Dagblaðið - 18.01.1980, Blaðsíða 8

8
DAGBLAÐIÐ. FÖSTUDAGUR 18. JANÚAR 1980.
GENGIÐ VARID MED AUK-
INNI FRAMLEK>SLU Á MANN
Tekst vinstra samstarf um þessar tillögur Alþýðubandalagsins?
— nýir skattar á verzlun og banka — verðlag niður um 6 vísitöluprósent
Svavar Gestsson alþingismaflur, sem nú stýrlr stjórnarmyndunarviðræðum.
gengur í fund forseta. DB-mynd Ragnar.
Tillögur Alþýflubandalagsins í
efnahagsmálum eru á þessari stundu
efst á baugi í viðræðum um stjórnar-
myndun. Dagblaðið birtir þess vegna
aðalefni þeirra mun ítarlegaren áður
hefur komið fram.
Alþýðubandalagið stefnir að því
að koinizt verði hjá 10 prósent geng-
isfellingu i .ár með því að auka
framleiðni í atvinnuvegunum, það er
framleiðslu á mann. Fiskverð skuli
nú í ársbyrjun ákveðið með tilliti til
þess, að gengi krónunnar verði
stöðugt, olíugjald verði lækkað
mikið og kjör sjómanna tryggð.
Framleiðni í fiskverði verði aukin
um 7 prósent á þessu ári.
Verðlag ver.ði fastbundið með
lögum frá 1. febrúar til aprílloka
verði óheimilt að samþykkja meira en
6 prósent hækkun einstakrar
tegundar vöru og þjónustu, há-
markið verði 5% frá 1. maí til
júliloka og 5% frá I. ágúst til
nóvemberloka.
Verðlag fært niður
— auknar niður-
greiðslur
Til að hamla gegn víxlverkunum
verði ákveðin almenn niðurfærsla á
verðlagi. Ríkisútgjöld verði lækkuö,
einnig flutningsgjöld, vátryggingar-
kostnaður, þjónustugjöld, verzlunar-
álagning, og bankar leggi sitt af
mörkum í lækkunaraðgerðunum, svo
og aðrir þættir. Lækkunin nemi 5—
10 prósentum i hverju tilviki og jafn-
gildi 3 prósenta lækkun vísitölu
framfærslukostnaðar.
Niðurgreiðslur verða auknar, sem
nemur um 3ja prósenta lækkun
vísitölu framfærslukostnaðar til
viðbótar.
Launaskattur
afnuminn
Til þess að auðvelda fyrirtækjum
og stofnunum að standa undir þess-
ari lækkun verði felldur niður 1,5%
launaskatturinn, sem rennur í ríkis-
sjóð. Það þýðir 5,5 milljarða
tekjutap fyrir ríkissjóð.
Vextir verði lækkaðir um 5% 1.
marzog 5% I. ágúst.
Þá leggur Alþýðubandalagið fíl, að
6 milljörðum verði varið til að
auðvelda kjarasamninga, meðai
annars til byggingar verkamanna-
bústaða og leiguíbúða. Framlag
ríkisins til dagvistunarmála verði
tvöfaldað og byggingu hjúkrunar- og
dvalarheimila fyrir aldraða hraðað.
Bætur lifeyristrygginga verði
hækkaður um 7—10 prósent að
raungildi.
Almenn laun verði verðtryggð.
Tekið verði 3ja milljarða lán til að
bæta bændum óverðtryggöan út-
flutning.
Nýr veltuskattur
— skattur á banka
Útgjöld ríkisins af framangreindu
eru talin nema 22 milljörðum. 7,5
milljarðar af því koma til vegna
aukningar á niðurgreiðslum, 6
milljarðar vegna félagslegra umbóta,
5,5 milljarðar vegna afnáms launa-
skatts og 3 milljarðar vegna
hækkunar bóta lífeyristrygginga.
Þessa fjár verði aflað á eftirfarandi
hátt:
4,5 milljarðar eiga að fást með
sparnaði á rekstrarútgjöldum
rikisins.
Lagður verði sérstakur skattur á
rekstrarveltu fyrirtækja á árinu 1979,
þó ekki á sjávarútveg, fiskiðnað,
landbúnað, útflutningsiðnað eða
samkeppnisiðnað. Skatturinn verði
lagður á sama grunn og stofn
aðstöðugjalds og nemi 0,5%.
Þessi skattur á að gera 4 milljarða.
Frestað verði endurgreiðslu
skulda rikissjóös við Seðlabankann
sem nemur 8,5 milljörðum.
30% skattur verði lagður á
tekjuafgang banka og sparisjóða árið
1979. Þessi skattur á að gefa 1,5
milljarð.
Þá hyggst Alþýðubandalagið fá
3,5 milljarðana, sem á vantar, með
bættri innheimtu skatta.
Gefin verði út verðtryggð skulda-
bréf og spariskírteini, umfram það
sem var áætlað í fjárlagafrumvarpi,
og gefi útgáfan 5 milljarða.
Sparnaðarnefndir —
lækkun verzl-
unarkostnaðar
Þær aðgerðir, sem hér hafa verið
nefndar, eiga að koma til strax í ár
Ennfremur leggur Alþýðubandalagið
fram 3ja ára áætlun um „hjöðun
verðbólgu, eflingu atvinnuvega og
jöfnun lífskjara.” Þar er miðað við,
að haldið verði áfram að auka
framleiðni, til dæmis um 5—10
prósent i sjávarútvegi á árinu 1981. í
almennum iðnaði verði stefnt að 10%
aukningu framleiðni að meðaltali á
ári næstu þrjú árin.
Alþýðubandalagið vill stofna sér-
stakt efnahagsráðuneyti og áætlunar-
ráð, sem hafi yfirumsjón með at-
vinnu- og efnahagslífi. Sparnaðar-
nefndir verði settar á stofn í rikis-
fyrirtækjum og stofnunum. For-
stöðumenn opinberra stofnana og
ráðuneyta verði aðeins ráðnir til
fimm ára í senn.
Ríkisbönkum verði fækkað i tvo,
olíuverzlun endurskipulögð og
tryggingafélögum fækkað.
Stefnt verði að þvi að lækka
verzlunarkostnað um 10% á næstu
þremurárum.
„Tölvumiðstöð
verzlunarinnar
Framlög til verðlagsstofnunar
verði aukin, til kynningarstarfsemi,
svo og framlög til neytendasamtaka.
„Tölvumiðstöð verzlunarinnar”
verði sett á stofn og greiði verzlunin
kostnað við rekstur hennar. Þar fari
fram verðútreikningur á innfluttum
vörum.
Lyfjasalan verði þjóðnýtt.
Stofnuð verði fasteignasala
rikisins.
-HH.
Gerum tiiboð í smærri
og stærri veizlur.
Leigjum út öll áhöld,
diska, hnifapör og glös
fyrir allt að 150 manns.

W-
52449
F|R DEILD - 4.
Almennur félagsfundur
verður haldinn laugardaginn 19. janúar 1980
að Hótel Esju, 2. hæð, kl. 13.00.
Fundarefni:
Nýútgefin reglugerð um 27 MH2 tíðnisviðið.
Önnur mál. Slj6m deildar 4.
TÓNVERK, EKKIMYRKRAVERK
Nýrri tónlistarhátíð hleypt af stokkunum
Hjálmar Ragnarsson tónskáld. Mynd: Ragnar Th.
Myrkir músíkdagar, hvað er nú
þafl? Særingar, fjandafælur á sveimi,
djöflamessur á miðnætti I gamla
kirkjugarðinum? Óekki, heldur eins
konar óopinber tónlistarhátíð sem
Tónskáldafélagið og ýmsir einstakling-
ar standa að i tíu daga og hófst hún I
gær í Menntaskólanum við Hamrahlið.
Inn á DB snjóaði Hjálmari Ragnars-
syni tónskáldi sem leiddi okkur i allan
sannleika um þenna viðburð.
„Þessi hugmynd varð til i fyrravetur
og fékk þá vinnutitilinn Dark Music
Days,” sagði Hjálmar, „þar sem þá
stóð yfir myrkasta skammdegið.
Erlendu tónlistarmönnunum, sem við
leituðum til í sambandi við þetta,
fannst nafnið svo skemmtilegt að þeir
slógu þegar til.”
Hver er svo tilgangur þessarar há-
líðar?
„Megintilgangur er sá að vekja
athygli á þessum menningararfi okkar,
íslenzkri tónlist, og tónskáldum, eldri
sem yngri, og undirstrika jafnframt hið
nána sam'starf þeirra og flytjenda. Það
er þegar farið að tala um íslenzka
tónlist á erlendum hátíðum og okkur
finnst timi til kominn að umræður fari
fram hér heima líka. Haft var samband
við ýmsa aðila, Sinfóníuna, Kammer-
sveit Reykjavikur, Kammermúsík-
klúbbinn, Kjarvalsstaði, Félagsstofnun
stúdenta, Söngskólann og mennta-
málaráðuneyti og Ríkisútvarpið og
tóku þeir allir vel í málið.”
Þú minntist á erlenda listamenn.
Hverjir eru þeir?
„Þarna verður m.a. Paul
Zukofsky, sem okkur er þegar að góðu
kunnur. Aðrir hafa sent okkur verk,
m.a. Miklos Maros, sem samdi
sembalkonsert og tileinkaði Helgu
Ingólfsdóttur og Páli P. Pálssyni.
Síðan verða verk nokkurra erlendra
tónskálda frumflutt hér á landi, t.d.
Vagns Holmboe og Dmitri
Shostakovitsch. En ekki er síður
mikilvægt að við fáum í heimsókn
fréttamenn til að fylgjast með há-
tíðinni, frá sjónvarpinu í Bremen,
sænska útvarpinu og Svenska Dag-
bladet.”
Hvað með framlög íslenzkra
tónskálda?
,,Þar eru nú kannski aðalskraut-
fjaðrir okkar, eins og vera ber.
Tvo ný verk eftir Snorra Sigfús
Birgisson verða nú frumflutt á íslandi,
sömuleiðis ný verk eftir Atla Heimi
Sveinsson, Karólínu Eiríksdóttur og
Pál P. Pálsson. Loks má geta tveggja
splunkunýrra verka eftir Leif
Þórarinsson, annað er samið fyrir
Helgu Ingólfsdóttur en hitt fyrir
Manuelu Wiesler. Loks verðum við
með „klassísk” íslenzk verk, t.d.
söngvana um ástina og dauðann eftir
Jón Þórarinsson, forleikinn Lilju eftir
Jón Ásgeirsson, nýlegt verk eftir Jón
Nordal og HSsselby — kvartett Þor-
kels Sigurbjörnssonar frá l%9.”
Nú má kannski segja að þetta sé allt
tónlist sem þurfi rækilegrar og kannski
tiðrar hlustunar við. Verður á dagskrá
einhver tónlist sem allir eiga að geta
sótt?
„Við bindum miklar vonir við
prógram það sem Þuríður Pálsdóttir
hefur valið og stjórnar. Þar flytur
Söngskólinn lög eftir Sveinbjörn
Sveinbjörnsson, Markús Kristjánsson,
Inga T. Lárusson, Sigvalda Kaldalóns,
Emil Thoroddsen, Karl O. Runólfsson,
Pál ísólfsson og Jórunni Viðar. En við
vonum nú samt að þetta fái ailt saman
góðar undirtektir og leggi þar með
grundvöll að fleiri svona hátíðum.”
-AI.
Dagskrá hátíðarinnar í gær var i stuttu
máli þessi:
Kl. 20.30, Menntaskólinn við Hamra-
hlfð: Sinfónían, stjórn. Zukofsky,
einsöngur: Rut L. Magnússon. Verk
eftir Jón Leifs, Snorra Sigfús Birgis-
son, Jón Þórarinsson, Atla Heimi
Sveinsson og Jón Ásgeirsson.
Sunnud. 20. jan. kl. 17. Bústaðakirkju:
Kammersveit Reykjavíkur, stjórn.
Páll P. Pálsson, einl. Helga
Ingólfsdóttir, einsöngv. Rut L.
Magnússon. Verk eftir Karólínu
Eiriksdóttur, Vagn Holmboe, Miklos
Maros, Pál P. Pálsson, Jón Nordal.
Miðvikud. 23. jan. kl. 20.30. Félags-
stofnun stúdenta: Þuriður Pálsdóttir
og Söngskólinn.
Föstud. 25. jan. kl. 20.30, Kjarvals-
slaðir: Strokkvartett. Verk eftir Þor-
kel Sigurbjörnsson, Hjálmar
Ragnarsson, Snorra Sigfús Birgisson
og Dmitri Shostakovitsch.
Sunnud. 27. jan. kl. 20.30.
Bústaðakirkja: Kammermúsík-
klúbburinn. Manuela Wiesler, flauta;
Helga Ingólfsdóttir, sembal. Verk: J.
Mattheson, Leifur Þórarinsson, Páll
P. Pálsson, J.S. Bach.