Dagblaðið - 18.01.1980, Blaðsíða 6

6
DAGBLAÐIÐ. FÖSTUDAGUR 18. JANÚAR 1980.
Lake Placid Bandaríkjunum:
Horfur á alvarlegum snjó-
skorti á ólympíuleikunum
síðustu komin skoluðust burt í rigningu um síðustu helgi og aðeins tæpar fjórar vikur til keppni
Vetrarólympíuleikarnir eiga að
vera í Lake Placid í New York fylki i
Bandaríkjunum innan fjögurra
vikna. Heldur þykir þó illa horfa með
|ang leikanna þar sem ekki er neinn
snjór á staðnum, sem að sjálfsögðu
er bráðnauðsynlegur þegar keppa á í
ýmsum greinum skíðaíþróttarinnar.
Brekkur og fjallatindar umhverfis
Lake Placid eru berir og siðustu snjó-
kornin, sem þó voru fyrir hendi, mun
hafa rignt í burtu um síðustu helgi.
Stjórnendur leikanna hafa unnið
að því að flytja snjó sem framleiddur
er í þar til gerðum tækjum upp í
væntanlegar skíðabrekkur. Ekki er
þó útlitið gott með þá framkvæmd
þar sem spáð er rigningu um næstu
helgi.
Þetta mun vera mildasti vetur í
Lake Placid undanfarna hálfa öld.
Orðrómur er i gangi um að til þess
ráðs verði að grípa að færa sumar
keppnisgreinarnar á ólympíuleikun-
um eitthvað annað. Þessu hefur
ólympíunefnd staðarins borið á móti
og segir að sérfræðingar séu þess full-
vissir að allt muni fara vel um síðir.
Síðan tala nefndarmenn hressilega
um það að þeir efist engan veginn um
aðsnjórinn komi.
Snjóframleiðsluvélar eru stöðugt í
gangi og reynt er af beztu getu að
framleiða snjó bæði til að setja á
brautir þar sem norrænu greinarnar
eins og gang og stökk eiga að fara
fram og sama máli gegnir um brekk-
umar þar sem alpagreinar, eins og
svig og brun, verða.
Lokaæfingar bandaríska ólympiu-
liðsins, sem jafnframt voru loka-
æfing fyrir framkvæmd ólympíuleik-
anna í Lake Palcid, fóru fram á
gervisnjó en lokaæfing í norrænu
greinunum hefur verið afturkölluð
vegna snjóleysis. Nú munu allir
helztu sérfræðingar Bandaríkjanna í
snjóframleiðslu vera komnir til Lake
Placid til að aðstoða við að bjarga
framkvæmd ólympíuleikanna.
Mm 1
*
' ' 'I
;*
Sovézki herinn mun leggja mesta áherzlu á að ná fullum völdum I borgum, flugvöllum og helztu samgönguleiðum I
Afganistan. Myndin sýnir brynvagn sem er á ferð um auðnir nærri höfuðborginni Kabul.
LJtid fylgi við
aðhætta við
ólympíuleik-
anaíMoskvu
Þrátt fyrir háværar áskoranir og
umræður um að vestrænar þjóðir
eigi að hætta við þátttöku í ólympíu-
leikunum í Moskvu á komandi sumri
virðist svo sem ekki sé mikið fylgi við
það samkvæmt könnun sem Reuter
trcttastofan gerði. Eii\kum mun
skorta á að íþróttamenn, sem undir-
búa sig nú undir þátttöku i leikunum,
vilji sniðganga þá til að leggja fram
sitt til mótmæla aðgerðum Sovét-
manna í Afganistan.
Eru menn þó á því að almennt
þátttökuleysi á leikunum í Moskvu á
komandi sumri yrði mikið áfall fyrir
Sovétstjórnina. Sumir óttast þó, að
valdamönnum eystra tækist að snúa
slíkum atburðum upp í að verða þeim
til framdráttar.
Keppendur, sem nú eru einmitt að
búa sig undir lokaæfingar fyrir
ólympíuleikana sem eiga að hefjast
19. júlí næstkomandi, eru flestir á
móti nokkurri röskun á þeim. Haft er
eftir einum þeirra að vestrænar
þjóðir hafi ekki gengið að því grufl-
andi að Sovétmenn mundu notfæra
sér leikana í áróðursskyni. Slíkt þurfi
því ekki að koma neinum á óvart
núna.
Margareth Thatcher, forsætisráð-
herra Bretlands, lýsti því yfir í gær að
hún væri fylgjandi þvi að ólympíu-
leikarnir yrðu færðir til einhverrar
annarrar heimsborgar.
Bandarísk stjórnvöld hafa farið
þess á leit við samtök áhugamanna i
hnefaleikum að þeir hætti við fyrir-
hugaða keppnisferð til Sovétríkj-
anna. Einnig hefur ýmsum atriðum í
samvinnu Sovétríkjanna og Banda-
ríkjanna á sviðum lista verið aflýst
eða frestað um óákveðinn tíma.
Keisarinn í sjónvarpsviðtali:
Andstöðumenn mínir
kunna ekki að telja
— um ásakanir um að hann hafi látið myrða hundrað þúsund manns
Keisarinn fyrrverandi í íran sagði í
sjónvarpsviðtali, sem birt var í
Bandaríkjunum í gærkvöld, að
ákærur gegn honum að hann og full-
trúar hans hefðu myrt hundrað
þúsund manns á valdatímanum væru
fjarstæða. Það var sjónvarpsmaður-
inn frægi David Frost sem ræddi við
keisarann en viðtalið var tekið upp í
fyrri viku á eyju við Panama þar sem
hann og fjölskylda hans dvelst í út-
legðinni.
Sagði þjóðhöfðinginn fyrrverandi
að ásakanir á sig og sína menn um
morðin væru of fjarstæðukenndar til
að að hægt væri einu sinni að kalla
þær hneysklanlegar eða lygi. — Hin
eina sem hægt er að láta hafa eftir sér
um málið er það að andstæðingar
mínir kunni greinilega ekki að telja.
Keisarinn virtist við prýðilega
heilsu ef ráða má af útliti hans í sjón-
varpinu. Hann gekkst undir aðgerð á
gallblöðru auk varnaraðgerða gegn
krabbameini á sjúkrahúsi i New York
við lok síðasta árs. Spurningum
svaraði hann af öryggi og með skýrri
og styrkri röddu.
Hann var meðal annars spurður
hvort nokkrar horfur væru á því að
hann færi sjálfviljugur til írans til að
svara til saka fyrir rétti skipuðum af
stuðningsmönnum Khomeinis trúar-
leiðtoga. Keisarinn fyrrverandi
svaraði: — Hverjir eru þeir að vilja
yfirheyra og ákæra mig? — Þeir ættu
sjálfir að mæta fyrir rétti. — Átti
hann þá við Khomeini og fulltrúa
hans.
Keisarinn svaraði spurningunni um
hvað Bandaríkin hefðu getað gert til
að aðstoða hann við að halda völdum
í íran þannig — Líklega ekkert. —
Taldi hann að heppilegast hefði verið
að ríkisstjórnir Bandarikjanna og
Bretlands hefðu ekkert skipt sér af
gangi mála.
p fi
H
íranskeisari virtist við hestaheilsu
sjónvarpsviðtalinu i gær.
Læknar Titos
vondaufir um
bata hans
Læknar Titos, forseta Júgóslavíu,
munu nú vera orðnir vondaufir um að
hann lifi af veikindi sín, sem stafa af
þlóðtappa í fæti. Hann er orðinn 85 ára
gamall og hefur verið æðsti maður í
landi sínu frá lokum síðari heimsstyrj-
aldar. Fregnir frá Belgrad herma, að
læknar telji nauðsynlegt að taka vinstri
fótlegg hans af til að fjarlægja blóð-
tappann. Tito mun aftur á móti ekki
hafa samþykkt það. Aðrar fregnir í
morgun sögðu, að þegar væri komið
drep í fótinn og þá útséð um að unnt
yrði að bjarga lífi þjóðhöfðingjans.
Skákmótið í Hotlandi:
Jafntefli hjá
Guðmundi
Guðmundur Sigurjónsson gerði
jafntefli við Robert Byrne frá
Bandaríkjunum i þriðju umferð á
skákmótinu í Hoogovens i Holl-
andi í gær. Seiravan frá Bandaríkj-
unum er efstur á mótinu með 2,5
vinninga en hann gerði jafntefli
við Kanadamanninn Peter Biyiasis
ígær.