Dagblaðið - 06.11.1979, Blaðsíða 6

6
DAGBLAÐIÐ. ÞRIÐJUDAGUR 6. NÓVEMBER 1979.
Erlendar
fréttir
REUTER
Hungrið er ekki aðeins i Kampucheu.
Á eyjunni Timor er mikill fæðuskortur
og myndin sýnir nokkur börn á austur-
hluta eyjanna og greinilega ekki of vel
haldin.
Ródesía stöðvar korn-
flutninga til Zambíu
—Kenneth Kaunda má velja um að hætta við að styðja skæruliða eða hungurs-
neyð meðal fólks síns
Ríkisstjórn Zimbabwe/Ródesíu
hefur tekið þá ákvörðun að stöðva
allar járnbrautarferðir til nágranna-
ríkisins Zambíu. Þar með er Kenneth
Kaunda forseti Zambíu settur í þá
stöðu að annaðhvort hættir hann
stuðningi sínum við skæruliða þá sem
sótt hafa inn í Zimbabwe/Ródesíu,
eða hann verður að horfast í augu við
verulegan fæðuskort í landinu og
jafnvel hungursneyð. Við lokun járn-
brautarinnar i gegnum Zimba-
bwe/Ródesíu tekur nefnilega meðal
annars fyrir allar kornsendingar til
Zambíu.
Tilkynning um þetta var birt í gær
og þar með eru stöðvaðir allir korn-
flutningar til Zambíu frá Suður-
Afríku.
Nokkrum klukkustundum síðar
var tilkynnt í Zambiu að Kenneth
Kaunda forseti landsins væri reiðu-
búinn að halda til London til að
aðstoða þar við að koma á friðar-
samningum á milli ríkisstjórnar
Muzorewa biskups og skæruliða-
foringjanna Nkomo og Mugabes. í
Lusaka var þó tilkynnt að Kaunda
forseti mundi því aðeins fara til
London að Margaret Thatcher for-
sætisráðherra Breta teldi að hann
gæti orðið að Iiði við samninga-
gerðina.
Ekkert hefur enn verið sagt um
lokun járnbrautarlinunnar af hálfu
opinberra aðila í Lusaka, höfuðborg
Zambíu. Ekki er nóg með að
aðgerðirnar muni geta haft afdrifa-
ríkar afleiðingar fyrir matarbirgðir í
landinu. Koparinn, sem er níu tíundu
hlutar af útflutningsverðmætinu, er'
einnig fluttur að mestu með járn-
brautum til Suður-Afríku. Zambía
má illa við að hann stöðvist.
Betri gangur
á sendingum
tilKampucheu
Talsmenn hjálparstarfa þeirra,
sem nú er unnið að fyrir hungraða i
Kampucheu telja að starfið sé nú farið
að ganga mun betur en áður. Þrátt
fyrir ýmsa erfiðleika hefur tekizt að
safna stórum upphæðum til starfsins.
Talið er að samtals nemi það 210
milljónum dollara sem lofað hefur
verið.
Kurt Waldheim, aðalritari Sam-
einuðu þjóðanna, sagði í gær að
hann væri þakklátur fyrir þær góðu
viðtökur sem hljálparbeiðnir al-
þjóðastofnana hefðu hlotið. — Við
höfum öðlazt enn eina sönnunina
fyrir hinni auknu tilfinningu mann-
fólksins að það verði að standa sam-
an þegar hungur eða dauði er annars
vegar.
Fólki heimsins fannst það ekki
geta staðið aðgerðarlaust gagnvart
því sem var að gerast í Kampucheu
og það gerði það ekki heldur — sagði
Kurt Waldheim.
Er olíubrákin
fránorska
skipinu?
Orion flugvél frá norska flughern-
um er komin til Suður-Afríku til að
taka þátt í leitinni að norsku flutn-
ingaskipi, sem talið er hafa sokkið í
suðurhluta Atlantshafsins fyrir
nokkru.
Olíubrák sást á sjónum í gær um
það bil fimmtán hundruð milum suð-
vestur af Góðrarvonarhöfða. Verið
er að taka sýnishorn af olíunni og
kanna hvort hún geti verið úr tönkum
hins rúmlega 72 þúsund tonna norska
skips. Nafn þess er Berge Varga.
Hefur ekki náðst neitt samband við
það í rúma viku. Systurskip þess,
Berge Istra, hvarf sporlaust í Kyrra-
hafinu fyrir fjórum árum. Þar
komust tveir menn af og skýrðu þeir
frá röð mikilla sprenginga þar um
borð.
TURA
high SPEEO
UÚSMYNDAPAPPlR
FRÁ V-ÞÝZKALANDI
Getum nú boðiö stórkostlegt úrval af
„TURA High Speed”plastpappír.
Áferðir:
Hvitt glans
Hvitt hálfmatt
Hvitt silkí
Gráður:
2: Mjúkur
3: Normal
4: Harður
Hvitt finkorna (næstum matt)
Nýtt frá TURA. TURA fix-adh.
Hefur sömu eiginleíka og plastpappir.
Að lokinni skolun og þurrkun flettið bakhlið af og
pappirinn limist á næstum hvað sem er.
Format á pappir:
7X 10 100 bl. kr. 3765.-
9X9 100 bl. kr. 3820.-
9X13 100 bl. kr. 5160.-
13X18 100 bl. kr. 9900.-
13X18 25 bl. kr. 2775.-
16X21 100 bl.kr. 16.185.
18 X 24 100 bl. kr. 19.125.
18X24 10 bl.kr. 2420.-
24 X 30 10 bl. kr. 3990.-
30X40 10 bl.kr. 6315.-
40X50 10 bl. kr. 9900.-
Einnig TURA professional.
TURA: Report-Rapid hight sensitive clorobromid.
TURA: Portraid-Rapid-fljótvirkur clorobromid.
TURA: Brom: hlutlaust kaldtón f/alhliða notkun.
TURA: 21 din sv/hv. filmur 135—20 verð: 975.-135—36 1250 kr.
TURA: P—150 17 m Bulk film. 22—23 din. Mjög finkorna. Kr. 7630.
■*
Skólar—Klúbbar: gerið pöntun
á meðan úrvalið er nóg.
50X60 10 bl. kr. 13.700.-
A th.: gefum magnafslátt.
Póstsendum.
AMATÖR
UÓSMYNDAVÖRUR
Laugavegi 55. Sími 12630.
Loksins tókst frönsku lögreglunni að hafa hendur I hári eins alræmdasta glæpamanns landsins. Að visu ekki nema með þvf að
gera hónum umsátur og skjóta hann til bana i bifreið sinni. Hann hét Jacques Mesrine, hafði margsinnis sloppið úr fangelsi
og rænt og drepið dágóðan hóp af fólki. Hann var arkitekt að mennt en sneri sér siðan alfarið á glæpabrautina og vann þar
mörg voðaverkin. Hann gaf út ævisögu sfna sem seld var f stóru upplagi og sfðan var ætlunin að kvikmyndaleikarínn Jean-
Paul Belmondo léki Mesríne I kvikmynd. Myndin sýnir Mesrine fallinn f bifreið sinni á götu f París.
ElSalvador:
Samningar hafnir
um ráöherrana þrjá
Byltingarhreyfingin í E1 Salvador,
sem hertók á dögunum byggingu í
höfuðborg landsins San Salvador og
tók jafnframt nokkra menn í gísl-
ingu, hefur nú hafið samningavið-
ræður við stjórn landsins. Meðal
þeirra, sem eru í haldi skæruliðanna
eru þrír ráðherrar í stjórn landsins.
Sagt er að fulltrúar skæruliða og
stjórnarinnar hafi hitzt á leynilegum
fundi sem haldinn hafi verið í
sendiráði Nicaragua. Til þessa hefur
ríkisstjórnin sagt að hún mundi ekki
ganga til samninga við skæruliða fyrr
en ráðherramir þrír yrðu látnir
lausir.
Byltingarhreyfingin, sem í eru
stúdentar, smábændur og verka-
menn, berst fyrir hærri launum,
verðstöðvun og upplýsingum um þrjú
hundruð pólitíska fanga. Vill hún
leggja áherzlu á þessar kröfur sínar
með töku ráðuneytisbygginganna og
gíslanna.
Nærri eitt hundrað manns hafa
látið lifið í E1 Salvador síðan Carlos
Humberto Romero hershöfðingja var
steypt af stóli um miðjan október.