Dagblaðið - 24.04.1981, Blaðsíða 5

DAGBLAÐIÐ. FÖSTUDAGUR 24. APRÍL 1981.
5
Farþegar látnir borga farseðla f imm mánuðum fyrir brottför:
AUGLÝSINGABLEKK-
ING UM APEX-GJÖLD?
fullkomlega ísamræmi við reglurnar,
segja Flugleiðamenn
„Flugleiðir auglýstu að menn ættu
að borga APEX-flugmiðana hálfum
mánuði fyrir brottför. Við vorum að
panta miða til Bandarikjanna í septem-
ber á APEX-gjaldi og þá heimtar fyrir-
tækið að þeir séu borgaðir í topp —
nærri fimm mánuðum fyrir brottför.
Er verið að blekkja viðskiptavini Flug-
leiða með auglýsingum?” spurði
maður einn er hafði samband við DB
og taldi Flugleiðir hafa komið aftan að
sér i viðskiptum.
Sveinn Sæmundsson blaðafulltrúi
Flugleiða var beðinn að svara kvörtun
mannsins fyrir hönd fyrirtækisins.
Hann vísaði á upplýsingamiða um
APEX, sem víða liggur frammi, en
benti fólki annars á að hafa samband
við starfsfólk Flugleiða ef einhverjar
spurningar vöknuðu um þetta fargjald
eða önnur.
APEX-gjöldin eru fyrirframbókuð
frá Islandi til Kaupmannahafnar,
Stokkhólms, Osló, Glasgow, London,
New York og Chicago i sumar. Þau eru
skráð til Evrópu frá 1. maí og til
Bandaríkjanna frá 15. mai. Fargjaldið
gildir aðeins fyrir ferðir báðar leiðir.
Farbókun og full greiðsla farseðils
verður að gerast samtimis og ekki siðar
en 14 dögum fyrir brottför. Nauðsyn-
legt er að bæði brottfarar- og heim-
komudagar séu ákveðnir. Farseðlum er
ekki hægt að breyta eftir að farpöntun
og greiðsla hefur átt sér stað.
Sveinn Sæmundsson gat sér þess til
að í nefndu tilfelli hafi vélin til Banda-
ríkjanna verið að fyllast og þvi nauð-
synlegt að viðskiptavinir borguðu um
leið og pantað er til að Flugleiðir gætu
fylgzt með sætapöntunum með vissu og
farþegar tryggt sér sæti. Þetta væri
fullkomlega í samræmi við reglumar.
Hætti farþegi við ferðina eftir að
hafa greitt farseðil að fullu endur-
greiðist helmingur fargjalds að því til-
skildu að honum sé framvisað i síðasta
lagi 14 dögum fyrir brottför. Annars er
ekkert endurkræft af fargjaldinu.
- ARH
Fargjöld
fyrir ferðamenn
með
fastmótaða
ferðaáætlun!
FLUGLEIÐIR
Tfíiusl fölkhjá góöu feiagi m.
STJÓRNARMAÐUR RAGNARS
í FLUGLEIÐUM HF. ÁKVEDINN
— skilyrðinu um söluna á Arnarf lugi hf. ekki f ullnægt enn
Fjármálaráðherra tilnefnir þá tvo
menn 1 stjórn Flugleiða hf. sem rikið
hefur með hlutafjáreign sinni að öllu
óbreyttu styrk til að fá. Oftast hefur
verið rætt um það sem eðlilega tilhögun
að samgönguráðherra réði vali annars
þeirra.
Víst er að fjármálaráðherra velur
annan manninn. Verður hann sennilega
ekki úr röðum þingmanna eða annarra
stjórnmálamanna, eða toppembættis-
manna. Nefndur er Rúnar Bj. Jóhanns-
son hjá Ríkisendurskoðun.
Samkomulag er um það, að sögn
Steingrims Hermannssonar sam-
gönguráðherra, að hann ráði þvi hver
hinn maðurinn verður. Kári Einarsson
verkfræðingur er nefndur.
Samkomulagið sem að ofan greinir
er á milli fjármilaráðherra og sam-
gönguráðherra. Samkvæmt heimildum
sem DB telur traustar telja sjálfstæðis-
menn, að minnsta kosti einhverjir, að
þetta mál sé ekkert einkamál Ragnars
og Steingrims enda þótt fjármálaráð-
herra beri lögum samkvæmt að tilnefna
stjórnarmenn f fyrirtækjum sem ríkið á
hlut í, ef annað er ekki sérstaklega
tekið fram.
Er þvi alls ekki með öllu útilokað að
málið verði rætt og til lykta leitt í ríkis-
stjórninni að ósk sjálfstæðismanna.
Hefur jafnvel heyrzt að Jón Ormur
Halldórsson, aðstoðarmaður forsætis-
ráðherra, sé talinn koma til greina ef
öðruvísi skipast i málinu en til þessa
hefur verið ráð fyrir gert.
Sala Amarflugs hf. til starfsmanna
þess var og er enn ófrávíkjanlegt skil-
yrði af hálfu ríkisstjómarinnar fyrir
þeirri fjárhagsaðstoð sem ríkið féllst á
að veita Flugleiðum hf. Ennþá hefur
ekki orðið af þessari sölu og skilyrðinu
um hana því ekki fullnægt.
Matsnefnd hefur verið að störfum
vegna hinnar fyrirhuguðu sölu. DB veit
með vissu að ríkisstjórninni þykir starf
hennar orðið æði langdregið. Hefur
það starf reynzt flóknara og vandasam-
ara en í fyrstu var hugað. Er talið að
því valdi meðal annars reikningsskil
milli Flugleiða hf. og Amarflugs hf.,
sem ekki er samkomulag um. Hafi þau
sum hver skotið upp kollinum sem
óvænt vandamál þegar matsstörfin
virtust að öðru leyti til lykta leidd.
Er enn starfað að matsgerðinni og
þykir sýnt að ekki verði skilyrðinu um
sölu Arnarflugs hf. fullnægt fyrir aðal-
fundinn i dag.
Stjórnarfrumvarpið gerir ráð fyrir að þeir sem ekki hafi náð 15 ára aldri og séu
undir 150 cm á hæð þurfi ekki að nota öryggisbelti f bilum.
Stjómarfrumvarp á Alþingi:
Skylda að nota
bflbelti f f ram-
sætum eftir 1. júní
í frumvarpi til laga sem ríkisstjóm-
in hefur lagt fyrir Alþingi er gert ráð
fyrir því að 1. júní nk. gangi í gildi
lagaskylda varðandi notkun öryggis-
belta í framsætum bifreiða á tslandi.
Eftir þann tima má enginn sitja
óspenntur í framsæti þegar ekið er á
vegum nema ekið sé aftur á bak
og/eða sérstök undanþága ráðherra
komi til. Samkvæmt nýju lögunum
mega þó allir sem ekki hafa náð 15
ára aldri og ekki ná 150 cm hæð
skrölta lausir í framsætum eftir sem
áður.
Samhliða ákvæðinu um skyldu til
notkunar öryggisbelta er í stjórnar-
fmmvarpinu nú heimild til ,,að aka á
reiðhjóli og leiða reiðhjól á gangstíg-
um og gangstéttum, ef það er ekki til
hættu eða óþæginda fyrir aðra veg-
farendur. Þó má ekki aka léttu bif-
hjóli á gangstígum og stéttum eða
flytja á þvi farþega. ”
Loks eru ákvæði í nýja frumvarp-
inu um að heilbrigðis- og trygginga-
ráðuneyti skipi einn af 18 fulltrúum í
Umferðarráði.
Mjög hefur verið um það deilt
hvort lögleiða ætti notkun bílbelta
hér eða ekki. t greinargerð frum-
varpsins er rakinn gangur mála i þess-
um efnum hér á landi. Sagt er að
þrátt fyrir fræðslu og áróður um
notkun frá þvl að sett var í lög að allir
bílar sem til landsins komu eftir 1.
jan. 1969 skyldu búnir öryggisbeltum
hafi notkun þeirra litið aukizt hér á
landi.
Bent er á að Norræna umferðar-
öryggisráðið mæli eindregið með
skyldu til notkunar bílbelta þar sem
tæknilegar og læknisfræðilegar at-
huganir staðfesti að notkun öryggis-
belta fækki dauðsföllum, dragi úr
tölu slasaðra og meiðsli verði minni
en ella beri slys að höndum.
Þá er og bent á að á Norðurlönd-
unum hafi notkun öryggisbelta verið
lögleidd 1975 og 1976 og árangurinn
orðið góður.
Undanþáguákvæði lagaskyldunnar
um notkun öryggisbelta eru mörg í
nýja stjómarfrumvarpinu. Þannig er
ekki skylt að hafa öryggisbelti spennt
þegar ekið er aftur á bak. Sama gildir
um akstur á bifreiðastæðum, við
bensínstöðvar, viðgerðarverkstæði
eða við svipaðar aðstæður. Þeir sem
ekki eru orðnir 15 ára em undan-
þegnir notkunarskyldunni svo og þeir
sem lægri eru en 150 cm. Heimilt er
ráðherra að setja fieiri undanþágu-
reglur.
Lagaskylda er ekki um notkun bíl-
belta í leigubifreiðum í leiguakstri.
Séu leigubifreiðir í öðrum akstri gildi
skyldan.
í skýringum við lagafrumvarpið er
sagt að lagaskyldan um bílbelti gildi
ekki „utan vega, svo sem á lóðum,
lendum, afréttum og almenningum
nema þar sé ekið um veg , ,í merking-
unni: gata, götuslóði, torg, brú,
húsasund, stígur eða þess háttar.
Sem fyrr segir er gert ráð fyrir að
lögin taki gildi 1. júni en eigi verði
refsað fyrir brot á reglum um notkun
öryggisbelta sem framin eru fyrir 1.
október 1981.
- A.St.
Bifröst, sumarheimili
allrar fjölskyldunna
15.6,—19.6. 4 daga orlof 475.00
29.6,— 4.7. 5 daga orlof 595.00
6.7,—13.7. viku orlof 930.00
13.7,—20.7. viku orlof 930.00
20.7,—27.7. viku orlof 930.00
27.7,— 3.8.
viku orlof
930.00
3.8,—10.8.
viku orlof
930.00
10.8,—17.8.
viku orlof
835.00
17.8,—24.8.
viku orlof
835.00
Aðstaða. Á 2ja manna herb. meö handlaug og útvarpi. Bókasafn, verslun og setu-
stofa. Sturtur, gufubað og íþróttasalur. Stutt í sund. Dagblöð og sími. Rómuð nátt-
úrufegurð.
Fæði. Stakar máltíðir eða afsláttar matarkort, hálft eða fullt fæði. Sjálfsafgreiðsla.
Börn. Frítt fæði með gistingu fyrir börn orlofsgesta til 8 ára aldurs. Matur á hálfvirði
fyrir 8—12 ára.
Matur og kaffi. Fyrir einstaklinga, starfshópa, fjölskyldufagnaði og hópferðir.
Pantið meö fyrirvara.
Ráðstefnur — fundir— námskeið. Fyrir allt að 90 manns. Leitið upplýsinga og
verðtilboöa.
ISLENSKUR ORLOFSSTADU
Pantanir og upplýsingar. 93-7500 Bifröst. _Ollumopinn!