Dagblaðið - 19.01.1980, Blaðsíða 24
Skuttogarinn Snæfefl kom til Hríseyjar úr veSðiferð í fyrrínótt:
SIGLDIÁ FULLRIFERD
UPP í MIÐBÆJARLAND
— með 80 tonn um borð — skemmdir virðast litiar
Skuttogarinn Snæfell, í eigu Út-
gerðarfélags KEA, sigldi i fyrrinótt á
talsverðri ferð, liklega 10 til 12 sjó-
milna, upp í fjöru í svonefndu Mið-
bæjarlandi í Hrísey.
Var togarinn að koma úr veiðiferð
með 80 tonn til löndunar. Fjara var,
er togarinn strandaði, og fór nýja
Hríseyjarferjan, Sævar, togaranum
til aðstoðar ef halda þyrfti við hann
svo hann legðist ekki flatur fyrir
þegar aftur félli að.
Er hálffallið var að komst
togarinn af eigin rammleik aftur á
flot og lagðist við bryggju í Hrísey
þar sem hann var losaður i gær. Gott
veður og ládauður sjór var á strand-
stað og fjaran ekki mjög grýtt.
Ekki kom leki að skipinu en skv.
upplýsingum Bjarna Jóhannessonar
útgerðarstjóra KEA síðdegis í gær
var togarinn væntanlegur til Akur-
eyrar í gærkvöldi og átti að taka hann
I slipp við fyrsta tækifæri til að
kanna skemmdir. Sjópróf höfðu ekki
verið ákveðin í gær.
- GS
fijálst, nháð dagblað
LAÚGARDAGÚR 19. JAN. 1980.
Nýr bæjarstjóri í
Keflavík:
Steinþór
tekur við
af Jóhanni
Steinþór Júliusson bæjarritari í
Keflavík hefur verið ráðinn bæjarstjóri
þar í stað Jóhanns Einvarðssonar sem
hættir störfum í kjölfar þess að hann
var kjörinntil setu á Alþingi í kosning-
unum í desember síðastliðnum.
Steinþór Júliusson mun taka við af
Jóhanni Einvarðssyni hinn 15. febrúar
næstkomandi. Hann er fertugur að
aldri og hefur gegnt embætti bæjar-
ritara í Keflavík frá þvi í júlí 1967.
Hann er kvæntur Sigrúnu Helgadóttur.
Starf bæjarstjóra var ekki auglýst
opinberlega í Keflavík að þessu sinni.
Ráðning Steinþórs fór þannig fram að
bæjarráð þar gerði sérstaka bókun um
að hann yrði ráðinn til loka þessa kjör-
tímabils. Var það síðan samþykkt i
bæjarstjórn kaupstaðarins með at-
kvæðum allra hinna níu fulltrúa sem
þar sitja. Þó svo ekki hafi komið fram
nein sérstök bókun um bæjarritaraemb-
ættið við afgreiðslu málsins mun það
skilið svo að Steinþór Júlíusson sé í
launalausu leyfi frá því, í það minnsta
þetta kjörtímabil. -OG
578 milljóna munur
á hæsta og
lægsta boði
Aðalbraut hf. átti lægsta tilboð í
byggingu flóðgátta í aðalstíflu og
inntak aðveituskurðar Hrauneyjafoss-
virkjunar, að því er kom fram er til-
boðin voru opnuð hjá Landsvirkjun í
gær. Verkið á að mestu að framkvæm-
ast á þessu ári.
Tilboð Aðalbrautar hljóðaði upp á
liðlega 979 milljónir, tilboð Smiðs hf.
og Vörðufells hf. saman upp á rétt lið-
legan milljarð, Hraunvirkis hf. upp á
einn milljarð og 546 milljónir og Foss-
virkis upp á einn milljarð og 577
milljónir. Munur á hæsta og lægsta til-
boði er 578 milljónir. Áætlun ráðu-
nauta Landsvirkjunar var upp á einn
milljarð og 165 milljónir. Tilboðin
verða nú könnuð nánar og borin
endanlega saman áður en ákveðið
verður hver fær verkið. -GS.
GAMANMYND í
DAGBLAÐSBÍÓI
í Dagblaðsbíói ásunnudaginn verður
sýnd bandaríska gamanmyndin Fljótt
áður en hlánar. Myndin er í lit og með
íslenzkum texta. Bíóið hefst kl. 3 í
Hafnarbíói.
á fyrsta fundinn um nýjan kjarasamning
,,Við höfum kynnt atvinnurekendum
Viðræðunefndir Alþýðusambands-
ins og Vinnuveitendasambandsins
héldu í gærdag fyrsta viðræðufund
sinn um gerð nýs kjarasamnings. Full-
trúar atvinnurekenda mættu í herbúðir
andstæðingsins, þar sem ræðzt var við í
fundarsal ASÍ.
Guðmundur Þ. Jónsson, formaður
Landssambands iðnverkafólks, sagði
við Dagblaðið skömmu fyrir fundinn
að of snemmt væri að spá í hvernig
samningamálin myndu skipast á næst-
unni.
kröfurnar. Það er rétt að menn setjist
niður og ræðist við áður en hugsað er
fyrir beinum aðgerðum af hálfu verka-
lýðshreyfingarinnar.”
Viðbrögð atvinnurekenda við
kröfum ASÍ?
„Þau hafa verið neikvæð en þó ekki
öðruvísi cn við var að búast, held ég.
Forystumenn þeirra hafa tileinkað sér
ný vinnubrögð og harðari stefnu. Þeir
vilja sýna sinum mönnum hvað í þeim
býr.”
Davíð Sch. Thorsteinsson, formaður
Félags ísl. iðnrekenda, sagðist vona að
„almenn skynsemi ráði gjörðum
manna” í samningsgerðinni sem
stendur fyrir dyrum.
„Menn verða að koma niður á jörð-
ina. Það er ekki hægt að skipta meiru
en til er. Kakan þarf að stækka.”
KröfurASÍ?
„Þær erú illskiljanlegar, annaðhvort
út eða suður. Þar stangast hvað á ann-
ars horn. Launajöfnun í einu orði og
launagliðnun í öðru. Mér sýnist kröfu-
gerð Alþýðusambandsins aldrei geta
orðið grundvöllur samninga.”
Fundurinn i gær stóð í 2 klst. Nýr
fundur er boðaður í húsakynnum
Vinnuveitendasambandsins kl. 15 á
miðvikudaginn.
„Engin yfirlýsing var gefin út á
fundinum. Við kynntum okkar sjónar-
mið sitt í hvoru lagi og skipzt var á
skoðunum. Annað er ekki að segja um
fundinn,” sagði Jóhannes Siggeirsson,
hagfræðingur ASÍ, í stuttu samtali eftir
aðfundilauk. -ARH
Fjórir af tólf samningamönnum ASÍ búa sig undir að mæta fulltrúum Vinnuveitendasambandsins. Frá vinstri: Snorri Jónsson, Óskar Vigfússon, Guðjón Jónsson og
Guðmundur Þ. Jónsson. DB-mynd Bjarnleifur.
VAXANDIÁHUGI
A „STEFANÍU”
Hættir Svavar
um helgina?
Framsóknar- og alþýðuflokks-
menn munu væntanlega hafna tillög-
um- Alþýðubandalagsins í efnahags-
málum á viðræðufundi um vinstri
stjórn sem verður haldinn i dag. Þeir
munu leggja fram greinargerðir og
gefa alþýðubandalagsmönnum t nst á
að breyta tillögum sinum eða koma
með nýjar. Tilraunir Svavars Gests-
sonar til stjórnarmyndunar renna lík-
lega út í sandinn, hugsanlega strax nú
um helgina.
Framsóknar- og alþýðuflokks-
menn segja að Alþýðubandalagið
sýni ekki næga „ábyrgðartilfinn-
ingu” í tillögum sínum og saka
bandalagið um „sýndarmennsku”.
Ófriðlega horfir á vinstri væng
stjórnmálanna.
Á hinn bóginn hafa forystumenn
Sjálfstæðis-, Framsóknar- og Al-
þýðufiokks farið i alvöru að ræða
möguleika á samstjórn þessara
þriggja flokka sem venjulega kallast
„Stefanía”, heitin eftir stjórn
Stefáns Jóhanns fyrir rúmum 30 ár-
um.
Þessi möguleiki á stjórnarmyndun
mundi væntanlega tengjast samstarfi
þessara flokka I kosningum í stjórn
Alþýðusambands íslands. Þetta sam-
starf hefur stundum verið kennt við
„lýðræði” og mundi stefna að því að
„einangra Alþýðubandalagið”, að
sögn áhugamanna.
- HH
LUKKUDAGAR:
19.JANÚAR 8140
Skáldverk Kristmanns Guð
mundssonar, 7 bindi frá AB.
Vinningshafar hringi
í síma 33622.
ATVINNUREKENDUR MÆTTU í
HERBÚÐIR ANDSTÆÐINGSINS