri né verri en fyrri plötur
hljómsveitarinnar. Afslappaðar
ballöður og melódísk rokklög eru
sem fyrr aðalsmerki hennar. Flest eru
lögin grípandi, sér í lagi lögin
Foolin’, Tall Treasures og One
Morning. Að gæðum standa þau þó
lögunum Sister Golden Hair,
Ventura Highway og Tin Man nokk-
uð á sporði, svo að nokkur af eldri
topplögum Americaséu nefnd.
Stofnendur America eru allir
bandarískir. Hljómsveitin varð til í
Englandi árið 1969, er feður stofn-
endanna gegndu þar herþjónustu.
Fyrsta lag America, sem sló í gegn
var A Horse With No Name, sem út
kom árið 1972. Það þótti mjög líkt
lögum Neil Young og raunar svipaði
stíl America talsvert til þess sem
Crosby, Stills, Nash og Young voru
þá að gera.
Upptökustjórinn frægi, George
Martin, hefur lengst af unnið með
America. Alls hefur hljómsveitin sent
frá sér niu LP plötur á ferli sínum.
Stðustu árin hefur sífellt minna og
minna borið á hljómsveitinni. Senni-
legasta skýringin á því er sú, hversu
stíllhennarþróastlitið. -ÁT-
Gerry Beckley og Dewey Bunn-
ell, öðru nafni America. Ekki
hefur orðið mikil brevting á tón-
list þeirra þó að þriðji maðurinn,
Dan Peek, sé horfinn úr hópnum.
Dúmbó ogSteinikoma sennilega
ekki saman þetta sumarið
Gunnlaugsson í samtalinu við DB.
„Þetta er fyrsta fríið mitt frá spila-
mennsku, sem ég hef tekiö mér síðan
Dúmbó hætti störfum hér um árið. ”
Auk Finnboga og Jóns Trausta
leika í Rapsódíu þeir Gunnar Knúts-
son, Kristján Einarsson og
Guðmundur Jóhannsson. Hljóm-
sveitin hefur starfað um nokkurt
skeið og haft mikið aðgera. Finnbogi
sagði að á vetuma væri nóg um spila-
mennsku á árshátíðum og við ýmis
önnur tækifæri. Yfirleitt liðiekki svo
helgi að hljómsveitin léki ekki á
einum til tveimur dansleikjum.
-ÁT-
„Við erum svo margir,” sagði
Finnbogi, „að það er í raun og veru
ákaflega erfitt að ná öllum hópnum
saman. Þar að auki hefur Ragnar
trommari svo mikið að gera að það
þyrfti að hafa langan fyrirvara á því
ef við byrjuðum að spila aftur.”
Ragnar, Finnbogi og Jón Trausti
Hervarsson eru þeir einu af átta liðs-
mönnum Dúmbó sem starfa nú við
tónlist. Ragnar leikur með Brimkló
og víðar og tveir þeir síðarnefndu
leika með hljómsveitinni Rapsódíu á
Akranesi.
„Rapsódía er reyndar í frii fram í
september,” sagði Finnbogi
„Maður á nú aldrei að segja aldrei,
en ég býst síður við því að við eigum
eftir að spila neitt saman í sumar,”
sagði Finnbogi Gunnlaugsson gitar-
leikari á Akranesi, er DB innti hann
eftir því, hvort Dúmbósextettinn
myndi taka til’starfa seinnipartinn í
sumareðaí haust.